ಪಯ್ಣಾರಿ.ಕೊಮ್ Poinnari.Com: Konkani Research, Konkani Study, Progressive Konkanni Literature, Konkani Writing, Konkani Poetry, Creative Writing, Konkani Books, Konkani Association, Konkani Work, Fiction Writing, Poetry Criticism, Poetry Contests, Writing C

[ಕವಿತಾ] ಆಧುನಿಕ್ ಶಿಸಾಂಚಿಂ ಭೊಗ್ಣಾಂ (- ಗ್ಲ್ಯಾನಿಶ್ ಮಾರ್ಟಿಸ್ ಅಲಂಗಾರ್)

ಹಾಂಗಾಸರ್ ಏಕ್ ಸತ್ ಆನಿ ತ್ಯಾ ಸತಾಚಿಂ ಮಾರ್ಮಿಕ್ ರುಪಾಂ ಆಸಾತ್. ಏಕ್ ವಿಧ್ಯಾ ಪ್ರಾಮಾಣಿಕ್ ರಿತಿನ್ ಶಿಕ್ಚೊ ಶಿಸ್, ಆನಿ ತಾಕಾ ಅಪ್ಲ್ಯಾ ಸ್ವಾರ್ಥಾಚೊ ಬಂಡ್ವಾಳ್ ಕರುನ್ ಆಪ್ಲ್ಯಾ ಫಾಯ್ದ್ಯಾಕ್ ಗಳ್ಸುಂಚೊ ಹಡ್ಬೊ ಗುರು. ಹಾಂಗಾಸರ್ ವಿಡಂಬನ್ ಮ್ಹಳ್ಯಾರ್ ಜಾಯ್ತ್ಯಾಂಕ್ ಸಮ್ಜುಂಕ್ ಸಯ್ತ್ ಜಾಯ್ನಾಸ್ಚೆಂ ಹೆಂ ಸತ್ (?) ವೆಗಿಂಚ್ ಸಮ್ಜುಂಚೆ ಶಿಸ್ ಜೆದ್ನಾಂ ಉಗ್ತ್ಯಾನ್ ಸವಾಲ್ ಕರ್ಚೆಂ ಖರೆಂಚ್ ಜಾವ್ನ್ ವೆವೆಗಳ್ಯಾ ಅಡ್ಕಳೆಂಚ್ಯಾ ಸುತಾಂಕ್ ತುಟವ್ನ್ ಮುಕಾರ್ ಪಾವ್ಲಾಂ ಕಾಡ್ಚೆಂ ಧಯ್ರ್ ಶಿಸಾನ್ ಘೆಂವ್ಚೆಂ ಥೊಕ್ಣಾಯೆಚೆಂಚ್.

- ಸಂ

[ಕವಿತಾ] ಆಧುನಿಕ್ ಶಿಸಾಂಚಿಂ ಭೊಗ್ಣಾಂ (- ಗ್ಲ್ಯಾನಿಶ್ ಮಾರ್ಟಿಸ್ ಅಲಂಗಾರ್)

ಆಧುನಿಕ್ ಶಿಸಾಂಚಿಂ ಭೊಗ್ಣಾಂ ನಿಶಾನಿ ಚುಕೊಂವ್ಚ್ಯಾಕ್ ವಿಚಾರಲೆಲ್ಯಾ ಅಖಂಡ್ಯಾಕ್ ಕಿತ್ಲೆಂ ದೂಕ್ ಭೊಗ್ಲಾಂಸ್ತಲೆಂ ನ್ಹಯ್! ಫಕತ್ ತೀರ್ ಮಾರಚಿ ಶಾತಿ ಅಖಂಡ್ಯಾಕ್ ಆಸಾ ತರ್ ಹಾತಾಂತ್ಲ್ಯಾ ದುಸ್ರ್ಯಾ ಬೊಟಾಂಕ್ ನಾ ಕಿತೆಂ ಮೊಲ್? ಕೇವಲ್ ನಿಶಾನ್ಯೆ ಸಕ್ತೆರ್ ಹೊಂದ್ವೊನ್ ಫುಡಾರ್ ಪಾರ್ಕಿಲ್ಲ್ಯಾ ದ್ರೋಣಾಕ್ ಶಿಸಾಚಿ ಅಭಿವೃದ್ಧಿ ಕೊಡು ಲಾಗ್ಲಿ ನ್ಹಯ್! ಆಪ್ಲೊ ಆಧಾರ್-ಖಾಂಬೊ ಕಾಪ್ಚೆ ಫುಡೆಂ ಅರ್ಪುಂಕ್ ಆಶೆಲ್ಲ್ಯಾ ಬೊಟಾಚಿ ತಾನ್ ಭಾಗಂವ್ಕ್ ಪಾಟಿಂ ಸರಲೆಲ್ಯಾ ಆದಿವಾಸಿಕ್ ನಾತ್‌ಲ್ಲೆಂ ಕಿತೆಂ ರಗ್ತಾಚೆಂ ಮೊಲ್? ತಿರಾಚೆಂ ಪೋಂತ್ ಸಾರ್ಕ್ಯೆ ನಿಶಾನೆಕ್ ವ್ಹರುನ್ ಪಾವಯಿಲ್ಲೊ ಕೊದಂಡ್ ಕಿತ್ಲೊ ಚುರ್ಚುರ್ಲಾಸ್ತಲೊ ನ್ಹಯ್! ಲಕ್ಷ್ಯೆಕ್ ಪೂರಕ್ ಮ್ಹಣ್ಚ್ಯಾ 'ಆಂಗ್ಟ್ಯಾಕ್' ನಿರ್ಜೀವ್ಪಣಾಚಿ ಮುದಿ ಶಿಂವ್ತಾನಾ ತೀರ್‌ಶಾಸ್ತ್ರಾಚೊ ಸಲ್ವಣೆ-ಉದ್ಗಾರ್ ಆಯ್ಕಲ್ಲೊ ತರಿ ಕಿತ್ಲೊ ಹಳು? ಹ್ಯಾ ಸವಾಲಾಂಕ್ ಜಾಪಿ ದೀಂವ್ಕ್ ದ್ರೋಣ ತಸಲ್ಯಾ ಗುರುಂಚಿ ಗರ್ಜ್ ಆಧುನಿಕ್ ಸಂಸಾರಾಕ್ ಪಡುನಾ! ಬಗಾರ್ 'ಏಕಲವ್ಯ' ಜಸೊ ಶಿಸ್ ಮ್ಹಣ್ ಲೆಕುನ್ ಅಶಿರ್ ಚಿಂತ್ಪಾಚ್ಯಾ ಗುರುಂಚ್ಯಾ ಗೊಪಿಣೆಕ್ 'ಫಾತರ್' ಜಾವ್ನ್ ವ್ಹಾಪಾರಲೆಲ್ಯಾ ಶಿಸಾಂಚಿಂ ಭೊಗ್ಣಾಂ ಆಯ್ಕತ್ ತರಿ ಕೊಣ್? ಸಬ್ದಾಂಚೊ ಅರ್ಥ್: 1.ಅಖಂಡೊ, ಆಂಗ್ಟೊ = ಹಾತಾಚೆಂ‌ ಪಯ್ಲೆಂ ಬೋಟ್ (Thumb) 2.ಕೊದಂಡ್ = ತೀರ್ ಮಾರುಂಕ್ ವ್ಹಾಪಾರಚೆಂ ಹಾತೆರ್ (Bow) 3.ಗೋಪಿಣ್ = ಫಾತರ್ ಮಾರುಂಕ್ ಉಪ್ಕಾರಚಿಂ ಸಾಹೆತ್ (Catapult). **** - ಗ್ಲ್ಯಾನಿಶ್ ಮಾರ್ಟಿಸ್ ಅಲಂಗಾರ್**. [ಜುಲಾಯ್, 2020]

	ಗ್ಲ್ಯಾನಿಶ್ ಮಾರ್ಟಿಸ್ ಅಲಂಗಾರ್: ಬಿ.ಎಸ್ಸಿ ಪದ್ವೆಚೆಂ ಶಿಕಪ್ ಜೊಡುನ್ ಆಸ್ಚೊ ಅಲಂಗಾರ್ ಗಾಂವ್ಚೊ ಗ್ಲಾನಿಶ್ ಮಾರ್ಟಿಸ್ ಪಾಟ್ಲ್ಯಾ ಥೊಡ್ಯಾ ವರ್ಸಾಂನಿ ಪತ್ರಾಂನಿ ತಶೆಂಚ್ ಜಾಳಿಜಾಗ್ಯಾಂನಿ ಕವಿತಾ, ಕಾಣಿಯೊ ತಶೆಂಚ್ ಲೇಖನಾಂ ಬರಯ್ತಾ. ಕೊಂಕಣಿ ಕವಿತೆಕ್ ಫುಲಂವ್ಚ್ಯಾ ದಿಶೆನ್ ಕವಿತಾ ಬರಯ್ತೆಲ್ಯಾ ಯುವಕವಿಂ ಪಯ್ಕಿಂತ್ಲೊ ಹೊ ಎಕ್ಲೊ ಮ್ಹಣುನ್ ಹಾಚ್ಯೊ ಕವಿತಾ ಗವಾಯ್ ದಿತಾತ್.
[kovita] Adhunik xisanchim bhognnam* (- Glanish Martis, Alangar)*
Hangasor ek sot ani tea sotachim marmik rupam asat. Ek vidhea pramannik ritin xikcho xis, ani taka oplea svarthacho bonddvall korun aplea faideak gollsuncho hoddbo guru. Hangasor viddombon mhollear zaiteank somzunk soit zainaschem hem sot (?) veginch somzunche xis jednam ugtean soval korchem khorench zaun vevegollea oddkollenchea sutank tuttoun mukar paulam kaddchem dhoir xisan ghemvchem thoknnayechench. - Som
[kovita] Adhunik xisanchim bhognnam* (- Glanish Martis, Alangar)*
*Adhunik xisanchim bhognnam* nixani chukomvcheak vicharo‌lelea okhonddeak kitlem duk bhoglam'stolem nhoi! fokot tir maro‌chi xati okhonddeak asa tor hatantlea dusrea bottank na kitem mol? keul nixanye sokter hondvon fuddar parkil'lea dronnak xisachi obhivrid'dhi koddu lagli nhoi! aplo adhar-khambo kapche fuddem orpunk axel'lea bottachi tan bhagounko pattim soro‌lelea adivasik nat‌l'lem kitem rogtachem mol? tirachem pont sarkye nixanek vhoro‌n pauyil'lo kodondd kitlo churchuro‌la'stolo nhoi! lokxyek purok mhonnchea 'angtteak' nirjiuponnachi mudi ximvtana tir‌xastracho solvonne-udgar aikol'lo tori kitlo hollu? hea sovalank zapi diunko dronno tosolea gurunchi gorz adhunik somsrak podduna! bogar 'ekolouy' zoso xis mhonn lekun oxir chintpachea gurunchea gopinnek 'fator' zaun vaparo‌lelea xisanchim bhognnam aikot tori konn? Sobdancho Orth: 1.Okhonddo, angtto = hatachem‌ poilem bott (Thumb) 2.Kodondd = tir marunk vhaparochem hater (Bow) 3.Gopinn = fator marunk upkarochim sahet (Catapult). **** - Glanish Martis Alangar.** [Jul, 2020]

	Glanish Martis Alangar: B.Sc. podvechem xikop zoddun ascho olongar gamvcho glanix marttis pattlea thoddea vorsamni potramni toxench zallizageamni kovita, kannio toxench lekhonam boroita. Konkonni kovitek fulomvchea dixen kovita boroitelea yuvokovim poikintlo ho eklo mhonnun hacheo kovita govai ditat.
[कविता] आधुनीक शिसांचीं भोगणां (- ग्ल्यानीश मार्टीस अलंगार)
हांगासर एक सत आनी त्या सताचीं मार्मीक रुपां आसात. एक विध्या प्रामाणीक रितीन शिकचो शीस, आनी ताका अपल्या स्वार्थाचो बंडवाळ करून आपल्या फायद्याक गळसुंचो हडबो गुरू. हांगासर विडंबन म्हळ्यार जायत्यांक समजुंक सयत जायनासचें हें सत (?) वेगिंच समजुंचे शीस जेदनां उग्त्यान सवाल कर्चें खरेंच जावन वेवेगळ्या अडकळेंच्या सुतांक तुटवन मुकार पावलां काडचें धयर शिसान घेंवचें थोकणायेचेंच. - सं
[कविता] आधुनीक शिसांचीं भोगणां (- ग्ल्यानीश मार्टीस अलंगार)
आधुनीक शिसांचीं भोगणां निशानी चुकोंवच्याक विचार‌्लेल्या अखंड्याक कितलें दूक भोगलां'स्तलें न्हय! फकत तीर मार‌्ची शाती अखंड्याक आसा तर हातांतल्या दूसऱ्या बोटांक ना कितें मोल? केवल निशान्ये सक्तेर होंद्वोन फुडार पार्किल्ल्या द्रोणाक शिसाची अभिवृद्धी कोडू लागली न्हय! आपलो आधार-खांबो कापचे फुडें अर्पुंक आशेल्ल्या बोटाची तान भागवंक पाटीं सर‌्लेल्या आदिवासीक नात‌ल्लें कितें रग्ताचें मोल? तिराचें पोंत सार्क्ये निशानेक व्हर‌्न पावयिल्लो कोदंड कितलो चुर्चूर‌्ला'स्तलो न्हय! लक्ष्येक पूरक म्हणच्या 'आंगट्याक' निर्जीवपणाची मुदी शिंवताना तीर‌शासत्राचो सलवणे-उदगार आयकल्लो तरी कितलो हळू? ह्या सवालांक जापी दीवंक द्रोण तसल्या गुरुंची गर्ज आधुनीक संस्राक पडुना! बगार 'एकलव्य' जसो शीस म्हण लेकून अशीर चिंत्पाच्या गुरुंच्या गोपिणेक 'फातर' जावन वापार‌्लेल्या शिसांचीं भोगणां आयकत तरी कोण? सब्दांचो अर्थ: १.अखंडो, आंगटो = हाताचें‌ पयलें बोट (Thumb) २.कोदंड = तीर मारुंक व्हापारचें हातेर (Bow) ३.गोपीण = फातर मारुंक उपकारचीं साहेत (Catapult). **** - ग्ल्यानीश मार्टीस अलंगार.** [जुलाय, २०२०]

	ग्ल्यानीश मार्टीस अलंगार: बी.एस्सी पद्वेचें शिकप जोडून आसचो अलंगार गांवचो ग्लानीश मार्टीस पाटल्या थोड्या वर्सांनी पत्रांनी तशेंच जाळिजाग्यांनी कविता, काणियो तशेंच लेखनां बरयता. कोंकणी कवितेक फुलंवच्या दिशेन कविता बरयतेल्या युवकवीं पयकिंतलो हो एकलो म्हणून हाच्यो कविता गवाय दितात.


ದಾಯ್ಜ್.ಕೊಮ್

2004 ಥಾವ್ನ್ 2011 ಪರ್ಯಾಂತ್ ಕಾರ್ಯಾಳ್ ಆಸ್‌ಲ್ಲ್ಯಾ ದಾಯ್ಜ್.ಕೊಮ್ ಚೆರ್ ಪರ್ಗಟ್‌ಲ್ಲ್ಯಾ ವಿಂಚ್ಣಾರ್ ಸಾಹಿತಾಕ್ ಆಮಿ ಫುಡಿಲ್ಯಾ ದಿಸಾಂನಿ ಪಯ್ಣಾರಿ ವಾಚ್ಪ್ಯಾಂಕ್ ಲಾಭಯ್ತೆಲ್ಯಾಂವ್.