|
ಸಂಸಾರಾಂತ್ ಆವಯ್
ದೆವಾಚೆಂ ಪ್ರತಿರೂಪ್ ಮ್ಹಳ್ಳೆಂ ಆಯ್ಕಲಾಂ. ಖರೊಖರ್ ಥೊಡ್ಯಾ
ವಿಷಯಾಕ್ ಹೆಂ ಸತ್. ತಿಚ್ಯೆಥಾವ್ನ್ ಅಮ್ಚೆಂ ರಚನ್,
ತಿಚ್ಯೆಥಾವ್ನ್‍ಜನನ್, ತಿಚೆಂ ಥಾವ್ನ್ ಪೋಷಣ್, ತಿಚ್
ಸಾಂಬಾಳ್ನಾರ್; ಪಡ್ನೆಂತ್, ರಡ್ನ್ಯಾಂತ್ ತಿಚ್ಚ್
ಭುಜ್ವಣ್ದಾರ್, ದುಖಾಂತ್ ಭುಕೆಂತ್ ಖಂತಿಂತ್ ತಿಚ್ಚ್
ಭರ್ವಸೊ, ಸಂಸಾರಿ ಪಯ್ಲೆಂ ಉಸ್ಕೆಂ, ಚೀಂವ್, ಭಾಸ್ ಆನಿ
ಚಲಪ್ ಆವಯ್ಚೆಂ. ಅನಿ ಅವಯ್ಚ್ ಬಾಳಾಕ್ ಸರ್ವಸ್ವ್ದೆಕುನು
ಮಾಂ ತುಕಾ ಹಜಾರ್ ಸಲಾಮ್.
ದೆವಾನ್‍ಕಾಂಯ್ ಹ್ಯಾ ಶತಮಾನಾಂತ್ ಆಪ್ಲೆಂ ಪ್ರತಿರೂಪ್
ಬದ್ಲಿಲಾಂ? ಕಾಂಯ್‍ಆಪ್ಲ್ಯೆರಚ್ನೆಚೆಂ ಕಾಮ್
ದಿಲ್ಲ್ಯಾದಾದ್ಲ್ಯಾ ಆನಿ ಸ್ತ್ರಿಯೆಚ್ಯಾ ಜವಾಬ್ದಾರೆಂತ್
ಸ್ತ್ರಿಯೆ ಥಂಯ್ ಕಠೋರಾಯೆಚಿ ಮತ್, ಕಾಂಠಾಳ್ಯಾಚಿ ಚಾಲ್,
ಕುಟ್ಮಾ ಜಿವಿತಾಚ್ಯಾ ಖೆಳ್ಕುಳ್ಯಾಂಚೊ ಖೆಳ್ ಗರ್ಬ್ ಸಾಪ್
ದವರ್ಚಿ/ಕರೊಂವ್ಚಿ ಚಾಲಾಕಿ ಬಿತರ್ ಪಿಸ್ವೊ ದುವ್ನ್
ನಿತಳಾಯ್ (?) ಜಬ್ಬೊರ್ ಮಾಫಾನ್ ದಿಲ್ಯಾಗಾಯ್? ಹಜಾರ್
ಸವಾಲಾಂ ದೊಸ್ತಾತ್ ಅನಿಂ ಅಶೆಂ ಸಾಂಗ್ಚ್ಯಾಂತ್‍ಕಾರಣಾಂ
ಆಸಾತ್. ದೊಳ್ಯಾಂ ಮುಕಾರ್ ಶೆಂಬೊರಾ ವರ್ಯ್ ಘಡಿತಾಂ ಆಸಾತ್‍ಕಿ,
ಜಿವಿ ಜಿವಿ ಸಾಕ್ಸ್‍ಜಾವ್ನ್ ನೆಣ್ತಿಂ ನೆಣ್ತಿಂ ಬಾಳಾಂ
ಮ್ಹಜೆ ಭೊಂವ್ತಿಆಸಾತ್ ದೊಳೆ ಉಗಾಡ್ಚ್ಯಾ ಪಯ್ಲೆಂ ದೊಳೆಂ
ಸಸ್ಣಾಕ್ ದಾಂಪ್ಲೆಲಿಂ.
ಸರ್ಕಾರಾನ್ ದಕ ಜಿಲ್ಲ್ಯಾಚ್ಯಾ ಭುರ್ಗ್ಯಾ ರಾಕಣೆಂ ಸಮಿತಿಚೊ
ಸಾಂದೊ ಜಾವ್ನ್, ಮ್ಹಾಕಾ ನೆಮ್ಲಲೊ ಆಸ್ತಾಂ, ಮ್ಹಜೆಂ ಸಮೊರ್
ತೆನ್ನಾ ಆಯ್ಲೆಲಿಂ ಥೊಡಿಂ ಕಠೋರ್ ಸತಾಂ ಹಾಂಗಾ ಉಲ್ಲೇಕ್‍ಕರ್ತಾಂ.
ಸವಿತಾ ಫಕತ್ 17 ವರ್ಸಾಂಚೆಂ. ದುಸ್ರ್ಯಾ ಪಿಯುಂತ್
ಶಿಕ್ತಾ.ಸಾಂಗಾತಿ ಚಲ್ಯಾಚ್ಯೆ ಸಳಾವಳಿಂತ್ ಆವಯ್ ಜಾಲೆಂ.
ಚಾರ್ ಮಯ್‍ನೆ ಒಗೆಂಚ್ ಆಸ್ಲೆಲ್ಯಾ ಸವಿತಾಕ್ (ತೆಂಯ್
ಕಾನೂನಾ ಪ್ರಕಾರ್ ಭುರ್ಗೆಂಚ್ಚ್, ತೆಂ ಹಾಂಗಾ ಗಮನಾರ್ಹ್)
ಅಪ್ಲ್ಯಾ ಕುಡಿಂತ್ಲಿಂ ಬದ್ಲಾವಣ್ ಮ್ಹಾರೊಗ್ ಪಡ್ಲಿ.
ಅಬರ್ಶನಾಕ್ ಸಬಾರ್ ಕಡೆ ಧಾಂವ್ಲೆಂ. ಚಲೊ ಚುಕಾರಿ ಮಾರ್ನ್
ಪೊಳ್ನ್ ಗೆಲ್ಲೊ. ಗರ್ಭಾಂತ್ಲ್ಯಾ ಮಾಸುಮ್ ಪಿಂಪ್ರ್ಯಾಕ್,
ಜಾಚಿ ಕಾಂಯ್ ಚುಕ್ ನಾಸ್ತಾಂ ತಾಕಾ ಶಿಂದುನ್, ಚಿರುನ್
ಭಾಯ್ರ್‍ಉಡೊಂವ್ಕ್ ಸವಿತಾನ್ ಒಳ್ಕಿಚ್ಯಾ ಹರ್ ನರ್ಸಿಂಗ್
ಹೋಮ್, ಆಸ್ಪತ್ರ್ಯಾಂನಿ ಸರ್ಕಸ್ ಕೆಲೆಂ. ಒಳ್ಕಿಚ್ಯಾ ಎಕಾ
ಮಿತ್ರಾಧ್ವಾರಿಂ ವಿಷಯ್ ಕಳ್‍ಲ್ಲ್ಯಾ ಆಮಿ ತಾಕಾ ಕಾಯ್ದ್ಯಾ
ಪ್ರಕಾರ್ ರಾಕಣ್ ಕರುನ್ ಭುರ್ಗ್ಯಾಂಕ್ ಜಲ್ಮ್ ದಿವಯ್ಶೆಂ
ಕೆಲೆಂ. ಆಜ್ ತೆಂ ಭೊವ್ ಸುಂದರ್ ಚಲ್ಯಾ ಭುರ್ಗ್ಯಾಂಕ್
ಬಾಳಾಂತ್ ಜಾಲಾಂ.ಸಮಾಜ್, ಕುಟಮ್, ಅಂತಸ್ತ್, ಪ್ರಾಯ್ ಆನಿ
ಫುಡಾರ್ ಚಿಂತುನ್ ಸವಿತಾ ಹ್ಯಾ ಭುರ್ಗ್ಯಾಂಕ್ ಅನಾಥ್ ಕರುನ್
ಸಾಂಡುನ್ ವೆಚೆಂ ಪಡ್ಲಾಂ. ಹಾಂಗಾಂ ಅವಯ್ಪಣ್ ಸಮಾಜ್ ಅನಿ
ಯುವ ದಾವೆ ಮುಖಾರ್ ಕರ್ಪೊನ್ ಗೆಲೆಂ.
ಹೆಂ ಏಕ್ ನಿದರ್ಶನ್
ಸವಿತಾಚೆಂ ಮಾತ್ರ್ ದಿಲೆಂ ತರಿ ದ.ಕ. ಜಿಲ್ಲ್ಯಾಂತ್ ಅಸಲ್ಯಾಂ
ಅಕ್ರಮ್ ಸಂಬಂಧಾ ಧ್ವಾರಿಂ, ಲಗ್ನಾ ಭಾಯ್ಲ್ಯಾ ಸಂಬಂಧಾ
ಧ್ವಾರಿಂ ಜಾಲ್ಲ್ಯಾ ಭುರ್ಗ್ಯಾಂಕ್ ಅನಾಥ್ ಕರುನ್ ಗೆಲ್ಲಿಂ
ದೆವಾಚಿಂ ಪ್ರತಿರೂಪ್ ಜಾಲ್ಲ್ಯೊ ಆವಯೊ
ಕಿತ್ಲ್ಯೊಕೋಣ್‍ಜಾಣಾಂ? ಪೂಣ್‍ಆಮ್ಚ್ಯಾ ಹಾತಾಕ್ ಪಾಟ್ಲ್ಯಾ
ಸ ಮಯ್‍ನ್ಯಾಂನಿ ಮೆಳ್‍ಲ್ಲಿಂ ಅಸಲಿಂ ಭುರ್ಗಿಂ ಸಾಟ್!
ಏ ಮಾಂ, ಅನಾಥ್‍ಕೆಲ್ಲ್ಯಾ ಹ್ಯಾ ಭುರ್ಗ್ಯಾಂಚೆ ತರ್ಫೆನ್
ತುಕಾ ಹಜಾರ್ ಸಲಾಮ್. ಸಲಾಮ್ ತಾಂಕಾಂ ಜಲ್ಮ್ ದಿಲ್ಲ್ಯಾಕ್!
ಸಲ್ಮಾ ಆನಿ ರೇಷ್ಮಾ, ಘರ್ಚಿ ದುಬ್ಳಿಕಾಯ್ ತಡ್ವುಂಕ್
ಜಾಯ್ನಾಶೆಂ ಘರ್ ಸೊಡ್ನ್ ವೆತಾತ್. ಗಾಂವಾಂತ್ ಕಿತೆಂ ಕಿತೆಂ
ಗುಸು ಗುಸು ಖಬರ್! ಪೊಲಿಸಾಂಕ್ ಕಂಪ್ಲೆಂಯ್ಟ್, ಹೆಣೆಂ ತೆಣೆಂ
ಸೊದ್ತಾತ್. ಚಲಿಯಾಂಚೊ ಪಾತ್ತೊ ನಾ. ಸಲ್ಮಾಕ್ ಸೊಳಾ ವರ್ಸಾ
ಆನಿ ರೇಷ್ಮಾಕ್ 18.
ಧಾ ದೀಸ್ ಸಂಪ್ಲೆ. ಚಲಿಯಾಂಚೊ ವಿಷಯ್ ನಿವ್ಲೊ. ಆವಯ್
ಪಯ್ಲಿಚ್ ಅಂತರ್‍ಲ್ಲಿ, ಬಾಪಯ್ನ್ ಲೊಕಾಚೆಂ ಉಲವ್ಣೆಂ
ಅಯ್ಕೊಂಕ್ ತಾಂಕಾಂ ನಾಶೆಂ ನೇತ್ರಾವತಿ ನ್ಹಂಯ್ತ್ ಜೀವ್
ಅರ್ಪಿಲೊ.
ಪಯ್ಶಿಲ್ಯಾ ಗೋವಾ ಥಾವ್ನ್ ಪಂದ್ರಾ ದೀಸಾಂ ಉಪ್ರಾಂತ್
ಆಮ್ಚ್ಯಾ ಸಮಿತಿಕ್ ತ್ಯಾ ಭುರ್ಗ್ಯಾಂಚಿ ಮಾಹೆತ್ ಲಾಬ್ಲಿ.
ಕಾರ್ಯಾಚರಣಾಂತ್ ಧಾಕ್ಟ್ಯಾಚಲಿಯೆಕ್ ಆಮಿ ವಾಂಚಾವ್ನ್ ಪಾಟಿಂ
ಹಾಡ್ಲೆಂ.ಪ್ರಥಮ್ ಚಿಕಿತ್ಸಾ, ಪಯ್ಲಿ ಮಾಹೆತ್ ಸಂಗ್ರಹ್ ತಶೆಂ
ವೈದಕೀಯ್ ತಪಾಸಣ್ ಕರ್ತಾಂ ಚಲಿ, ಪಾಟ್ಲ್ಯಾ ಬಾರಾ ದಿಸಾಂನಿ
ಸತತ್ ವೀಸ್ ದಾದ್ಲ್ಯಾಂಚ್ಯಾ ಕಾಮುಕಿ ಕರ್ತುಭಾಂಕ್ ಬಲಿ
ಜಾಲ್ಲೆಂ. ತೆಂಯ್ ಸ್ವಂತ್ ಬಾಪ್ಲ್ಯಾನ್ ಹ್ಯೆ ಚಲಿಯೆಕ್
ದಂದ್ಯಾಕ್ ವಿಕ್‍ಲ್ಲೆಂ. ಕಾಮಾಚ್ಯಾ ಭರ್ವಾಸ್ಯಾನ್
ಭುರ್ಗ್ಯಾಂಕ್ ಗೋವಾ ದಾಡುಲ್ಲೆಂ ಆಮ್ಚ್ಯಾಗಮನಾಕ್‍ಆಯ್ಲೆಂ.
ಚಲಿಯೆಚ್ಯಾ ತಪಾಸಣೆಂತ್ ಸಬಾರ್ ವಿಷಯ್ ಲಾಬ್ಲೆಲೆ ತರಿ ತೆಂ
ಮರೆಕಾರ್ ಎಚ್‍ಐವಿಕ್ ಒಳಗ್ ಜಾಲ್ಲೆಂ. ತ್ಯಾ ಭಾಯ್ರ್ ಚಲಿ
ಆವಯ್‍ಜಾಂವ್ಚ್ಯಾರ್ ಅಸ್‌ಲ್ಲೆಂ.
ಫಾಲ್ಯಾಂ ಹೆಂ ಭುರ್ಗೆಂ ಎಕಾ ಬಾಳ್ಯಾಕ್ ಜಲ್ಮ್ ದಿತೆಲೆಂ.
ಮಾರೆಕಾರ್ ಪಿಡೆ ಶಿಡೆಂತ್ ಜಲ್ಮ್ ಘೆಂವ್ಚೆಂ ಹೆಂ ಬಾಳ್ಶೆಂ,
ಫಾಲ್ಯಾಂ ರಸ್ತ್ಯಾರ್ ಸಾಂಡುನ್ ವೆತೆಲೆಂ. ಹಿಂ ಬಾಳ್ಶಿಂ
ಕೊಣಾಚಿಂ ಪ್ರತಿರೂಪಾಂ?
ಬಾರಾ ವರ್ಸಾ ಭಿತರ್ಲಿಂ ಎಚ್‍ಐವಿ ಆಸ್ಚಿಂ ಸುಮಾರ್ ದೋನ್
ಹಜಾರ್ ಭುರ್ಗಿಂ ಆಮ್ಚ್ಯಾ ಜಿಲ್ಲ್ಯಾಂತ್ ಆಸಾತ್. ಕೋಣಾ
ಚುಕಿನ್ ?
ಪಾಟ್ಲ್ಯಾ ದಿಸಾಂನಿ ಪತ್ರಾರ್‍ಏಕ್ ವ್ಹಡ್ ಅಕ್ಷರಾಚೆಂ
ಜಾಯ್ರಾತ್ ಪಳೆಲೆಂ. ಏಕ್ ತರ್ನಾಟೆ ಚಲಿಯೆಚೆಂ ಜಾಯ್ರಾತ್.
“ಮ್ಹಾಕಾ ಲಗ್ನ್ ಜಾಲಾಂ. ಮ್ಹಜ್ಯಾ ಭುರ್ಗ್ಯಾಕ್ ಜೊಕ್ತೊ
ಬಾಪುಯ್ ಜಾಂವ್ಚೊಂ ದಾದ್ಲೊ ಜಾಯ್.ವಿಂಚವ್ಣ್ ಮ್ಹಜಿಚ್
ಆಸ್ತೆಲಿ."
ಸರ್ವ್ ಸವ್ಲತೆ ಸಂಗಿಂ 50,000/- ಸಾಂಬಾಳ್. 2 ಮಯ್‍ನ್ಯಾ
ಉಪ್ರಾಂತ್ ಲೇಕ್‍ಪಾಕ್ ಚುಕ್ತಾ. ತ್ಯಾ ಉಪ್ರಾಂತ್
ಎಕಾಮೆಕಾಕ್ ಕಾಂಯ್ಚ್ ಸಂಬಂಧ್ ಆಸ್ಚೊನಾ/ ಆಸ್ಚೊನ್ಹಯ್ !”
ತಿಚೊ ಇಮೇಯ್ಲ್ ಎಡ್ರೆಸಿ ದಿಲ್ಲೊ. ತ್ಯಾ ಮತ್ಲಬಿ ಚಲಿಯೆಕ್
ಆಯ್‍ಲ್ಲಿಂ ಪತ್ರಾಂ 2 ಲಾಖ್ ಖಂಯ್. ಬಾಪುಯ್ ಕೊಣಿ ಜಾಂವ್ದಿ....
ಪೂಣ್ ಸವಾಲ್ ಆಜ್ ಆವಯ್ಪಣ್ ವಿಕ್ರ್ಯಾಕ್ ಪಡ್ಲಾಂ ತೆಂ
ವ್ಹಯ್‍ಮೂ ?
ದಾದ್ಲೊ ಸಾರ್ಕೊನಾ, ಕಠೀಣ್ ಪಿಯೆತಾ, ತೊ ಪಿಡೆಸ್ತ್, ತಾಕಾ
ಸಾಮರ್ಥಿ ನಾ, ತಾಕಾ ಪುರ್ಸಾತ್ ನಾ, ತಾಕಾ ಭುರ್ಗಿಂ
ಜಾಯ್ನಾಂತ್ ಮ್ಹಣ್ ದಾಕ್ತೆರಾನ್ ಸಾಂಗ್ಲಾಂ ಮ್ಹಳ್ಳೆಂ
ಆಧುನಿಕ್ ಸಾಂಗಪ್ ಆನಿ ಚಿಂತಪ್ ಕುಟ್ಮಾ ಜಿಣ್ಯೆಚೆಂ ರೂಪ್,
ಅಸ್ಥಿತ್ವ್ ಆನಿ ತತ್ವ್‍ಚ್ ಭೆಸಾಂ ಭೆಸಾಂ ಕರ್ತಾ. ಅಸಲ್ಯಾ
ಪಂಗ್ಡಾಚ್ಯಾ ಸ್ತ್ರಿಯಾಂ ಪ್ರಾಸ್ ಉಂಚ್ಲೊ ವರ್ಗ್ ಏಕ್ ಆಸಾ
ಜಾಂಚಿ ಜಾಪ್ “ ಅಮಿ ಸೋಶಿಯಲ್ , ತೊಯೀ ಸೋಶಿಯಲ್. ಎನ್‍ಜೊಯ್
ಲೈಫ್, ಜಸ್ಟ್ ಫೆÇರ್ ಎ ಚೆಂಜ್ ವಿ ಟ್ರೈಅದರ್ಸ್ , ಬಿ ಒಪನ್‍ಯಾರ್.....!“
ಅಸಲ್ಯಾ ಭಾಂದಾವಳಿಂತ್ ಜಲ್ಮ್ ಘೆಂವ್ಚಿಂ ಭುರ್ಗಿಂ ಕಶಿಂ
ವಾಗ್ತಿತ್?ಹ್ಯಾ ಆಧುನಿಕ್ ಚಿಂತ್ಪಾ ಶೈಲೆಚ್ಯಾದೇವ್
ಭಿರಾಂತ್, ನ್ಯಾಯ್ ನೀತ್ ನಾ ಆಸ್ಚ್ಯಾ; ಗಿರೆಸ್ತ್‍ಪಣಾಂತ್
ಕುಸೊನ್ ಅಸ್ಚ್ಯಾ ಕುಸ್ಡ್ಯಾಅಗ್ಗ್ಯಾಂ ಸಾರ್ಕ್ಯಾ ಅವಯ್ಚ್ಯೊ
ಕುಸ್ವ್ಯೊ ದೇವ್ ಕಿತ್ಯಾಕ್ ಹುಮ್ಟುನ್, ಕಿಮ್ಚುನ್ ಕಾಡಿನಾ?
ಸಗ್ಳೊ ಸಂಸಾರ್ ಜಿಕೊಂಕ್ ಸಕತ್ ಆಸ್ಚ್ಯಾ ಸುಭಾಂಗ್
ಬಾಪಾಯಾಂಕ್ ಕೊರೊಡಾಂನಿ ದುಡು ಜಮೊವ್ನ್ ದವರ್ಚಿ ಶ್ಯಾಥಿ
ಆಸಾ, ಕೇದ್ ಆಸ್ಲ್ಲ್ಯಾ ಕಡೆ ಗುಡ್ಡಾವ್ನ್, ಉದಕ್ ಆಸ್ಚೆ
ಕಡೆ ಧುವ್ನ್ ಚಲಿಯಾಂಕ್ ಸಿರಿಗುಂಡಿ ಬಾಂದ್ಪಾಸಾರ್
ಗಳ್ಪಾಸಾರ್ ಉಮ್ಕಾಳಾಂವ್ಚೆ ದಾದ್ಲೆ ಹರ್ ಸ್ತ್ರಿಯಾಂಚ್ಯಾ
ಅಸಲ್ಯಾ ಅಬಲ್‍ಪಣಾಂತ್ ಅಶಕ್ತ್‍ಪಣಾಂತ್ ಪ್ರಮುಖ್ ವಾಂಟೆಲಿ
ಆನಿ ಪಾತ್ರ್‍ದಾರಿ. ಅಸಲ್ಯಾ ಅನೀತ್ದಾರಾಂಕ್ ಕಸಲಿ ಶಿಕ್ಷಾ
ಫಾವೊ ಜಾಯ್ಚೆ ? ವಾಚ್ಪಿಚ್ ನಿತಿಕರ್ತ್ ಜಾಯಾ.
ದೆವಾನ್ ದಿಂವ್ಚೆಂ ಉತ್ತಿಮ್‍ದೆಣೆಂ“ ಭುರ್ಗಿಂ !” ಸಬಾರ್
ಕಾಜಾರಿ ವೊರ್ತ್ಯಾ ಜವ್ವಾಬ್ದಾರೆನ್ ಹೆಂ ಸ್ವೀಕರ್ಸಿತಾತ್.
ಬರಿಂ ಜಲ್ಮ್ ದಾತಾರಾಂ ತಾಂಚ್ಯಾ ಭುರ್ಗ್ಯಾಂಕ್ ಜತನ್,
ಪೋಷಣ್್, ರಕ್ಷಣ್, ಆನಿ ಫುಡಾರ್ ಫಾವೊ ಕರ್ತಾತ್. ಹಿಂ ದೇವ್
ಭಿರಾಂತೆಚಿಂ, ಗೌರವ್ ಆನಿ ಶಿಸ್ತೆಚಿಂ, ಆದರ್ಶ್ ಪಾಳ್ಚಿಂ
ಕುಟ್ಮಾಂ ಜಾವ್ನಾಸ್ತಾತ್.
ಕಸಲ್ಯಾಗಿ ಸಂಕಷ್ಟಾಂನಿ ಆಸ್ಚ್ಯಾ ಭುರ್ಗ್ಯಾಕ್, ನಿರಾಧಾರ್,
ನಿರ್ಗತಿಕಾಂಕ್, ಸಾಂಡ್‍ಲ್ಲ್ಯಾ ಆನಿ ಅನಾಥ್ ಭುರ್ಗ್ಯಾಂಕ್
ಸಮಾಜೆಂತ್ ಉಂಚ್ಲಿ ಮೌಲ್ಯಧಾರಿತ್ “ಪೊಸ್ಕೆಂ ಘೆಂವ್ಚಿ
ರಿವಾಜ್” ಶತಮಾನಾಂ ಥಾಂವ್ನ್ ಚಾಲ್ತೆರ್ ಆಸಾ. ವೆಳಾಕಾಳಾ
ತೆಕಿತ್ತ್ ತಾಚಿಂ ರೀತ್ ನೇಮಾ ಬದ್ಲಲ್ಯಾಂತ್ ತರಿಉದ್ದೇಶ್‍ತೊಚ್.
ಆವಯ್ ಬಾಪುಯ್ ನಾತ್‍ಲ್ಲ್ಯಾ ಅನಾಥಾಂಕ್ ಕುಟ್ಮಾಚೊ ಸಾಂದೊ
ಮ್ಹಣ್ ಅಧಿಕೃತ್ ರಿತಿನ್ ಸ್ವೀಕರ್ಸುಂಚೆಂ. ಹಾಂಗಾಂ ಜಾತ್,
ಧರ್ಮ್, ಪ್ರಾಯ್, ಚಲೊ ಚಲಿ ಹೆಂ ಪಳೆತೆಲಿಂಯಿ ಪೊಸ್ಕಿಂ
ಆಸ್ತಾತ್. ಖುದ್ದ್ ನ್ಹಯ್‍ತರಿ ಹೆರಾಂಕ್ ಲಾಭ್‍ಲ್ಲೆಂ,
“ದೆಣೆಂ” ಆಪ್ಲೆಂ ಮ್ಹಣ್ ಘೆಂವ್ಕ್, ಸ್ವೀಕರ್ಸುಂಕ್ ವ್ಹಡ್
ಮಾನಸಿಕ್ ತಯಾರಾಯ್ ಗರ್ಜ್.
ಅಸಲಿಂ ‘ ಪೊಸ್ಕೆಂ ‘ ಘೆಂವ್ಚೆಂ ಭುರ್ಗೆಂ 7 ವರ್ಸಾಂ
ವಯ್ಲೆಂತರ್ ಭುರ್ಗ್ಯಾಚಿ ಪರ್ವಣ್ಗಿ ಗರ್ಜೆಚಿ.
“ಪೊಸ್ಕ್ಯಾಕ್“
ಸ್ವೀಕರ್ಸಿಲ್ಲಿಂ ವ್ಹಡಿಲಾಂ ಸ್ವತಾಚೊ ಊಣ್ ಒಳ್ಕೊನ್,
ಕಷ್ಟ್ ಸಂಕಷ್ಟ್ ಸಮ್ಜೊನ್, ಭುರ್ಗ್ಯಾಚಿ ಜತನ್ ದೆವಾಚೆಂ
ಕಾಮ್ ಮ್ಹಣ್ ಮಾಂದ್ತಾತ್.
ಪುಣ್ ಬದ್ಲೊಂಚ್ಯಾ
ಸಮಾಜೆಂತ್ ಅನಾಚಾರಾನ್, ಅನೈತಿಕ್‍ಪಣಾನ್, ಅಬ್ಲೆಸಾನ್
ಬಾಜಾರಿ ಜಿಣ್ಯೆಂತ್ ಜೊಡ್‍ಲ್ಲ್ಯಾ ಸಂಬಧಾಚಿಂ ಎಕ್ಯೆ
ವಾಟೆನ್ ಭುರ್ಗಿಂ ಗರ್ಭಾಂತ್ ಸಮಾದಿ ಜಾತಾತ್, ತರ್
ದುಸ್ರ್ಯಾನ್ ಜಲ್ಮಲ್ಲ್ಯೆ ಘಡಿಯೆ ಆವಯ್ ಏಕ್ ಥೆಂಬೊ ದೂದಿ
ಬಾಳ್ಶ್ಯಾಕ್ ದಿನಾಸ್ತಾ ದಿಕ್ಕರ್ಸುನ್ ಸಾಂಡುನ್ ಘಾಲ್ಲಿಂ
ಬಾಳಾಂ ಆಸ್ರ್ಯಾಂತ್ ಸಮಾಜೆಚಿಂ ಖೆಳ್ಕುಳಾಂ ದಾಖಂವ್ಚೊ
ಆರ್ಸೊ ಜಾವ್ನ್‍ಆಸ್ತಾತ್.
ಫುಡ್ಲಿ ಪರಿಗತ್ ವೆಳಾರ್ ನಿಯಂತ್ರಿತ್ ಜಾಯ್ನಾ ತರ್,
ಮನ್ಶ್ಯಾ ಸಂತತೆಕ್ ಏಕ್ ಮಾರೆಕಾರ್ ಖರ್ಗ್ ಖಂಡಿತ್ ಯೆತೆಲೆಂ.
ಭಾಡ್ಯಾಕ್ ಬಾಪುಯ್! ಭಾಡ್ಯಾಚ್ಯೊ ಆವಯೊ! ಅನ್ಯ್
ದಾದ್ಲ್ಯಾಚೆಂ ಆರ್ಟಿಫಿûಶಿಯಲ್ ಗರ್ಭ್‍ಧಾರಣ್ ! ದೊಳೆ
ಕಿಡ್ನಿ ವಿಕ್‍ಲ್ಲ್ಯಾ ಪರಿಂ‘ ವೀರ್ಯ್’ ವಿಕಾಪ್. ಭುರ್ಗಿಂ
ವಿಕಾಪ್-ಘೆಂವ್ಚೆಂ ದಿಂವ್ಚೆಂ ಮಾಮುಲಿ ಜಾಲಾಂ. ಆಮಿ ಖಂಚ್ಯೆ
ದಿಶಾನ್ ಚಲ್ತೆ ಆಸಾಂವ್?
ದುಸ್ರ್ಯೆ ಕ್ಲಾಸಿಂತ್ ಶಿಕ್ಚ್ಯಾ ಹ್ಯೆ ಚಲಿಯೆಕ್ ಎಕಾ
ಮುಸ್ಲಿಂ ಕುಟ್ಮಾನ್ 600/- ರುಪ್ಯಾಂಕ್ ಮೊಲಾಕ್ ಘೆತ್‍ಲ್ಲೆಂ
ಸತ್ ವಿಟ್ಲಾಂತ್ ದಾಖಲ್ ಜಾಲಾಂ. ಇಸ್ಕೊಲಾಚ್ಯಾ ಕುಡಾ
ಥಾವ್ನ್ ರಾಂದ್ಪಾ ಕುಡಾಕ್ ಹ್ಯಾ ಭುರ್ಗ್ಯಾಕ್ ಟ್ರಾನ್ಸ್‍ಫರ್
ಕರ್ಚ್ಯಾಂತ್ ಇಸ್ಕೊಲಾಚಿಂ ವ್ಹಡಿಲಾಂ, ಹೊಸ್ಟೆಲಾಚಿ
ವಾರ್ಡನ್ ಆನಿ ಆವಯ್ ಶಾಮೀಲ್!
ಭುರ್ಗ್ಯಾಂಚೆಂ ವಿಕಾಪ್, ಆವಯ್ ಬಾಪಾಯ್ಚೆಂ
ಬೆಜವಾಬ್ದಾರಿಪಣ್‍ಧರ್ಮ್-ನೀತ್- ದೇವ್‍ಭಿರಾಂತ್ -ಶಿಸ್ತ್
ನಾಸ್ಚೆಂ ಶಿಕಪ್ ಆನಿ ಮೌಲ್ಯಾಂ ಆಮ್ಚ್ಯಾ ಸಮಾಜೆಕ್ ದುಬ್ಳೆಂ
ಕರ್ತಾಂ. ಕಠೀಣ್ ಅಸಹಾಯಕ್ ಕರ್ತಾ. ವ್ಹಡಿಲಾಂಕ್ ಪ್ರಾಯ್
ಬಸ್ಲ್ಯಾ. ಭುರ್ಗಿಂ ಲ್ಹಾನ್! ಜವಬ್ದಾರೆಚೆಂ ಜುಂ ಆತಾಂ
ಯುವಜಣಾಂ ವಯ್ರ್ ಆಸಾ.
ಕಿತ್ಲ್ಯಾಯುವ ಸಂಘಟನಾಂಕ್ ಹ್ಯಾ ವಿಷಯವಯ್ರ್ ಪ್ರಭಾವಿತ್‍ಕಾರ್ಯಿಂ
ಮಾಂಡುನ್ ಹಾಡುನ್ ನವೆಂ ರೂಪ್ ಸಮಾಜೆಕ್ ದಿಂವ್ಕ್ ಸಕತ್ ಆಸಾ
? ಮನ್ ಆಸಾ? ತಾಂಕ್ ಆಸಾ?
ಸವಾಲ್ ಚಿಂತ್ಪ್ಯಾಂಕ್ ..
ಅಪವ್ಣೆಂ ಕಾರ್ಯಾಕ್ ದೆಂವ್ಚ್ಯಾಕ್
(- ಜಿಯೊ ಆಗ್ರಾರ್,
ಎಪ್ರಿಲ್ 2016) |
