ಪಯ್ಣಾರಿ.ಕೊಮ್ Poinnari.Com: Konkani Research, Konkani Study, Progressive Konkanni Literature, Konkani Writing, Konkani Poetry, Creative Writing, Konkani Books, Konkani Association, Konkani Work, Fiction Writing, Poetry Criticism, Poetry Contests, Writing C

[ಕವಿತಾ] ಪಪ್ಪಾ ತುಂ ಖಂಯ್ ತರಿ ಚುಕ್ತಾ... (- ಕಲ್ಪೇಶ್ ವೆರೆಂಕಾರ್)

ಹಿ ಕವಿತಾ ಬದ್ಲುನ್ ಯೆಂವ್ಚ್ಯಾ ಆಯ್ಚ್ಯಾ ಕಾಳಾಕ್ ಸೂಕ್ತ್. ದೀಸ್ಪಡ್ತ್ಯಾ ಧಾಂವ್ಣೆಂತ್ ಮನ್ಶಾ ನಾತಿಂ, ಆನಿ ಬಾಂದ್ ಬಾವ್ಲ್ಯಾಂನಿ ಘೆತ್ಲಾ. ದೆಕುನ್ ಶೆವೊಟಾಂತ್ ಸರ್ವಾಂಕ್ ಉರ್ತಾತ್ ಫಕತ್ ’ಚುರ್ಚುರೆ’. ಏಕ್ ಸೊಭಿತ್ ಕವಿತಾ, ಏಕ್ ಬಾಪುಯ್ ಆಪ್ಲ್ಯಾ ಭುರ್ಗ್ಯಾಕ್ ಸಯ್ತ್ ವೇಳ್ ದೀಂವ್ಕ್ ಸಕಾನಾಸ್ತಾಂ ಅಪ್ಲ್ಯಾ ಮನಾಂತ್ ಕರ್ಗೊಂಚೆಂ ಚಿಂತಪ್ ಸಂವೇದನಾತ್ಮಕ್ ರಿತಿನ್ ಪಿಂತ್ರಾಯಿಲ್ಲೆಂ ದಿಸೊನ್ ಯೆತಾ.

ಆಯ್ಚ್ಯಾ ಹ್ಯಾ ಧಾವ್ಪಳೀಚ್ಯಾ ಜಿಣೆಂತ್ ಸಗ್ಳಿಂ ನಾತಿ ಪಯ್ಸಾವಂಕ್ ಲಾಗ್ಲ್ಯಾ ಆನಿ ಹೆಂ ಖಬರ್ ಆಸೂಂನ್ ಲೆಗೀತ್ ಮನೀಸ್ ಕಾಂಯ್ ಕರ್ಪಾಕ್ ಶಕ್ನಾ. ಅಸೊಚ್ ಎಕ್ ಬಾಪೂಯ್ ಆಪ್ಲ್ಯಾ ಸಾನ್ ಚಲ್ಯೆಕಡ್ಲ್ಯಾನ್ ನಕ್ಳತ್ ಪಯ್ಸ್ ಜಾವಂಕ್ ಲಾಗ್ಲಾ ಹಾಚಿ ತಾಕಾ ಜಾಣೀವ್ ಆಸೂಂನ್ ಸುಧ್ದಾ ತೊ ಕಾಂಯ್ ಕರೂಂಕ್ ಶಕ್ನಾ. ತ್ಯಾ ನಿರ್ಶೆಲ್ಯಾ ಬಾಪಾಯ್ಚಿ ಭಾವ್ನಾ ತುಮ್ಚ್ಯಾಮುಖಾರ್ ಹಾಂವ್ ಕವಿತೆಂತ್ಲ್ಯಾನ್ ಸಾದರ್ ಕರ್ತಾ. ಕವಿತೆಚೆಂ ನಾಂವ್ ಜಾವಂನ್ ಆಸಾ ‘ಪಪ್ಪಾ ತುಂ ಖಂಯ್ ತರಿ ಚುಕ್ತಾ’.

- ಸಂ

[ಕವಿತಾ] ಪಪ್ಪಾ ತುಂ ಖಂಯ್ ತರಿ ಚುಕ್ತಾ... (- ಕಲ್ಪೇಶ್ ವೆರೆಂಕಾರ್)

ಪಪ್ಪಾ ತುಂ ಖಂಯ್ ತರಿ ಚುಕ್ತಾ... ಜಾಗ್ ಯೆತಾ ಜೆನ್ನಾ ಮ್ಹಾಕಾ ತೆನ್ನಾ ತುಂ ನ್ಹಿಂದಿಲ್ಲೆಂ ಆಸ್ತಾ ಅಪುರಬಾಯ್ ತುಜಿ ಕರ್ತಲೊ ಜಾಲ್ಯಾರ್ ತುಂ ತುಜ್ಯಾ ಸಪ್ನಾಂತ್ ಆಸ್ತಾ ಕಾಮಾಚ್ಯಾ ಧಾವ್ಪಳೀಂತ್ ತುಕಾ ವೆಳ್ ದಿವಂಕ್ ಶಕ್ನಾ ಹಾಂವ್ ಹಾಚೊ ಅರ್ಥ್ ಅಸೊ ನ್ಹಿ ಕಿ ಮೊಗ್ ತುಜೊ ಕರ್ನಾ ಹಾಂವ್ ತುಜೆ ತೆ ಪಪ್ಪಾ ಮ್ಹಣ್ಪಿ ಉತರ್ ಆಯ್ಕೂಂಕ್ ಮ್ಹಜೊ ಜೀವ್ ತಳ್ಮಳಟಾ ಮ್ಹಜೆಂ ಮನ್ ಮ್ಹಾಕಾ ಮ್ಹಣ್ಟಾ ಪಪ್ಪಾ ತುಂ ಖಂಯ್ ತರಿ ಚುಕ್ತಾ. ತುಂ ಬಾವ್ಲ್ಯಾಂಕಡೆನ್ ಉಲಯ್ತಾ ತೆ ಪಳೊವ್ನ್ ದೊಳೆ ಭರುಂನ್ ಯೆತಾತ್ ಮ್ಹಜೆಂ ಘರಾನ್ ಮನ್ಶಾಂ ಆಸ್ತನಾ ಬಾವ್ಲ್ಯಾಂನಿ ಘೆತ್ಲ್ಯಾ ತಾಂಚೆಂ ಜಾಗೆ ವೆಳ್ ಕಸೊ ದಿವಂ ಹಾಂವ್ ತುಕಾ ಹೆ ಮ್ಹಾಕಾ ಅಜೂನ್ ಸಮ್ಜನಾ ವೆಳ್ ದಿವಂಕ್ ಪಾವ್ಲೊ ನಾ ಜಾಲ್ಯಾರ್ ‘ಪಪ್ಪಾ’ ಮ್ಹಣ್ಪಾಚೆಂ ತುಂ ಮಾತ್ ಸೊಡೂಂಕ್ ನಾಕಾ **** - ಕಲ್ಪೇಶ್ ವೆರೆಂಕಾರ್**. [ಜ್ಯೂನ್, 2020]

	ಕಲ್ಪೇಶ್ ವೆರೆಂಕಾರ್: ಗೊಂಯ್ಚ್ಯಾ ಉಚ್ಚ್ ಮಾಧ್ಯಮಿಕ್ ವಿಧ್ಯಾಲಯಾಂತ್ ಜೀವ್‌ಶಾಸಿರ್ ಶಿಕಂವ್ಚೊ ಕಲ್ಪೇಶ್ ರಾ. ಶೆಟ್ ವೆರೆಂಕಾರ್ ಏಕ್ ಸಾಹಿತಿಕ್ ಮೊಗಿ. ಸಭಾರ್ ಕವಿತಾ ಸಾದರ್ ಕೆಲ್ಯಾತ್. ಕವಿತೆಸವೆಂ ಹೆರ್ ಪ್ರಕಾರಾಚೆಂ ಸಾಹಿತ್ ಸಯ್ತ್ ಖಾಯ್ಸ್ ಕರ್ತಾ.
[kovita] Poppa tum khoim tori chukta (- Kalpesh Verenker)
Hi kovita bodlun yemvchea aichea kallak sukt. Dispoddtea dhamvnnent monxa natim, ani band bauleamni ghetla. Dekun xevottant sorvank urtat fokot ’churchure’. Ek sobhit kovita, ek bapui aplea bhurgeak soit vell diunko sokanastam oplea monant korgonchem chintop somvedonatmok ritin pintrayil'lem dison yeta. Aichea hea dhaupollichea jinnent sogllim nati poisaunk laglea ani hem khobor asumn legit monis kaim korpak xokna. Osoch ek bapuy aplea san cholyekoddlean nokllot pois zaunk lagla hachi taka zannivo asumn sudhda to kaim korunk xokna. Tea nirxelea bapaichi bhauna tumcheamukhar hamv kovitentlean sador korta. Kovitechem namv zaumn asa ‘poppa tum khoim tori chukta’. - Som
[kovita] Poppa tum khoim tori chukta (- Kalpesh Verenker)
Poppa tum khoim tori chukta... Zag yeta jen'na mhaka ten'na tum nhindil'lem asta opurobai tuji kortolo zalear tum tujea sopnant asta kamachea dhaupollint tuka vell divonk xokna hamv hacho orth oso nhi ki mog tuzo korna hamv tuje te poppa mhonnpi utor aikunk mhozo jivo tollmollotta mhojem mon mhaka mhonntta poppa tum khoim tori chukta. Tum bauleankodden uloita te polloun dolle bhorumn yetat mhojem ghoran monxam astona bauleamni ghetlea tanchem zage vell koso divom hamv tuka he mhaka ozun somzona vell divonk paulo na zalear ‘poppa’ mhonnpachem tum mat soddunk naka **** - Kalpesh Vereker.** [Jun, 2020]

	Kalpesh Verenker: Gõychea uchch madhyomik vidhealoyant jivo‌xasir xikomvcho Kalpesh Ra. Shett Verenkar ek sahitik mogi. Sobhar kovita sador keleat. Kovitesovem her prokarachem sahit soit khais korta.
[कविता] पप्पा तूं खंय तरी चुकता... (- कल्पेश वेरेंकार)
ही कविता बदलून येंवच्या आयच्या काळाक सूक्त. दीस्पडत्या धांवणेंत मनशा नातीं, आनी बांद बावल्यांनी घेतला. देकून शेवोटांत सर्वांक उर्तात फकत ’चुर्चुरे’. एक सोभीत कविता, एक बापूय आपल्या भुर्ग्याक सयत वेळ दीवंक सकानासतां अपल्या मनांत कर्गोंचें चिंतप संवेदनात्मक रितीन पिंत्रायिल्लें दिसोन येता. आयच्या ह्या धावपळीच्या जिणेंत सगळीं नाती पयसावंक लागल्या आनी हें खबर आसूंन लेगीत मनीस कांय करपाक शकना. असोच एक बापूय आपल्या सान चल्येकडल्यान नकळत पयस जावंक लागला हाची ताका जाणीव आसूंन सुध्दा तो कांय करूंक शकना. त्या निर्शेल्या बापायची भावना तुमच्यामुखार हांव कवितेंतल्यान सादर करता. कवितेचें नांव जावंन आसा ‘पप्पा तूं खंय तरी चुकता’. - सं
[कविता] पप्पा तूं खंय तरी चुकता... (- कल्पेश वेरेंकार)
पप्पा तूं खंय तरी चुकता... जाग येता जेन्ना म्हाका तेन्ना तूं न्हिंदिल्लें आसता अपुरबाय तुजी करतलो जाल्यार तूं तुज्या सपनांत आसता कामाच्या धावपळींत तुका वेळ दिवंक शकना हांव हाचो अर्थ असो न्ही की मोग तुजो करना हांव तुजे ते पप्पा म्हणपी उतर आयकूंक म्हजो जीव तळमळटा म्हजें मन म्हाका म्हणटा पप्पा तूं खंय तरी चुकता. तूं बावल्यांकडेन उलयता ते पळोवन दोळे भरुंन येतात म्हजें घरान मनशां आसतना बावल्यांनी घेतल्या तांचें जागे वेळ कसो दिवं हांव तुका हे म्हाका अजून समजना वेळ दिवंक पावलो ना जाल्यार ‘पप्पा’ म्हणपाचें तूं मात सोडूंक नाका **** - कल्पेश वेरेंकार.** [ज्यून, २०२०]

	कल्पेश वेरेंकार: गोंयच्या उच्च माध्यमीक विध्यालयांत जीव‌शासीर शिकंवचो कल्पेश रा. शेट वेरेंकार एक साहितीक मोगी. सभार कविता सादर केल्यात. कवितेसवें हेर प्रकाराचें साहीत सयत खायस कर्ता.


ದಾಯ್ಜ್.ಕೊಮ್

2004 ಥಾವ್ನ್ 2011 ಪರ್ಯಾಂತ್ ಕಾರ್ಯಾಳ್ ಆಸ್‌ಲ್ಲ್ಯಾ ದಾಯ್ಜ್.ಕೊಮ್ ಚೆರ್ ಪರ್ಗಟ್‌ಲ್ಲ್ಯಾ ವಿಂಚ್ಣಾರ್ ಸಾಹಿತಾಕ್ ಆಮಿ ಫುಡಿಲ್ಯಾ ದಿಸಾಂನಿ ಪಯ್ಣಾರಿ ವಾಚ್ಪ್ಯಾಂಕ್ ಲಾಭಯ್ತೆಲ್ಯಾಂವ್.