ಪಯ್ಣಾರಿ.ಕೊಮ್ Poinnari.Com: Konkani Research, Konkani Study, Progressive Konkanni Literature, Konkani Writing, Konkani Poetry, Creative Writing, Konkani Books, Konkani Association, Konkani Work, Fiction Writing, Poetry Criticism, Poetry Contests, Writing C

[ಕವಿತಾ] ಉತರ್ ಪ್ರಾಯ್ (- ದೊ|ಫ್ಲಾವಿಯಾ ಕ್ಯಾಸ್ತಲಿನೊ, ಶಂಕರಪುರ)

ಜೆದ್ನಾ ಭವ್ತಿಕ್ ತಶೆಂಚ್ ಆಧ್ಯಾತ್ಮಿಕ್ ಚಿಂತಪ್ ಎಕಾಚ್ ಜಾಗ್ಯಾರ್ ಯೆತಾ ತೆದ್ನಾಂ ಉದೆಂವ್ಚಿ ಜಾವ್ನಾಸಾ ಘುಸ್ಪಡ್. ಭವ್ತಿಕ್ ಸಂಸಾರಾಂತ್ ಜ್ಯೆ ಕಿತೆಂ ದಿಸ್ತಾ ತೆಂಚ್ ಆಸ್ತಾ. ಮನಶಾಚ್ಯಾ ಕುಡಿಚೆರ್ ದೊಳೆ, ಕಾನ್, ನಾಕ್, ತೊಂಡ್.. ಆನಿ ಎಕೆಕಾಕ್ ಎಕೇಕ್ ಕಾಮ್ ಆಸ್ತಾ. ಪುಣ್ ಆಧ್ಯಾತ್ಮಿಚ್ ಚಿಂತ್ಪಾಂತ್ ಮಾತ್ಶೆಂ ವೆಗಳೆಂ ಆಸುಯೆತಾ; ಭವ್ತಿಕ್ ಸಂಸಾರಾಕ್ ದಿಸಾನಾತ್ಲೆಂ ಮನ್ ಆಧ್ಯಾತ್ಮಿಚ್ ಸಂಸಾರಾಂತ್ ದಿಸುಂಕ್ ಸಕ್ತಾ. ಆನಿ ಹಿ ಕವಿತಾ ಕಾಂಯ್ ತಸಲ್ಯಾ ದೋನ್ ಚಿಂತ್ಪಾಚೆರ್ ಭಾರೀಕಾಯೆನ್ ಆರ್ಸೊ ಧರ್ತಾ. ಹ್ಯಾ ಕವಿತೆಂತ್ ಸಾಂಗ್ಚೆಪರಿಂ, ಮನಶಾಚಿ ಕೂಡ್ ನಾಸ್ ಜಾಂವ್ಕ್ ಸಕ್ತಾ, ಜಾಣ್ತಿ ಜಾಂವ್ಕ್ ಸಕ್ತಾ, ಅಸ್ಕತ್ ಜಾಂವ್ಕ್ ಸಕ್ತಾ ಪುಣ್ ಮನಾಕ್ ಪ್ರಾಯ್ ನಾ; ಜಸೊ ಸುರ್ಯೊ ಕಾಂಯ್ ಯುಗಾಂನಿ ಉದೆತಾ, ಬುಡ್ತಾ ಪರತ್ ಉದೆತಾ ತಶೆಂ ಮನಶಾಚೆಂ ಮನ್ ಸಯ್ತ್ ಜೆದನಾಂ ಸಕ್ತೆಚೆಂ ಆಸ್ತಾ ತೆದನಾಂ ಮನಶಾಕ್ ಕಸಲೆಂಚ್ ಅಸ್ಕತ್ ವಾ ಉತರ್ ಪ್ರಾಯೆಚೆಂ ಮ್ಹಳ್ಳೆಂ ನಾ.

- ಸಂ

[ಕವಿತಾ] ಉತರ್ ಪ್ರಾಯ್ (- ದೊ\|ಫ್ಲಾವಿಯಾ ಕ್ಯಾಸ್ತಲಿನೊ, ಶಂಕರಪುರ)

ಉತರ್ ಪ್ರಾಯ್ ಹಾಂವೆಂ ಮನಾಂತ್ಲೆ ದೊಳೆ ಧಾಂಪಿಲ್ಲೆ ತೆದ್ನಾಂ; ಕಾಳ್ಜಾಂತ್ ರಗತ್ ವ್ಹಾಳತ್ ಆಸ್ಲೆಂ ತೆಂ ಘೆಟೆ ಜಾಲೆಂ ದೀಷ್ಟ್ ದಿಂವ್ಚೆ ದೊಳೆ ಮ್ಹಜೆ ಮಂದ್ ಜಾಲೆ ಸುಡ್ಸುಡಿತ್ ಆಸ್ಲೆಲೆ ಹಾತ್-ಪಾಂಯ್ ಮ್ಹಜೆ ರೂಕ್ ಜಾಲೆ ಉಡೊನ್ ಖೆಳೊನ್ ಆಸ್‍ಲ್ಲಿ ಪುಡ್ಪುಡಿತ್ ಕೂಡ್ ಮ್ಹಜಿ ಸ್ಥಬ್ದ್ ಜಾಲಿ ನಾಂ ಘಟಾಯ್ ನಾಂ ಉರ್ಭಾ ಹಿಚ್ ಉತರ್-ಪ್ರಾಯ್ ಕಾಯ್? ಸುರ್ಯೊ ಉದೆತಾಲೊ ಸುರ್ಯೊ ಬುಡ್ತಾಲೊ ಪಳೆವ್ನ್ ಆಸ್ಲೆಪರಿಂಚ್ ಆತಾಂ ಮನಾಚೆ ದೊಳೆ ಜೆದ್ನಾ ಉಘಡ್ಲೆ; ಕುಡಿಂತ್ ಸಕತ್ ಅಯ್ಲಿ ಆನಿ ಹಾಂವ್ ಪರತ್ ಭುರ್ಗೆಂ ಜಾಲಿಂ ****** - ದೊ\|ಫ್ಲಾವಿಯಾ ಕ್ಯಾಸ್ತಲಿನೊ, ಶಂಕರಪುರ. [ಜುಲಾಯ್, 2020]

	ದೊ\|ಫ್ಲಾವಿಯಾ ಕ್ಯಾಸ್ತಲಿನೊ, ಶಂಕರಪುರ: ಸಮಾಜ್‌ಶಾಸ್ತಿರಾಂತ್ ಪದ್ಯುತ್ತರ್, MA, MSc, PhD ದೊತೊರ್‌ಗಿರಿ ಶಿಕ್‌ಲ್ಲಿ ಮೂಳ್ ಪಾಂಗ್ಳಾ (ಶಂಕರಪುರ) ಗಾಂವ್ಚಿ ದೊ\|ಫ್ಲಾವಿಯಾ ಕ್ಯಾಸ್ತಲಿನೊ, ಸೈಂಟ್ ಇಗ್ನೇಶಿಯಸ್ ಇನ್ಸ್ಟಿಟ್ಯೂಟ್ ಆಫ್ ಹೆಲ್ತ್ ಸಾಯನ್ಸ್ ಹೊನ್ನಾವರ್ ಹಾಂಗಾಸರ್ ಸಹ-ಪ್ರಾಧ್ಯಾಪಕ್ ಜಾವ್ನ್ ವಾವ್ರ್ ಕರ್ತಾ. ಬರಿ ಕೊಂಕಣಿ ವಾಚ್ಪಿ ಜಾವ್ನಾಸ್ಚ್ಯಾ ಹಿಣೆಂ ಸಭಾರ್ ಕಾಣಿಯೊ, ಕವಿತಾ ಬರಯ್ಲ್ಯಾತ್. ವಿಗ್ಯಾನಾಚೆರ್ ಹಿಚಿಂ ಸಂಶೋದ್ ಬರ್ಪಾಂ ಪರ್ಗಟ್ಳ್ಯಾಂತ್. ಹಿಚ್ಯಾ ಕೊಂಕಣಿ ಕವಿತೆಚೊ ಜಮೊ ವೆಗಿಂಚ್ ಬುಕಾರುಪಾರ್ ಪರ್ಗಟುನ್ ಯೆಂವ್ಚ್ಯಾರ್ ಆಸಾ.
[kovita] Utor prai (- Dr.Flavia Castelino, Shankerpura)
Jedna bhoutik toxench adheatmik chintop ekach zagear yeta tednam udemvchi zaunasa ghuspodd. Bhoutik somsarant jye kitem dista tench asta. Monoxachea kuddicher dolle, kan, nak, tondd.. Ani ekekak ekek kam' asta. Punn adheatmich chintpant matxem vegollem asuyeta; bhoutik somsarak disanatlem mon adheatmich somsarant disunk sokta. Ani hi kovita kaim tosolea don chintpacher bharikayen arso dhorta. Hea kovitent sangcheporim, monoxachi kudd nas zaunko sokta, zannti zaunko sokta, oskot zaunko sokta punn monak prai na; zoso sureo kaim yugamni udeta, buddta porot udeta toxem monoxachem mon soit jedonam soktechem asta tedonam monoxak kosolench oskot va utor prayechem mholl'llem na. - Som
[kovita] Utor prai (- Dr.Flavia Castelino, Shankerpura)
Utor prai hamvem monantle dolle dhampil'le tednam; kallzant rogot vhallot aslem tem ghette zalem dixtt dimvche dolle mhoje mond zale suddsuddit aslele hat-pam-i mhoje ruk zale uddon khellon as‍l'li puddpuddit kudd mhoji sthobd zali nam ghottai nam urbha hich utor-prai kai? sureo udetalo sureo buddtalo polleun asleporinch atam monache dolle jedna ughoddle; kuddint sokot oyli ani hamv porot bhurgem zalim **** - Dr \| Flavia Castelino, Shankerpura.** [July, 2020]

	Dr \| Flavia Castelino, Shankerpura: Somaz‌xastirant podyut'tor, MA, MSc, PhD dotor‌giri xik‌l'li mull Panglla (Shankerpura) gamvchi Dr.Flavia Castelino, St.Ignetias Institute of Health Science, Honnnavara hangasor soho-pradheapok zaun vaur korta. Bori konkonni vachpi zaunaschea hinnem sobhar kannio, kovita boroileat. Vigeanacher hichim sonxod borpam porgottlleant. Hichea konkonni kovitecho zomo veginch bukarupar porgottun yemvchear asa.
[कविता] उतर प्राय (- दो\|फ्लाविया क्यासतलिनो, शंकरपूर)
जेदना भवतीक तशेंच आध्यात्मीक चिंतप एकाच जाग्यार येता तेदनां उदेंवची जावनासा घुस्पड. भवतीक संसारांत ज्ये कितें दिसता तेंच आसता. मनशाच्या कुडिचेर दोळे, कान, नाक, तोंड.. आनी एकेकाक एकेक काम आसता. पूण आध्यात्मीच चिंत्पांत मातशें वेगळें आसुयेता; भवतीक संसाराक दिसानातलें मन आध्यात्मीच संसारांत दिसुंक सक्ता. आनी ही कविता कांय तसल्या दोन चिंत्पाचेर भारीकायेन आर्सो धर्ता. ह्या कवितेंत सांगचेपरीं, मनशाची कूड नास जावंक सक्ता, जाणती जावंक सक्ता, असकत जावंक सक्ता पूण मनाक प्राय ना; जसो सूऱ्यो कांय युगांनी उदेता, बुडता परत उदेता तशें मनशाचें मन सयत जेदनां सक्तेचें आसता तेदनां मनशाक कसलेंच असकत वा उतर प्रायेचें म्हळ्ळें ना. - सं
[कविता] उतर प्राय (- दो\|फ्लाविया क्यासतलिनो, शंकरपूर)
उतर प्राय हांवें मनांतले दोळे धांपिल्ले तेदनां; काळजांत रगत व्हाळत आसलें तें घेटे जालें दीषट दिंवचे दोळे म्हजे मंद जाले सुडसुडीत आसलेले हात-पांय म्हजे रूक जाले उडोन खेळोन आस‍ल्ली पुडपुडीत कूड म्हजी स्थब्द जाली नां घटाय नां उर्भा हीच उतर-प्राय काय? सूऱ्यो उदेतालो सूऱ्यो बुडतालो पळेवन आसलेपरिंच आतां मनाचे दोळे जेदना उघडले; कुडिंत सकत अयली आनी हांव परत भुर्गें जालीं **** - दो\|फ्लाविया क्यासतलिनो, शंकरपूर.** [जुलाय, २०२०]

	दो\|फ्लाविया क्यासतलिनो, शंकरपूर: समाज‌शासतिरांत पद्युत्तर, MA, MSc, PhD दोतोर‌गिरी शीक‌ल्ली मूळ पांगळा (शंकरपूर) गांवची दो\|फ्लाविया क्यासतलिनो, सैंट इग्नेशियस इन्स्टिट्यूट आफ हेल्त सायन्स होन्नावर हांगासर सह-प्राध्यापक जावन वावर कर्ता. बरी कोंकणी वाचपी जावनासच्या हिणें सभार काणियो, कविता बरयल्यात. विग्यानाचेर हिचीं संशोद बर्पां पर्गटळ्यांत. हिच्या कोंकणी कवितेचो जमो वेगिंच बुकारुपार पर्गटून येंवच्यार आसा.


ದಾಯ್ಜ್.ಕೊಮ್

2004 ಥಾವ್ನ್ 2011 ಪರ್ಯಾಂತ್ ಕಾರ್ಯಾಳ್ ಆಸ್‌ಲ್ಲ್ಯಾ ದಾಯ್ಜ್.ಕೊಮ್ ಚೆರ್ ಪರ್ಗಟ್‌ಲ್ಲ್ಯಾ ವಿಂಚ್ಣಾರ್ ಸಾಹಿತಾಕ್ ಆಮಿ ಫುಡಿಲ್ಯಾ ದಿಸಾಂನಿ ಪಯ್ಣಾರಿ ವಾಚ್ಪ್ಯಾಂಕ್ ಲಾಭಯ್ತೆಲ್ಯಾಂವ್.