ಪಯ್ಣಾರಿ.ಕೊಮ್ Poinnari.Com: Konkani Research, Konkani Study, Progressive Konkanni Literature, Konkani Writing, Konkani Poetry, Creative Writing, Konkani Books, Konkani Association, Konkani Work, Fiction Writing, Poetry Criticism, Poetry Contests, Writing C

[ಕವಿತಾ] ಮ‌ನ್ಶಾತ‌ಡಿರ್ (- ಜೈಸನ್ ಸಿಕ್ವೇರಾ)

ಕಾಯ್ದೆ ಕಾನುನಾಂಕ್ ಆಮ್ಚ್ಯಾ ದೇಶಾಂತ್ ಬೊರ್ಗೊಳ್ ನಾ - ಬೊರ್ಗೊಳ್ ಆಸ್ಚೊ ನಯ್ತಿಕತೆಚೊ.
ದೇವಿ-ದೇವತಾಂಕ್ ಆಮ್ಚ್ಯಾ ದೇಶಾಂತ್ ಬೊರ್ಗೊಳ್ ನಾ - ಬೊರ್ಗೊಳ್ ಆಸ್ಚೊ ಮನ್ಶಾಪಣಾಚೊ.
ಮಂದಿರ್-ಮಸ್ಜಿದ್-ಇಗರ್ಜಾಂಕ್ ಆಮ್ಚ್ಯಾ ದೇಶಾಂತ್ ಬೊರ್ಗೊಳ್ ನಾ - ಬೊರ್ಗೊಳ್ ಆಸ್ಚೊ ನಿತಿಚೊ.
ದೆಕುನ್ ಆಜ್ ಸಮಾಜೆಂತ್ ಧರ್ಮಾಚ್ಯಾ ನಾಂವಾನ್, ಜಾತಿಚ್ಯಾ ನಾಂವಾನ್ ಜಾಂವ್, ಭಾಸೆಚ್ಯಾ ನಾಂವಾನ್ ಜಾಂವ್ ಕೊಣಾಯ್ಕ್‌ಯೀ ಸೊಲುಂಕ್ ಜಾತಾ. ಜೆದ್ನಾಂ ಮನ್ಶಾಪಣಾಚೆರ್ ಅಸಲೊ ಜುಲುಮ್ ಚಲ್ತಾ ತೆದ್ನಾಂ ಪಯ್ಲೊ ಘಾಯೆಲ್ಲೊಚ್ ಕವಿ. ಆನಿ ಹೆಂ ಸಮ್ಜುಂಕ್ ಹಿ ಕವಿತಾ ಗವಾಯ್ ದೀತ್.

- ಸಂ

[ಕವಿತಾ] ಮ‌ನ್ಶಾತ‌ಡಿರ್ (- ಜೈಸನ್ ಸಿಕ್ವೇರಾ)

ಮ‌ನ್ಶಾತ‌ಡಿರ್ ಹೊ ಆವಾಜ್ ವಿಪ್ರೀತ್ ಜಾಲೊ! ಹ್ಯಾ ದ‌ರ್ಯಾಚಿ ಕಿರಿ ಕಿರಿ ಲ್ಹಾರಾಂಚಿ ಜ‌ಬ‌ರ್ದ‌ಸ್ತಿ ಪಿಶೆಂ ಲಾಗ್ಲಾಂ ಕಾಂಯ್ ಹಾಂಕಾಂ? ಏಕ್ ಜಾತ್ ಸ‌ತ‌ಯ್ತಾತ್ ಸಕಾಳ್ ಥಾವ್ನ್ ಸಾಂಜ್ ಮ್ಹ‌ಣಾಸ‌ರ್ ದರ್ಯಾಚ್ಯೊ ಆರಾಬಾಯೊ ತ‌ರ್ ಲ್ಹಾರಾಂಕ್ ಖ‌ರಿಮ‌ಸ್ತ್. ಹಾಂಚೆ ಕ‌ರ್ಕ‌ರೆ ಸೊಸುನ್'ಚ್ ಬುಡೊನ್ ವೆತಾ ಸುರ್ಯೊ ಆನಿ ಹೆ ಚಾಪ್ಕಾಚೆ ರೂಕ್ ಕಾಂಟೆ ಕಾಂಟೆ ಕಾಂಠಾಳೊಚ್ ಯೆತಾ ಹಾಂಚ್ಯೆ ಮೆಳಿಂತ್. ದ‌ರ್ಯಾ ತ‌ಡಿರ್ ಬ‌ಸೊನ್ ಆದಿಂ ಪ‌ದಾಂ ಕ‌ವಿತಾ ಘ‌ಡ್ತಾಲೆ ಖಂಯ್ ಹಾಸ್ಯಾಸ್ಪ‌ದ್! ಹ್ಯಾ ಆವಾಜಾಂತ್ ಪ‌ದಾಂ? ಎಕಾ ಲೆಕಾರ್ ಬ‌ರೆಂಚ್ ಜಾಲೆಂ ಪುರ್ವ‌ಜ್ ರಾಯಾನ್ ಹಾಂಚೊ ಸಂಹಾರ್ ಕೆಲ್ಲೊ ರಾಯಾ ವಿರೋಧ್ ಹೆರೆಜಿ ಉಚಾರ್ತಾಲೆ ಸುಟ್ಕೆಚ್ಯಾ ಅಮ‌ಲಾರ್ ಆಸ್ಲ‌ಲೆ ಬೆಬ್ದೆ ಖಂಯ್ಚೆ! **** - ಜೈಸನ್ ಸಿಕ್ವೇರಾ**. [ಸಪ್ಟೆಂಬರ್, 2020]

	ಜೈಸನ್ ಜೆ. ಸಿಕ್ವೇರಾ: ಲಿಖ್ಣೆ ನಾಂವಾನ್ ಬರಂವ್ಚೊ ಹೊ ಗುರ್‌ಪುರ್ ಗಾಂವ್ಚೊ. ಪದ್ಯುತ್ತರ್ ಶಿಕಾಪ್ ಜೊಡುನ್ ಪ್ರಸ್ತುತ್ ಬೆಂಗ್ಳುರಾಂತ್ ವಾವ್ರ್ ಕರುನ್ ಆಸ್ಚೊ ಹೊ ಲೇಖನಾಂ, ಕಾಣ್ಯೊ, ಕವಿತಾ ಬರಯ್ತಾ. ಚಡಾವತ್ ಅಂತರ್‌ಜಾಳಿ ಜಾಗ್ಯಾಂನಿ ತಶೆಂಚ್ ಪತ್ರಾಂನಿ ಹಾಚಿಂ ಬರ್ಪಾಂ ವಾಚುಂಕ್ ಮೆಳ್ತಾತ್. ಸಾಹಿತ್ಯಾಶಿವಾಯ್ ಸಂಗೀತಾಂತ್‌ಯೀ ತಾಲೆಂತ್‌ವಂತ್.
[kovita] Monxatoddir* (- Jaison Sequeira)*
Kaide kanunank amchea dexant borgoll na - borgoll ascho noitikotecho. Devi-deutank amchea dexant borgoll na - borgoll ascho monxaponnacho. Mondir-mosjid-igorzank amchea dexant borgoll na - borgoll ascho niticho. Dekun az somajent dhormachea namvan, zatichea namvan zamv, bhasechea namvan zamv konnaik‌yi solunk zata. Jednam monxaponnacher osolo zulum' cholta tednam poilo ghayel'loch kovi. Ani hem somzunk hi kovita govai dit.‌ - Som
[kovita] Monxatoddir* (- Jaison Sequeira)*
Monxatoddir ho avaz viprit zalo! hea do‌reachi kiri kiri lharanchi zo‌bo‌rdo‌sti pixem laglam kaim hankam? ek zat so‌to‌ytat sokall thaun sanz mho‌nnaso‌r doreacheo arabayo to‌r lharank kho‌rimo‌st. Hanche ko‌rko‌re sosun ch buddon veta sureo ani he chapkache ruk kantte kantte kantthalloch yeta hanchye mellint. Do‌rea to‌ddir bo‌son adim po‌dam ko‌vita gho‌ddtale khoim haseaspo‌d! hea avazant po‌dam? eka lekar bo‌rench zalem purvo‌z rayan hancho somhar kel'lo raya virodh hereji uchartale suttkechea omo‌lar aslo‌le bebde khoinche! **** - Jaison Sequeira.** [Sep, 2020]

	Jaison J Sequeira: Likhnne namvan boromvcho ho gur‌pur gamvcho. Podyut'tor xikap zoddun prostut bengllurant vaur korun ascho ho lekhonam, kanneo, kovita boroita. Choddaut ontor‌zalli zageamni toxench potramni hachim borpam vachunk melltat. Sahiteaxivai songitant‌yi talent‌vont.
[कविता] म‌न्शात‌डीर (- जैसन सिकवेरा)
कायदे कानुनांक आमच्या देशांत बोर्गोळ ना - बोर्गोळ आसचो नयतिकतेचो. देवी-देवतांक आमच्या देशांत बोर्गोळ ना - बोर्गोळ आसचो मनशापणाचो. मंदीर-मसजीद-इगर्जांक आमच्या देशांत बोर्गोळ ना - बोर्गोळ आसचो नितिचो. देकून आज समाजेंत धर्माच्या नांवान, जातिच्या नांवान जांव, भासेच्या नांवान जांव कोणायक‌यी सोलुंक जाता. जेदनां मनशापणाचेर असलो जुलूम चल्ता तेदनां पयलो घायेल्लोच कवी. आनी हें समजुंक ही कविता गवाय दीत. - सं
[कविता] म‌न्शात‌डीर (- जैसन सिकवेरा)
म‌न्शात‌डीर हो आवाज विपरीत जालो! ह्या द‌ऱ्याची किरी किरी ल्हारांची ज‌ब‌र्द‌स्ती पिशें लागलां कांय हांकां? एक जात स‌त‌य्तात सकाळ थावन सांज म्ह‌णास‌र दऱ्याच्यो आराबायो त‌र ल्हारांक ख‌रीम‌स्त. हांचे क‌र्क‌रे सोसून च बुडोन वेता सूऱ्यो आनी हे चापकाचे रूक कांटे कांटे कांठाळोच येता हांच्ये मेळिंत. द‌ऱ्या त‌डीर ब‌सोन आदीं प‌दां क‌विता घ‌ड्ताले खंय हास्यास्प‌द! ह्या आवाजांत प‌दां? एका लेकार ब‌रेंच जालें पूर्व‌ज रायान हांचो संहार केल्लो राया विरोध हेरेजी उचार्ताले सुटकेच्या अम‌लार आसल‌ले बेब्दे खंयचे! **** - जैसन सिकवेरा.** [सपटेंबर, 2020]

	जैसन जे. सिकवेरा: लिखणे नांवान बरंवचो हो गूर‌पूर गांवचो. पद्युत्तर शिकाप जोडून प्रसतूत बेंगळुरांत वावर करून आसचो हो लेखनां, काण्यो, कविता बरयता. चडावत अंतर‌जाळी जाग्यांनी तशेंच पत्रांनी हाचीं बर्पां वाचुंक मेळतात. साहित्याशिवाय संगीतांत‌यी तालेंत‌वंत.


ದಾಯ್ಜ್.ಕೊಮ್

2004 ಥಾವ್ನ್ 2011 ಪರ್ಯಾಂತ್ ಕಾರ್ಯಾಳ್ ಆಸ್‌ಲ್ಲ್ಯಾ ದಾಯ್ಜ್.ಕೊಮ್ ಚೆರ್ ಪರ್ಗಟ್‌ಲ್ಲ್ಯಾ ವಿಂಚ್ಣಾರ್ ಸಾಹಿತಾಕ್ ಆಮಿ ಫುಡಿಲ್ಯಾ ದಿಸಾಂನಿ ಪಯ್ಣಾರಿ ವಾಚ್ಪ್ಯಾಂಕ್ ಲಾಭಯ್ತೆಲ್ಯಾಂವ್.