[ಕವಿತಾ] ಬದ್ಲಾವಣ್ (- ವಿಲ್ಮಾ ಬಾರೆಟ್ಟೊ)

ಬದ್ಲಾವಣ್

ಆಜ್ ಇಗರ್ಜ್ ಉಗ್ತಿ ಜಾಲ್ಯಾ ಪುಣ್
ಧಾಂಪಣ್ ಪಡ್ಲಾಂ ಲೊಕಾ ತೊಂಡಾಕ್
ಎಕಾಮೆಕಾಕ್ ವಳ್ಕೊಂಚೆ ಮಾನಾಯ್
ಮಾಸ್ಕ್ ವೋಡುನ್ ಪರ್ಕಿ ಜಾಲ್ಯಾತ್

ಜಾಗೊ ನಾ ತರೀ ಇಗರ್ಜೆ ಬಾಂಕಾರ್
ಎಕಾಮೆಕಾಕ್ ಚಿಡ್ಕೊನ್ ಬಸ್ತಾಲೆ ಪಯ್ಲೆಂ
ಆಜ್ ಹಾಂಕಾ ಪಳೆವ್ನ್ ಬಾಂಕ್ ಹಾಸ್ತಾತ್
’ಜಿವಾಚೆ ಆಶೆನ್ ದೋಗ್‍ಚ್ ಬಸ್ತಾತ್’

ಆಕೇರ್ ಜಾತೆಚ್ ಮೀಸ್ ಲೋಕ್
ಮೆಳ್ತಾಲೆ ಸುಖ್-ದುಖ್ ಉಲಯ್ತ್
ಆಕ್ರೇಚ್ಯಾ ಕಂತಾರಾ ಪಯ್ಲೆಂಚ್ ಆತಾಂ
ಘರಾ ಕುಶಿನ್ ಧಾಂವ್ತಾತ್

ಪಯ್ಲೆಂ ವಚೊಂಕ್ ಅಸಾ ಮಿಸಾ
ಎಕಾ ಥರಾಚಿ ಆತುರಾಯ್
ಆತಾಂ ಜಾಯ್ ಮಿಸಾಕ್ ವಚೊಂಕ್
ಎಕಾ ದಿಸಾಚಿ ತಯಾರಾಯ್

ಆಗ್ಮೆಂತ್ ಶೆಣವ್ನ್ ಖುರ್ಸಾ ಗುರ್ತ್ ಕಾಡುನ್
ಇಗರ್ಜೆ ಭಿತರ್ ಪ್ರವೇಶ್ ತೆದ್ನಾಂ
ಆಗ್ಮೆಂತ್ ನಾಂ ಸ್ಯಾನಿಟಯ್ಸರ್ ಲಾವುನ್
ಭಿತರ್ ಸರ್ಚೊ ಆವೇಶ್ ಆತಾಂ

ಖೊಂಕ್ಲಿ-ಶಿಂಕ್ ಕಾಡ್ಲಿ ತರ್ ಭಿತರ್
ತಕ್ಲಿ ಗುಂವ್ಡಾವ್ನ್ ದೊಳೆ ವಾಟಾರ್‍ನ್ ಲೋಕ್
ಚೊಯ್ತಾತ್ ಎಕಾಮೆಕಾಕ್ ಭಿಂಯಾನ್
ಧಾಡಿತ್ ಮ್ಹಣ್ ವಿಗಾರ್ ನಾಂವ್ ಆಪವ್ನ್ ಭಾಯ್ರ್

 ******

- ವಿಲ್ಮಾ ಬಾರೆಟ್ಟೊ. [ಜ್ಯೂನ್, 2020]

[kovita] Bodlaunn (-  Wilma Baretto)

Bodlaunn

Az igorz ugti zalea punn
dhamponn poddlam loka tonddak
ekamekak vollkonche manai
mask voddun porki zaleat

zago na tori igorje bankar
ekamekak chiddkon bostale poilem
az hanka polleun bank hastat
’jivache axen dog‍ch bostat’

aker zatech mis lok
melltale sukh-dukh uloit
akrechea kontara poilench atam
ghora kuxin dhamvtat

poilem vochonk osa misa
eka thorachi aturai
atam zai misak vochonk
eka disachi toyarai

agment xennoun khursa gurt kaddun
igorje bhitor provex tednam
agment nam seanittoisor lavun
bhitor sorcho avex atam

khonkli-xink kaddli tor bhitor
tokli gumvddaun dolle vattar‍n lok
choitat ekamekak bhimyan
dhaddit mhonn vigar namv apoun bhair

******

- Wilma Baretto. [Jun, 2020]

[कविता] बदलावण (-  विल्मा बारेट्टो)

थोड्याच तेंपान संसारांत मनशान जियेवन आयिल्ली रीत, पात्येवन आयिल्लें चिंतप, पाळून आयिल्ल्यो रिती रिवाजो सयत बदलून सोडल्यात. ही बदलावण अनिवाऱ्य आनी भोव गर्जेची. सांकेतीक रितीन ही बदलावण दाकवपाची पूण मनीस अपणाथंय, अपल्या चिंत्पाची, अपल्या कर्नेची बदलावण केदनां करीत म्हळ्ळें सवाल ह्य कवितेचें मूळ चिंतप.

- सं

[कविता] बदलावण (-  विल्मा बारेट्टो)

बदलावण

आज इगर्ज उग्ती जाल्या पूण
धांपण पडलां लोका तोंडाक
एकामेकाक वळकोंचे मानाय
मासक वोडून पर्की जाल्यात

जागो ना तरी इगर्जे बांकार
एकामेकाक चिडकोन बसताले पयलें
आज हांका पळेवन बांक हासतात
’जिवाचे आशेन दोग‍च बसतात’

आकेर जातेच मीस लोक
मेळताले सूख-दूख उलयत
आक्रेच्या कंतारा पयलेंच आतां
घरा कुशीन धांवतात

पयलें वचोंक असा मिसा
एका थराची आतुराय
आतां जाय मिसाक वचोंक
एका दिसाची तयाराय

आगमेंत शेणवन खुर्सा गूर्त काडून
इगर्जे भितर प्रवेश तेदनां
आगमेंत नां स्यानिटयसर लावून
भितर सर्चो आवेश आतां

खोंकली-शिंक काडली तर भितर
तकली गुंवडावन दोळे वाटार‍न लोक
चोयतात एकामेकाक भिंयान
धाडीत म्हण विगार नांव आपवन भायर

******

-  विल्मा बारेट्टो. [ज्यून, २०२०]

ದಾಯ್ಜ್.ಕೊಮ್