ಪಯ್ಣಾರಿ.ಕೊಮ್ Poinnari.Com: Konkani Research, Konkani Study, Progressive Konkanni Literature, Konkani Writing, Konkani Poetry, Creative Writing, Konkani Books, Konkani Association, Konkani Work, Fiction Writing, Poetry Criticism, Poetry Contests, Writing C

[ಕವಿತಾ] ಕವಿ (- ನೀತಾ ಕುರ್ಟೀಕರ್)

ನಿಸರ್ಗ್, ಪ್ರಕೃತಿ, ಸಂಸಾರ್, ಮೊಳಬ್, ಪಾಚ್ವಿ ಧರ್ತಿ, ಸುರಯೊ, ದರಯೊ ಆನಿ ದರೇಕ್ ಜೀವಿ ಏಕ್ ಸೊಭಾಯ್. ಜೆದ್ನಾ ಕವಿ ಹ್ಯಾ ಎಕೆಕಾ ಸೊಭಾಯೆಕ್ ಉತ್ರಾಂನಿ ಕಯ್ದ್ ಕರುಂಕ್ ಲಾಗ್ತಾ ತೆದ್ನಾಂ ತಾಕಾ ಎಕೇಕ್ ನವೆ ಸಂಸಾರ್ ದಿಸುಂಕ್ ಲಾಗ್ತಾತ್ ಆನಿ ಎಕಾ ಸೊಭಾಯೆಥಂಯ್ ಸೊಭಾಯೆಚೆ ವೆಗ್-ವೆಗಳೆ ಸಂಸಾರ್ ದಿಸುಂಕ್ ಲಾಗ್ತಾತ್. ದೆಕುನ್ ಕವಿ ಚಿಂತುಂಕ್ ಲಾಗ್ತಾ; ಹ್ಯಾ ಸರವಾಂಕ್ ಉತ್ರಾಂನಿ ಕಯ್ದ್ ಕರುಂಕ್ ಏಕ್ ಜೀಣ್ ಪಾಂವ್ಚಿನಾ.

- ಸಂ

[ಕವಿತಾ] ಕವಿ (- ನೀತಾ ಕುರ್ಟೀಕರ್)

ಕವಿ ಎಕ್ ಕವಿ ಎಕ್ ದೀಸ್ ನಿಸರ್ಗಾಚ್ಯಾ ಮೊಗಾರ್ ಪಡ್ಲೊ ಎಕ್ಮುಳೊಚ್ ಬಸೂನ್ ತಾಂತುತಲೆಂ ಧನ್ ಸೊದೂಕ್ ಲಾಗ್ಲೊ… ಪಯ್ಲಿ ಪುಂಜಯ್ಲಿಂ ಉತ್ರಾಂ ಧನಾಂಚೆಂ ಕರುಂಕ್ ಕಥನ್ ಘೆತ್ಲೆಂ ಪಾಕ್ ಪಾನಪ್ತ್ರ್ ಉತ್ರಾಯಲೆ ವಿಚಾರ್ ಮಂಥನ್… ಕಿತ್ಲೆ ಗಿರೆಸ್ತ್ ಸೈಂಮ್ ಹೆ ವರ್ಣೀತ್ ತಿತ್ಲೆ ಥೊಡೆಚ್ ಥೊಡೆ ವನಾನಿ ವನ್ಚಾರಾ ರುಖಾಚೆರ್ ಶೆವ್ಣ್ಯಾಂ ಜೊಡ್ಪೆ… ಮಾತ್ಯೆಚೊ ಸುಪೀಕ್ ವಾಸ್ ಕಾಳ್ಜಾಚೊ ದರ್ಯಾ ಗಾಂಜ್ ಸುರ್ಯಾಚೊ ಹೂನ್ ದೀಸ್ ಚಂದ್ರಾಚಿ ಶಿತಳ್ ಸಾಂಜ್… ಮೆಳತ್ ತಿತ್ಲೆ ಘೆಯ್ತ್ ರಾವ್ಲೊ ತರಿ ಧನ್ ಸೊಪ್ನಾ ಸಗ್ಲೆಂ ಹೆಂ ಅಭ್ಯಾಸೂಂಕ್ ಎಕ್ ಜಲ್ಮ್ ಪಾವ್ಚೊನಾ… **** - ನೀತಾ ಕುರ್ಟೀಕರ್**. [ನವೆಂಬ್ರ್, 2020]

	ನೀತಾ ಕುರ್ಟೀಕರ್: ಕೊಂಕಣಿ ನಾಚ್, ಕವಿತಾ ಬರವ್ಪ್, ಕವಿತಾ ಸಾದರ್, ಕವಿತಾ ಸರ್ತ್ ಅಶೆಂ ವೆಗ್-ವೆಗಳ್ಯಾ ಪ್ರಕಾರಾಚೆರ್ ಅಪ್ಲಿ ಪ್ರತಿಭಾ ದಾಕವ್ನ್ ಇನಾಮಾಂ ಜೊಡ್ಲ್ಯಾಂತ್. ಗೊಂಯಾಂತ್ ವಸ್ತಿ ಕರುನ್ ಆಸಾ.
[kovita] Kovi* (- Neeta Kurtikar)*
Nisorg, prokriti, somsar, mollob, pachvi dhorti, suroyo, doroyo ani dorek jivi ek sobhai. Jedna kovi hea ekeka sobhayek utramni koid korunk lagta tednam taka ekek nove somsar disunk lagtat ani eka sobhayethoim sobhayeche veg-vegolle somsar disunk lagtat. Dekun kovi chintunk lagta; hea sorovank utramni koid korunk ek jinn pamvchina. - Som
[kovita] Kovi* (- Neeta Kurtikar)*
*Kovi* ek kovi ek dis nisrgachea mogat poddlo ekmulloch bosun tantutolem dhon soduk laglo… poili punzoilim utram dhonanchem korunk kothon ghetlem pak panoptr utraile vichar monthon… kitle girest soim'm' he vornnit title thoddech thodde vonani vonchara rukhacher xeunneam zoddpe… matyecho supik vas kallzacho dorea ganz sureacho hun dis chondrachi xitoll sanz… mellot title gheyt raulo tori dhon sopna soglem hem obheasunk ek zolm' pauchona… **** - Neeta Kurtikar.** [Nov, 2020]

	Neeta Kurtikar: Konkonni nach, kovita boroup, kovita sador, kovita sort oxem veg-vegollea prokaracher opli protibha dakoun inamam zoddleant. Gõyant vosti korun asa.
[कविता] कवी (- नीता कुर्टीकर)
निसर्ग, प्रकृती, संसार, मोळब, पाचवी धर्ती, सुरयो, दरयो आनी दरेक जीवी एक सोभाय. जेदना कवी ह्या एकेका सोभायेक उत्रांनी कयद करुंक लाग्ता तेदनां ताका एकेक नवे संसार दिसुंक लाग्तात आनी एका सोभायेथंय सोभायेचे वेग-वेगळे संसार दिसुंक लाग्तात. देकून कवी चिंतुंक लाग्ता; ह्या सरवांक उत्रांनी कयद करुंक एक जीण पांवचिना. - सं
[कविता] कवी (- नीता कुर्टीकर)
कवी एक कवी एक दीस निसर्गाच्या मोगात पडलो एकमुळोच बसून तांतुतलें धन सोदूक लागलो… पयली पुंजयलीं उतरां धनांचें करुंक कथन घेतलें पाक पानपत्र उतरायले विचार मंथन… कितले गिरेस्त सैंम हे वर्णीत तितले थोडेच थोडे वनानी वनचारा रुखाचेर शेवण्यां जोडपे… मातयेचो सुपीक वास काळजाचो दर्या गांज सुर्याचो हून दीस चंद्राची शितळ सांज… मेळत तितले घेयत रावलो तरी धन सोपना सगलें हें अभ्यासूंक एक जल्म पावचोना… **** - नीता कुर्टीकर.** [नवेंबर, २०२०]

	नीता कुर्टीकर: कोंकणी नाच, कविता बरवप, कविता सादर, कविता सर्त अशें वेग-वेगळ्या प्रकाराचेर अपली प्रतिभा दाकवन इनामां जोडल्यांत. गोंयांत वसती करून आसा.


ದಾಯ್ಜ್.ಕೊಮ್

2004 ಥಾವ್ನ್ 2011 ಪರ್ಯಾಂತ್ ಕಾರ್ಯಾಳ್ ಆಸ್‌ಲ್ಲ್ಯಾ ದಾಯ್ಜ್.ಕೊಮ್ ಚೆರ್ ಪರ್ಗಟ್‌ಲ್ಲ್ಯಾ ವಿಂಚ್ಣಾರ್ ಸಾಹಿತಾಕ್ ಆಮಿ ಫುಡಿಲ್ಯಾ ದಿಸಾಂನಿ ಪಯ್ಣಾರಿ ವಾಚ್ಪ್ಯಾಂಕ್ ಲಾಭಯ್ತೆಲ್ಯಾಂವ್.