[ಕವಿತಾ] ಕಶ್ಟಾಳುಂ ಬಾಯ್ಲ್ (- ನಾಮ್‌ದೇವ್ ಗ. ಸುರ್ಲಿಕಾರ್)

ಕಶ್ಟಾಳುಂ ಬಾಯ್ಲ್  


ದನ್ಪಾರ್ಚ್ಯಾ ವತಾ ಖಡಾರ್
ಚಲತ್ ವತಾಲಿ ತಿ ಶೆತಾಚೆ ದಿಕೆನ್
ಮಾಥ್ಯಾರ್ ಘೆವ್ನ್ ಬುತಿ ಶೀತ್ ಆನಿ
ಸುಕ್ಯಾಂ ಬಾಂಗ್ಡ್ಯಾಂಚಿ ಕಡಿ

ಅನ್ವಾಣಿ ಪಾಂಯಾನಿ ಚಲ್ತಾಲಿ
ಹಾಂಡೀರ್ ಘೆವ್ನ್ ಎಕಾ ಸಾನುಲ್ಯಾಚೆಂ ವಜೆಂ
ಸುರ್ಯ್ ವತಾನ್ ತೆಂ ಕಡ್ಟಾಲೆಂ
ಮದಿಂ ಮದಿಂ ರಡ್ಟಾಲೆಂ

ವಾಟೆಕ್ ಮಾಡಾಚೆ ಸಾವ್ಳೆಂತ್ ಬಸೂನ್
ಛಾತ್ಯೆಕಡೆನ್ ಧರೂನ್ ಪಾಜಯ್ತಾಲಿಂ
ಜೀವ್ನ್ ಅಮ್ರೂತ್
ಎಕ್ಲೆಂ ಹಾಂಡೀರ್ ದುಸ್ರೆಂ ಹಾತಾಂತ್
ತಿಸ್ರೆಂ ಗರ್ಭ್ ಕುಡೀತ್
ವ್ಹರ್ತಾಲಿ ತಿಗಾಂಯ್ಕಯ್
ಒಡೀತ್ ಆಮ್ಡೀತ್

ತಾಪಿಲ್ಲಿ ಮಾತಿ
ಪಾಯಾಂಕ್ ಮಾರ್ತಾಲಿ ಘಾಸ್
ತೊಪ್ತಾಲೆ ಕಾಂಟೆ
ವಾಟೆರ್ ಶಿಂಪ್ಡಲೆಲೆ

ಆವ್ಯ್ ಗೆ ಮ್ಹಾಕಾ ಉಖ್ಲೂನ್
ಹಾಂಡೀರ್ ಧರ್
ಚಲೂನ್ ಚಲೂನ್ ಪಾಂಯ್ ದುಖ್ಲೆ
ವತಾನ್ ಒಂಟ್ ಸುಕ್ಲೆ
ಆನೀಕ್ ಜಾಯ್ನಾ ಚಲೂಂಕ್

ತೊವೂಯ್ ಥಂಯ್
ವೊತಾಂತ್ ಕಶ್ಟ್ ಕರೂನ್
ಥಕ್ಲಾ ಜಾತ್ಲೊ
ಆಪ್ಲೆಚ್ ಭಿತರ್
ಮನಾತಲೆ ಮನಾತ್ ಉಲಯ್ಲಿ

ಸ್ವತಾಚೆಂ ದುಖ್ಣೆ ತಿ
ಸ್ವತಾಚ್ ಸೊಂಸ್ತಾಲಿ ಪಚಯ್ತಾಲಿ
ನಾಶಿಲ್ಲೊ ತಿಚೊ ಕೊಣ್
ಆಡಿ ಕುಶೀಚೊ ತಾಚೆ ಮುಖಾರ್
ಕರೂಂಕ್ ಮನಾಚೆಂ ಕುವಾಡೆ ಉಕ್ತೆಂ

ತಿಚಿ ಭಲಾಯ್ಕೀಯ್ ಹಾಲಿ
ನಾಸ್ತಾಲಿ ಬರಿ
ಆಪ್ಲ್ಯಾಂ ಭುರ್ಗ್ಯಾಂ ಖಾತೀರ್
ಸಗ್ಲ್ಯೊ ಚಿಂತಾ ಕುಶೀಕ್ ಸಾರಿ
ಎಕ್ ಶ್ರಮೀಕ್ ಬಾಯ್ಲ್
ಘರ್ ಸಂವ್ಸಾರಿ….
ಎಕ್ ಕಶ್ಟಾಳುಂ ಬಾಯ್ಲ್.

 ******

- ನಾಮ್‌ದೇವ್ ಗ. ಸುರ್ಲಿಕಾರ್. [ಸಪ್ತೆಂಬರ್, 2020]

[kovita] Koxttallum bail (- Namdev G Surlikar)

Koxttallum bail


donparchea vota khoddar
cholot votali ti xetache diken
mathear gheun buti xit ani
sukeam bangddeanchi koddi

onvanni pamyani choltali
handdir gheun eka sanuleachem vojem
sury votan tem koddttalem
modim modim roddttalem

vattek maddache saullent bosun
chhatyekodden dhorun pazoitalim
jiun omrut
eklem handdir dusrem hatant
tisrem gorbh kuddit
vhortali tigamykoi
oddit amddit

tapil'li mati
payank martali ghas
toptale kantte
vatter ximpddolele

auy ge mhaka ukhlun
handdir dhor
cholun cholun pam-i dukhle
votan ontt sukle
anik zaina cholunk

tovuy thoim
votant koxtt korun
thokla zatlo
aplech bhitor
monatole monat uloili

svotachem dukhnne ti
svotach somstali pochoitali
naxil'lo ticho konn
addi kuxicho tache mukhar
korunk monachem kuvadde uktem

tichi bholaiki-i hali
nastali bori
apleam bhurgeam khatir
sogleo chinta kuxik sari
ek xromik bail
ghor somvsari….
Ek koxttallum bail.

******

- Namdev G. Surlikar. [Sep, 2020]

[कविता] पणतीं (- नामदेव ग. सुर्लिकार)

दादलो प्रधान समाजेंत दादलो चड करून दादलोच जावन जियेताना एक असतुरेचीं रुपां मात्र वेग-वेगळीं, धूव जावन, भयण जावन, बायल जावन, आवय जावन तिका फकत दीवंक आसता. थोड्याच मयन्यादीं घड‌ल्लें हें घडीत; रेलवे स्टेशमांत, भुकेन व्हळवळोन, निदेंत‌च प्राण सांडलेल्या एका आवयक उटंवचो ल्हान भुर्गो. असल्यो कितलश्यो आवयो संसारांत आसात आनी मनशापणाची गवाय दिवून आसात.

- सं

[कविता] पणतीं (- नामदेव ग. सुर्लिकार)

कश्टाळूं बायल

दनपारच्या वता खडार
चलत वताली ती शेताचे दिकेन
माथ्यार घेवन बुती शीत आनी
सुक्यां बांगड्यांची कडी

अनवाणी पांयानी चलताली
हांडीर घेवन एका सानुल्याचें वजें
सुर्य वतान तें कडटालें
मदीं मदीं रडटालें

वाटेक माडाचे सावळेंत बसून
छातयेकडेन धरून पाजयतालीं
जीवन अमरूत
एकलें हांडीर दुसरें हातांत
तिसरें गर्भ कुडीत
व्हरताली तिगांयकय
ओडीत आमडीत

तापिल्ली माती
पायांक मारताली घास
तोपताले कांटे
वाटेर शिंपडलेले

आवय गे म्हाका उखलून
हांडीर धर
चलून चलून पांय दुखले
वतान ओंट सुकले
आनीक जायना चलूंक

तोवूय थंय
वोतांत कश्ट करून
थकला जातलो
आपलेच भितर
मनातले मनात उलयली

स्वताचें दुखणे ती
स्वताच सोंसताली पचयताली
नाशिल्लो तिचो कोण
आडी कुशीचो ताचे मुखार
करूंक मनाचें कुवाडे उकतें

तिची भलायकीय हाली
नासताली बरी
आपल्यां भुरग्यां खातीर
सगल्यो चिंता कुशीक सारी
एक श्रमीक बायल
घर संवसारी….
एक कश्टाळूं बायल.

******

-  नामदेव ग. सुर्लिकार. [सप्तेंबर, २०२०]

ದಾಯ್ಜ್.ಕೊಮ್