ಪಯ್ಣಾರಿ.ಕೊಮ್ Poinnari.Com: Konkani Research, Konkani Study, Progressive Konkanni Literature, Konkani Writing, Konkani Poetry, Creative Writing, Konkani Books, Konkani Association, Konkani Work, Fiction Writing, Poetry Criticism, Poetry Contests, Writing C

[ಕವಿತಾ] ಎಕಾ ಕಣಾಚಿ ಕಾಣಿ (- ಲಿನೆಟ್ ಡಿ’ಸೋಜ್, ಕಾಂದಿವಲಿ, ಮುಂಬಯ್)

ವಯ್ಲೆಭಾರ್ ವಾಚ್ತಾನಾ ಹಿ ಎಕಾ ತಾಂದ್ಳಾಚಿ ಕಾಣಿ ಮ್ಹಳ್ಳೆಪರಿಂ ದಿಸ್ತಾ ಪುಣ್ ಕಣ್ ಮ್ಹಳ್ಳಿ ಇಮಾಜ್ ವ್ಹಾಪರ್ನ್ ಹಿಣೆಂ ಮನಶಾ ಜಿವಿತಾಕ್‌ಚ್ ಪಿಂತ್ರಾಯ್ಲಾಂ. ಧುಳಿಥಾವ್ನ್ ಆಯಿಲ್ಲೊ ಮನಿಸ್ ವೆತಾ ಧುಳಿಕ್‌ಚ್. ಪುಣ್ ಜಿವಿತಾ ಆವ್ದೆಂತ್ ಮನಶಾಕ್ ನಾಡುಂಕ್, ವೊಡುಂಕ್ ತಶೆಂಚ್ ಪಿಡ್ಡ್ಯಾರ್ ಕರುಂಕ್ ಜಾಯ್ತ್ಯಾ ಥರಾಚ್ಯೊ ನಲಿಯೊ ಯೆತಾತ್. ಜಿವಿತಾಂತ್ ಮುಕಾರ್ ಗೆಲ್ಲೆಪರಿಂಚ್ ಕಶ್ಟ್, ಆಕಾಂತ್, ದಗ್ದೊವ್ಣಿ, ತಶೆಂಚ್ ದೂಕ್ ಭಗುಂಕ್ ಆಸ್ತಾ. ಕಾಂಯ್ ಥೊಡ್ಯಾ ದಿಸಾಂಕ್ ಗ್ರೇಸ್ತ್‌ಕಾಯೆಚೆಂ ಭಗ್ ಲಾಭ್ಲೆಂ ತರೀ, ಆಯ್ಚ್ಯಾ ಕಾಳಾರ್ ಮನ್ಶಾಚ್ಯೊ ವಿಂಚವ್ಣ್ಯೊ ವೆಗಳ್ಯೊ ದೆಕುನ್ ಮೋಲ್ ಆಸುನ್‌ಯೀ ಮೋಲ್ ಹೊಗ್ಡಾವ್ನ್ ಅಖೇರಿಕ್ ಮಾತಿಯೆಕ್ ಪಾಂವ್ಚೆಂ ಚಿಂತಪ್ ಏಕ್ ಹಕೀಗತ್. ಹ್ಯಾ ಕವಿತೆಚೊ ರೋಸ್ ಚಾಕುಂಕ್ ತುಕಾಚ್ ಉಲೊ ದಿತಾಂ.

- ಸಂ

[ಕವಿತಾ] ಎಕಾ ಕಣಾಚಿ ಕಾಣಿ (- ಲಿನೆಟ್ ಡಿ’ಸೋಜ್, ಕಾಂದಿವಲಿ, ಮುಂಬಯ್)

ಎಕಾ ಕಣಾಚಿ ಕಾಣಿ ಶೆತ್ಕಾರಾನ್ ಜೊಗಾಸಣೆನ್ ಸಾಂಬಾಳ್ಳೆಂ ಮೊಳ್ಬಾಕ್ ಬುರಾಕ್ ಪಡುನ್ ಘಡ್ಗಡೊ ಪಾವ್ಸ್ ವೊತ್ಚೆವೆಳಾರ್ ಮೊವಾಳ್ ಮಾತಿಯೆಂತ್ ರೊಂಯ್ಲೆಂ ಕಣ್ ಖಿರ್ಲೊನ್ ವಾಡ್ತಚ್ ಬಗ್ಲೆನ್ ನಲಿಯೊಯ್ ಖಿರ್ಲಲ್ಯೊ ಪಿಸೊಳಿಂ ಕಿಡಿನಿ ಧೊಸ್ಲೆಂ ಶೆತ್ಕಾರಾನ್ ರಾಕುನ್ ವೆಲೆಂ ಕಣ್ ಆಸ್ಲೆಂ ಝಡ್ ಜಾಲೆಂ ಬೆಳೆಂ ದಿಲೆಂ ಲುಂವ್ಕಾರಾಂನಿ ತೆದ್ನಾಂ ಲುಂವ್ಲೆಂ ರಾಸ್ ಘಾಲೆಂ ಉಪ್ರಾಂತ್ ವ್ಹಾವಯ್ಲೆಂ ಬಡಯ್ಲೆಂ, ಉಡಯ್ಲೆಂ ಕಾತ್ ಕಾಡುನ್ ಬಜಾರಾಕ್ ವಿಖ್ಲೆಂ ಗಿರೆಸ್ತಾನ್ ಮೊಲಾಯ್ಲೆಂ ಶಿಜವ್ನ್ ಬೊಶಿಯೆಂತ್ ಘಾಲೆಂ ಭುರ್ಗ್ಯಾಂನಿ ಸೊಸೆಜ್-ಪಿಜ್ಜಾ ವಿಂಚುನ್ ಶಿತಾಕ್ ಖಚ್ರ್ಯಾಂತ್ ಘಾಲೆಂ ಮಾತಿಯೆಂತ್ ಜಲ್ಮುನ್ ಮಾತಿಯೆಂತ್ ವ್ಹಡ್ ಜಾವ್ನ್ ಖಿಣಾಚ್ಯಾ ಸುಖಾಕ್ ಚೊವುನ್ ಪರತ್ ಮಾತಿಯೆಕ್ ಪಾವ್ಲೆಂ ****** - ಲಿನೆಟ್ ಡಿ’ಸೋಜ್, ಮುಂಬಯ್. [ಜುಲಾಯ್, 2020]

	ಲಿನೆಟ್ ಡಿ’ಸೋಜ್, ಕಾಂದಿವಲಿ, ಮುಂಬಯ್: ಕಾರ್ಕಳ್‌ಚ್ಯಾ ಮಿಯಾರ್ ಗಾಂವ್ಚಿ ಬಾಯ್ ಲಿನೆಟ್ ಡಿ’ಸೋಜ್, ಕಾಂದಿವಲಿಂತ್ ವಸ್ತಿ ಕರ್ತಾ, ಶಿಕ್ಷಕಿ ಜಾವ್ನ್ ಭುರ್ಗ್ಯಾಂಕ್ ಶಿಕಯ್ತಾ. ಕಾಂದಿವಲಿಂತ್ಲ್ಯಾ ಕೊಂಕಣಿ ಸಂಘಟನಾಂತ್ ಕ್ರಿಯಾಳ್ ರಿತಿನ್ ವಾವ್ರ್ ಕರ್ಚ್ಯಾ ಹಿಣೆಂ ಸಾಹಿತಿಕ್ ಸ್ಪರ್ಧ್ಯಾಂನಿ ಇನಾಮಾಂ ಜೊಡ್ಲ್ಯಾಂತ್.
[kovita] Eka konnachi kanni* (- Linet DSouza, Kandivali, Mumbai)*
Voilebhar vachtana hi eka tandllachi kanni mholl'lleporim dista punn konn mholl'lli imaz vhaporn hinnem monoxa jivitak‌ch pintrailam. Dhullithaun ayil'lo monis veta dhullik‌ch. Punn jivita audent monoxak naddunk, voddunk toxench pidd'ddear korunk zaitea thoracheo nolio yetat. Jivitant mukar gel'leporinch koxtt, akant, dogdounni, toxench duk bhogunk asta. Kaim thoddea disank grest‌kayechem bhog labhlem tori, aichea kallar monxacheo vinchounneo vegolleo dekun mol asun‌yi mol hogddaun okherik matiek pamvchem chintop ek hokigot. Hea kovitecho ros chakunk tukach ulo ditam. - Som
[kovita] Eka konnachi kanni* (- Linet DSouza, Kandivali, Mumbai)*
Eka konnachi kanni xetkaran zogasonnen samball'llem mollbak burak poddun ghoddgoddo paus votchevellar movall matient romylem konn khirlon vaddtoch boglen nolioi khirloleo pisollim kiddini dhoslem xetkaran rakun velem konn aslem zhodd zalem bellem dilem lumvkaramni tednam lumvlem ras ghalem uprant vhauylem boddoilem, uddoilem kat kaddun bozarak vikhlem girestan molailem xizoun boxient ghalem bhurgeamni sosez-pijza vinchun xitak khochreant ghalem matient zolmun matient vhodd zaun khinnachea sukhak chovun porot matiek paulem **** - Linet DSouza, Mumbai.** [Jul, 2020]

	Linet DSouza, Kandivali, Mumbai: Karkoll‌chea miar gamvchi bai linett ddi’soz, kandivolint vosti korta, xikxoki zaun bhurgeank xikoita. Kandivolintlea konkonni songhottonant kriall ritin vaur korchea hinnem sahitik spordheamni inamam zoddleant.
[कविता] एका कणाची काणी (- लिनेट डी’सोज, कांदिवली, मुंबय)
वयलेभार वाचताना ही एका तांदळाची काणी म्हळ्ळेपरीं दिसता पूण कण म्हळ्ळी इमाज व्हापर्न हिणें मनशा जिविताक‌च पिंत्रायलां. धुळिथावन आयिल्लो मनीस वेता धुळीक‌च. पूण जिविता आवदेंत मनशाक नाडुंक, वोडुंक तशेंच पिड्ड्यार करुंक जायत्या थराच्यो नलियो येतात. जिवितांत मुकार गेल्लेपरिंच कश्ट, आकांत, दगदोवणी, तशेंच दूक भगुंक आसता. कांय थोड्या दिसांक ग्रेसत‌कायेचें भग लाभलें तरी, आयच्या काळार मनशाच्यो विंचवण्यो वेगळ्यो देकून मोल आसून‌यी मोल होगडावन अखेरीक मातियेक पांवचें चिंतप एक हकीगत. ह्या कवितेचो रोस चाकुंक तुकाच उलो दितां. - सं
[कविता] एका कणाची काणी (- लिनेट डी’सोज, कांदिवली, मुंबय)
एका कणाची काणी शेत्कारान जोगासणेन सांबाळ्ळें मोळबाक बुराक पडून घडगडो पावस वोतचेवेळार मोवाळ मातियेंत रोंयलें कण खिरलोन वाडतच बगलेन नलियोय खिरलल्यो पिसोळीं किडिनी धोसलें शेत्कारान राकून वेलें कण आसलें झड जालें बेळें दिलें लुंवकारांनी तेदनां लुंवलें रास घालें उपरांत व्हावयलें बडयलें, उडयलें कात काडून बजाराक विखलें गिरेसतान मोलायलें शिजवन बोशियेंत घालें भुर्ग्यांनी सोसेज-पिज्जा विंचून शिताक खचऱ्यांत घालें मातियेंत जल्मून मातियेंत व्हड जावन खिणाच्या सुखाक चोवून परत मातियेक पावलें **** - लिनेट डी’सोज, मुंबय.** [जुलाय, २०२०]

	लिनेट डी’सोज, कांदिवली, मुंबय: कार्कळ‌च्या मियार गांवची बाय लिनेट डी’सोज, कांदिवलिंत वसती कर्ता, शिक्षकी जावन भुर्ग्यांक शिकयता. कांदिवलिंतल्या कोंकणी संघटनांत क्रियाळ रितीन वावर कर्च्या हिणें साहितीक स्पर्ध्यांनी इनामां जोडल्यांत.


ದಾಯ್ಜ್.ಕೊಮ್

2004 ಥಾವ್ನ್ 2011 ಪರ್ಯಾಂತ್ ಕಾರ್ಯಾಳ್ ಆಸ್‌ಲ್ಲ್ಯಾ ದಾಯ್ಜ್.ಕೊಮ್ ಚೆರ್ ಪರ್ಗಟ್‌ಲ್ಲ್ಯಾ ವಿಂಚ್ಣಾರ್ ಸಾಹಿತಾಕ್ ಆಮಿ ಫುಡಿಲ್ಯಾ ದಿಸಾಂನಿ ಪಯ್ಣಾರಿ ವಾಚ್ಪ್ಯಾಂಕ್ ಲಾಭಯ್ತೆಲ್ಯಾಂವ್.