ಪಯ್ಣಾರಿ.ಕೊಮ್ Poinnari.Com: Konkani Research, Konkani Study, Progressive Konkanni Literature, Konkani Writing, Konkani Poetry, Creative Writing, Konkani Books, Konkani Association, Konkani Work, Fiction Writing, Poetry Criticism, Poetry Contests, Writing C

[ಕವಿತಾ] ಉಪ್ರಾಂತ್ ಕಿತೆಂ? (- ಕಾಜಲ್ ಪ್ರಕಾಶ್ ರಾಯ್ಕರ್)

ಯುಗಾಂನಿ ಮನಶಾಕ್ ಸಮ್ಜಾಂವ್ಕ್ ಸಕಾನಾಸ್ಲಿಂ ಗೃಂಥಾಂ, ಬೂಕ್, ಧರ್ಮ್, ಅಚಾರ್-ವಿಚಾರ್, ಪಾಟ್ಲ್ಯಾ ಥೊಡ್ಯಾ ಮಯ್ನ್ಯಾಂನಿ ಮನಿಸ್ ಅಪ್ಲ್ಯಾ ದೊಳ್ಯಾಂನಿ ಪಳೆಂವ್ಕ್ ಸಕ್ಲಾ. ದುಡ್ವಾಪಾಟ್ಲ್ಯಾನ್ ಧಾಂವುನ್ ದುಡುಚ್ ಸರ್ವಸ್ವ್ ಮ್ಹಣುನ್ ಲೆಕುನ್ ಅಪ್ಲ್ಯಾ-ಪೆಲ್ಯಾಂಕ್ ಕುಮೊಕ್ ಕರಿನಾಸ್ತಾನಾ ಮರ್ಜೆನ್ ಜಿಯೆಲ್ಲ್ಯಾಂಕ್ ತ್ಯಾ ದುಡ್ವಾನ್ ಕಿತೆಂಚ್ ಕರುಂಕ್ ಜಾಲೆಂನಾ. ಇತ್ಲೆಂ ಮ್ಹಳ್ಯಾರ್ ದುಡ್ವಾನ್ ಅಪ್ಣಾಕ್ ವ್ಹಕತ್ ಸಯ್ತ್ ಘೆಂವ್ಕ್ ಸಕ್ಲಿಂನಾಂತ್. ಆತಾಂ ಪುಂಜಾಯಿಲ್ಲೆಂ ಸಗಳೆಂ ಸಂಸಾರಾಂತ್ ಸೊಡುನ್ ಗೆಲ್ಲ್ಯಾಂನಿ ಅಖೇರಿಕ್ ವ್ಹರುನ್ ಗೆಲ್ಲೆಂ ತರ್‌ಯೀ ಕಿತೆಂ? ಹೆಂ ಸವಾಲ್ ಕಿತ್ಯಾಕ್ ಗರ್ಜೆಚೆಂ ಮ್ಹಳ್ಯಾರ್, ಜಿವಿಂ ಆಸ್ಚ್ಯಾಂಕ್ ಕಾಂಯ್ ಹೆಂ ಲಿಸಾಂವ್ ಜಾಂವ್ಕ್ ಸಕತ್‌ಕಾಯ್ ಮ್ಹಳ್ಳೆಂ. ಹೆಚ್ ಚಿಂತ್ಪಾಚಿ ಕವಿತಾ ಹಿ.

- ಸಂ

[ಕವಿತಾ] ಉಪ್ರಾಂತ್ ಕಿತೆಂ? (- ಕಾಜಲ್ ಪ್ರಕಾಶ್ ರಾಯ್ಕರ್)

ಉಪ್ರಾಂತ್ ಕಿತೆಂ? ಮನ್ಶಾನ್ ಖೂಬ್ ಜೊಡೂನ್ ದವ್ರಲೆಂ ಕೊಣಾಕ್ ಆದಾರ್ ಕರಿನಾಸತನಾ ಫಕತ್ ಆಪ್ಲೆಂಚ್ ಚಿತ್ಲೆಂ ಮರ್ಣಾ ಉಪ್ರಾಂತ್ ತಾಣೆಂ ಕಿತೆಂ ವ್ಹೆಲೆಂ? ಕಿತ್ಲೆಶೆಚ್ ನಾನಾಕಾರ್ ಘಾತ್ಲೆ ಕೊಣಾಚೆಂ ತೊಂಡ್ ಪಳಯ್ನಾಸತನಾ ಆಪ್ಲೆಂಚ್ ಪೊಟ್ ಭರ್ಲೆಂ ಮರ್ಣಾ ಉಪ್ರಾಂತ್ ತಾಣೆಂ ಕಿತೆಂ ವ್ಹೆಲೆಂ? ಆಸೂನ್ ಆನೀಕ್ ಜಾಯ್ ದಿಸ್ಲೆಂ ವೆಳಾರ್ ದುಸ್ರ್ಯಾಕ್ ಪಾವ್ನಾಸತನಾ ನಾತೆಂ ತಾಂಚೆಂ ಫಾಟೊಫಾಟ್ ತುಟ್ಲೆಂ ಮರ್ಣಾ ಉಪ್ರಾಂತ್ ತಾಣೆಂ ಕಿತೆಂ ವ್ಹೆಲೆಂ? ಆಶಿಲ್ಲ್ಯಾಂಕ್ ಪಯ್ಸ್ ಕೆಲೆಂ ಹಾತಾಂತ್ ಲಾಖಾಚೊ ಪಾವ್ಸ್ ಪಡ್ಟನಾ ಆವ್ಯ್ ಬಾಪಾಯ್ಕ್ ಸೊಡೂನ್ ದಿಲೆಂ ಮರ್ಣಾ ಉಪ್ರಾಂತ್ ತಾಣೆಂ ಕಿತೆಂ ವ್ಹೆಲೆಂ? ತಾಕಾ ಖಂಯ್ ಖುಬೂಚ್ ಗರ್ವ್ ಆಯ್ಲೆಂ ಎಕ್ಮುಳ್ಯಾ ಸಾರ್ಕೊ ರಾವ್ತನಾ ದುಡು ಶಿವಾಯ್ ಕಸ್ಲೆಂಚ್ ಭಾನ್ ತಾಕಾ ನಾಸ್ಲೆಂ ಮರ್ಣಾ ಉಪ್ರಾಂತ್ ತಾಣೆಂ ಕಿತೆಂ ವ್ಹೆಲೆಂ? ಮಡ್ಯಾಚೆ ನಿಮ್ಣೆಂ ಸಂಸ್ಕಾರ್ ಕರೂಂಕ್ ಕೊಣ್ ನಾಸ್ಲೆ ರಗ್ತಾಚೆಂ ನಾತೆಂ ಆಸ್ತನಾ ಪರ್ಕ್ಯಾಚೆ ಹಾತಾನ್ ಭಾಗ್ಯ್ ಸೊಂಪ್ಲೆಂ ಮರ್ಣಾ ಉಪ್ರಾಂತ್ ತಾಣೆಂ ಕಿತೆಂ ವ್ಹೆಲೆಂ? ಸದಾಂಚ್ ಪಯ್ಶಾಚೆಂ ಝೆತ್ ದಾಖಯ್ಲೆ ಸಾದಿ ಸುಂದರ್ ಜೀಣ್ ಆಸ್ತನಾ ಮಾತ್ ಆಪ್ಲೆಂಚ್ ಖರೆಂ ಕೆಲೆಂ ಮರ್ಣಾ ಉಪ್ರಾಂತ್ ತಾಣೆಂ ಕಿತೆಂ ವ್ಹೆಲೆಂ? ಮೆಲ್ಯಾ ಉಪ್ರಾಂತ್ ಜೊಡಿಲ್ಲೆಂ ಕೊಣಾಕ್ ಸೊಡ್ಲೆ? ಆಸ್ತನಾ ಕೆನ್ನಾಚ್ ದಿಲೆ ನಾ ಆತಾಂ ಉರಿಲ್ಲೆ ದುಡು ಕೊಣಾಕ್ ತೆ? ಮರ್ಣಾ ಉಪ್ರಾಂತ್ ತಾಣೆಂ ಕಿತೆಂ ವ್ಹೆಲೆಂ? ಜಮ್ತಾ ತಿತ್ಲೆಂ ಜೊಡ್ಪಾಚೆಂ ಆನೀಕೂಯ್ ಜಾಯ್ ಹಾಚಿ ಆಸಾ ದವ್ರಿನಾಸತನಾ ಆಸಾ ತಾತೂಂತ್ ಖೂಶ್ ರಾವ್ಪಾಚೆಂ ಮರ್ಣಾ ಉಪ್ರಾಂತ್ ತಾಣೆಂ ಕಿತೆಂ ವ್ಹೆಲೆಂ? ಎಕ್ ಹಾತಾನ್ ದಿಲ್ಯಾರ್ ದುಸ್ರ್ಯಾ ಹಾತಾಂತ್ ಪುಣ್ಯ್ ಯೆತ್ಲೆಂ ಕೊಣಾಕ್ ನಾ ಮ್ಹಣ್ಣಾಸತನಾ ಗರ್ಜೆ ವೆಳಾರ್ ಪಾವ್ಪಾಚೆಂ ಮರ್ಣಾ ಉಪ್ರಾಂತ್ ತಾಣೆಂ ಕಿತೆಂ ವ್ಹೆಲೆ? ಶೆವ್ಟಾಕ್ ಇತ್ಲೆ ಜೊಡೂನ್ ಕರ್ತಲೆ ಕಿತೆಂ? ಮನ್ಶಾಕ್ ಕೆನ್ನಾ ನಾ ಕೆನ್ನಾ ಜಲ್ಮಾಕ್ ಯೆತಾ ತಶೆಂಚ್ ವಚ್ಚೆಂ ಪಡ್ಟಲೆಂ ಮರ್ಣಾ ಉಪ್ರಾಂತ್ ತಾಣೆಂ ಕಿತೆಂ ವ್ಹೆಲೆಂ? ಆಸಪ್ ಮನಾ ಕಾಳ್ಜಾನ್ ಬರೆ ಭಾಂಗ್ರಾ ಸಾರ್ಕೆಂ ಫಳ್ ಆಸ್ತನಾ ತೆಂಚ್ ಖಾಯ್ತ್ ರಾವ್ಪಾಚೆಂ ಮರ್ಣಾ ಉಪ್ರಾಂತ್ ತಾಣೆಂ ಕಿತೆಂ ವ್ಹೆಲೆಂ? ****** - ಕಾಜಲ್ ಪ್ರಕಾಶ್ ರಾಯ್ಕರ್. [ಅಗೊಸ್ತ್, 2020]

	ಕಾಜಲ್ ಪ್ರಕಾಶ್ ರಾಯ್ಕರ್: ಗೊಂಯ್ಚ್ಯಾ ಯುನಿವರ್ಸಿಟಿಂತ್ ಎಮ್.ಎ. ಶಿಕುನ್ ಆಸ್ಚಿ ಹಿ ಯುವಕವಿ, ಲೇಕನ್ ಬರಯ್ತಾ. ಭಾಂಗಾರ್‌ಭುಂಯ್‌ಚೆರ್ ಹಿಚಿಂ ಕವಿತಾ ತಶೆಂಚ್ ಲೇಕಾಂ ಪರ್ಗಟ್ಲ್ಯಾಂತ್.
[kovita] Uprant kitem? (- Kajal Prakash Raikar)
Yugamni monoxak somzaunko sokanaslim grintham, buk, dhorm', ochar-vichar, pattlea thoddea moineamni monis oplea dolleamni polleunko sokla. Duddvapattlean dhamvun dudduch sorvosv mhonnun lekun oplea-peleank kumok korinastana morjen jiel'leank tea duddvan kitench korunk zalemna. Itlem mhollear duddvan opnnak vhokot soit gheunko soklimnant. Atam punzayil'lem sogollem somsarant soddun gel'leamni okherik vhorun gel'lem tor‌yi kitem? hem soval kiteak gorjechem mhollear, jivim ascheank kaim hem lisamv zaunko sokot‌kai mholl'llem. Hech chintpachi kovita hi. - Som
[kovita] Uprant kitem? (- Kajal Prakash Raikar)
Uprant kitem? monxan khub zoddun dourolem konnak adar korinasotona fokot aplench chitlem mornna uprant tannem kitem vhelem? kitlexech nanakar ghatle konnachem tondd polloinasotona aplench pott bhorlem mornna uprant tannem kitem vhelem? asun anik zai dislem vellar dusreak paunasotona natem tanchem fattofatt tuttlem mornna uprant tannem kitem vhelem? axil'leank pois kelem hatant lakhacho paus poddttona auy bapaik soddun dilem mornna uprant tannem kitem vhelem? taka khoim khubuch gorv ailem ekmullea sarko rautona duddu xivai koslench bhan taka naslem mornna uprant tannem kitem vhelem? moddeache nimnnem somskar korunk konn nasle rogtachem natem astona porkeache hatan bhagy somplem mornna uprant tannem kitem vhelem? sodanch poixachem jhet dakhoile sadi sundor jinn astona mat aplench khorem kelem mornna uprant tannem kitem vhelem? melea uprant zoddil'lem konnak soddle? astona ken'nach dile na atam uril'le duddu konnak te? mornna uprant tannem kitem vhelem? zomta titlem zoddpachem anikuy zai hachi asa dourinasotona asa tatunt khux raupachem mornna uprant tannem kitem vhelem? ek hatan dilear dusrea hatant punny yetlem konnak na mhonn'nnasotona gorje vellar paupachem mornna uprant tannem kitem vhele? xeuttak itle zoddun kortole kitem? monxak ken'na na ken'na zolmak yeta toxench vochchem poddttolem mornna uprant tannem kitem vhelem? asop mona kallzan bore bhangra sarkem foll astona tench khait raupachem mornna uprant tannem kitem vhelem? **** - Kajal Prakash Raikar.** [Aug, 2020]

	Kajal Prakash Raikar: Gõychea University M.A. Xikun aschi hi yuvokovi, lekon boroita. Bhangar‌bhum-i‌cher hichim kovita toxench lekam porgottleant.
[कविता] उपरांत कितें? (- काजल प्रकाश रायकर)
युगांनी मनशाक समजावंक सकानासलीं गृंथां, बूक, धर्म, अचार-विचार, पाटल्या थोड्या मयन्यांनी मनीस अपल्या दोळ्यांनी पळेवंक सकला. दुडवापाटल्यान धांवून दुडूच सर्वस्व म्हणून लेकून अपल्या-पेल्यांक कुमोक करिनासताना मर्जेन जियेल्ल्यांक त्या दुडवान कितेंच करुंक जालेंना. इतलें म्हळ्यार दुडवान अपणाक व्हकत सयत घेवंक सकलिंनांत. आतां पुंजायिल्लें सगळें संसारांत सोडून गेल्ल्यांनी अखेरीक व्हरून गेल्लें तर‌यी कितें? हें सवाल कित्याक गर्जेचें म्हळ्यार, जिवीं आसच्यांक कांय हें लिसांव जावंक सकत‌काय म्हळ्ळें. हेच चिंत्पाची कविता ही. - सं
[कविता] उपरांत कितें? (- काजल प्रकाश रायकर)
उपरांत कितें? मनशान खूब जोडून दवरलें कोणाक आदार करिनासतना फकत आपलेंच चितलें मरणा उपरांत ताणें कितें व्हेलें? कितलेशेच नानाकार घातले कोणाचें तोंड पळयनासतना आपलेंच पोट भरलें मरणा उपरांत ताणें कितें व्हेलें? आसून आनीक जाय दिसलें वेळार दुसऱ्याक पावनासतना नातें तांचें फाटोफाट तुटलें मरणा उपरांत ताणें कितें व्हेलें? आशिल्ल्यांक पयस केलें हातांत लाखाचो पावस पडटना आवय बापायक सोडून दिलें मरणा उपरांत ताणें कितें व्हेलें? ताका खंय खुबूच गर्व आयलें एकमुळ्या सारको रावतना दुडू शिवाय कसलेंच भान ताका नासलें मरणा उपरांत ताणें कितें व्हेलें? मड्याचे निमणें संस्कार करूंक कोण नासले रगताचें नातें आसतना परक्याचे हातान भाग्य सोंपलें मरणा उपरांत ताणें कितें व्हेलें? सदांच पयशाचें झेत दाखयले सादी सुंदर जीण आसतना मात आपलेंच खरें केलें मरणा उपरांत ताणें कितें व्हेलें? मेल्या उपरांत जोडिल्लें कोणाक सोडले? आसतना केन्नाच दिले ना आतां उरिल्ले दुडू कोणाक ते? मरणा उपरांत ताणें कितें व्हेलें? जमता तितलें जोडपाचें आनीकूय जाय हाची आसा दवरिनासतना आसा तातूंत खूश रावपाचें मरणा उपरांत ताणें कितें व्हेलें? एक हातान दिल्यार दुसऱ्या हातांत पुण्य येतलें कोणाक ना म्हण्णासतना गरजे वेळार पावपाचें मरणा उपरांत ताणें कितें व्हेले? शेवटाक इतले जोडून करतले कितें? मनशाक केन्ना ना केन्ना जल्माक येता तशेंच वच्चें पडटलें मरणा उपरांत ताणें कितें व्हेलें? आसप मना काळजान बरे भांगरा सारकें फळ आसतना तेंच खायत रावपाचें मरणा उपरांत ताणें कितें व्हेलें? **** - काजल प्रकाश रायकर.** [अगोसत, २०२०]

	काजल प्रकाश रायकर: गोंयच्या युनिवर्सिटिंत एम.ए. शिकून आसची ही युवकवी, लेकन बरयता. भांगार‌भुंय‌चेर हिचीं कविता तशेंच लेकां पर्गटल्यांत.


ದಾಯ್ಜ್.ಕೊಮ್

2004 ಥಾವ್ನ್ 2011 ಪರ್ಯಾಂತ್ ಕಾರ್ಯಾಳ್ ಆಸ್‌ಲ್ಲ್ಯಾ ದಾಯ್ಜ್.ಕೊಮ್ ಚೆರ್ ಪರ್ಗಟ್‌ಲ್ಲ್ಯಾ ವಿಂಚ್ಣಾರ್ ಸಾಹಿತಾಕ್ ಆಮಿ ಫುಡಿಲ್ಯಾ ದಿಸಾಂನಿ ಪಯ್ಣಾರಿ ವಾಚ್ಪ್ಯಾಂಕ್ ಲಾಭಯ್ತೆಲ್ಯಾಂವ್.