ಪಯ್ಣಾರಿ.ಕೊಮ್ Poinnari.Com: Konkani Research, Konkani Study, Progressive Konkanni Literature, Konkani Writing, Konkani Poetry, Creative Writing, Konkani Books, Konkani Association, Konkani Work, Fiction Writing, Poetry Criticism, Poetry Contests, Writing C

[ಕವಿತಾ] ಮನಾಚಿ ಸಪ್ನಾಂ (- ಕಲ್ಪೇಶ್ ವೆರೆಂಕಾರ್)

ಜಿವಿತಾಚೆ ಅರ್ಥ್ ಸಭಾರ್ ಕವಿಂನಿ ಸಭಾರ್ ರಿತಿಂನಿ ಸಮ್ಜಾಯ್ಲಾ. ಹ್ಯಾ ಸಭಾರ್ ಅರ್ಥಾಂನಿ ಏಕ್ ಅರ್ಥ್ ಅಸೊಯ್ ಆಸಾ; ಜಿವಿತ್ ಮ್ಹಳ್ಯಾರ್ ಸಪಣ್. ಜೆಂ ಮನಶಾಕ್ ಸದಾಂ ಕ್ರಿಯಾಳ್ ದವರುಂಕ್ ಸಕ್ಚೆತಸಲೆಂ. ಮನಿಸ್ ಚಿಂತುಂಕ್ ಸಕ್ತಾ ದೆಕುನ್ ತೊ ವೆಗ್-ವೆಗಳಿಂ ಸಪಣಾಂ ದೆಕುಂ ಸಕ್ತಾ. ಏಕ್ ಸಪಣ್ ಸಂಪ್ತಚ್ ಅನ್ಯೇಕ್ ಸಪಣ್, ತೆಂ ಸಂಪ್ತಚ್ ಅನ್ಯೇಕ್.. ಅಶೆಂ ಸಪಣ್ ದೆಕ್ಚಿ ಸವಯ್ ಮನ್ಶಾಚಿ ಸಾಸ್ಣಿಕ್. ಹೆಚ್ ಚಿಂತ್ಪಾಚ್ಯಾ ಪಾಠ್‌ಭುಂಯ್ಂಚೆರ್ ಉಭಿ ಕೆಲ್ಲಿ ಕವಿತಾ ಹಿ.

- ಸಂ

[ಕವಿತಾ] ಮನಾಚಿ ಸಪ್ನಾಂ (- ಕಲ್ಪೇಶ್ ವೆರೆಂಕಾರ್)

ಮನಾಚಿ ಸಪ್ನಾಂ ಪಿಪ್ಳಾಚ್ಯಾ ಪಾನಾಂವ್ರಿ ಚಂಚಲ್ ಆಮ್ಚಿಂ ಮನಾಂ ಆಯ್ಜ್ ಹೆಂ ವಿಚಾರ್ ಜಾಲ್ಯಾರ್ ಫಾಲ್ಯಾಂ ದುಸ್ರೀಂಚ್ ಸಪ್ನಾಂ ವಿಚಾರಾಂಕ್ ಆಮ್ಚ್ಯಾ ನಾಸ್ತಾ ಬಂದನ್ ನಾ ಬದಂನ್ ಆಮ್ಚ್ಯಾ ಸಪ್ನಾಂಕ್ ಆಯ್ಜ್ ಎಕ್ ವಿಚಾರ್ ಫುಲ್ಲೊ ಜಾಲ್ಯಾರ್ ಫಾಲ್ಯಾಂ ಯೆತಾ ದುಸ್ರೊ ಮನಾಂತ್ ಚಂಚಲ್ ಆಮ್ಚಿ ಮನಾಂ ಬದ್ಲೀತ್ ರಾವ್ತಾ ಆಪ್ಲಿ ಸಪ್ನಾಂ ಖಂಯ್ಚಿ ಖರಿ, ಫಟ್ ಖಂಯ್ಚಿ ಹೆಚ್ ತಾಕಾ ಕಳ್ನಾ ಹ್ಯಾಚ್ ಚಂಚಲ್ ಸಪ್ನಾಂನಿ ತಾಕಾ ದಿಸ್ತಾ ಫುಡಾರ್ ಆಪ್ಲೊ ಕಿತ್ಲೀಂಯ್ ಕಾಳ್ಖಿ ಆಸುಂ ತಾತೂಂತ್ ದಿಸ್ತಾ ಉಜ್ವಾಡ್ ಜಿಣೆಚೊ ಪುರಾಯ್ ಕರ್ಪಾಕ್ ಹಿಂ ಸಪ್ನಾಂ ತೊ ಜಿವೀತ್ ಆಪ್ಲೆಂ ಒಂಪ್ತಾ ಪೂಣ್ ಜಿಣೆಚ್ಯಾ ನಿಮ್ಣ್ಯಾ ಖಿಣಾಕ್ ಚಂಚಲ್ ಮನ್ ಸಪ್ನಾಂ ಬದ್ಲತಾ. **** - ಕಲ್ಪೇಶ್ ವೆರೆಂಕಾರ್**. [ನವೆಂಬ್ರ್, 2020]

	ಕಲ್ಪೇಶ್ ವೆರೆಂಕಾರ್: ಗೊಂಯ್ಚ್ಯಾ ಉಚ್ಚ್ ಮಾಧ್ಯಮಿಕ್ ವಿಧ್ಯಾಲಯಾಂತ್ ಜೀವ್‌ಶಾಸಿರ್ ಶಿಕಂವ್ಚೊ ಕಲ್ಪೇಶ್ ರಾ. ಶೆಟ್ ವೆರೆಂಕಾರ್ ಏಕ್ ಸಾಹಿತಿಕ್ ಮೊಗಿ. ಸಭಾರ್ ಕವಿತಾ ಸಾದರ್ ಕೆಲ್ಯಾತ್. ಕವಿತೆಸವೆಂ ಹೆರ್ ಪ್ರಕಾರಾಚೆಂ ಸಾಹಿತ್ ಸಯ್ತ್ ಖಾಯ್ಸ್ ಕರ್ತಾ.
[kovita] Monachi sopnam* (- Kalpesh Verenkar)*
Jivitache orth sobhar kovimni sobhar ritimni somzaila. Hea sobhar orthamni ek orth osoi asa; jivit mhollear soponn. Jem monoxak sodam kriall dourunk sokchetosolem. Monis chintunk sokta dekun to veg-vegollim soponnam dekum sokta. Ek soponn somptoch onyek soponn, tem somptoch onyek.. Oxem soponn dekchi souy monxachi sasnnik. Hech chintpachea patth‌bhumyncher ubhi kel'li kovita hi. - Som
[kovita] Monachi sopnam* (- Kalpesh Verenkar)*
Monachi sopnam pipllachea panamvri chonchol amchim monam aiz hem vichar zalear faleam dusrinch sopnam vicharank amchea nasta bondon na bodomn amchea sopnank aiz ek vichar ful'lo zalear faleam yeta dusro monant chonchol amchi monam bodlit rauta apli sopnam khoinchi khori, fott khoinchi hech taka kollna heach chonchol sopnamni taka dista fuddar aplo kitlim-i kallkhi asum tatunt dista ujvadd jinnecho purai korpak him sopnam to jivit aplem ompta punn jinnechea nimnnea khinnak chonchol mon sopnam bodlota. **** - Kalpesh Verenkar.** [Nov, 2020]

	Kalpesh Verenkar: Gõychea uchch madhyomik vidhealoyant jivo‌xasir xikomvcho Kalpesh Ra. Shett Verenkar ek sahitik mogi. Sobhar kovita sador keleat. Kovitesovem her prokarachem sahit soit khais korta.
[कविता] मनाची सपनां (- कल्पेश वेरेंकार)
जिविताचे अर्थ सभार कविंनी सभार रितिंनी समजायला. ह्या सभार अर्थांनी एक अर्थ असोय आसा; जिवीत म्हळ्यार सपण. जें मनशाक सदां क्रियाळ दवरुंक सकचेतसलें. मनीस चिंतुंक सक्ता देकून तो वेग-वेगळीं सपणां देकूं सक्ता. एक सपण संप्तच अन्येक सपण, तें संप्तच अन्येक.. अशें सपण देकची सवय मनशाची सासणीक. हेच चिंत्पाच्या पाठ‌भुंय्ंचेर उभी केल्ली कविता ही. - सं
[कविता] मनाची सपनां (- कल्पेश वेरेंकार)
मनाची सपनां पिपळाच्या पानांवरी चंचल आमचीं मनां आयज हें विचार जाल्यार फाल्यां दुसरींच सपनां विचारांक आमच्या नासता बंदन ना बदंन आमच्या सपनांक आयज एक विचार फुल्लो जाल्यार फाल्यां येता दुसरो मनांत चंचल आमची मनां बदलीत रावता आपली सपनां खंयची खरी, फट खंयची हेच ताका कळना ह्याच चंचल सपनांनी ताका दिसता फुडार आपलो कितलींय काळखी आसूं तातूंत दिसता उजवाड जिणेचो पुराय करपाक हीं सपनां तो जिवीत आपलें ओंपता पूण जिणेच्या निमण्या खिणाक चंचल मन सपनां बदलता. **** - कल्पेश वेरेंकार.** [नवेंबर, २०२०]

	कल्पेश वेरेंकार: गोंयच्या उच्च माध्यमीक विध्यालयांत जीव‌शासीर शिकंवचो कल्पेश रा. शेट वेरेंकार एक साहितीक मोगी. सभार कविता सादर केल्यात. कवितेसवें हेर प्रकाराचें साहीत सयत खायस कर्ता.


ದಾಯ್ಜ್.ಕೊಮ್

2004 ಥಾವ್ನ್ 2011 ಪರ್ಯಾಂತ್ ಕಾರ್ಯಾಳ್ ಆಸ್‌ಲ್ಲ್ಯಾ ದಾಯ್ಜ್.ಕೊಮ್ ಚೆರ್ ಪರ್ಗಟ್‌ಲ್ಲ್ಯಾ ವಿಂಚ್ಣಾರ್ ಸಾಹಿತಾಕ್ ಆಮಿ ಫುಡಿಲ್ಯಾ ದಿಸಾಂನಿ ಪಯ್ಣಾರಿ ವಾಚ್ಪ್ಯಾಂಕ್ ಲಾಭಯ್ತೆಲ್ಯಾಂವ್.