ಪಯ್ಣಾರಿ.ಕೊಮ್ Poinnari.Com: Konkani Research, Konkani Study, Progressive Konkanni Literature, Konkani Writing, Konkani Poetry, Creative Writing, Konkani Books, Konkani Association, Konkani Work, Fiction Writing, Poetry Criticism, Poetry Contests, Writing C

[ಕವಿತಾ] ಹಾವೆಂ ಪಳಯ್ಲಾಂ.... (- ವೈಷ್ಣವಿ ರಾಯ್ಕರ್)

ಜೆದನಾಂ ಮತಿಚಿ ದೀಶ್ಟ್ ಕುರ್ಡಿ ಜಾವ್ನ್ ಆಸ್ತಾ ತೆದನಾಂ ಆಮ್ಕಾಂ ಆಮ್ಚೆ ಬಗ್ಲೆಚೆಂ ಕಿತೆಂಚ್ ದಿಸಾನಾ. ಅಶೆಂ ಭಗತಾ ಕಿ ಹ್ಯಾ ಸಂಸಾರಾಂತ್ ಆಮಿಂಚ್ ಜಿಯೆತಾಂವ್, ಆಮ್ಚೆಶಿವಾಯ್ ಸಂಸಾರ್ ನಾ. ಪುಣ್ ಜೆದನಾಂ ಮತಿಚಿ ದೀಶ್ಟ್ ಜಾಗಿ ಆಸ್ತಾ ತೆದನಾಂಚ್ ಸಂಸಾರ್ ಮ್ಹಳ್ಯಾರ್ ಕಿತ್ಲೊ ವಿಸ್ತಾರ್ ಮ್ಹಳ್ಳೆಂ ಆಮಕಾಂ ಸಮ್ಜತಾ. ಹ್ಯಾ ಚಿಂತಪಾಚಿ ಕವಿತಾ ಹಿ.

- ಸಂ

[ಕವಿತಾ] ಹಾವೆಂ ಪಳಯ್ಲಾಂ.... (- ವೈಷ್ಣವಿ ರಾಯ್ಕರ್)

ಹಾವೆಂ ಪಳಯ್ಲಾಂ.... ಹಯ್! ಹಾವೆಂ ಪಳಯ್ಲಾಂ ಅಜಾಣ್ ವಿಚಾರಾಂಚ್ಯಾ ದೊಳ್ಯಾಂತ್ಲ್ಯಾನ್ ಸಪ್ನಾಂ ಉದೆಲ್ಯಾಂತ್......... ಧ್ಯೆಯಾಚೊ ಪರ್ಮಳ್ ಚಾರಯ್ ದಿಕಾಂನಿ ಪರಮ್ಳ್ಳಾ...... ಧ್ಯಾಸಾಚೊ ಪರ್ಜಳ್ ವಿಚಾರಮಂಥನ್ ಕರೂಂನ್ ಪರಜ್ಳ್ಳಾ...... ಹಯ್! ಹಾವೆಂ ಪಳಯ್ಲಾಂ ಮನ್ಮೆಕ್ಳ್ಯಾ ಹಾಶಾಂತ್ ದುಖ್ಖಾಚೊ ಮೊನೆಳ್ ಪಾಂಘ್ರೂಂನ್ ಬಶಿಲ್ಲ್ಯಾ ಥರ್ಥರಪಿ ಒಂಠಾಚೊ ಘುಸ್ಮಟಪಿ ಆವಾಜ್..... ಹಯ್! ಹಾವೆಂ ಪಳಯ್ಲಾಂ ಕಶ್ಟಲ್ಲ್ಯಾ ಹಾತಾಂಚೆ ಘಾವೆ ಆಪುಲಕೆಚ್ಯಾ ಸ್ಪರ್ಶಾಂನ್ ಭರೂಂನ್ ಯೆತ್ನಾ...... ಹಯ್! ಹಾವೆಂ ಪಳಯ್ಲಾಂ ಖಂಯ್ ತರಿ, ಶೆಣಿಲ್ಲ್ಯಾ ನಾತ್ಯಾಂಚೊ ಧಾಗೊ ಜೊಡ್ಟನಾ....... ಹಯ್! ಹಾವೆಂ ಪಳಯ್ಲಾಂ ಸ್ವತಾಕಚ್ ಸ್ವತಾಸರಿ ಸಮ್ಜಣೆಂಚಿ ಚಾರ್ ಉತ್ರಾಂ ಸಾಂಗ್ತನಾ...... ಹಯ್! ಹಾವೆಂ ಪಳಯ್ಲಾಂ... ಆನಿ ಪಳಯ್ತ್ ಆಸಾಂ ಅಣ್ಭವಾಚ್ಯಾ ವಳ್ಣಾಚಿ ವಾಟ್..... **** - ವೈಷ್ಣವಿ ರಾಯ್ಕರ್**. [ಅಗೊಸ್ತ್, 2020]

	ವೈಷ್ಣವಿ ರಾಯ್ಕರ್: ಎಮ್.ಎ, ಬಿ.ಎಡ್ ಶಿಕುನ್ ಗೊಂಯ್ಚ್ಯಾ ಮಡಗಾಂವಾಂತಲ್ಯಾ ಪ್ರೆಸೆಂಟೇಶನ್ ಕಾನ್ವೆಂಟ್ ಹಾಯ್ ಸ್ಕೂಲಾಂತ್ ಕೊಂಕಣಿ ಶಿಕಂವ್ಚ್ಯಾ ಹಿಣೆಂ ಸಭಾರ್ ಕವಿತಾ ಬರಯ್ಲ್ಯಾತ್, ಕವಿಗೋಶ್ಟಿಂನಿ ವಾಂಟೊ ಘೆತ್ಲಾ ತಶೆಂಚ್ ಸಾಹಿತಿಕ್ ಸ್ಪರ್ಧ್ಯಾಂನಿ ಇನಾಮಾಂ ಜೊಡ್ಲ್ಯಾಂತ್. ಹಿಚ್ಯಾ ಕವಿತೆಚೊ ಜಮೊ ’ಮನಭಂವರ್’ ಪರ್ಗಟ್ಲಾ.
[kovita] Havem polloilam* (- Vaishnnavi Raikar)*
Jedonam motichi dixtt kurddi zaun asta tedonam amkam amche boglechem kitench disana. Oxem bhogota ki hea somsarant aminch jietamv, amchexivai somsar na. Punn jedonam motichi dixtt zagi asta tedonanch somsar mhollear kitlo vistar mholl'llem amokam somzota. Hea chintopachi kovita hi. - Som
[kovita] Havem polloilam* (- Vaishnnavi Raikar)*
Havem polloilam... Hoi! havem polloilam ozann vicharanchea dolleantlean sopnam udeleant......... Dhyeyacho pormoll charoi dikamni poromll'lla...... Dheasacho porzoll vicharomonthon korumn porojll'lla...... Hoi! havem polloilam monmekllea haxant dukhkhacho monell panghrumn boxil'lea thorthoropi ontthacho ghusmottopi avaz..... Hoi! havem polloilam koxttol'lea hatanche ghave apulokechea sporxamn bhorumn yetna...... Hoi! havem polloilam khoim tori, xennil'lea nateancho dhago zoddttona....... Hoi! havem polloilam svotakoch svotasori somzonnenchi char utram sangtona...... Hoi! havem polloilam... Ani polloit asam onnbhovachea vollnnachi vatt..... ********** - Vaishnnavi Raikar.** [Aug, 2020]

	Vaishnnavi Raikar: M.A, B.Ed xikun Gõychea Moddogamvantolea Presentation Convent hai skulant Konkonni xikomvchea hinnem sobhar kovita boroileat, kovigoxttimni vantto ghetla toxench sahitik spordheamni inamam zoddleant. Hichea kovitecho zomo ’Monobhomvor’ porgottla.
[कविता] हावें पळयलां.... (- वैष्णवी रायकर)
जेदनां मतिची दीश्ट कुर्डी जावन आसता तेदनां आमकां आमचे बगलेचें कितेंच दिसाना. अशें भगता की ह्या संसारांत आमिंच जियेतांव, आमचेशिवाय संसार ना. पूण जेदनां मतिची दीश्ट जागी आसता तेदनांच संसार म्हळ्यार कितलो विसतार म्हळ्ळें आमकां समजता. ह्या चिंतपाची कविता ही. - सं
[कविता] हावें पळयलां.... (- वैष्णवी रायकर)
हावें पळयलां.... हय! हावें पळयलां अजाण विचारांच्या दोळ्यांतल्यान सपनां उदेल्यांत......... ध्येयाचो पर्मळ चारय दिकांनी परमळ्ळा...... ध्यासाचो पर्जळ विचारमंथन करूंन परजळ्ळा...... हय! हावें पळयलां मन्मेकळ्या हाशांत दुख्खाचो मोनेळ पांघ्रूंन बशिल्ल्या थर्थरपी ओंठाचो घुस्मटपी आवाज..... हय! हावें पळयलां कश्टल्ल्या हातांचे घावे आपुलकेच्या स्पर्शांन भरूंन येत्ना...... हय! हावें पळयलां खंय तरी, शेणिल्ल्या नात्यांचो धागो जोडटना....... हय! हावें पळयलां स्वताकच स्वतासरी समजणेंची चार उत्रां सांग्तना...... हय! हावें पळयलां... आनी पळयत आसां अणभवाच्या वळणाची वाट..... **** - वैष्णवी रायकर.** [अगोस्त, २०२०]

	वैष्णवी रायकर: एम.ए, बी.एड शिकून गोंयच्या मडगांवांतल्या प्रेसेंटेशन कान्वेंट हाय स्कूलांत कोंकणी शिकंवच्या हिणें सभार कविता बरयल्यात, कविगोश्टिंनी वांटो घेतला तशेंच साहितीक स्पर्ध्यांनी इनामां जोडल्यांत. हिच्या कवितेचो जमो ’मनभंवर’ पर्गटला.


ದಾಯ್ಜ್.ಕೊಮ್

2004 ಥಾವ್ನ್ 2011 ಪರ್ಯಾಂತ್ ಕಾರ್ಯಾಳ್ ಆಸ್‌ಲ್ಲ್ಯಾ ದಾಯ್ಜ್.ಕೊಮ್ ಚೆರ್ ಪರ್ಗಟ್‌ಲ್ಲ್ಯಾ ವಿಂಚ್ಣಾರ್ ಸಾಹಿತಾಕ್ ಆಮಿ ಫುಡಿಲ್ಯಾ ದಿಸಾಂನಿ ಪಯ್ಣಾರಿ ವಾಚ್ಪ್ಯಾಂಕ್ ಲಾಭಯ್ತೆಲ್ಯಾಂವ್.