ಪಯ್ಣಾರಿ.ಕೊಮ್ Poinnari.Com: Konkani Research, Konkani Study, Progressive Konkanni Literature, Konkani Writing, Konkani Poetry, Creative Writing, Konkani Books, Konkani Association, Konkani Work, Fiction Writing, Poetry Criticism, Poetry Contests, Writing C

[ಕವಿತಾ] ಉಪ್ಕಾರ್ (- ವಿನ್ಸೆಂಟ್ ಮಾರ್ಟಿಸ್)

ಮನಿಸ್ ಜಲ್ಮತಚ್ ಅಪ್ಸೊಚ್ ವ್ಹಡ್ ಜಾಯ್ನಾ. ತಾಕಾ ಪಾನೊ ದೀಂವ್ಕ್ ಆವಯ್ ಜಾಯ್, ಜೊಡುನ್ ಹಾಡ್ಚೊ ಬಾಪುಯ್ ಜಾಯ್, ಲಿಸಾಂವಾಂ ಶಿಕಂವ್ಚೆ ಮೆಸ್ತ್ರಿ ಜಾಯ್, ಬರೆ ಗೂಣ್ ಶಿಕಂವ್ಚೆ ಇಸ್ಟ್ ಜಾಯ್ ಆನಿ ಹ್ಯಾ ಸಗಳ್ಯಾಂಕ್ ಅಪಲ್ಯಾ ಫಾಯ್ದ್ಯಾಕ್ ಗಳ್ಸುನ್ ಮನಿಸ್ ಅನುಪ್ಕಾರಿ ಜಾತಾ ಕಸೊ? ಹ್ಯಾ ಚಿಂತಪಾಚ್ಯಾ ಬುನ್ಯಾದಿಚೆರ್ ಲಿಸಾಂವ್ ಸಾಂಗ್ಚಿ ಹಿ ಕವಿತಾ.

- ಸಂ

[ಕವಿತಾ] ಉಪ್ಕಾರ್ (- ವಿನ್ಸೆಂಟ್ ಮಾರ್ಟಿಸ್)

ಉಪ್ಕಾರ್ ಪಾನೊ ದಿಲ್ಲ್ಯಾ ಆವಯ್ಕ್ ಕೆದಿಂಚ್ ಉತರ್ ಪ್ರಾಯೆರ್ ವಿಸ್ರನಾಕಾ ಬರ್‍ಯಾ ಫುಡಾರಾಕ್ ಪಾವಯಿಲ್ಲ್ಯಾ ತುಜ್ಯಾ ಬಾಪಾಯ್ಚೊ ಹಾತ್ ಸೊಡಿನಾಕಾ ಜಾಣ್ವಾಯೆಚ್ಯಾ ಶಿಖರಾಕ್ ಚಡಯಿಲ್ಲ್ಯಾ ಶಿಕ್ಷಕಾಂ ಥಂಯ್ ಆಲಕ್ಷಾ ನಾಕಾ ಸುಖಾ ದುಖಾಂತ್ ಸಾಂಗಾತ್ ದಿಂವ್ಚ್ಯಾ ಸ್ತ್ರೀಯೆಕ್ ಕೆದಿಂಚ್ ಸಾಂಡಿನಾಕಾ ಕಷ್ಟಾ-ದುಖಾಂತ್ ಪಿಡೆ-ಶಿಡೆಂತ್ ಜಿವ್ಗಾತ್-ಚಿಂತ್ನಾಂಕ್ ಇಡೆಂ ದಿನಾಕಾ ಕಾಳ್ಜಾ ದಾರಾರ್ ಹಳೂ ಆವಾಜ್ ಕಾನ್ ದೀವ್ನ್ ಆಯ್ಕ್ ತಾಕಾ ತುರ್ತಾನ್ ದಾರ್ ಉಘಡ್ನ್ ಸೊಡ್ ಹರ್ಸುನ್ ಸ್ವಾಗತ್ ಕರ್ ತಾಕಾ ದೈವೀಕ್ ಉಜ್ವಾಡ್ ಶೀತಳ್ ವಾರೆಂ ಭರುನ್ ತಾಣೆ ರಚ್ಲಾಂ ತುಕಾ ಸದಾಂ ಗಾಜಯ್ ರುಜ್ವಾತ್ ತಾಚಿ ಜಿಣ್ಯೆಂತ್ ಜೊಡ್‍ಲ್ಲ್ಯಾ ಸರ್ವ್ ಉಪ್ಕಾರಾಂಚಿ ಯೋಜನ್ ತಾಚೆಂ ರೂಪಿತ್ ಜಾಂವ್ಚೆ ಆದಿಂ ನಿತಳ್ ವಾಟೊ ದಿಸ್ತಿತ್ ತುಕಾ **** - ವಿನ್ಸೆಂಟ್ ಮಾರ್ಟಿಸ್**. [ಜ್ಯೂನ್, 2020]

	ವಿನ್ಸೆಂಟ್ ಮಾರ್ಟಿಸ್: ಪಾಂಗ್ಳಾ ಫಿರ್ಗಜೆಚೊ ತಾಲೆಂತ್‌ವಂತ್. ’ಪಾಂಗ್ಳಾಚೊ ಪ್ರಕಾಸ್’ ಫಿರ್ಗಜ್ ಪತ್ರಾಚ್ಯಾ ಸಂಪಾದಕೀಯ್ ಸಮಿತಿಚೊ ಸಾಂದೊ, ಉಜ್ವಾಡ್ ತಶೆಂಚ್ ಹೆರ್ ಪತ್ರಾಂನಿ ಹಾಚಿಂ ಬರ್ಪಾಂ ಪರ್ಗಟ್ಲ್ಯಾಂತ್. ಸಂಗೀತ್ ತಶೆಂಚ್ ಅಭಿನಯಾಂತ್ ಸಯ್ತ್ ಅಪ್ಲೆಂ ತಾಲೆಂತ್ ದಾಕಯ್ಲಾಂ.
[kovita] Upkar (- Vincent Martis, Shankerpura)
Monis zolmotoch opsoch vhodd zaina. Taka pano diunko auy zai, zoddun haddcho bapui zai, lisamvam xikomvche mestri zai, bore gunn xikomvche istt zai ani hea sogolleank opolea faideak gollsun monis onupkari zata koso? hea chintopachea buneadicher lisamv sangchi hi kovita. - Som
[kovita] Upkar (- Vincent Martis, Shankerpura)
Upkar pano dil'lea auyk kedinch utor prayer visronaka bor‍ya fuddarak pauyil'lea tujea bapaicho hat soddinaka zannvayechea xikhorak choddoyil'lea xikxokam thoim alokxa naka sukha dukhant sangat dimvchea striyek kedinch sanddinaka koxtta-dukhant pidde-xiddent jivgat-chintnank iddem dinaka kallza darar hollu avaz kan diun aik taka turtan dar ughoddn sodd horsun svagot kor taka doivik ujvadd xitoll varem bhorun tanne rochlam tuka sodam gazoi rujvat tachi jinnyent zodd‍l'lea sorv upkaranchi yozon tachem rupit zamvche adim nitoll vatto distit tuka **** - Vincent Martis.** [Jun, 2020]

	Vincent Martis: Panglla firgojecho talent‌vont. ’Pangllacho Prokas’ firgoz potrachea sompadoki-i somiticho sando, ujvadd toxench her potramni hachim borpam porgottleant. Songit toxench obhinoyant soit oplem talent dakoilam.
[कविता] उपकार (- विन्सेंट मार्टीस)
मनीस जल्मतच अप्सोच व्हड जायना. ताका पानो दीवंक आवय जाय, जोडून हाडचो बापूय जाय, लिसांवां शिकंवचे मेसत्री जाय, बरे गूण शिकंवचे इसट जाय आनी ह्या सगळ्यांक अपल्या फायद्याक गळसून मनीस अनुपकारी जाता कसो? ह्या चिंतपाच्या बुन्यादिचेर लिसांव सांगची ही कविता. - सं
[कविता] उपकार (- विन्सेंट मार्टीस)
उपकार पानो दिल्ल्या आवयक केदिंच उतर प्रायेर विस्रनाका बर‍या फुडाराक पावयिल्ल्या तुज्या बापायचो हात सोडिनाका जाण्वायेच्या शिखराक चडयिल्ल्या शिक्षकां थंय आलक्षा नाका सुखा दुखांत सांगात दिंवच्या स्त्रीयेक केदिंच सांडिनाका कषटा-दुखांत पिडे-शिडेंत जिवगात-चिंत्नांक इडें दिनाका काळजा दारार हळू आवाज कान दीवन आयक ताका तुर्तान दार उघडन सोड हर्सून स्वागत कर ताका दैवीक उज्वाड शीतळ वारें भरून ताणे रचलां तुका सदां गाजय रुज्वात ताची जिण्येंत जोड‍ल्ल्या सर्व उपकारांची योजन ताचें रूपीत जांवचे आदीं नितळ वाटो दिसतीत तुका **** - विन्सेंट मार्टीस.** [ज्यून, २०२०]

	विन्सेंट मार्टीस: पांगळा फिर्गजेचो तालेंत‌वंत. ’पांगळाचो प्रकास’ फिर्गज पत्राच्या संपादकीय समितिचो सांदो, उज्वाड तशेंच हेर पत्रांनी हाचीं बर्पां पर्गटल्यांत. संगीत तशेंच अभिनयांत सयत अपलें तालेंत दाकयलां.


ದಾಯ್ಜ್.ಕೊಮ್

2004 ಥಾವ್ನ್ 2011 ಪರ್ಯಾಂತ್ ಕಾರ್ಯಾಳ್ ಆಸ್‌ಲ್ಲ್ಯಾ ದಾಯ್ಜ್.ಕೊಮ್ ಚೆರ್ ಪರ್ಗಟ್‌ಲ್ಲ್ಯಾ ವಿಂಚ್ಣಾರ್ ಸಾಹಿತಾಕ್ ಆಮಿ ಫುಡಿಲ್ಯಾ ದಿಸಾಂನಿ ಪಯ್ಣಾರಿ ವಾಚ್ಪ್ಯಾಂಕ್ ಲಾಭಯ್ತೆಲ್ಯಾಂವ್.