[ಕವಿತಾ] ಅಸ್ತುರಿ (- ಎಚ್. ಮನೋಜ್ ಜೆ)

ಅಸ್ತುರಿ 


ಜಿವಾಕ್ ನವ್ಯಾ ಜಲ್ಮ್ ದಿವಂಕ್
ಭೊಗ್ಲ್ಯೊ ಕಿತ್ಲ್ಯೊ ಯಾತ್ನಾ ತೀಣೆ
ವೊತಾ ವಾರ್ಯಾಚಿ ಪಾವ್ಸ್ ಗರ್ಮೀಚಿ
ಪರ್ವಾ ತೀಕಾ ನಾಶಿಲ್ಲಿ ಖರೀಚ್
ತಿ ಆಶೀಲ್ಲಿ ಅಸ್ತುರಿ

ರುಖಾಂ ಫಾಂದ್ಯೆರ್ ಝೊಪಾಳ್ ಬಾಂದೂನ್
ಸಾನ್ ಭುರ್ಗ್ಯಾಕ್ ಧೊಲೊವ್ನ್-ಧೊಲೊವ್ನ್
ಪೊಟಾ-ಫಾಟಿ ಎಕ್ ಕರೂನ್
ದಿಸುಯ್ಭರ್ ಕಶ್ಟ್ ಕರಿ
ತಿ ಆಶೀಲ್ಲಿ ಅಸ್ತುರಿ

ದೆಂವ್ತಾಲಿ ಶೆತಾಂ-ಭಾಟಾಂತ್
ಕೆನ್ನಾ ತರಿ ಗಟಾರ್ ಸಾಫ್
ಹೂಮ್ ಗಳಯ್ತ್ ಝಿಜ್ತಾಲಿ
ವಜೆಂ ಮಾಥ್ಯಾರ್ ಧರಿ
ತಿ ಆಶೀಲ್ಲಿ ಅಸ್ತುರಿ

ಸಾಂಜ್ವೆಳಾರ್ ಪರ್ತತನಾ
ಕಾಪ್ಟ್ಯೊ, ಸೊಣ್ಣಾ ವೆಂಚೂನ್ ಹಾಡಿ
ಬುಡ್ಕುಲೊ ಚುಲೀರ್ ಚಡೊವ್ನ್
ಧುಂವ್ರಾನ್ ಬಾಬ್ಡಿ ಘಸಮ್ಟ್ಟಾಲಿ
ತಿ ಆಶೀಲ್ಲಿ ಅಸ್ತುರಿ

ಮಾನ್ಲೆಂ ಕಶ್ಟಾಕ್ ಸೂಖ್ ತೀಣೆ
ಪದ್ರಾನ್ ಪುಸ್ಲೆಂ ದೊಳ್ಯಾಂತಲೆಂ ದೂಕ್
ಚಿತ್ರ್ ಮುಖಾರ್ ಉಜಳ್ ಫುಡಾರಾಚೆಂ

ದವ್ರೂನ್ ತೊಂಡಾರ್ ಹಾಡ್ಲೆಂ ಹಾಂಶೆಂ
ತಿ ಆಶೀಲ್ಲಿ ಅಸ್ತುರಿ
ಪುರಾಯ್ ಕರುಂಕ್ ಜೀಣೆ ರಾಟಿ
ಸೊಡಯ್ಲ್ಯೊ ತೀಣೆ ಹಜಾರ್ ಗಾಠಿ
ಕೊಣಾಯ್ಚ್ಯಾ ಉಲ್ಯಾಕ್ ಪಾವ್ಪಾಖಾತೀರ್
ಜೀವಾಚ್ಯಾ ಆಂಕಾಂತಾನ್ ಧಾಂವೊ ಫುಡೆ
ತಿ ಆಶೀಲ್ಲಿ ಅಸ್ತುರಿ

 ******

- ಎಚ್. ಮನೋಜ್ ಜೆ. [ಸಪ್ತೆಂಬ್ರ್, 2020]

[kovita] Osturi (- H Manoj J.)

Osturi


jivak novea zolm' divonk
bhogleo kitleo yatna tinne
vota vareachi paus gormichi
porva tika naxil'li khorich
ti axil'li osturi

rukham fandyer zhopall bandun
san bhurgeak dholoun-dholoun
potta-fatti ek korun
disuibhor koxtt kori
ti axil'li osturi

demvtali xetam-bhattant
ken'na tori gottar saf
hum' golloit jhijtali
vojem mathear dhori
ti axil'li osturi

sanjvellar portotona
kaptteo, sonn'nna venchun haddi
buddkulo chulir choddoun
dhumvran babddi ghosomtt'ttali
ti axil'li osturi

manlem koxttak sukh tinne
podran puslem dolleantolem duk
chitr mukhar uzoll fuddarachem

dourun tonddar haddlem hanxem
ti axil'li osturi
purai korunk jinne ratti
soddoileo tinne hozar gatthi
konnaichea uleak paupakhatir
jivachea ankantan dhamvo fudde
ti axil'li osturi

******

- H. Manoj J. [Sep, 2020]

[कविता] असतुरी (- एच. मनोज जे)

असतुरेच्या रुपाविशीं, तिच्या साखरिफिसाविशीं, तिच्या मायामोगाविशीं जायत्यो कविता आमकां वाचुंक मेळतात. हांगासर तसलीच एक कविता एका असतुरेच्या निरंतर मिनतेविशीं सांग्ता.

- सं

[कविता] असतुरी (- एच. मनोज जे)

असतुरी

जिवाक नव्या जल्म दिवंक
भोगल्यो कितल्यो यात्ना तीणे
वोता वाऱ्याची पावस गर्मीची
पर्वा तीका नाशिल्ली खरीच
ती आशील्ली असतुरी

रुखां फांद्येर झोपाळ बांदून
सान भुर्ग्याक धोलोवन-धोलोवन
पोटा-फाटी एक करून
दिसुयभर कश्ट करी
ती आशील्ली असतुरी

देंवताली शेतां-भाटांत
केन्ना तरी गटार साफ
हूम गळयत झिजताली
वजें माथ्यार धरी
ती आशील्ली असतुरी

सांज्वेळार पर्ततना
कापट्यो, सोण्णा वेंचून हाडी
बुडकुलो चुलीर चडोवन
धुंवरान बाबडी घसमट्टाली
ती आशील्ली असतुरी

मानलें कश्टाक सूख तीणे
पद्रान पुसलें दोळ्यांतलें दूक
चित्र मुखार उजळ फुडाराचें

दवरून तोंडार हाडलें हांशें
ती आशील्ली असतुरी
पुराय करुंक जीणे राटी
सोडयल्यो तीणे हजार गाठी
कोणायच्या उल्याक पावपाखातीर
जीवाच्या आंकांतान धांवो फुडे
ती आशील्ली असतुरी

******

-  एच. मनोज जे. [सप्तेंबर, २०२०]

ದಾಯ್ಜ್.ಕೊಮ್