[ಕವಿತಾ] ಮಿನಾಖಣಿ (- ಕಲ್ಪೇಶ್ ವೆರೆಂಕಾರ್)

ಮಿನಾಖಣಿ

ಪೈಶಾಚ್ಯಾ ಹಾವೆಸಾನ್ ಪೆಟೂನ್
ಧರ್ತರೆಚ್ಯಾ ಕಾಳ್ಜಾಕ್ ಘಾತ್ಲೊ ಹಾತ್
ಖಣ್ ಖಣ್ ಖಣೂನ್
ತಾಣೆಂ ಸೈಮಾಚೊ ಕೆಲೊ ಘಾತ್

ಮನ್ಶಾನ್ ಆಪ್ಲ್ಯಾಚ್ ಪಾಯಾಂರ್ ಘಾಲೊ ಫಾತರ್
ಪಡ್ಲೊ ತಾಕಾ ಸೈಮಾಚೊ ವಿಸರ್
ಮಿನೈರ್ ಜಾವ್ನ್ ಪೈಸೊ ಕೆಲೊ
ಭುಂಯೆಕ್ ಸಾಮ್ಕೊ ಪೊಕ್ರೀತ್ ಗೆಲೊ

ಮಿನಾಂಚ್ಯಾ ಟ್ರಕಾನಿ ಘೆತ್ಲೆ ಬಳಿ
ಪ್ರದುಶಣ್ ಪಾತ್ಳ್ಳೆ ಜಳಿ-ಮಳಿ
ಧಾಪ್ಲಿ ಧುಲ್ಲಾನ್ ಘರಾಂ-ದಾರಾಂ
ಘುಸ್ಮಟಲಿ ಬಾಬ್ಡಿ ಝಾಡಾಂ-ಪೆಡಾಂ

ಮನೀಸಪಣಾಚೊ ಜಾಲೊ ಅಭಾವ್
ಮಿನಾಕ್ ಆಯ್ಲೊ ಸಗ್ಳೊ ಭಾವ್
ಮೆಳ್ಟಾ ಥಂಯ್ ತೊ ಖಣೂಂಕ್ ಲಾಗ್ಲೊ
ಭುಂಯೆಕ್ ಸಾಮ್ಕೊ ಪೊಖ್ರುಂಕ್ ಲಾಗ್ಲೊ

ದುಡ್ವಾಂನಿ ಜಾಲೊ ತೊ ಸಾಮ್ಕೊ ಸುಪೀಕ್
ಶೆತಾಂ ಭಾಟಾ ಕೆಲಿ ನಾಪೀಕ್
ಪಾದಿಶೆರ್ ಜಾಲೊ ನಿತಳ್ ಉದ್ಕಾಕ್
ಪಿಡೆನಿ ಘಾತ್ಲೊ ವೆಡೊ ಜಿವಾಕ್

ಕೆನ್ನಾ ಹೊ ಮನೀಸ್ ಸುಧಾರತಲೊ
ಸೈಮಾಚೆರ್ ಅತ್ಯಾಚಾರ್ ಥಾಂಬಯ್ತಲೊ
ಮನೀಸಪಣಾಚಿ ಗುಡಿ ಉಬಾರುನ್
ಸಂವ್ಸಾರಾಂತ್ ಸುಖಿ ತೊ ಜಿಯೆತಲೊ
 ******

- ಕಲ್ಪೇಶ್ ವೆರೆಂಕಾರ್. [ಸಪ್ತೆಂಬ್ರ್, 2020]

[kovita] Minakhonni (- Kalpesh Verenkar)

Minakhonni


poixachea havesan pettun
dhortorechea kallzak ghatlo hat
khonn khonn khonnun
tannem soimacho kelo ghat

monxan apleach payamr ghalo fator
poddlo taka soimacho visor
minoir zaun poiso kelo
bhumyek samko pokrit gelo

minanchea ttrokani ghetle bolli
produxonn patll'lle zolli-molli
dhapli dhul'lan ghoram-daram
ghusmottoli babddi zhaddam-peddam

monisoponnacho zalo obhavo
minak ailo sogllo bhavo
melltta thoim to khonnunk laglo
bhumyek samko pokhrunk laglo

duddvamni zalo to samko supik
xetam bhatta keli napik
padixer zalo nitoll udkak
piddeni ghatlo veddo jivak

ken'na ho monis sudharotolo
soimacher oteachar thamboitolo
monisoponnachi guddi ubarun
somvsarant sukhi to jietolo

******

- Kalpesh Verenkar. [Sep, 2020]

[कविता] मिनाखणी (- कल्पेश वेरेंकार)

मनीस स्वार्थाक लागून हेरांचें पिड्ड्यार करून गेलो. हांतूं नातीं, अपलीं, भांद म्हणून सयत लेकलें ना. इतलेंच न्हय. धर्तेचेर सयत हल्लो करून गेलो पूण ही धर्ती सयत अनुपकारी मनशाच्या ह्या सवयेक सोसून आसताना मधें मधें हीं अन्वारां मनशाक अपल्या किर्कोळ कर्नेंचेर नियाळुंक एक आवकास करून येता.

- सं

[कविता] मिनाखणी (- कल्पेश वेरेंकार)

मिनाखणी 


पैशाच्या हावेसान पेटून
धर्तरेच्या काळजाक घातलो हात
खण खण खणून
ताणें सैमाचो केलो घात

मनशान आपल्याच पायांर घालो फातर
पडलो ताका सैमाचो विसर
मिनैर जावन पैसो केलो
भुंयेक सामको पोक्रीत गेलो

मिनांच्या ट्रकानी घेतले बळी
प्रदुशण पातळ्ळे जळी-मळी
धापली धुल्लान घरां-दारां
घुस्मटली बाबडी झाडां-पेडां

मनीसपणाचो जालो अभाव
मिनाक आयलो सगळो भाव
मेळटा थंय तो खणूंक लागलो
भुंयेक सामको पोखरुंक लागलो

दुडवांनी जालो तो सामको सुपीक
शेतां भाटा केली नापीक
पादिशेर जालो नितळ उदकाक
पिडेनी घातलो वेडो जिवाक

केन्ना हो मनीस सुधारतलो
सैमाचेर अत्याचार थांबयतलो
मनीसपणाची गुडी उबारून
संवसारांत सुखी तो जियेतलो

******

- कल्पेश वेरेंकार. [सप्तेंबर, २०२०]

ದಾಯ್ಜ್.ಕೊಮ್