ಪಯ್ಣಾರಿ.ಕೊಮ್ Poinnari.Com: Konkani Research, Konkani Study, Progressive Konkanni Literature, Konkani Writing, Konkani Poetry, Creative Writing, Konkani Books, Konkani Association, Konkani Work, Fiction Writing, Poetry Criticism, Poetry Contests, Writing C

[ಕವಿತಾ] ಕವಿ ಮೆಲೊ(- ಪ್ರೇಮ್ ಮೋರಸ್)

ಆಯ್ಚೆಂ ಸಾಹಿತಿಕ್ ವರ್ತುಲ್ ಲಾಗ್ಶಿಲ್ಯಾನ್ ಪಳೆಲ್ಯಾರ್ ಹಿ ಕವಿತಾ ಸಮ್ಜುಂಕ್ ಚಡ್ ತ್ರಾಸ್ ನಾಂತ್. ದೋನ್ ಸಂಸಾರಾಂನಿ ಏಕ್ ಸಂಸಾರ್ ಹಕೀಗತೆಚೊ. ಖರೆಪಣಿಂ ಕವಿನ್ ಲಾಗ್ಶಿನ್ಯಾನ್ ವೊರಾವ್ನ್ ಪಳೆಜಾಯ್ ಆಸ್ಲೆಂ ಪುಣ್ ದುರ್ಭಾಗ್‌ಪಣ್ ಮ್ಹಳ್ಯಾರ್ ಚಡ್ತಾವ್ ಕವಿತಾ ಘಡ್ತೆಲೆ ಫಕತ್ ಸಬ್ಧಾಂಕ್ ಮೆಳಂವ್ಚ್ಯಾ ಕಲೆಪಾಟ್ಲ್ಯಾನ್ ಧಾಂವುಂಕ್ ಲಾಗ್ಲ್ಯಾತ್ ದೆಕುನ್ ತಾಣಿಂ ರಸ್ಚೊ ಸಂಸಾರ್ ವೆಗ್ಳೊ; ಕಾಲ್ಪನಿಕ್. ತಾಂತುಂ ತೀನ್ ಕಾಸಾಂಕ್‌ಯೀ ಮೋಲ್ ನಾ ದೆಕುನ್ ತಸಲೊ ಕವಿ ಮೆಲ್ಯಾರೀ ಜಿಯೆಲ್ಯಾರೀ ಕೊಣಾಕ್‌ಯೀ ಕಿತೆಂಯ್ ಫರಕ್ ಲಾಗನಾ ಮ್ಹಳ್ಳೆಂ ಚಿಂತಪ್ ಹ್ಯಾ ಕವಿತೆಚೆಂ ಮುಳಾವೆಂ ಚಿಂತಪ್.

- ಸಂ

[ಕವಿತಾ] ಕವಿ ಮೆಲೊ(- ಪ್ರೇಮ್ ಮೋರಸ್)

ಕವಿ ಮೆಲೊ ಕವಿನ್ ಘುಂತ್ಲೆ ಸಬ್ಧಾಕ್ ಸಬ್ಧ್ ಅರ್ಥ್ ತಾಚೊ ಮೆಳುಂಕ್ ನಾ ಕಿತೆಂ ಗಾಜಯ್ತಾ ಕಿತೆಂ ಫುಗಾರ್ತಾ ಸಂಸಾರಾಚಿ ಮಹಿಮಾ ವ್ಹಾಖಣ್ತಾ ವರ್ಣುಂಕ್ ತಿಚಿ ಸೊಭಾಯ್ ಕವಿತೆಂತ್ ಸಬ್ಧಾಂಚಿ ಜಾಲ್ಯಾ ಬಡಾಯ್ ಪ್ರಕೃತಿಕ್ ಕಾವಾತ್ಯಾನ್ ವೆಡೊ ಘಾಲಾ ಶಿವ್ಡಿ ಫುಲ್ಚಾ ಪಯ್ಲೆಂ ನಾರ್ಲಾಂನಿ ಸುಂರ್ಗಾರಾಯ್ಲಾಂ ಕವಿ ಕಿತೆಂ ಸಾಂಗುಂಕ್ ಆಶೆತಾ ಹಾಂಗಾ ಕಿತೆಂ ಘಡುನ್ ಆಸಾ ಖಂಯ್ಚರ್ ಪಳೆಲ್ಯಾರಿ ಕಾಳೊ ಧುಂವರ್ ಕವಿಚ್ಯಾ ವರ್ಣನಾಂತ್ ಭುಮಿ-ವಯ್ಕುಂಠಾಚೊ ಫೊರ್ ಕಾಳ್ಯಾ ಭಾಂಗ್ರಾನ್ ತಿಕಾ ಪಾಂಗುರ್ಲಾಂ ಉಸ್ವಾಸ್ ತಿಚೊ ವಿಕಾಳ್ ಜಾಲಾ ಕಿತೆಂ ಗಾಜಯ್ತಾ ಕಿತೆಂ ವಾಜಯ್ತ ಕವಿಚೆರ್ ಪ್ರಕೃತಿಕ್ ಕಾಂಠಾಳೊ ಆಯ್ಲಾ ಮಯ್ನೆ ಧಾಂವ್ಲೆ, ವರ್ಸಾಂ ಧಾಂವ್ಲಿಂ ಪ್ರಕೃತಿಚೊ ಕ್ರೋದ್ ಕವಿಚೆರ್ ಪಡ್ಲೊ ಸೊಭಿತ್ ಸುಂದರ್ ಪ್ರಕೃತಿ ರಾಗಾನ್ ಪೆಟ್ಲಿ ಕಾಳ್ಯಾ ಭಾಂಗಾರಾಸಂಗಿಂ ಕವಿ ಮೆಲೊ ****** - ಪ್ರೇಮ್ ಮೋರಸ್. [ಜ್ಯೂನ್, 2020]

	ಪ್ರೇಮ್ ಮೋರಾಸ್: ಮಂಗ್ಳುರ್ ವಿಶ್ವ್‌ವಿಧ್ಯಾಲಯಾಚ್ಯಾ ಸಾಂಜೆಚ್ಯಾ ಕೊಲೆಜಿಂತ್ ಎಮ್.ಎ. ಪದ್ಯುತ್ತರ್ ಶಿಕುನ್, ಮಂಗ್ಳುರ್‌ಚ್ಯಾ ಮಿಲಾರ್ ಕೊಲೆಜಿಂತ್ ಶಿಕಂವ್ಚೊ ಪ್ರೇಮ್ ಮೊರಾಸ್ ಏಕ್ ಉರ್ಭೆವಂತ್ ಕೊಂಕಣಿ ತಾಲೆಂತ್. ದಿವೊ ತಶೆಂಚ್ ಹೆರ್ ಪತ್ರಾಂನಿ ಸರಾಗ್ ಲೇಖನಾಂ ಬರಯ್ತಾ. ಕಥಾ-ಕವಿತಾಚೆರ್ ಸಯ್ತ್ ತಾಕಾ ಜಾಣ್ವಾಯ್ ಆಸಾ.
[kovita] Kovi melo* (- Prem Moras)*
Aichem sahitik vortul lagxilean pollelear hi kovita somzunk chodd tras nant. Don somsaramni ek somsar hokigotecho. Khoreponnim kovin lagxinean voraun pollezai aslem punn durbhag‌ponn mhollear choddtavo kovita ghoddtele fokot sobdhank mellomvchea kolepattlean dhamvunk lagleat dekun tannim roscho somsar vegllo; kalponik. Tantum tin kasank‌yi mol na dekun tosolo kovi meleari jieleari konnak‌yi kitem-i forok lagona mholl'llem chintop hea kovitechem mullavem chintop. - Som
[kovita] Kovi melo* (- Prem Moras)*
Kovi melo kovin ghuntle sobdhak sobdh orth tacho mellunk na kitem gazoita kitem fugarta somsarachi mohima vhakhonnta vornnunk tichi sobhai kovitent sobdhanchi zalea boddai prokritik kavatean veddo ghala xivddi fulcha poilem narlamni sumrgarailam kovi kitem sangunk axeta hanga kitem ghoddun asa khoinchor polleleari kallo dhumvor kovichea vornnonant bhumi-voikuntthacho for kallea bhangran tika pangurlam usvas ticho vikall zala kitem gazoita kitem vazoito kovicher prokritik kantthallo aila moine dhamvle, vorsam dhamvlim prokriticho krod kovicher poddlo sobhit sundor prokriti ragan pettli kallea bhangarasongim kovi melo **** - Prem Moras.** [Jun, 2020]

	Prem Moras: Mongllur vixv‌vidhealoyachea sanjechea kolejint M.A. Podyut'tor xikun, Mongllur‌chea Milar Collejint xikomvcho Prem Moras ek urbheunt Konkonni talent. Divo toxench her potramni sorag lekhonam boroita. Kotha-kovitacher soit taka zannvai asa.
[कविता] कवी मेलो(- प्रेम मोरास)
आयचें साहितीक वर्तूल लागशिल्यान पळेल्यार ही कविता समजुंक चड त्रास नांत. दोन संसारांनी एक संसार हकीगतेचो. खरेपणीं कवीन लागशिन्यान वोरावन पळेजाय आसलें पूण दुर्भाग‌पण म्हळ्यार चडताव कविता घडतेले फकत सब्धांक मेळंवच्या कलेपाटल्यान धांवुंक लागल्यात देकून ताणीं रसचो संसार वेगळो; काल्पनीक. तांतूं तीन कासांक‌यी मोल ना देकून तसलो कवी मेल्यारी जियेल्यारी कोणाक‌यी कितेंय फरक लागना म्हळ्ळें चिंतप ह्या कवितेचें मुळावें चिंतप. - सं
[कविता] कवी मेलो(- प्रेम मोरास)
कवी मेलो कवीन घुंतले सब्धाक सब्ध अर्थ ताचो मेळुंक ना कितें गाजयता कितें फुगार्ता संसाराची महिमा व्हाखणता वर्णुंक तिची सोभाय कवितेंत सब्धांची जाल्या बडाय प्रकृतीक कावात्यान वेडो घाला शिवडी फुल्चा पयलें नारलांनी सुंर्गारायलां कवी कितें सांगुंक आशेता हांगा कितें घडून आसा खंयचर पळेल्यारी काळो धुंवर कविच्या वर्णनांत भुमी-वयकुंठाचो फोर काळ्या भांग्रान तिका पांगुरलां उस्वास तिचो विकाळ जाला कितें गाजयता कितें वाजयत कविचेर प्रकृतीक कांठाळो आयला मयने धांवले, वर्सां धांवलीं प्रकृतिचो क्रोद कविचेर पडलो सोभीत सुंदर प्रकृती रागान पेटली काळ्या भांगारासंगीं कवी मेलो **** - प्रेम मोरास.** [ज्यून, २०२०]

	प्रेम मोरास: मंगळूर विश्व‌विध्यालयाच्या सांजेच्या कोलेजिंत एम.ए. पद्युत्तर शिकून, मंगळूर‌च्या मिलार कोलेजिंत शिकंवचो प्रेम मोरास एक उर्भेवंत कोंकणी तालेंत. दिवो तशेंच हेर पत्रांनी सराग लेखनां बरयता. कथा-कविताचेर सयत ताका जाण्वाय आसा.


ದಾಯ್ಜ್.ಕೊಮ್

2004 ಥಾವ್ನ್ 2011 ಪರ್ಯಾಂತ್ ಕಾರ್ಯಾಳ್ ಆಸ್‌ಲ್ಲ್ಯಾ ದಾಯ್ಜ್.ಕೊಮ್ ಚೆರ್ ಪರ್ಗಟ್‌ಲ್ಲ್ಯಾ ವಿಂಚ್ಣಾರ್ ಸಾಹಿತಾಕ್ ಆಮಿ ಫುಡಿಲ್ಯಾ ದಿಸಾಂನಿ ಪಯ್ಣಾರಿ ವಾಚ್ಪ್ಯಾಂಕ್ ಲಾಭಯ್ತೆಲ್ಯಾಂವ್.