[ಕವಿತಾ] ಹಾವೆಸ್ (- ವೈಷ್ಣವಿ ರಾಯ್ಕರ್)

ಹಾವೆಸ್

ಪಯ್ಲೆಚ್ ಫಾವ್ಟ್
ವಿಚಾರಾಂತ್ ಮ್ಹಜ್ಯಾ
ಚೋರ್ ಪಾವ್ಲಾಂನಿ "ತೊ" ಆಯ್ಲೊ
ಕಾಳ್ಜಾಚೆ ಕೊಠ್ಯೆಕುಡೀಂತ್
ಭಿತರ್ ಸರ್ಲೊ
ತ್ಯಾ ಕುಡೀಂತ್ "ತೊ"
ಸೊದತ್ ಆಸಾ
ಕಿತೆಂ ತರಿ
ಆನಿ ಅಚ್ಕಿತ್
ತಾಕಾ ಮೆಳ್ಳಿ
ಎಕಾ ಕೊನ್ಶಾಕ್
ಉಡಯ್ಲ್ಲಿ ಪಾಟ್ಲಿ
ತಾಣೆಂ, ಘಟ್ಟ್ ಮಾರ್ಲೆಲ್ಯೊ ಗಾಠಿ
ಸದಳ್ ಕೆಲ್ಯೊ,
ಆನಿ "ತೊ " ಉಸ್ತಯತ್ ರಾವ್ಲೊ
ಚುರಿಲ್ಲಿಂ, ಚಿಡ್ಡಲ್ಲಿಂ
ಧುಳಾನ್ ಮಾಖ್ಲೆಲಿಂ
ಅರ್ದಕುಟಿಂ ಸಪ್ನಾಂ, ಇತ್ಸಾ.....
"ತೊ" ಆತಾಂ ಮ್ಹಾಕಾ ಜಾಗಯ್ತಾ
ಸಾದ್ ಘಾಲ್ತಾ ಮ್ಹಜ್ಯಾ ಮನಾಂತ್
ದೀಸ್- ರಾತ್ ತಳ್ಮಳಾಯತಾ
ಪುರಾತ್ ಕರೂಂಕ್ ಸಪ್ನಾಂ, ಇತ್ಸಾ.....
ಆನಿ ಹಾಂವ್ ಚಲ್ತಾಂ
ಲಖ್ಖ್ ಉಜ್ವಾಡಾಚಿ ವಾಟ್
ತಾಚ್ಯಾಚ್ ಸಾಂಗಾತಾಂನ್ ಸದಾಂಚ್

 ******

- ವೈಷ್ಣವಿ ರಾಯ್ಕರ್. [ಜುಲಾಯ್, 2020]

[kovita] Haves (- Vaishnnavi Raikar)

Haves

poilech fautt
vicharant mhojea
chorpaulani "to" ailo
kallzache kotthyekuddint
bhitor sorlo
tea kuddint "to"
sodot asa
kitem tori
ani ochkit
taka mell'lli
eka konxak
uddoil'li pattli
tannem, ghott'tt marleleo gatthi
sodoll keleo,
ani "to " ustoit raulo
churil'lim, chidd'ddol'lim
dhullan makhlelim
ordokuttim sopnam, itsa.....
"to" atam mhaka zagoita
sad ghalta mhojea monant
dis- rat tollmollaita
purat korunk sopnam, itsa.....
Ani hamv choltam
lokhkh ujvaddachi vatt
tacheach sangatamn sodanch

******

- Vaishnnavi Raikar. [Jul, 2020]

[कविता] हावेस (- वैष्णवी रायकर)

अमूर्त चिंत्पाची कविता केदनांय एक न्हय बगर काणियोच सांगून वेतात म्हणच्याक ही कविता गवाय. हांगासर एक स्वपण आसा, तें अधुरें स्वपण आसलें स्वपणांत आयिल्लो विचार उज्वाडाच्या पावलां तेवशीन वर्ता.

- सं

[कविता] हावेस (- वैष्णवी रायकर)

हावेस

पयलेच फावट
विचारांत म्हज्या
चोरपावलानी "तो" आयलो
काळजाचे कोठयेकुडींत
भितर सरलो
त्या कुडींत "तो"
सोदत आसा
कितें तरी
आनी अचकित
ताका मेळ्ळी
एका कोनशाक
उडयल्ली पाटली
ताणें, घट्ट मारलेल्यो गाठी
सदळ केल्यो,
आनी "तो " उस्तयत रावलो
चुरिल्लीं, चिड्डल्लीं
धुळान माखलेलीं
अर्दकुटीं सपनां, इत्सा.....
"तो" आतां म्हाका जागयता
साद घालता म्हज्या मनांत
दीस- रात तळमळायता
पुरात करूंक सपनां, इत्सा.....
आनी हांव चलतां
लख्ख उजवाडाची वाट
ताच्याच सांगातांन सदांच

******

- वैष्णवी रायकर. [जुलाय, २०२०]

ದಾಯ್ಜ್.ಕೊಮ್