ಪಯ್ಣಾರಿ.ಕೊಮ್ Poinnari.Com: Konkani Research, Konkani Study, Progressive Konkanni Literature, Konkani Writing, Konkani Poetry, Creative Writing, Konkani Books, Konkani Association, Konkani Work, Fiction Writing, Poetry Criticism, Poetry Contests, Writing C

[ಕವಿತಾ] ನಶಾ (- ಎಚ್. ಮನೋಜ್ ಜೆ)

ಕಾಳ್ ಬದಲ್ಚೆಪರಿಂಚ್ ಮನಿಸ್ ಬದಲ್ತಾ. ಹಿ ಬದ್ಲಾವಣ್ ಚಿಂತ್ಪಾಚಿ ಆಸುಯೆತ್, ಜಿಣ್ಯೆಚ್ಯಾ ರಿತಿಚಿ ಆಸುಯೆತ್ ವಾ ಆಧಾರ್ಚ್ಯಾ ರಿತಿ-ರಿವಾಜೆಂಚಿ ಆಸುಯೆತ್. ಎಕಾ ವಾಟೆನ್ ಮನಿಸ್ ಅಜೂನ್ ಸತ್-ನೀತ್-ನಯ್ತಿಕ್-ಆದರ್ಶ್ ಮ್ಹಣ್ ಜಿಯೆತಾ ತರ್ ಅನ್ಯೇಕಾ ವಾಟೆನ್ ಮನಿಸ್ ಹೆಂ ಸತ್-ನೀತ್-ಆದರ್ಶ್ ಸರ್ವ್ ಎಕಾ ರಿತಿಚೆ ಭಾಂದ್ಪಾಸ್ ಮ್ಹಣುನ್ ಲೆಕುನ್ ಮತಿಕ್ ಆಯಿಲ್ಲೆಂ ಕರುನ್ ಮತ್ಲಬ್ ನಾತ್‌ಲ್ಲ್ಯಾ ಸುಕಾಚ್ಯಾ ಪಾಟ್ಲ್ಯಾನ್ ಧಾಂವುಂಕ್ ಲಾಗ್ಲಾ. ಹಾಂತುಂ ಏಕ್ ಪಿಶೆಂ ನಶೆಚೆಂ/ಅಮಾಲಾಚೆಂ. ದೆಕುನ್ ದರೇಕಾ ಫೆಸ್ತ್-ಸಂಭ್ರಮಾಂನಿ ನಶಾ ಕರುನ್ ಅಪ್ಲಿ ಮತ್‍ಚ್ ಆಡೊವ್ ಘಾಲುಂಕ್ ಮುಕಾರ್ ಸರ್ತಾ. ಹೆಚ್ ಪಾಠ್‌ಭುಂಯ್‌ಚೆರ್ ಹಿ ಕವಿತಾ ಉಭಿ ಕೆಲ್ಯಾ.

- ಸಂ

[ಕವಿತಾ] ನಶಾ (- ಎಚ್. ಮನೋಜ್ ಜೆ)

ನಶಾ ಘುಂವ್ ಘಂವ್ ಘುವ್ಳಿ ವಖ್ದಾನ್ ಗೊಂಯಾಕ್ ಘಾಸ್ ಮಾಲ್ಲಾ ಪಿಶೆ ಜಾಲ್ಯಾ ಯೆವಂಕ್ ಹಾಂಗಾ ಪಾಂಯ್ ತಾಂಚೆ ಧರ್ಲ್ಯಾ ಗಾಂಜಾ ಹಾಫಿನ್ ಬ್ರಾವನ್ ಶುಗರ್ ದರ್ಯಾವೆಳೆರ್ ಲಿಪ್ಲ್ಯಾ ಸೈಮಾಚೆ ಸೊಬೀತಕಾಯೆನ್ ಮನೀಸಪಣ್ ಶೆಣ್ಲಾಂ ಸೊಬೀತ್ ಸುಂದರ್ ಲ್ಹಾರಾಂಚೆರ್ ನಶಾ ತುಮ್ಚಿ ಪಿಕ್ಲ್ಯಾ ಅಮುರಪೀಕ್ಯಾ ಜೀಣೆಚಿ ರಾತ್ ಕೆನ್ನಾಚ್ ಸೊಪ್ಲ್ಯಾ ನಶಾ ತುಮ್ಚ್ಯಾ ಕಾಳ್ಜಾಂತ್ ಭಲ್ಲ್ಯಾ ಖಾಸಾವೀಸ್ ದರ್ಯಾ ಪಿಶಾಂತುರ್ ಜಾವ್ನ್ ತೊ ರೌದ್ರ್ ರುಪ್ ಘೆತಾ ದಮ್ ನ್ಹಯ್ ಹೊ ಭ್ರಮ್ ತುಮ್ಚೊ ನವ್ಯಾ ವರ್ಸಾಕ್ ನಾಕಾ ನವ್ಯಾ ವರ್ಸಾಚ್ಯಾ ನವ್ಯಾ ಸೂರ್ಯಾಕ್ ನಮನ್ ಕರುಂಕ್ ರಾವಾತ್ **** - ಎಚ್. ಮನೋಜ್ ಜೆ**. [ನವೆಂಬ್ರ್, 2020]

	ಎಚ್. ಮನೋಜ್ ಜೆ: ಗೊಂಯ್‌ಚ್ಯಾ ಚಿಕಾಲಿಮಾಂತಲ್ಯಾ ರೆಜಿನಾ ಮುಂದಿ ಹಾಯ್ ಸ್ಕೂಲಾಂತ್ ಶಿಕ್ಷಕ್ ಜಾವ್ನ್ ಕೊಂಕಣಿ ಶಿಕವ್ನ್ ಆಸಾ. ಹಾಚಿಂ ಕವಿತಾ, ಲೇಕನಾಂ ಗೊಂಯ್ಚ್ಯಾ ನೇಮಾಳ್ಯಾಂನಿ ಪರ್ಗಟ್ ಜಾಲ್ಯಾಂತ್. ಸಾಹಿತ್ಯ್ ವಾಚಪ್ ಹಾಚಿ ಪ್ರಮುಕ್ ಹವೇಸ್.
[kovita] Noxa* (- H Manoj J.)*
Kall bodolcheporinch monis bodolta. Hi bodlaunn chintpachi asuyet, jinnyechea ritichi asuyet va adharchea riti-rivajenchi asuyet. Eka vatten monis ozun sot-nit-noitik-adorx mhonn jieta tor onyeka vatten monis hem sot-nit-adorx sorv eka ritiche bhandpas mhonnun lekun motik ayil'lem korun motlob nat‌l'lea sukachea pattlean dhamvunk lagla. Hantum ek pixem noxechem/omalachem. Dekun doreka fest-sombhromamni noxa korun opli mot‍ch addovo ghalunk mukar sorta. Hech patth‌bhum-i‌cher hi kovita ubhi kelea. - Som
[kovita] Noxa* (- H Manoj J.)*
*Noxa* ghumv ghomv ghuvlli vokhdan gõyak ghas mal'la pixe zalea yeunk hanga pam-i tanche dhorlea ganza hafin braun xugor doreaveller liplea soimache sobitokayen monisoponn xennlam sobit sundor lharancher noxa tumchi piklea omuropikea jinnechi rat ken'nach soplea noxa tumchea kallzant bhol'lea khasavis dorea pixantur zaun to roudr rup gheta dom' nhoi ho bhrom' tumcho novea vorsak naka novea vorsachea novea sureak nomon korunk ravat **** - H. Manoj J.** [Nov, 2020]

	H. Manoj J: Gõy‌chea Chicalimantolea Regina Mundi High Schoolant xikxok zaun konkonni xikoun asa. Hachim kovita, lekonam Gõychea nemalleamni porgott zaleant. Sahity vachop hachi promuk hoves.
[कविता] नशा (- एच. मनोज जे)
काळ बदल्चेपरिंच मनीस बदल्ता. ही बदलावण चिंत्पाची आसुयेत, जिण्येच्या रितिची आसुयेत वा आधार्च्या रिती-रिवाजेंची आसुयेत. एका वाटेन मनीस अजून सत-नीत-नयतीक-आदर्श म्हण जियेता तर अन्येका वाटेन मनीस हें सत-नीत-आदर्श सर्व एका रितिचे भांदपास म्हणून लेकून मतीक आयिल्लें करून मतलब नात‌ल्ल्या सुकाच्या पाटल्यान धांवुंक लागला. हांतूं एक पिशें नशेचें/अमालाचें. देकून दरेका फेसत-संभ्रमांनी नशा करून अपली मत‍च आडोव घालुंक मुकार सर्ता. हेच पाठ‌भुंय‌चेर ही कविता उभी केल्या. - सं
[कविता] नशा (- एच. मनोज जे)
नशा घुंव घंव घुवळी वखदान गोंयाक घास माल्ला पिशे जाल्या येवंक हांगा पांय तांचे धरल्या गांजा हाफिन ब्रावन शुगर दर्यावेळेर लिपल्या सैमाचे सोबीतकायेन मनीसपण शेणलां सोबीत सुंदर ल्हारांचेर नशा तुमची पिकल्या अमुरपीक्या जीणेची रात केन्नाच सोपल्या नशा तुमच्या काळजांत भल्ल्या खासावीस दर्या पिशांतुर जावन तो रौद्र रुप घेता दम न्हय हो भ्रम तुमचो नव्या वर्साक नाका नव्या वर्साच्या नव्या सूर्याक नमन करुंक रावात **** - एच. मनोज जे.** [नवेंबर, २०२०]

	एच. मनोज जे: गोंय‌च्या चिकालिमांतल्या रेजिना मुंदी हाय स्कूलांत शिक्षक जावन कोंकणी शिकवन आसा. हाचीं कविता, लेकनां गोंयच्या नेमाळ्यांनी पर्गट जाल्यांत. साहित्य वाचप हाची प्रमूक हवेस.


ದಾಯ್ಜ್.ಕೊಮ್

2004 ಥಾವ್ನ್ 2011 ಪರ್ಯಾಂತ್ ಕಾರ್ಯಾಳ್ ಆಸ್‌ಲ್ಲ್ಯಾ ದಾಯ್ಜ್.ಕೊಮ್ ಚೆರ್ ಪರ್ಗಟ್‌ಲ್ಲ್ಯಾ ವಿಂಚ್ಣಾರ್ ಸಾಹಿತಾಕ್ ಆಮಿ ಫುಡಿಲ್ಯಾ ದಿಸಾಂನಿ ಪಯ್ಣಾರಿ ವಾಚ್ಪ್ಯಾಂಕ್ ಲಾಭಯ್ತೆಲ್ಯಾಂವ್.