ಪಯ್ಣಾರಿ.ಕೊಮ್ Poinnari.Com: Konkani Research, Konkani Study, Progressive Konkanni Literature, Konkani Writing, Konkani Poetry, Creative Writing, Konkani Books, Konkani Association, Konkani Work, Fiction Writing, Poetry Criticism, Poetry Contests, Writing C

[ಕವಿತಾ] ಉಭೊಂಕ್ ಅಸಾ (- ಲಾರೆನ್ಸ್ ವಿನೋದ್ ಬಾರ್ಬೋಜ್)

ಸಮಾಜೆಂತ್ ಮನಿಸ್ ಕಿತ್ಯಾಕ್ ಪಾಸತ್ ಜಿಯೆತಾ? ಹೆಂ ಪ್ರಶ್ನ್ ಜರ್ ಕೆಲ್ಯಾರ್, ಹ್ಯಾ ಪ್ರಶ್ನಾಚಿ ವೆಗ್-ವೆಗಳಿ ಜಾಪ್ ಮೆಳತ್. ಕೊಣಾಕ್ ಜಿವಿತ್ ಮ್ಹಳ್ಯಾರ್ ಜಾಯ್ತೆಂ ಶಿಕಪ್, ಸಮ್ಜಣಿ ಜೊಡುಂಕ್ ಆಸುಯೆತಾ, ಕೊಣಾಕ್ ಜಿವಿತ್ ಮ್ಹಳ್ಯಾರ್ ಜಾಯ್ತೆಂ ಧನ್-ದಿರ‍್ವೆಂ ಪುಂಜಾಂವ್ಕ್ ಆಸುಯೆತಾ, ಕೊಣಾಕ್ ಜಿವಿತ್ ಮ್ಹಳ್ಯಾರ್ ಆಸ್ತ್-ಬದಿಕ್ ಜಮೊ ಕರ‍್ಚೆಂ ಆಸುಯೆತಾ. ಪುಣ್ ಜೆದನಾಂ ಹೆಂ ಫಕತ್ ಅಪ್ಲ್ಯಾ ಜಿವಿತಾಚೆರ್ ಆಸಾ ತರ್ ತೆಂ ವ್ಹಡ್ ನ್ಹಯ್ ಪುಣ್ ಹಕೀಗತೆಂತ್ ಆಜ್ ಆಮಿಂ ಧಾಂವ್ಣೆಂತ್ ಆಸಾಂವ್, ಸರವಾಂಕ್ ಧಾಂವುಂಕ್ ಆಸಾ, ಕಳಿತ್ ನಾಸ್ಚ್ಯಾ ಶೆವೊಟಾತೆವ್ಶಿನ್ ಧಾಂವುಂಕ್ ಆಸಾ, ದೆಕುನ್ ಆಮ್ಚ್ಯಾ ಭುರ‍್ಗ್ಯಾಂಕ್ ಸಯ್ತ್ ಆಮಿ ತ್ಯಾ ಧಾಂವ್ಣೆಕ್ ತಯಾರ್ ಕರಚ್ಯಾಂತ್ ವೆಸ್ತ್. ಆಮ್ಚ್ಯಾ ಭುರ‍್ಗ್ಯಾಂಚೆಂ ಜಯ್ತ್, ತಾಣಿಂ ಜೊಡುಂಕ್ ಆಸ್ಚ್ಯಾ ದುಡ್ವಾಚೆರ್ ಮಾಪ್ತಾಂವ್ ದೆಕುನ್ ತಾಂಕಾಂ ದುಡು ಕಮಾಂವ್ಚಿಂ ಮಿಶಿನಾಂ ಕರ್ಚಿ ಧಾಂವ್ಣಿ ಸರವಾಂಚಿ. ಹಾಂಗಾಸರ್ ಮನಶಾ ಮೊಲಾಂ, ನಾತ್ಯಾಚೊ ಭಾಂದ್, ಮಾಯಾ-ಮೊಗ್, ಕಿತೆಂಚ್ ಗರ‍್ಜೆಚೆಂ ನ್ಹಯ್ - ಫಕತ್ ಚಡಿತ್ ಆನಿ ಚಡಿತ್ ಅಂಕ್ ಮೆಳ್ಚಿ ಧಾಂವ್ಣಿ. ಹ್ಯಾ ಧಾಂವ್ಣೆಂತ್ ಆಮಿ ವಿಸರ‍್ಚೆಂ ಏಕ್ ಕೊಡು ಸತ್ ಜಾವ್ನಾಸಾ - ಉಡ್ಕಾಣಾಂ ಘಾಲ್ಚ್ಯಾ ಭುರ‍್ಗ್ಯಾಂಚೆಂ ಭುರ‍್ಗೆಂಪಣ್ ಆಮಿ ತ್ಯಾ ಭುರ‍್ಗ್ಯಾಂಕ್ ದೀನಾಂವ್. ಭೋವ್ ಅಪುರ‍್ಭಾಯೆಚ್ಯಾ ಚಿಂತಪಾಚಿ ಹಿ ಕವಿತಾ.

- ಸಂ

[ಕವಿತಾ] ಉಭೊಂಕ್ ಅಸಾ (- ಲಾರೆನ್ಸ್ ವಿನೋದ್ ಬಾರ್ಬೋಜ್)

ಉಭೊಂಕ್ ಅಸಾ ತೊ ಮ್ಹಣ್ತಾ ’ವ್ಹಡ್ಲೊ ಮನಿಸ್’ ಜಾ ತಿ ಮ್ಹಣ್ತಾ ’ಹುಶ್ಯಾರ್ ಮನಿಸ್’ ಜಾ ಲ್ಹಾನ್ ಅಸ್ತಾನಾಂಚ್... ಶಿಕಯ್ಲಾಂ! ಫರಕ್ ಮನ್ಶ್ಯಾ ಮನ್ಶ್ಯಾಂ ಮಧ್ಲೊ ಲಕ್ಷ್ಮಿಚಿ ಪುಜಾ ಕರ್ನ್ ಸರಸ್ವತಿಚ್ಯಾ ಮಂದಿರಾಕ್ ವ್ಹೆಲೆಂ ಶಿಕ್ಪಾಚ್ಯಾ ನಾಂವಾರ್ ಭುರ್ಗೆಂಪಣ್ ಮೊಲಾಯ್ಲೆಂ ಹಾಂವ್ ಎಕ್ ನಿಶಬ್ದ್ ಗಿರಾಯ್ಕ್! ಸಕಾಳಿಂ ಶಿಕ್, ಉಪ್ರಾಂತ್ ಇಸ್ಕೊಲ್ ಸಾಂಜೆರ್ ಡ್ಯಾನ್ಸ್ ಅನಿ ಸಂಗೀತ್ ಉಡ್ಕಣಾಂ ಘಾಲ್ಚಾ ವಾಸ್ರಾಚಾ ಪ್ರಾಯೆರ್ ಕೊಸುಂಕ್ ವೆಚ್ಯಾ ರೆಡ್ಯಾಚೊ ನಾಂಗೊರ್! ಹ್ಯಾ ಸವಾಲಾಕ್ ಹಿ ಜಾಪ್, ಹ್ಯಾ ಜಾಪಿಕ್ ಹೆ ಸಬ್ಧ್ ಚಿಂತ್ನಾಂನಿ ಸಬ್ದಾಂನಿ ಭಾಂದ್ಲಾಂ ಕಿತ್ಯಾಕ್? ಸೊಧುನ್ ಅಸಾಂ ಹಾಂವ್‌ಚ್ ಮ್ಹಾಕಾ ಹರ್ಯೆಕಾಂತ್ ಜಾತಾ ’ತುಲನ್’ ಮ್ಹಜೆಂ ತೊ ಮುಕಾರ್.. ತುಂ ಕಿತ್ಯಾಕ್ ಪಾಟಿಂ? ಗುಲೊಬ್, ಮೊಂಗ್ರಿ, ಜಾಯೊ ಅನಿ ಅಬೊಲಿಂ ಸವ್ರ್ ವೆವೆಗ್ಳಿ ತರೀ... ಸೊಭಿತ್ ಫುಲಾಂ ಮಾಡಾಚಿಂ ಮೊಡ್ಲಾಂ ಅಪಯ್ತಾತ್ ಮ್ಹಾಕಾ ಕೆಳ್ಬ್ಯಾಂಸೊ ಗಡಾಯ್ ತಿಳ್ತಾ ಮ್ಹಾಕಾ ಉಗ್ತೆಂ ಮಯ್ದಾನ್ ಹೆಡಯ್ತಾ ಮ್ಹಾಕಾ ಕೊಗುಳೆಚೊ ಅವಾಚ್ ಜಾಗಯ್ತಾ ಮ್ಹಾಕಾ ಸೊಡಾ ಮ್ಹಾಕಾ... ಉಭೊಂಕ್ ಅಸಾ. **** - ಲಾರೆನ್ಸ್ ವಿನೋದ್ ಬಾರ್ಬೋಜ್**. [ಅಗೊಸ್ತ್, 2020]

	ಲಾರೆನ್ಸ್ ವಿನೋದ್ ಬಾರ್ಬೋಜ್: ಶಿರ್ವಾಂ ಗಾಂವಾಂತ್ ಜಲ್ಮುನ್ ಇಜ್ನೆರಾಚೆಂ ಶಿಕಪ್ ಜೊಡುನ್ ಸದ್ದ್ಯಾಕ್ ಮಾಂಚೇಸ್ಟರ್ ಯು.ಕೆ.ಂತ್ ಅಪ್ಲ್ಯಾ ಕುಟ್ಮಾಸವೆಂ ವಸ್ತಿ ಕರ್ಚೊ ಹೊ ಬರೊ ವಾಚ್ಪಿ ತಶೆಂಚ್ ಸಾಹಿತಿಕ್ ಅಭಿಮಾನಿ ಜಾವ್ನಾಸಾ. ಕವಿತಾ, ಲೇಖನಾಂ ತಶೆಂಚ್ ಸಮೀಕ್ಶಾ ಬರವ್ನ್ ಆಸ್ಚಾ ಹಾಣೆಂ ಡಿಜಿಟಲ್ ಕೊಂಕಣಿಂತ್ ಸಯ್ತ್ ವಾವ್ರ್ ಕರುನ್ ಆಸಾ.
[kovita] Ubhonk asa* (- Lawrence V Barboza)*
Somajent monis kiteak pasot jieta? hem proxn zor kelear, hea proxnachi veg-vegolli zap mellot. Konnak jivit mhollear zaitem xikop, somzonni zoddunk asuyeta, konnak jivit mhollear zaitem dhon-diro‍vem punzaunko asuyeta, konnak jivit mhollear ast-bodik zomo koro‍chem asuyeta. Punn jedonam hem fokot oplea jivitacher asa tor tem vhodd nhoi punn hokigotent az amim dhamvnnent asamv, sorovank dhamvunk asa, kollit naschea xevottateuxin dhamvunk asa, dekun amchea bhuro‍geank soit ami tea dhamvnnek toyar korocheant vest. Amchea bhuro‍geanchem zoit, tannim zoddunk aschea duddvacher maptamv dekun tankam duddu komamvchim mixinam korchi dhamvnni sorovanchi. Hangasor monoxa molam, nateacho bhand, maya-mog, kitench goro‍jechem nhoi - fokot choddit ani choddit onk mellchi dhamvnni. Hea dhamvnnent ami visoro‍chem ek koddu sot zaunasa - uddkannam ghalchea bhuro‍geanchem bhuro‍gemponn ami tea bhuro‍geank dinamv. Bhovo opuro‍bhayechea chintopachi hi kovita. - Som
[kovita] Ubhonk asa* (- Lawrence V Barboza)*
Ubhonk asa to mhonnta ’vhoddlo monis’ za ti mhonnta ’huxear monis’ za lhan ostananch... Xikoilam! forok monxea monxeam modhlo lokxmichi puza korn sorosvotichea mondirak vhelem xikpachea namvar bhurgemponn molailem hamv ek nixobd giraik! sokallim xik, uprant iskol sanjer ddeans oni songit uddkonnam ghalcha vasracha prayer kosunk vechea reddeacho nangor! hea sovalak hi zap, hea zapik he sobdh chintnamni sobdamni bhandlam kiteak? sodhun osam hamv‌ch mhaka horyekant zata ’tulon’ mhojem to mukar.. Tum kiteak pattim? gulob, mongri, zayo oni obolim sour veveglli tori... Sobhit fulam maddachim moddlam opoitat mhaka kellbeamso goddai tillta mhaka ugtem moidan heddoita mhaka kogullecho ovach zagoita mhaka sodda mhaka... Ubhonk asa. **** - Lawrence V Barboza.** [Aug, 2020]

	Lawrence V Barboza, Manchester, UK: Mongllur mullacho Lawrence Vinod Barboza sod'deak U.K.ntlea Manchesterant vosti korun ascho ek boro vachpi zaunasa. Konkonnint lekonam boroileant toxench konkonni kareamni kriall riticho vaur korun ascho. Kothadaizant hannem ek kanniechem sadar‌ponn kelam.
[कविता] उभोंक असा (- लारेन्स वी. बारबोज)
समाजेंत मनीस कित्याक पासत जियेता? हें प्रश्न जर केल्यार, ह्या प्रश्नाची वेग-वेगळी जाप मेळत. कोणाक जिवीत म्हळ्यार जायतें शिकप, समजणी जोडुंक आसुयेता, कोणाक जिवीत म्हळ्यार जायतें धन-दीर‍्वें पुंजावंक आसुयेता, कोणाक जिवीत म्हळ्यार आसत-बदीक जमो कर‍्चें आसुयेता. पूण जेदनां हें फकत अपल्या जिविताचेर आसा तर तें व्हड न्हय पूण हकीगतेंत आज आमीं धांवणेंत आसांव, सरवांक धांवुंक आसा, कळीत नासच्या शेवोटातेवशीन धांवुंक आसा, देकून आमच्या भूर‍्ग्यांक सयत आमी त्या धांवणेक तयार करच्यांत वेसत. आमच्या भूर‍्ग्यांचें जयत, ताणीं जोडुंक आसच्या दुडवाचेर माप्तांव देकून तांकां दुडू कमांवचीं मिशिनां कर्ची धांवणी सरवांची. हांगासर मनशा मोलां, नात्याचो भांद, माया-मोग, कितेंच गर‍्जेचें न्हय - फकत चडीत आनी चडीत अंक मेळची धांवणी. ह्या धांवणेंत आमी विसर‍्चें एक कोडू सत जावनासा - उडकाणां घाल्च्या भूर‍्ग्यांचें भूर‍्गेंपण आमी त्या भूर‍्ग्यांक दीनांव. भोव अपूर‍्भायेच्या चिंतपाची ही कविता. - सं
[कविता] उभोंक असा (- लारेन्स वी. बारबोज)
उभोंक असा तो म्हणता ’व्हडलो मनीस’ जा ती म्हणता ’हुश्यार मनीस’ जा ल्हान असतानांच... शिकयलां! फरक मनश्या मनश्यां मधलो लक्ष्मिची पुजा कर्न सरस्वतिच्या मंदिराक व्हेलें शिकपाच्या नांवार भुर्गेंपण मोलायलें हांव एक निशब्द गिरायक! सकाळीं शीक, उपरांत इसकोल सांजेर ड्यान्स अनी संगीत उडकणां घाल्चा वास्राचा प्रायेर कोसुंक वेच्या रेड्याचो नांगोर! ह्या सवालाक ही जाप, ह्या जापीक हे सब्ध चिंत्नांनी सब्दांनी भांदलां कित्याक? सोधून असां हांव‌च म्हाका हऱ्येकांत जाता ’तुलन’ म्हजें तो मुकार.. तूं कित्याक पाटीं? गुलोब, मोंग्री, जायो अनी अबोलीं सवर वेवेगळी तरी... सोभीत फुलां माडाचीं मोडलां अपयतात म्हाका केळब्यांसो गडाय तिळता म्हाका उग्तें मयदान हेडयता म्हाका कोगुळेचो अवाच जागयता म्हाका सोडा म्हाका... उभोंक असा. **** - लारेन्स वी. बारबोज.** [अगोस्त, २०२०]

	लारेन्स वी. बारबोज, म्यांचेसटर, यू.के.: मंगळूर मुळाचो लारेन्स विनोद बारबोज सद्द्याक यू.के.ंतल्या म्यांचेसटरांत वसती करून आसचो एक बरो वाचपी जावनासा. कोंकणिंत लेकनां बरयल्यांत तशेंच कोंकणी काऱ्यांनी क्रियाळ रितिचो वावर करून आसचो. कथादायजांत हाणें एक काणियेचें सादार‌पण केलां.


ದಾಯ್ಜ್.ಕೊಮ್

2004 ಥಾವ್ನ್ 2011 ಪರ್ಯಾಂತ್ ಕಾರ್ಯಾಳ್ ಆಸ್‌ಲ್ಲ್ಯಾ ದಾಯ್ಜ್.ಕೊಮ್ ಚೆರ್ ಪರ್ಗಟ್‌ಲ್ಲ್ಯಾ ವಿಂಚ್ಣಾರ್ ಸಾಹಿತಾಕ್ ಆಮಿ ಫುಡಿಲ್ಯಾ ದಿಸಾಂನಿ ಪಯ್ಣಾರಿ ವಾಚ್ಪ್ಯಾಂಕ್ ಲಾಭಯ್ತೆಲ್ಯಾಂವ್.