ಪಯ್ಣಾರಿ.ಕೊಮ್ Poinnari.Com: Konkani Research, Konkani Study, Progressive Konkanni Literature, Konkani Writing, Konkani Poetry, Creative Writing, Konkani Books, Konkani Association, Konkani Work, Fiction Writing, Poetry Criticism, Poetry Contests, Writing C

[ಕವಿತಾ] ರಾಧಾ ಕೃಶ್ಣ್.. (- ಎಚ್. ಮನೋಜ್ ಜೆ)

ವರ್ಸಾಂ ಕಿತ್ಲಿಂಯ್ ಮುಕಾರ್ ವಚುಂದಿ ಪುಣ್ ರಾಧಾ-ಕೃಶ್ಣಚಿ ಪ್ರೇಮ್ ಕಥಾ ಕೆದಿಂಚ್ ಪರ್ನಿ ಜಾಯ್ನಾ. ದರೇಕಾ ಕವಿಚ್ಯಾ ಮನಾಂತ್ ಹಿಂ ದೊಗಾಂ ಮೊಗಾಚೊ ಸಂಕೇತ್. ಹ್ಯಾ ಕವಿತೆಂತ್ ಸಯ್ತ್ ತಸಲೆಂಚ್ ಏಕ್ ಚಿತ್ರಣ್ ದಿಸುನ್ ಯೆತಾ.

- ಸಂ

[ಕವಿತಾ] ರಾಧಾ ಕೃಶ್ಣ್.. (- ಎಚ್. ಮನೋಜ್ ಜೆ)

ರಾಧಾ ಕೃಶ್ಣ್.. ಗೊಕೂಳ್ ನಂದಕಿಶೊರ್ ಯಶೊದೆಚೊ ಲಾಡ್ಕೊ ಗೊಪಿಕೆಂಚೊ ಫೊಡ್ಟಾ ಮಡ್ಕೊ ರಾಧೆಚೊ ಪ್ರೀಯ್ ಸಖೊ ಗೊರ್ವಾಂಕ್ ಘೆವ್ನ್ ಮುರಳಿ ವಾಜಯ್ತ್ ಗೊವರ್ದನ್ ಪರ್ವತಾರ್ ಬಸ್ತಾ ಖಾಂದ್ಯೆ ಖಾಂದ್ಯೆರ್ ಮುರ್ಲೀಚೊ ನಾದ್ ಆಯ್ಕೂನ್ ರಾಧಾ ಖೊಶ್ಯೆನ್ ಭರ್ತಾ ಮನ್ ತೀಚೆಂ ಸೈರ್ಭೈರ್ ಮೆಳೂಂಕ್ ಜಾತಾ ಆತೂರ್ ಲಾಗ್ಲಿ ಸುಲೂಸ್ ರಾಧೆಚಿ ಥಾವ್ ಘೆವಂಕ್ ಮನಾಚಿ ಪಿಡೂಂಕ್ ತೀಕಾ ಲಿಪ್ತಾ ನದರ್ ತೀಚಿ ತಿಶ್ಟತಾ ಮುರ್ಳಿ ನಾದ್ ತಳ್ಮಳಾಯತಾ ತಿಚ್ಯೊ ಮನೊವೆದನಾ ಖೀಣಾಖೀಣಾಂಕ್ ಭುಲ್ಲುಸತಾ ನಿಮ್ಣೊ ಸಾಮ್ಕಾರ್ ಯೆತಾ ಬಾವ್ರಿ ರಾಧಾ ಉಕ್ತಾಯತಾ ಶೀಣ್ ಹೆ ಮ್ಹಜ್ಯಾ ಸಖ್ಯಾ ಅಸೊ ತಿಶ್ಟೆವ್ ನಾಕಾ ದೊಳ್ಯಾ ಆಡ್ ವಚು ನಾಕಾ ವಾಸುದೆವ್ ನಂದ್ನಾ ಸಗ್ಲಿ ಪಾಚಾರತಾ ಆಮ್ಕಾಂ ಕೃಶ್ಣ್ ರಾಧಾ ರಾಧಾ ಕೃಶ್ಣ್ **** - ಎಚ್. ಮನೋಜ್ ಜೆ**. [ಅಗೊಸ್ತ್, 2020]

	ಎಚ್. ಮನೋಜ್ ಜೆ: ಗೊಂಯ್‌ಚ್ಯಾ ಚಿಕಾಲಿಮಾಂತಲ್ಯಾ ರೆಜಿನಾ ಮುಂದಿ ಹಾಯ್ ಸ್ಕೂಲಾಂತ್ ಶಿಕ್ಷಕ್ ಜಾವ್ನ್ ಕೊಂಕಣಿ ಶಿಕವ್ನ್ ಆಸಾ. ಹಾಚಿಂ ಕವಿತಾ, ಲೇಕನಾಂ ಗೊಂಯ್ಚ್ಯಾ ನೇಮಾಳ್ಯಾಂನಿ ಪರ್ಗಟ್ ಜಾಲ್ಯಾಂತ್. ಸಾಹಿತ್ಯ್ ವಾಚಪ್ ಹಾಚಿ ಪ್ರಮುಕ್ ಹವೇಸ್.
[kovita] Radha Krixnn.. (- H Manoj J.)
Vorsam kitlim-i mukar vochundi punn radha-krixnnochi prem' kotha kedinch porni zaina. Doreka kovichea monant him dogam mogacho sonket. Hea kovitent soit tosolench ek chitronn disun yeta. - Som
[kovita] Radha Krixnn.. (- H Manoj J.)
*Radha Krixnn..* Gokull nondkixor yoxodecho laddko gopikencho foddtta moddko Radhecho pri-i sokho Gorvank gheun Murlli vazoit Gourdhon porvotar bosta khandye khandyer Murlicho nad aikun Radha khoxyen bhorta mon tichem soirbhoir mellunk zata atur lagli sulus Radhechi thavo gheunk monachi piddunk tika lipta nodor tichi tixttota Murlli nad tollmollaita ticheo monovedona khinnakhinnank bhul'lusota nimnno samkar yeta Bauri Radha uktaita xinn he mhojea sokhea oso tixttevo naka dollea add vochu naka Vasudevo nondna sogli pacharota amkam Krixnn Radha Radha Krixnn **** - H. Manoj J.** [Aug, 2020]

	H. Manoj J: Gõy‌chea Chicalimantolea Regina Mundi High Schoolant xikxok zaun konkonni xikoun asa. Hachim kovita, lekonam Gõychea nemalleamni porgott zaleant. Sahity vachop hachi promuk hoves.
[कविता] राधा कृश्ण.. (- एच. मनोज जे)
वर्सां कितलिंय मुकार वचुंदी पूण राधा-कृश्णची प्रेम कथा केदिंच पर्नी जायना. दरेका कविच्या मनांत हीं दोगां मोगाचो संकेत. ह्या कवितेंत सयत तसलेंच एक चित्रण दिसून येता. - सं
[कविता] राधा कृश्ण.. (- एच. मनोज जे)
राधा कृश्ण.. गोकूळ नंदकिशोर यशोदेचो लाडको गोपिकेंचो फोडटा मडको राधेचो प्रीय सखो गोर्वांक घेवन मुरळी वाजयत गोवर्धन पर्वतार बसता खांद्ये खांद्येर मुरलीचो नाद आयकून राधा खोश्येन भर्ता मन तीचें सैर्भैर मेळूंक जाता आतूर लागली सुलूस राधेची थाव घेवंक मनाची पिडूंक तीका लिप्ता नदर तीची तिश्टता मुरळी नाद तळमळायता तिच्यो मनोवेदना खीणाखीणांक भुल्लुसता निमणो सामकार येता बावरी राधा उक्तायता शीण हे म्हज्या सख्या असो तिश्टेव नाका दोळ्या आड वचू नाका वासुदेव नंदना सगली पाचारता आमकां कृश्ण राधा राधा कृश्ण **** - एच. मनोज जे.** [अगोस्त, २०२०]

	एच. मनोज जे: गोंय‌च्या चिकालिमांतल्या रेजिना मुंदी हाय स्कूलांत शिक्षक जावन कोंकणी शिकवन आसा. हाचीं कविता, लेकनां गोंयच्या नेमाळ्यांनी पर्गट जाल्यांत. साहित्य वाचप हाची प्रमूक हवेस.


ದಾಯ್ಜ್.ಕೊಮ್

2004 ಥಾವ್ನ್ 2011 ಪರ್ಯಾಂತ್ ಕಾರ್ಯಾಳ್ ಆಸ್‌ಲ್ಲ್ಯಾ ದಾಯ್ಜ್.ಕೊಮ್ ಚೆರ್ ಪರ್ಗಟ್‌ಲ್ಲ್ಯಾ ವಿಂಚ್ಣಾರ್ ಸಾಹಿತಾಕ್ ಆಮಿ ಫುಡಿಲ್ಯಾ ದಿಸಾಂನಿ ಪಯ್ಣಾರಿ ವಾಚ್ಪ್ಯಾಂಕ್ ಲಾಭಯ್ತೆಲ್ಯಾಂವ್.