ಪಯ್ಣಾರಿ.ಕೊಮ್ Poinnari.Com: Konkani Research, Konkani Study, Progressive Konkanni Literature, Konkani Writing, Konkani Poetry, Creative Writing, Konkani Books, Konkani Association, Konkani Work, Fiction Writing, Poetry Criticism, Poetry Contests, Writing C

[ಕವಿತಾ] ಹಿಶಾರೆ (- ಫೆಲ್ಸಿ ಲೋಬೊ, ದೆರೆಬಯ್ಲ್)

ಹಿ ಫಕತ್ ಥೊಡ್ಯಾ ಸಬ್ಧಾಂಚಿ ಕವಿತಾ ಮ್ಹಣುನ್ ಬಗ್ಲೆಕ್ ದವರ್ತೆಲ್ಯಾಂಕ್ ’ಹಿಶಾರೆ’ ಏಕ್ ಜಾಗ್ವಣ್ ದಿತಾ. ಜೆಮೆವ್ನ್ ಜಿಯೆತೆಲ್ಯಾ, ಮತಿಕ್ ಭಾಡ್ಯಾಕ್ ದಿವುನ್ ’ಕೆಲ್ಲೆಂಚ್ ಜಾತಾ’ ಮ್ಹಳ್ಳ್ಯಾ ಅಹಂಭಾವಾಕ್ ಬದ್ಲುಂಕ್ ವಾ ತ್ಯೇ ದಿಶೆನ್ ಜಾಗಂವ್ಕ್ ಪ್ರೇತನ್ ಕರ್ಚಿಂ ಬಳ್ವಂತ್ ಉತ್ರಾಂ ಹ್ಯಾ ಕವಿತೆಂತ್ ಆಸಾತ್.

ಆಮ್ಚೊ ದೇಸ್ ಕಾಯ್ದೆ ಕಾನುನಾಂಚೊ ದೇಸ್, ಮೆಟಾಂ ಮೆಟಾಂಕ್ ದೇವ್-ದೇವತೆಂಚ್ಯಾ ಯಾದಿಕ್ ಪಾಸತ್ ಪುತ್ಳ್ಯೊ ಉಭ್ಯೊ ಕರುನ್ ಪುಜಾ ಕರ್ಚೊ ದೇಸ್, ನ್ಹಂಯಾಂಕ್ ಸಯ್ತ್ ದೇವಿಂಚಿಂಚ್ ಲೊರಾಂ ದಿಲ್ಯಾಂತ್ ಪುಣ್ ಇತ್ಲೆಂ ಸರ್ವ್ ಆಸ್ಚ್ಯಾ ಆಮ್ಚ್ಯಾ ದೇಸಾಂತ್ ಸಯ್ತ್ ಯುಗಾಂ ಥಾವ್ನ್ ಅಜೂನ್ ಪಾಸತ್ ಸಂಘರ್ಷ್ ಕರುಂಕ್ ಪಡ್ಚೆಂ ಎಕಾ ಅಸ್ತುರೆಕ್ ಮ್ಹಳ್ಳೆಂ ಅಡ್ಹೂಕ್ ಸತ್ ಕೊಣೆಂಯ್ ನೆಗಾರ್ ಕರುಂಕ್ ಜಾಯ್ನಾಸ್ಚೆಂ. ಏಕ್ ಆವಯ್ ಜಾವ್ನ್, ಭಯ್ಣ್, ಬಾಯ್ಲ್, ಧುವ್, ಇಶ್ಟಿಣ್.... ಕಿತ್ಲೆಶ್ಯಾ ವೆಗ್-ವೆಗಳ್ಯಾ ರುಪಾಂನಿ ತಿ ಅಸ್ತುರಿ ಮೆಟಾಂ ಮೆಟಾಂಕ್ ತ್ಯಾಗ್ ಕರುನ್ ಮೋಗ್ ದಿವುನ್ ಯೆತಾ ತರ್‌ಯೀ ತೆಚ್ ಅಸ್ತುರೆಚೆರ್ ಜಾಂವ್ಚ್ಯಾ ಜುಲುಮಾಚಿಂ ರುಪಾಂ ಕೆದಿಶಿಂ ಮ್ಹಳ್ಳೆಂ ಹಿ ಕವಿತಾ ಸುಟಾವೆಂ ಸಾಂಗ್ತಾ.

ಕೊಂಕಣಿಂತ್ ಜೆರಾಲ್ ರಿತಿನ್ ಅಸ್ತುರಿ ಸಂವೇದನಾಚೆಂ ಸಾಹಿತ್ಯ್ ಉಣೆಂ ಆಸಾ. ಹ್ಯಾ ದಿಶೆನ್ ಬಾಯ್ ಫೆಲ್ಸಿ ಲೋಬೊಚೆಂ ಸಾಹಿತ್ಯ್ ಹೆರಾಂಕ್ ಪ್ರೇರಿತ್ ಕರುಂಕ್ ಸಕುಂದಿ ಮ್ಹಳ್ಳೆಚ್ ಮ್ಹಜೆ ಆಂವ್ಡೆ.

- ಸಂ

[ಕವಿತಾ] ಹಿಶಾರೆ (- ಫೆಲ್ಸಿ ಲೋಬೊ, ದೆರೆಬಯ್ಲ್)

ಹಿಶಾರೆ ತುಮ್ಚ್ಯಾ ಕೊಶೆಡ್ದಾನಿಂ ಮಾತ್ಸಿ ಬಿರ್ಮತೆಚಿ ಸಾಯ್ ಆಸ್ತಿ! ದುಖಿಚ್ಯಾ ಕಾಂತವ್ಣೆಕ್ ತಿಂ ಸುಸ್ಕಾರ್ತಿಂನಾಂತ್ ತುಮ್ಚ್ಯಾ ಕಾಳ್ಜಾಂನಿ ಮಾತ್ಸಿ ಮೊಗಾ ಝರ್ ವ್ಹಾಳ್ತಿ..! ಸಮಸ್ಯಾಂಚೆ ಸಾರಿಯೆರ್ ತಿಂ ಜಳ್ತಿಂನಾಂತ್... ತುಮ್ಚ್ಯಾ ಮನಾನಿಂ ಮಾತ್ಸಿ ದಯೆಚಿ ಲೊಣಿ ಆಸ್ತಿ..! ಆಕ್ಮಾನಾಚ್ಯಾ ಬಾಣಾಂಕ್ ತಿಂ ಕಿಸ್ಪೊರೊನ್ ವೆತಿಂನಾಂತ್.. ತುಮ್ಚ್ಯಾ ದೊಳ್ಯಾಂನಿ ಮಾತ್ಸಿ ನಿತಳ್ ದೀಷ್ಟ್ ವ್ಹಾಳ್ತಿ..! ದುಭಾವಾ ವ್ಹಾಳ್ಯಾಂತ್ ತಿಂ ವ್ಹಾಳತ್ ವೆತಿಂನಾಂತ್... ತುಮ್ಚ್ಯಾ ಬಾವ್ಳ್ಯಾಂನಿ ಮಾತ್ಸಿ ಕುಮ್ಕೆ ಪಂಟಿ ಪೆಟ್ತಿ.! ಕುರ್ಡ್ಯಾ ಸಾಮಾಜೆಂತ್ ತಿಂ ಜಿಯೆಂವ್ಕ್ ಸಕ್ತಿಂ... ****** - ಫೆಲ್ಸಿ ಲೋಬೊ, ದೆರೆಬಯ್ಲ್ [ಮಾಯ್, 2023]

	ಫೆಲ್ಸಿ ಲೋಬೊ, ದೆರೆಬಯ್ಲ್: ಏಕ್ ಶಿಕ್ಷಕಿ ಜಾವ್ನ್ ವಾವ್ರ್ ಕರ್ಚಿ ಹಿ ಕವಿತಾ, ಲೇಕನಾಂ, ಸಮೀಕ್ಶಾ ಬರಯ್ತಾ. ಕವಿಸಮ್ಮೇಳನಾಂನಿ ಕವಿತಾ ಸಾದರ್ ಕೆಲ್ಯಾತ್. ಸಮಾಜಿಕ್ ಜಾಗರಣ್ ದಿಂವ್ಚಿ ಶ್ಯಾಥಿ ಆಸ್ಚಿ ಬಾಯ್ ಫೆಲ್ಸಿ ಲೋಬೊ ದೆರೆಬಯ್ಲ್ ಅಸ್ತುರಿ ಸಂವೇದನಾಂಕ್ ಲಾಗುನ್ ವ್ಹಳ್ಕಿಚಿ ಜಾಲ್ಯಾ.
[kovita] Hixare* (- Felcy Lobo Derebail)*
Hi fokot thoddea sobdhanchi kovita mhonnun boglek dourteleank ’hixare’ ek zagvonn dita. Jemeun jietelea, motik bhaddeak divun ’kel'lench zata’ mholl'llea ohombhavak bodlunk va tye dixen zagounko preton korchim bollvont utram hea kovitent asat. Amcho des kaide kanunancho des, mettam mettank devo-deutenchea yadik pasot putlleo ubheo korun puza korcho des, nhomyank soit devinchinch loram dileant punn itlem sorv aschea amchea desant soit yugam thaun ozun pasot songhorx korunk poddchem eka osturek mholl'llem oddhuk sot konnem-i negar korunk zainaschem. Ek auy zaun, bhoinn, bail, dhuv, ixttinn.... Kitlexea veg-vegollea rupamni ti osturi mettam mettank teag korun mog divun yeta tor‌yi tech osturecher zamvchea zulumachim rupam kedixim mholl'llem hi kovita suttavem sangta. Konkonnint jeral ritin osturi somvedonachem sahity unnem asa. Hea dixen bai felsi lobochem sahity herank prerit korunk sokundi mholl'llech mhoje amvdde. - Som
[kovita] Hixare* (- Felcy Lobo Derebail)*
Hixare tumchea koxedd'danim matsi birmotechi sai asti! dukhichea kantounnek tim suskartimnant tumchea kallzamni matsi moga zhor vhallti..! somoseanche sarier tim zolltimnant... Tumchea monanim matsi doyechi lonni asti..! akmanachea bannank tim kisporon vetimnant.. Tumchea dolleamni matsi nitoll dixtt vhallti..! dubhava vhalleant tim vhallot vetimnant... Tumchea baulleamni matsi kumke pontti pett'ti.! kurddea samajent tim jieunko soktim... **** - Felcy Lobo Derebail** [May, 2023]

	Felcy Lobo, Derebail: Ek xikxoki zaun vaur korchi hi kovita, lekonam, somikxa boroita. Kovisom'mellonamni kovita sador keleat. Somajik zagoronn dimvchi xeathi aschi bai felsi lobo dereboil osturi somvedonank lagun vhollkichi zalea.
[कविता] हिशारे (फेल्सी लोबो, देरेबयल)
ही फकत थोड्या सब्धांची कविता म्हणून बगलेक दवर्तेल्यांक ’हिशारे’ एक जाग्वण दिता. जेमेवन जियेतेल्या, मतीक भाड्याक दिवून ’केल्लेंच जाता’ म्हळ्ळ्या अहंभावाक बदलुंक वा त्ये दिशेन जागवंक प्रेतन कर्चीं बळवंत उत्रां ह्या कवितेंत आसात. आमचो देस कायदे कानुनांचो देस, मेटां मेटांक देव-देवतेंच्या यादीक पासत पुतळ्यो उभ्यो करून पुजा कर्चो देस, न्हंयांक सयत देविंचिंच लोरां दिल्यांत पूण इतलें सर्व आसच्या आमच्या देसांत सयत युगां थावन अजून पासत संघरष करुंक पडचें एका असतुरेक म्हळ्ळें अडहूक सत कोणेंय नेगार करुंक जायनासचें. एक आवय जावन, भयण, बायल, धूव, इश्टिण.... कितलेश्या वेग-वेगळ्या रुपांनी ती असतुरी मेटां मेटांक त्याग करून मोग दिवून येता तर‌यी तेच असतुरेचेर जांवच्या जुलुमाचीं रुपां केदिशीं म्हळ्ळें ही कविता सुटावें सांग्ता. कोंकणिंत जेराल रितीन असतुरी संवेदनाचें साहित्य उणें आसा. ह्या दिशेन बाय फेल्सी लोबोचें साहित्य हेरांक प्रेरीत करुंक सकुंदी म्हळ्ळेच म्हजे आंवडे. - सं
[कविता] हिशारे (फेल्सी लोबो, देरेबयल)
हिशारे तुमच्या कोशेडदानीं मात्सी बिर्मतेची साय आसती! दुखिच्या कांतवणेक तीं सुसकार्तिंनांत तुमच्या काळजांनी मात्सी मोगा झर व्हाळती..! समस्यांचे सारियेर तीं जळतिंनांत... तुमच्या मनानीं मात्सी दयेची लोणी आसती..! आक्मानाच्या बाणांक तीं किस्पोरोन वेतिंनांत.. तुमच्या दोळ्यांनी मात्सी नितळ दीषट व्हाळती..! दुभावा व्हाळ्यांत तीं व्हाळत वेतिंनांत... तुमच्या बावळ्यांनी मात्सी कुमके पंटी पेटती.! कुर्ड्या सामाजेंत तीं जियेवंक सक्तीं... **** - फेल्सी लोबो, देरेबयल** [माय, २०२३]

	फेल्सी लोबो, देरेबयल: एक शिक्षकी जावन वावर कर्ची ही कविता, लेकनां, समीक्षा बरयता. कविसम्मेळनांनी कविता सादर केल्यात. समाजीक जागरण दिंवची श्याथी आसची बाय फेल्सी लोबो देरेबयल असतुरी संवेदनांक लागून व्हळकिची जाल्या.


ದಾಯ್ಜ್.ಕೊಮ್

2004 ಥಾವ್ನ್ 2011 ಪರ್ಯಾಂತ್ ಕಾರ್ಯಾಳ್ ಆಸ್‌ಲ್ಲ್ಯಾ ದಾಯ್ಜ್.ಕೊಮ್ ಚೆರ್ ಪರ್ಗಟ್‌ಲ್ಲ್ಯಾ ವಿಂಚ್ಣಾರ್ ಸಾಹಿತಾಕ್ ಆಮಿ ಫುಡಿಲ್ಯಾ ದಿಸಾಂನಿ ಪಯ್ಣಾರಿ ವಾಚ್ಪ್ಯಾಂಕ್ ಲಾಭಯ್ತೆಲ್ಯಾಂವ್.