[ಕವಿತಾ] ಅಶೆಂ ಕಿತೆಂ ಕೆಲೆಂ ಗೊ.. (- ಕಲ್ಪೇಶ್ ವೆರೆಂಕಾರ್)

ಅಶೆಂ ಕಿತೆಂ ಕೆಲೆಂ ಗೊ...

ಅಶೆಂ ಕಿತೆಂ ಕೆಲೆಂ ಗೊ ಹಾಂವೆಂ
ಜೆ ತುಕಾ ಲಾಗ್ಲೆಂ
ಮ್ಹಾಕಾ ಜಾಣೀವ್ ದಿನಾಸತನಾ
ಸಂವ್ಸಾರ್ ಸೊಡೂನ್ ತುಂ ಗೆಲೆ..

ಆಜೂನ್ ಯಾದ್ ಆಸಾ ಮ್ಹಾಕಾ ತೊ ದೀಸ್
ಜೆನ್ನಾ ಹಾಂವೆಂ ತುಕಾ ಪಳಯ್ಲೆಂ
ಮ್ಹಾಕಾ ಕಾಂಯ್ ಕಳ್ಚೆಂಪಯಲಿಂ
ಕಾಳ್ಜಾಂತ್ ತುಂ ಮ್ಹಜ್ಯಾ ಬಸ್ಲೆಂ.

ಆಪ್ಣಾಯಲೊ ಜೆನ್ನಾ ತುವೆಂ ಮ್ಹಾಕಾ
ಸಾಮ್ಕೊ ಜಾಲೊ ಹಾಂವ್ ಪಿಸೊ ಕಸೊ
ಮನಾಂತ್ ಫಕತ್ ತುಜೆಂಚ್ ವಿಚಾರ್
ವ್ಹಾವ್ಪಾಕ್ ಲಾಗ್ಲೆಂ ವಾರೆಂ ಕಶೆಂ.

ರಂಗೊವ್ಪಾಕ್ ಲಾಗ್ಲೊ ಹಾಂವ್ ಸಪ್ನಾ
ತುಜ್ಯಾವಾಂಗಡಾ ಜೀಣ್ ಸಾರ್ಪಾಚಿ
ತುಜ್ಯಾಚ್ ತ್ಯಾ ತರೆಕವಾರ್ ಸಪ್ನಾಂನಿ
ಉಗ್ಡಪಾಕ್ ಲಾಗ್ಲಿ ದಾರಾಂ ಆಯುಷಯಾಚಿ

ಜಶೆಂ ಜಶೆಂ ತುಂ ಚಡ್ ಮೊಗ್ ಕರೂಂಕ್ ಲಾಗ್ಲೆಂ
ತಶೆಂ ತಶೆಂ ಮ್ಹಜೆ ಜಿವೀತ್ ಫುಲೂಂಕ್ ಲಾಗ್ಲೆ
ಸಂವ್ಸಾರಾಚ್ಯಾ ಚಾರೂಯ್ ದಿಕಾನಿ ಮ್ಹಾಕಾ
ತೂಚ್ ದೊಳ್ಯಾಮುಖಾರ್ ಯೆವ್ಪಾಕ್ ಲಾಗ್ಲೆಂ..

ಅಶೆಂ ಕಿತೆಂ ಚುಕ್ಲೆಂ ಗೊ ಮ್ಹಜೆಂ
ತೆಂ ತುಕಾ ಇತ್ಲೆಂ ಲಾಗ್ಲೆಂ
ಮ್ಹಾಕಾ ಜಾಣೀವ್ ದಿನಾಸತನಾ
ಸಂವ್ಸಾರ್ ಸೊಡೂನ್ ತುಂ ಗೆಲೆ

ಆತಾ ಮ್ಹಜ್ಯಾ ಹ್ಯಾ ಸಂವ್ಸಾರಾನ್ ಕಾಂಯ್ ಉರುಕನಾ
ಉರ್ಲ್ಯಾ ತ್ಯೊ ತುಜ್ಯೊ ಯಾದಿಂ
ತೊ ದೀಸ್ ಬಿ ಪಯ್ಸ್ ನಾ
ಜೆನ್ನಾ ಹಾಂವ್ ಯೆತ್ಲೊ ತುಜ್ಯಾ ಲಾಗಿಂ..
 ******

- ಕಲ್ಪೇಶ್ ವೆರೆಂಕಾರ್. [ಅಗೊಸ್ತ್, 2020]

[kovita] Oxem kitem kelem go... (- Kalpesh Verenkar)

Oxem kitem kelem go...


Oxem kitem kelem go hamvem
je tuka laglem
mhaka zannivo dinasotona
somvsar soddun tum gele..

Azun yad asa mhaka to dis
jen'na hamvem tuka polloilem
mhaka kaim kollchempoilim
kallzant tum mhojea boslem.

Apnnailo jen'na tuvem mhaka
samko zalo hamv piso koso
monant fokot tujench vichar
vhaupak laglem varem koxem.

Rongoupak laglo hamv sopna
tujeavangodda jinn sarpachi
tujeach tea torekovar sopnamni
ugddopak lagli daram ayuxoyachi

zoxem zoxem tum chodd mog korunk laglem
toxem toxem mhoje jivit fulunk lagle
somvsarachea charuy dikani mhaka
tuch dolleamukhar yeupak laglem..

Oxem kitem chuklem go mhojem
tem tuka itlem laglem
mhaka zannivo dinasotona
somvsar soddun tum gele

ata mhojea hea somvsaran kaim urukona
urlea teo tujeo yadim
to dis bi pois na
jen'na hamv yetlo tujea lagim..
 ***

- Kalpesh Verenkar. [Aug, 2020]

[कविता] अशें कितें केलें गो... (- कल्पेश वेरेंकार)

कवितेच्या ’मोग, हास्य, करुणा, राग, वीर, भयानक, भीभत्स, अधभूत, शांत’ म्हळ्ळ्या नव रसां पयकिंत ’विरह’ म्हळ्ळो रस ना. पूण मनशाच्या सिंतिमेंतांनी, भावनांनी, भगणांनी तो जरूर आसा. मनीस एक असली जीवी, जी आसची वसत, व संगत वा नातें - ह्येविशीं चडीत चिंतुंक वचानां पूण जेदना तो ना, तेदनां तो त्या सांडून गेल्ल्या वसत/संगत वा नात्याचें मोल समजुंक सक्ता म्हळ्ळेंच ह्या कवितेचें मूळ चिंतप.

- सं

[कविता] अशें कितें केलें गो... (- कल्पेश वेरेंकार)

अशें कितें केलें गो... 

अशें कितें केलें गो हांवें
जे तुका लागलें
म्हाका जाणीव दिनासतना
संवसार सोडून तूं गेले..

आजून याद आसा म्हाका तो दीस
जेन्ना हांवें तुका पळयलें
म्हाका कांय कळचेंपयलीं
काळजांत तूं म्हज्या बसलें.

आपणायलो जेन्ना तुवें म्हाका
सामको जालो हांव पिसो कसो
मनांत फकत तुजेंच विचार
व्हावपाक लागलें वारें कशें.

रंगोवपाक लागलो हांव सपना
तुज्यावांगडा जीण सार्पाची
तुज्याच त्या तरेकवार सपनांनी
उगडपाक लागली दारां आयुषयाची

जशें जशें तूं चड मोग करूंक लागलें
तशें तशें म्हजे जिवीत फुलूंक लागले
संवसाराच्या चारूय दिकानी म्हाका
तूच दोळ्यामुखार येवपाक लागलें..

अशें कितें चुकलें गो म्हजें
तें तुका इतलें लागलें
म्हाका जाणीव दिनासतना
संवसार सोडून तूं गेले

आता म्हज्या ह्या संवसारान कांय उरुकना
उरल्या त्यो तुज्यो यादीं
तो दीस बी पयस ना
जेन्ना हांव येतलो तुज्या लागीं..

******

- कल्पेश वेरेंकार. [अगोस्त, २०२०]

ದಾಯ್ಜ್.ಕೊಮ್