ಪಯ್ಣಾರಿ.ಕೊಮ್ Poinnari.Com: Konkani Research, Konkani Study, Progressive Konkanni Literature, Konkani Writing, Konkani Poetry, Creative Writing, Konkani Books, Konkani Association, Konkani Work, Fiction Writing, Poetry Criticism, Poetry Contests, Writing C

[ಕವಿತಾ] ತುಜಿ ತುಳಾ (- ಸಿಯಾಲೀನಿ ಫೆರ್ನಾಂಡೀಸ್)

ಕಾಂಯ್ ಎಕಾ ಪ್ರೇಮಿಚೆರ್ ಹಿ ಕವಿತಾ ವಿಣ್ಲಲಿ ಕಶಿ ದಿಸತ್ ಕೊಣಾಕ್ ತರ್ ಕೊಣಾಕ್ ಹಿ ಏಕ್ ಆಧ್ಯಾತ್ಮಿಕ್ ಚಿಂತ್ಪಾಚಿ ಕವಿತಾ ಮ್ಹಣುನ್ ದಿಸತ್. ಪುಣ್ ಹಾಂಗಾಸರ್ ಏಕ್ ರುಪ್ಣೆಂ ಆನಿ ಚಿಂತ್ಪಾಚೆಂ ಪಡ್‍ರುಪ್ಣೆಂ ಆಸಾ ಜಾಲ್ಲ್ಯಾನ್ ಕವಿತೆಕ್ ವೆಗ್-ವೆಗಳಿಂ ರುಪಾಂ ದಿವ್ಯೆತಾ.

- ಸಂ

[ಕವಿತಾ] ತುಜಿ ತುಳಾ (- ಸಿಯಾಲೀನಿ ಫೆರ್ನಾಂಡೀಸ್)

ತುಜಿ ತುಳಾ ತುಜಿ ತುಳಾ ಹಾಂವ್ ಕೊಣಾ ಕಡೆನ್ ಕರುಂ? ತುಂ ಮೊರಾ ಪರ್ಸೂಯ್ ಅದೀಕ್ ಸುಂದರ್, ತುಜಿ ಜಾಯ್ನಾ ಕರೂಂಕ್ ಕೊಣಾಕಡೆನಚ್ ಸರ್ ತುಕಾ ದೊಳೆ ದಿಪ್ಕಾಯ್ ನಾಸ್ತನಾ ತೊಖೆತ್ ರಾವೂಂಕ್ ಜಾತಾ ಮ್ಹಜ್ಯಾನ್ ರಾತೂಯ್ ಭರ್. ಕಾಳೀಜ್ ಮ್ಹಜೆಂ ಚೊರ್ಲಾಂ ತುವೆಂ ಆತಾಂ ಕೊಣ್ ಫಾರೀಕ್ ಕರ್ತಲೊ ತಾಚೆರ್ ಕರ್? ತುಜಿ ತುಳಾ ಕರೂಂಕ್ ಶಬ್ದ್ ಕಮಿ ಪಡ್ಟಾತ್, ತುಜೆಚ್ ವಿಚಾರ್ ಮನಾಂತ್ ಮ್ಹಜ್ಯಾ ದುಮ್ಶೆಣಾ ರೆ ಘಾಲ್ತಾತ್. ತುಂ ಶಾಂತ್ ತ್ಯಾ ವ್ಹಾಂವೂನ್ ವತ್ಲ್ಯಾ ಝರ್ಯಾ ಭಶೆನ್ ತುಜೆಂ ವ್ಯಕ್ತಿತ್ವ್ ತೆಜಿಶ್ಟ್ ತೆ ಸುರ್ಯಾ ಭಶೆನ್ ತುಜೆ ಭಿತರ್ ಧಿಟಾಯ್ ಆಸಾ, ತುಜೆ ಭಿತರ್ ಬಳಾಯ್ ಆಸಾ, ತುಜೆ ಭಿತರ್ ಪರ್ಮೆಶ್ವರಾಚಿ ಸಾಸಾಯ್ ಆಸಾ. ತುಜಿ ತುಳಾ ಕರೂಂಕ್ ಶಬ್ದ್ ಬರೊವಂಕ್ ಲಾಗ್ಲೆಂ ಜಾಲ್ಯಾರ್ ಪಾನಾಂ ಜಾತ್ಲಿಂ ಸಾಬಾರ್, ಬರಯ್ತಾಂ - ಬರಯ್ತಾಂ ಮ್ಹಜ್ಯಾ ಕಲ್ಮಾಂತಲೆಂ ತೀಂತ್ ಲೆಗೀತ್ ಜಾತ್ಲೆಂ ಕಾಬಾರ್. **** - ಸಿಯಾಲಿನಿ ಫೆರ್ನಾಂಡಿಸ್**. [ನವೆಂಬ್ರ್, 2020]

	ಸಿಯಾಲಿನಿ ಫೆರ್ನಾಂಡಿಸ್: ಗೊಂಯ್ಚ್ಯಾ ಕಾರ್ಮೆಲ್ ಕೊಲೆಜಿಚ್ಯಾ ಕೊಂಕಣಿ ವಿಭಾಗಾಂತ್ ಸಹಾಯಕ್ ಅಧ್ಯಾಪಕ್ ಜಾವ್ನ್ ವಾವ್ರ್ ಕರ್ಚಿ ಬಾಯ್ ಸಿಯಾಲಿನಿ ಫೆರ್ನಾಂಡಿಸ್ ಅಪ್ರೂಪ್ ಬರಯ್ತಾ. ಸಭಾರ್ ಕೊಂಕಣಿ ಸಾಹಿತಿಕ್ ಕಾರ್ಯಾಂನಿ ಸಕ್ರಿಯ್ ರಿತಿರ್ ವಾಂಟೊ ಘೆಂವ್ಚ್ಯಾ ತಿಚಿ ಹಿ ಪಯ್ಲಿ ಕವಿತಾ ಜಾವ್ನಾಸಾ.
[kovita] Tuji tulla* (- Cialini Fernandes)*
Kaim eka premicher hi kovita vinnloli koxi disot konnak tor konnak hi ek adheatmik chintpachi kovita mhonnun disot. Punn hangasor ek rupnnem ani chintpachem podd‍rupnnem asa zal'lean kovitek veg-vegollim rupam divyeta. - Som
[kovita] Tuji tulla* (- Cialini Fernandes)*
Tuji tulla tuji tulla hamv konna kodden korum? tum mora porsuy odik sundor, tuji zaina korunk konnakoddenoch sor tuka dolle dipkai nastona tokhet ravunk zata mhojean ratuy bhor. Kalliz mhojem chorlam tuvem atam konn farik kortolo tacher kor? tuji tulla korunk xobd komi poddttat, tujech vichar monant mhojea dumxenna re ghaltat. Tum xant tea vhamvun votlea zhorea bhoxen tujem vyoktitv tejixtt te surea bhoxen tuje bhitor dhittai asa, tuje bhitor bollai asa, tuje bhitor pormexvorachi sasai asa. Tuji tulla korunk xobd borounk laglem zalear panam zatlim sabar, boroitam - boroitam mhojea kolmantolem tint legit zatlem kabar. **** - Cialini Fernandes.** [Jul, 2020]

	Cialini Fernandes: Gõychea Carmel kolejichea Konkonni vibhagant sohaik odheapok zaun vaur korchi Bai Cialini Fernandes oprup boroita. Sobhar konkonni sahitik kareamni sokriy ritir vantto ghemvchea tichi hi poili kovita zaunasa.
[कविता] तुजी तुळा (- सियालीनी फेर्नांडीस)
कांय एका प्रेमिचेर ही कविता विणलली कशी दिसत कोणाक तर कोणाक ही एक आध्यात्मीक चिंत्पाची कविता म्हणून दिसत. पूण हांगासर एक रुपणें आनी चिंत्पाचें पड‍रुपणें आसा जाल्ल्यान कवितेक वेग-वेगळीं रुपां दिव्येता. - सं
[कविता] तुजी तुळा (- सियालीनी फेर्नांडीस)
तुजी तुळा तुजी तुळा हांव कोणा कडेन करूं? तूं मोरा परसूय अदीक सुंदर, तुजी जायना करूंक कोणाकडेनच सर तुका दोळे दिपकाय नासतना तोखेत रावूंक जाता म्हज्यान रातूय भर. काळीज म्हजें चोरलां तुवें आतां कोण फारीक करतलो ताचेर कर? तुजी तुळा करूंक शब्द कमी पडटात, तुजेच विचार मनांत म्हज्या दुमशेणा रे घालतात. तूं शांत त्या व्हांवून वतल्या झऱ्या भशेन तुजें व्यक्तित्व तेजिश्ट ते सुर्या भशेन तुजे भितर धिटाय आसा, तुजे भितर बळाय आसा, तुजे भितर पर्मेश्वराची सासाय आसा. तुजी तुळा करूंक शब्द बरोवंक लागलें जाल्यार पानां जातलीं साबार, बरयतां - बरयतां म्हज्या कलमांतलें तींत लेगीत जातलें काबार. **** - सियालिनी फेर्नांडीस.** [नवेंबर, २०२०]

	सियालिनी फेर्नांडीस: गोंयच्या कार्मेल कोलेजिच्या कोंकणी विभागांत सहायक अध्यापक जावन वावर कर्ची बाय सियालिनी फेर्नांडीस अपरूप बरयता. सभार कोंकणी साहितीक काऱ्यांनी सक्रीय रितीर वांटो घेंवच्या तिची ही पयली कविता जावनासा.


ದಾಯ್ಜ್.ಕೊಮ್

2004 ಥಾವ್ನ್ 2011 ಪರ್ಯಾಂತ್ ಕಾರ್ಯಾಳ್ ಆಸ್‌ಲ್ಲ್ಯಾ ದಾಯ್ಜ್.ಕೊಮ್ ಚೆರ್ ಪರ್ಗಟ್‌ಲ್ಲ್ಯಾ ವಿಂಚ್ಣಾರ್ ಸಾಹಿತಾಕ್ ಆಮಿ ಫುಡಿಲ್ಯಾ ದಿಸಾಂನಿ ಪಯ್ಣಾರಿ ವಾಚ್ಪ್ಯಾಂಕ್ ಲಾಭಯ್ತೆಲ್ಯಾಂವ್.