ಪಯ್ಣಾರಿ.ಕೊಮ್ Poinnari.Com: Konkani Research, Konkani Study, Progressive Konkanni Literature, Konkani Writing, Konkani Poetry, Creative Writing, Konkani Books, Konkani Association, Konkani Work, Fiction Writing, Poetry Criticism, Poetry Contests, Writing C

[ಕವಿತಾ] ಖುನ್ (- ಅಮೇಯ್ ನಾಯ್ಕ್)

ಕಸಲೆಂ ವಿಪರ್ಯಾಸ್ ಪಳೆಯಾತ್, ಬಗ್ಲೆನ್ ವ್ಹಾಳುಂಕ್ ಲಾಗ್ಲಾಂ ರಗತ್; ಅಮಾಯಕ್ ಮನಶಾಚೆಂ, ಅಸ್ಕತ್ ಮನಶಾಚೆಂ ಆನಿ ಮನಿಸ್ ಕಸ್ಲಿಚ್ ಫಿಕಿರ್ ನಾಸ್ತಾಂ ಕವಿತಾ ಬರಂವ್ಕ್ ಲಾಗ್ಲಾ ಆನಿ ಮ್ಹಾಕಾ ಲಾಯ್ಕ್ ಕರಾ ಶೇರ್ ಕರಾ ಮ್ಹಣುನ್ ಸೆಲ್ಫಿ ಕಾಡ್ಚಾಂತ್ ವೆಸ್ತ್ ಆಸಾ. ಅಸಲೆ ಹಡ್ಬೆ ಜರ್ ಕವಿ ತರ್ ಹಾಚ್ಯಾಕೀ ಅನಿಶ್ಟ್ ಸಮಾಜೆಂತ್ ಆನಿ ಕಿತೆಂ ಆಸುಯೆತಾ? ಆಯ್ಚೊ ಕಾಳ್ ದಾಖವ್ಪಾಚೊ ದೆಕುನ್ ಸಗ್ಳೆ ದಾಕವ್ಪಾಂತ್ ವೆಸ್ತ್. ಹಾಂವ್ ವ್ಹಡ್ಲೊ, ಹಾಂವ್ ಉಂಚ್ಲೊ, ಕಿತ್ಯಾಕ್ ಮ್ಹಜೆಲಾಗಿಂ ಅಖ್ಬರ್ ಉಲಯ್ಲಾ ಮ್ಹಣುನ್ ದಾಂಗ್ರೊ ಮಾರ್ಚೆ ತಕ್ಲೆಂತ್ ಶೆಣ್ ಆನಿ ಗೊಬೊರ್ ಭರುನ್ ಆಸ್ಚೆ, ತೊಂಡಾರ್ ಮೇಕಪ್ ಘಾಲುನ್ ಸಮಾಜೆಕ್ ಫಟಯ್ತಾತ್.

ಹ್ಯಾ ಕವಿತೆಂಚ್ ಏಕ್ ಖುನ್ ಆಸಾ ಮನ್ಶಾಪಣಾಚೆರ್ ಖುನ್ ಜಾಲ್ಯಾ ಆನಿ ದರೇಕಾ ದಿಸಾ ಜಾವ್ನ್‍ಚ್ ಆಸಾ. ಪೊಯ್ರ್ ಎಕಾ ಚೆಡ್ವಾಚೆರ್ ಸಾಮೂಹಿತ್ ಭಲತ್ಕಾರ್ ಜಾವ್ನ್ ತಿಕಾ ಲಗಾಡ್ ಕಾಡ್ಲೊ ಆನಿ ಕಾಲ್ ಆಮ್ಚ್ಯಾ ಕಾಯ್ದೆ ಕಾನುನಾಕ್ ಬೊಲ್ಸಾಂತ್ ಘಾಲ್ಲ್ಯಾಂನಿ ತಿಕಾ ಪುರುನ್ ಸೊಡ್ಲೊ ಆನಿ ಆಮಿ ಸಗ್ಳಿಂ ಸುಶೆಗಾತ್ ಮಿರಂವ್ಕ್ ಪಡ್ಲ್ಯಾಂವ್ ಜಶೆಂ ಆಮ್ಕಾಂ ಮರಣ್ ನಾ, ಆಮಿ ಸಾಸ್ಣಿಕ್ ಮನಿಸ್ ಮ್ಹಳ್ಳೆಪರಿಂ.

- ಸಂ

[ಕವಿತಾ] ಖುನ್ (- ಅಮೇಯ್ ನಾಯ್ಕ್)

ಖುನ್ ಖುನ್ ಜಾಲಾ ಖುನ್ ...ಮನೀಸಪಣಾಚೊ. ಹಾಂವ್ಪಣಾಚ್ಯಾ ಖುಸ್ತಾರ್ ಮಿರೊವ್ಪಿ ಮನಾಂಚೊ. ವಾವ್ಡ್ಯೊ ಮಾರ್ತಾತ್ ಗಜಾಲಿ ಖುನಿ ಆಜೂನ್ ಫರಾರ್ ಆಸಾ. ಗುನ್ಯಾಂಕಾರಾವಾಂಗಡಾ ತಸೊ ದರ್ ಎಕ್ಲ್ಯಾಚೊ ಕರಾರ್ ಆಸಾ. ಹುಮ್ಟಾವನ್ ಪಡಿಲ್ಲ್ಯಾ ರೂಖಾಕ್ ದುಬಾವ್ ಯೆತಾ ಪಾನಾಂಚೊ. ಖುನ್ ಜಾಲಾ ಖೂನ್ ...ಮನೀಸಪಣಾಚೊ. ಹಾಂವ್ಪಣಾಚ್ಯಾ ಖುಸ್ತಾರ್ ಮಿರೊವ್ಪಿ ಮನಾಂಚೊ. ನಿಶೆಧಾಚ್ಯಾ ಮೆಣಾತ್ ಘಾತ್ಲ್ಯಾ ಫಿತೂರ್ಯಾನಿ ವಾತ್. ಪೆಟಯ್ತಕೂಚ್ ವಾತೀಕ್ ಮಾಗೀರ್ ಧರ್ಮ್ ಲಾಗ್ನಾ ಜಾತ್. ಭಗ್ಭಗಪಿ ಉಜ್ಯಾಕ್ ಆಧಾರ್ ಸಂಪ್ರದಾಯಿಕ್ ತಣಾಚೊ. ಖುನ್ ಜಾಲಾ ಖುನ್ ...ಮನೀಸಪಣಾಚೊ. ಹಾಂವ್ಪಣಾಚ್ಯಾ ಖುಸ್ತಾರ್ ಮಿರೊವ್ಪಿ ಮನಾಂಚೊ. **** - ಅಮೇಯ್ ನಾಯ್ಕ್**. [ಸಪ್ತೆಂಬ್ರ್, 2020]

	ಅಮೇಯ್ ನಾಯ್ಕ್, ಗೊಂಯ್: ಬಿ.ಕೊಮ್. ಶಿಕ್ಪಿ ಅಮೇಯ್ ವಿಶ್ರಾಮ್ ನಾಯ್ಕ್ ಗೊಂಯ್ಚೊ ಉದೆವ್ನ್ ಯೆಂವ್ಚೊ ಪ್ರತಿಭಾವಂತ್ ಕವಿ. ಆಕಾಶ್‌ವಾಣಿಚೆರ್, ಕವಿಸಮ್ಮೇಳನಾಂನಿ ಕವಿತಾ ಸಾದರ್ ಕೆಲ್ಯಾತ್. ಸುನಾಪರಾಂತ್, ಭಾಂಗಾರ್ ಭುಂಯ್, ಬಿಂಬ್ ನೆಮಾಳ್ಯಾಂನಿ ಪರ್ಗಟ್ಲ್ಯಾಂತ್. ತಾಚ್ಯಾ ಕವಿತಾಜಮ್ಯಾಚೆಂ ನಾಂವ್ ’ಮೋಗ್ ಡೊಟ್ ಕೊಮ್’. 2017 ಇಸ್ವೆಚೊ ಸಾಹಿತ್ ಅಕಾಡೆಮಿಚೊ ’ಯುವ ಪುರಸ್ಕಾರ್’ ಜೊಡ್ಪಿ.
[kovita] Khun* (- Amey Naik.)*
Kosolem viporeas polleyat, boglen vhallunk laglam rogot; omaik monoxachem, oskot monoxachem ani monis koslich fikir nastam kovita borounko lagla ani mhaka laik kora xer kora mhonnun selfi kaddchant vest asa. Osole hoddbe zor kovi tor hacheaki onixtt somajent ani kitem asuyeta? aicho kall dakhoupacho dekun soglle dakoupant vest. Hamv vhoddlo, hamv unchlo, kiteak mhojelagim okhbor uloila mhonnun dangro marche toklent xenn ani gobor bhorun asche, tonddar mekop ghalun somajek fottoitat. Hea kovitench ek khun asa monxaponnacher khun zalea ani doreka disa zaun‍ch asa. Poir eka cheddvacher samuhit bholotkar zaun tika logadd kaddlo ani kal amchea kaide kanunak bolsant ghal'leamni tika purun soddlo ani ami sogllim suxegat mirounko poddleamv zoxem amkam moronn na, ami sasnnik monis mholl'lleporim. - Som
[kovita] Khun* (- Amey Naik.)*
*Khun* khun zala khun ...Monisoponnacho. Hamvponnachea khustar miroupi monancho. Vauddeo martat gozali khuni azun forar asa. Guneankaravangodda toso dor ekleacho korar asa. Humttaun poddil'lea rukhak dubavo yeta panancho. Khun zala khun ...Monisoponnacho. Hamvponnachea khustar miroupi monancho. Nixedhachea mennat ghatlea fitureani vat. Pettoitokuch vatik magir dhorm' lagna zat. Bhogbhogopi ujeak adhar samprodayik tonnacho. Khun zala khun ...Monisoponnacho. Hamvponnachea khustar miroupi monancho. **** - Amey Naik.** [Sep, 2020]

	Amey Naik, Gõy: B.Com'. Xikpi Amey Vishram Naik Gõycho udeun yemvcho protibhaunt kovi. Akax‌vannicher, kovisom'mellonamni kovita sador keleat. Sunaporant, bhangar bhum-i, bimb nemalleamni porgottleant. Tachea kovitazomeachem namv ’mog ddott kom'’. 2017 isvecho sahit okaddemicho ’yuvo puroskar’ zoddpi.
[कविता] खून (- अमेय नायक)
कसलें वीपऱ्यास पळेयात, बगलेन व्हाळुंक लागलां रगत; अमायक मनशाचें, असकत मनशाचें आनी मनीस कसलीच फिकीर नासतां कविता बरवंक लागला आनी म्हाका लायक करा शेर करा म्हणून सेलफी काडचांत वेसत आसा. असले हडबे जर कवी तर हाच्याकी अनिश्ट समाजेंत आनी कितें आसुयेता? आयचो काळ दाखवपाचो देकून सगळे दाकवपांत वेसत. हांव व्हडलो, हांव उंचलो, कित्याक म्हजेलागीं अखबर उलयला म्हणून दांग्रो मार्चे तकलेंत शेण आनी गोबोर भरून आसचे, तोंडार मेकप घालून समाजेक फटयतात. ह्या कवितेंच एक खून आसा मनशापणाचेर खून जाल्या आनी दरेका दिसा जावन‍च आसा. पोयर एका चेडवाचेर सामूहीत भलत्कार जावन तिका लगाड काडलो आनी काल आमच्या कायदे कानुनाक बोल्सांत घाल्ल्यांनी तिका पुरून सोडलो आनी आमी सगळीं सुशेगात मिरवंक पडल्यांव जशें आमकां मरण ना, आमी सासणीक मनीस म्हळ्ळेपरीं. - सं
[कविता] खून (- अमेय नायक)
खून खून जाला खून ...मनीसपणाचो. हांवपणाच्या खुसतार मिरोवपी मनांचो. वावड्यो मार्तात गजाली खूनी आजून फरार आसा. गुन्यांकारावांगडा तसो दर एकल्याचो करार आसा. हुमटावन पडिल्ल्या रूखाक दुबाव येता पानांचो. खून जाला खून ...मनीसपणाचो. हांवपणाच्या खुसतार मिरोवपी मनांचो. निशेधाच्या मेणात घातल्या फितूऱ्यानी वात. पेटयतकूच वातीक मागीर धर्म लाग्ना जात. भगभगपी उज्याक आधार सामप्रदायीक तणाचो. खून जाला खून ...मनीसपणाचो. हांवपणाच्या खुसतार मिरोवपी मनांचो. **** - अमेय नायक.** [सप्तेंबर, २०२०]

	अमेय नायक, गोंय: बी.कोम. शिकपी अमेय विश्राम नायक गोंयचो उदेवन येंवचो प्रतिभावंत कवी. आकाश‌वाणिचेर, कविस्म्मेळनांनी कविता सादर केल्यात. सुनापरांत, भांगार भुंय, बिंब नेमाळ्यांनी पर्गटल्यांत. ताच्या कविताज्म्याचें नांव ’मोग डोट कोम’. २०१७ इस्वेचो साहीत अकाडेमिचो ’यूव पुर्सकार’ जोडपी.


ದಾಯ್ಜ್.ಕೊಮ್

2004 ಥಾವ್ನ್ 2011 ಪರ್ಯಾಂತ್ ಕಾರ್ಯಾಳ್ ಆಸ್‌ಲ್ಲ್ಯಾ ದಾಯ್ಜ್.ಕೊಮ್ ಚೆರ್ ಪರ್ಗಟ್‌ಲ್ಲ್ಯಾ ವಿಂಚ್ಣಾರ್ ಸಾಹಿತಾಕ್ ಆಮಿ ಫುಡಿಲ್ಯಾ ದಿಸಾಂನಿ ಪಯ್ಣಾರಿ ವಾಚ್ಪ್ಯಾಂಕ್ ಲಾಭಯ್ತೆಲ್ಯಾಂವ್.