ಪಯ್ಣಾರಿ.ಕೊಮ್ Poinnari.Com: Konkani Research, Konkani Study, Progressive Konkanni Literature, Konkani Writing, Konkani Poetry, Creative Writing, Konkani Books, Konkani Association, Konkani Work, Fiction Writing, Poetry Criticism, Poetry Contests, Writing C

[ಕವಿತಾ] ಸಬ್ದ್ (- ಲಾರೆನ್ಸ್ ವಿನೋದ್ ಬಾರ್ಬೋಜ್)

ಸಮ್ಜುಂಕ್ ಸಕಾನಾಸ್ಚ್ಯಾಂಕ್ ಸಮಾವ್ನ್ ಫಾಯ್ದೊ ನಾ ಪುಣ್ ಸಮ್ಜುಂಕ್ ಸಕ್ತೆಲ್ಯಾಂಕ್ ಸಮ್ಜಾಂವ್ಚಿ ಗರಜ್ ನಾ; ಹ್ಯಾ ಸಂಸಾರಾಂತ್ ಭೋವ್ ಮಾರೆಕಾರ್ ಆಯ್ದ್/ಸಾಹೆತೆವಿಶಿಂ. ಆನಿ ತಿ ಆಯ್ದ್/ಸಾಹೆತ್ ಜಾವ್ನಾಸಾ ಸಬ್ಧ್. ಸಬ್ಧಾಕ್ ಆಕಾರ್ ನಾ, ಸಬ್ಧಾಕ್ ರೂಪ್ ನಾ, ಸಬ್ಧಾಕ್ ಕೊಣೆಂಯ್ ಪಳೆಂವ್ಕ್ ನಾ ಪುಣ್ ಸಮಾಜ್ ಜೊಡುಂಖ್ ತಶೆಂಚ್ ಮೊಡುಂಕ್ ಸಕ್ಚಿ ಶ್ಯಾಥಿ ಹ್ಯಾ ಸಬ್ಧಾಕ್ ಆಸಾ. ಹಿ ಕವಿತಾ ಹೆಚ್ ಅಪುರ್ಭಾಯೆಚ್ಯಾ ಚಿಂತ್ಪಾಚ್ಯಾ ಬುನ್ಯಾದಿಚೆರ್ ಉಭಿ ಕೆಲ್ಲಿ ಜಾವ್ನಾಸಾ.

- ಸಂ

[ಕವಿತಾ] ಸಬ್ದ್ (- ಲಾರೆನ್ಸ್ ವಿನೋದ್ ಬಾರ್ಬೋಜ್)

ಸಬ್ದ್ ಹಾಂವ್ ಸಬ್ದ್, ಆಧಿಂ ಥಾವ್ನ್ ಅಸಾಂ ನಾ ಸ್ವಾಸ್, ದೇಶ್ ವಾ ಆಕಾರ್ ಹಾಂವೆಂ ಭಾಂದ್ಲಾಂ, ಹಾಂವೆಂ ಮೊಡ್ಲಾ ಸಭಾರಾಂಚೊ ಸಂಸಾರ್ ನೆಣಾಂ ಮ್ಹಜೊ ಜಲ್ಮ್ ವಾ ಅಂತ್ಯ್ ದಿಲಾ ಜಲ್ಮ್, ಥೊಡ್ಯಾಂಕ್ ಪುನರ್-ಜನ್ಮ್ ಥೊಡ್ಯಾಂಕ್ ಲಾಸ್ಲಾಂ, ಥೊಡ್ಯಾಂಕ್ ಪುರ್ಲಾಂ ಅಸ್ತಾನಾ ಜೀವ್. ಕರ್ತಾತ್ ಪುಜಾ, ಥೊಡ್ಯಾಂಕ್ ವೇಶ್ಯಾ ಕರ್ತಾ ಮಾನ್, ಘಾಲ್ತಾ ಖೊಟ್ ರುತಾ ಕರ್ತಾಂ ವ್ಯಕ್ತಿತ್ವ್, ಚಡಯ್ತಾ ಮೋಲ್ ಕಿತ್ಯಾಕ್.. ಹಾಂವ್ ಅನ್‌ಮೋಲ್ ಅನ್ಭೋಗ್, ಜಾಣ್ವಾಯ್ ಚಡಯ್ತಾ ಸೊಭಾಯ್ ಜಾತಾ ಎಕ್ವೊಟ್, ಹಿಂಸಾ ಅನಿ ಅನೀತ್ ಹಾಂವ್ ಅಸಾಂ ಮೊಗಾಂತ್, ರಾಗಾಂತ್ ಅಯ್ಕಲ್ಯಾರ್ ಅವಾಜ್, ಥೊಡ್ಯಾಂಕ್ ನಾ ಅವಾಜ್. ದುಳಿಚೆಂ ವಸ್ತುರ್, ವಿಣ್ಗೊ ಕರ್ತಾಲೊ ವಾರೆಂ-ಪಾವ್ಸ್ ಬದ್ಲಿನಾಕಾ ಸ್ವರೂಪ್, ಘಾಲುನ್ ಲೇಪ್ ಅರ್ಸೊ ಲಜ್ತಾಲೊ, ಪುಸುನ್ ವೆತಾನಾ ಮ್ಹಜೊ ತಾತ್ಕಾಲಿಕ್ ಶೃಂಗಾರ್. **** - ಲಾರೆನ್ಸ್ ವಿನೋದ್ ಬಾರ್ಬೋಜ್**. [ಅಕ್ತೋಬ್ರ್, 2020]

	ಲಾರೆನ್ಸ್ ವಿನೋದ್ ಬಾರ್ಬೋಜ್: ಶಿರ್ವಾಂ ಗಾಂವಾಂತ್ ಜಲ್ಮುನ್ ಇಜ್ನೆರಾಚೆಂ ಶಿಕಪ್ ಜೊಡುನ್ ಸದ್ದ್ಯಾಕ್ ಮಾಂಚೇಸ್ಟರ್ ಯು.ಕೆ.ಂತ್ ಅಪ್ಲ್ಯಾ ಕುಟ್ಮಾಸವೆಂ ವಸ್ತಿ ಕರ್ಚೊ ಹೊ ಬರೊ ವಾಚ್ಪಿ ತಶೆಂಚ್ ಸಾಹಿತಿಕ್ ಅಭಿಮಾನಿ ಜಾವ್ನಾಸಾ. ಕವಿತಾ, ಲೇಖನಾಂ ತಶೆಂಚ್ ಸಮೀಕ್ಶಾ ಬರವ್ನ್ ಆಸ್ಚಾ ಹಾಣೆಂ ಡಿಜಿಟಲ್ ಕೊಂಕಣಿಂತ್ ಸಯ್ತ್ ವಾವ್ರ್ ಕರುನ್ ಆಸಾ.
[kovita] Sobd* (- Lawrence V Barboza)*
Somzunk sokanascheank somaun faido na punn somzunk sokteleank somzamvchi goroz na; hea somsarant bhovo marekar aid/sahetevixim. Ani ti aid/sahet zaunasa sobdh. Sobdhak akar na, sobdhak rup na, sobdhak konnem-i polleunko na punn somaz zoddunkh toxench moddunk sokchi xeathi hea sobdhak asa. Hi kovita hech opurbhayechea chintpachea buneadicher ubhi kel'li zaunasa. - Som
[kovita] Sobd* (- Lawrence V Barboza)*
Sobd hamv sobd, adhim thaun osam na svas, dex va akar hamvem bhandlam, hamvem moddla sobharancho somsar nennam mhozo zolm' va onty dila zolm', thoddeank punor-zonm' thoddeank laslam, thoddeank purlam ostana jivo. Kortat puza, thoddeank vexea korta man, ghalta khott ruta kortam vyoktitv, choddoita mol kiteak.. Hamv on‌mol onbhog, zannvai choddoita sobhai zata ekvott, himsa oni onit hamv osam mogant, ragant oykolear ovaz, thoddeank na ovaz. Dullichem vostur, vinngo kortalo varem-paus bodlinaka svorup, ghalun lep orso lojtalo, pusun vetana mhozo tatkalik xringar. **** - Lawrence V Barboza.** [Oct, 2020]

	Lawrence V Barboza, Manchester, UK: Mongllur mullacho Lawrence Vinod Barboza sod'deak U.K.ntlea Manchesterant vosti korun ascho ek boro vachpi zaunasa. Konkonnint lekonam boroileant toxench konkonni kareamni kriall riticho vaur korun ascho. Kothadaizant hannem ek kanniechem sadar‌ponn kelam.
[कविता] सब्द (- लारेन्स वी. बारबोज)
समजुंक सकानासच्यांक समावन फायदो ना पूण समजुंक सक्तेल्यांक समजांवची गरज ना; ह्या संसारांत भोव मारेकार आयद/साहेतेविशीं. आनी ती आयद/साहेत जावनासा सब्ध. सब्धाक आकार ना, सब्धाक रूप ना, सब्धाक कोणेंय पळेवंक ना पूण समाज जोडुंख तशेंच मोडुंक सकची श्याथी ह्या सब्धाक आसा. ही कविता हेच अपुर्भायेच्या चिंत्पाच्या बुन्यादिचेर उभी केल्ली जावनासा. - सं
[कविता] सब्द (- लारेन्स वी. बारबोज)
सब्द हांव सब्द, आधीं थावन असां ना स्वास, देश वा आकार हांवें भांदलां, हांवें मोडला सभारांचो संसार नेणां म्हजो जल्म वा अंत्य दिला जल्म, थोड्यांक पुनर-जन्म थोड्यांक लासलां, थोड्यांक पुरलां असताना जीव. कर्तात पुजा, थोड्यांक वेश्या कर्ता मान, घाल्ता खोट रुता कर्तां व्यक्तित्व, चडयता मोल कित्याक.. हांव अन‌मोल अनभोग, जाण्वाय चडयता सोभाय जाता एकवोट, हिंसा अनी अनीत हांव असां मोगांत, रागांत अयकल्यार अवाज, थोड्यांक ना अवाज. दुळिचें वसतूर, विणगो कर्तालो वारें-पावस बदलिनाका स्वरूप, घालून लेप अर्सो लजतालो, पुसून वेताना म्हजो तात्कालीक शृंगार. **** - लारेन्स वी. बारबोज.** [अक्तॊबर, २०२०]

	लारेन्स वी. बारबोज, म्यांचेसटर, यू.के.: मंगळूर मुळाचो लारेन्स विनोद बारबोज सद्द्याक यू.के.ंतल्या म्यांचेसटरांत वसती करून आसचो एक बरो वाचपी जावनासा. कोंकणिंत लेकनां बरयल्यांत तशेंच कोंकणी काऱ्यांनी क्रियाळ रितिचो वावर करून आसचो. कथादायजांत हाणें एक काणियेचें सादार‌पण केलां.


ದಾಯ್ಜ್.ಕೊಮ್

2004 ಥಾವ್ನ್ 2011 ಪರ್ಯಾಂತ್ ಕಾರ್ಯಾಳ್ ಆಸ್‌ಲ್ಲ್ಯಾ ದಾಯ್ಜ್.ಕೊಮ್ ಚೆರ್ ಪರ್ಗಟ್‌ಲ್ಲ್ಯಾ ವಿಂಚ್ಣಾರ್ ಸಾಹಿತಾಕ್ ಆಮಿ ಫುಡಿಲ್ಯಾ ದಿಸಾಂನಿ ಪಯ್ಣಾರಿ ವಾಚ್ಪ್ಯಾಂಕ್ ಲಾಭಯ್ತೆಲ್ಯಾಂವ್.