ಪಯ್ಣಾರಿ.ಕೊಮ್ Poinnari.Com: Konkani Research, Konkani Study, Progressive Konkanni Literature, Konkani Writing, Konkani Poetry, Creative Writing, Konkani Books, Konkani Association, Konkani Work, Fiction Writing, Poetry Criticism, Poetry Contests, Writing C

ಕವಿ ಆನಿ ಹಕ್ಕ್-ಮಾನ್ - 11.

ಪಿ. ಜಿ. ಬಾಬ್ ಕಾಮತ್ ಸ್ಮಾರಕ್ ಮಯ್ನ್ಯಾಚಿ ಕವಿತಾ

ಸುಖ್ ಕೆ ಸಂಗಿ ಸ್ವಾರ್ಥಿ, ದುಖ್ ಮೆ ರಹ್ತೆ ದೂರ್। ಕಹೆ ಕಬೀರ್ ಪರ್ಮಾರಥಿ, ದುಖ್ ಸುಖ್ ಸದಾ ಹಜೂರ್।।

ಜಿಣೆಚೆಂ ಸಾರ್ ಉಕ್ತಾವಪಿ ಸಂತ್ ಕಬಿರಾಚೆಂ ಹೆಂ ಸುಂದರ್ ಭಜನ್ ಮುದ್ಯೆರ್ ಥೀಕ್ ಕಶೆಂ, ಆನಿ ದರೆಕ್ ಮನ್ಶಾಕ್ ಆಪ್ಲ್ಯಾ ಪುರಾಯ್ ಜೀವಿತಾಂತ್ ಕೆನ್ನಾತರಿ ಹೊ ಅಣ್ಭವ್ ಯೆತಾಚ್. ಹ್ಯಾ ಮ್ಹಯ್ನಾಚಿ ಕವಿ ಹಕ್ಕ್ ಆನಿ ಮಾನ್ ಫಾವ್ ಜಾಲ್ಲಿ ಕವಿತಾ ಹೊಚ್ ಸಂದೆಶ್ ದಿತಾ. ಹಾತೂಂತ್ ನವೆಂ ಅಶೆಂ ಕಾಂಯ್ಚ್ ನಾ. ಪೂಣ್ ಕವಿ ಆಪ್ಲೆ ಖಾಶೆಲೆ ಕಾರ್ವಾರಿ ಶೈಲೀಂತಲೆ ಬೊಲೀಂತ್ಲ್ಯಾನ್ ಹೊ ಪೊರ್ನೊಚ್ ವಿಚಾರ್ ಸ್ವತಾಚ್ಯಾ ಅಣ್ಭವಾಚೆ ನದ್ರೆಂತ್ಲ್ಯಾನ್ ಮಾಂಡ್ಟಾ.

ಮನ್ಶಾಚ್ಯಾ ಸ್ವಭಾವಾ ವಿಶಿಂ ತೆಂ ಎಕ್ ಮಾರ್ಮಿಕ್ ನಿರಿಕ್ಷಣ್. ಖೊಸ್ ವಾಂಟಪ್ ಚಡ್ ಕರೂನ್ ಸೊಂಪೆಂ ಆನಿ ಸೈಮೀಕ್ ಆಸ್ತಾ, ಕಾರಣ್ ತಾಕಾ ಲಾಗೂನ್ ಲೊಕಾಂಕ್ ಲಾಗಿಂ ಹಾಡುಂ ಯೆತಾ ಆನಿ ನಾತೆಂ ಘಟ್ಮೂಟ್ ಜಾವಂಕ್ ಶಕ್ತಾ. ದುಸ್ರೆ ವಟೆನ್ ವೆದ್ನಾ ವಾಂಟಪ್ ಚಡ್ ಆವ್ಹಾನಾತ್ಮಕ್ ಆಸ್ತಾ. ತಾಕಾ ಸುರ್ಕ್ಷೀತತಾಯ್ ಆನಿ ವಿಸ್ವಾಸ್ ಜಾಯ್ ಪಡ್ಟಾ ಆನಿ ಆಪ್ಲ್ಯಾ ಸಂಘ್ರ್ಶಾಂಚೊ ಭಾರ್ ದುಸ್ರ್ಯಾಚೆರ್ ಘಾಲ್ಪಾಚಿ ಭಿರಾಂತ್ ಆಸ್ತಾ. ವೆದ್ನಾ ವಾಂಟೂನ್ ಘೆತ್ಲ್ಯಾರ್ ಖೊಲ್ ಸಂಬಂದ್ ಆನಿ ಪರ್ಸ್ಪರ್ ಆದಾರ್ ಜಾವಂಕ್ ಶಕ್ತಾ. ತೊ ಎಕ್ ನಾಜೂಕ್ ಸಮ್ತೊಲ್. ಖೊಸ್ ಆನಿ ವೆದ್ನಾ ಹ್ಯಾ ದೊನೂಯ್ ಮಾಧ್ಯಮಾಂತ್ಲ್ಯಾನ್ ಎಕಾಮೆಕಾಂಕ್ ವಳ್ಖೂನ್ ಘೆವ್ಪ್ ಆನಿ ಆದಾರ್ ದಿವ್ಪ್ ಖರ್ಯಾ ನಾತ್ಯಾಂ ಖಾತೀರ್ ಆನಿ ಸಹಾನುಭೂತಿ ಖಾತೀರ್ ಗರ್ಜೆಚೆಂ.

ಪೂಣ್ ಕವಿ ಮ್ಹಂಟಾ:

ತ್ಯಾ ಮನೀಸಪಣಾಚ್ಯಾ ಬಾಜಾರಾತ್
ಹಾಂವ್ ಥಂಯ್ ಎಕ್ಪಟಿ ವಿಕು ಗೆಲ್ಲೊ
ಮ್ಹಾಗೆಲ್ ತೆ ದುಃಖ್
ಥಂಯ್ ಗಿರಾಯ್ಕ್ ಅಶಿಲ್ ಖೂಪ್
ಪೂಣ್ ತೆಮಿ ಥಂಯ್ ಘೆಉ ಯೆಯಿಲೆ
ಆಪ್ ಆಪ್ಣಾಕ್ ಸುಖ್

"ದರೆಕ್ಲ್ಯಾನ್ ಆಪೂಣ್ ಸ್ವತಾಖಾತೀರ್" ಹಿ ಭಾವ್ನಾ ಸ್ವತಾಚೀಚ್ ಜತ್ನಾಯ್ ಘೆವ್ಪಾಚ್ಯಾ ವ್ಯಕ್ತೀವಾದಾಚೆರ್ ಆಶಿಲ್ಲ್ಯಾ ವಿಸ್ವಾಸಾಂತ್ಲ್ಯಾನ್ ನಿರ್ಮಾಣ್ ಜಾವಂಕ್ ಜಾತಾ. ಸಾದಾರಣ್ ಪರಿಸ್ಥಿತೀಂತ್ ಲೊಕಾಂಮದಿಂ ಹೆರಾಂ ಪರಸ್ ಸ್ವತಾಚ್ಯಾ ಗರ್ಜಾಂಕ್ ಆನಿ ಹಿತ್ಸಂಬಂದಾಂಕ್ ಪ್ರಾಧಾನ್ಯ್ ದಿವ್ಪಾಚಿ ಸಕ್ತಿ ದಿಸ್ತಾ, ಖಾಸ್ ಕರೂನ್ ತಾಂಕಾಂ ಸಾಧ್ನಾಂ ವಾ ಸಂದ್ ಉಣಿ ದಿಸ್ಲ್ಯಾರ್. ಪೂಣ್ ವೈಯ್ಕ್ತೀಕ್ ವಾಡ್ ಆನಿ ಲವ್ಚೀಕಪಣಾಕ್ ಆತ್ಮನಿರ್ಭರತಾಯ್ ಮ್ಹತ್ವಾಚಿ ಆಸ್ತನಾ ಸಮಾಜಾಂತ್ಲ್ಯಾ ಸಹ್ಕಾರ್ಯಾಚೆಂ ಆನಿ ಪರ್ಸ್ಪರ್ ಆದಾರಾಚೆಂ ಮೊಲ್ ವಳ್ಖಪ್ ಲೆಗೀತ್ ಮ್ಹತ್ವಾಚೆಂ. ಆಮಿ ಜೆನ್ನಾ ಹೆರಾಂಕಡೆನ್ ಸಹ್ಕಾರ್ಯ್ ಕರ್ತಾತ್ ಆನಿ ಗರ್ಜೆವಂತ್ ಹೆರಾಂಕ್ ಮದತ್ ಕರ್ಪಾಚೊ ಹಾತ್ ವಾಡಯ್ತಾತ್ ತೆನ್ನಾ ಆಮಿ ಚಡ್ ಘಟ್ಮೂಟ್ ಸಮಾಜ್ ತಯಾರ್ ಕರ್ತಾತ್. ಸ್ವಾರ್ಥ್ ಆನಿ ದುಸ್ರ್ಯಾಂ ವಿಶಿಂ ಕರುಣಾ ಹಾಂಚೆ ಮದಿಂ ಸಮ್ತೊಲ್ ದವ್ರಪ್ ಹೆಂ ಎಕ್ ಸತತ್ ಆವ್ಹಾನ್.

ಕಾಳಾಚೊ ಭಾರ್ ವಾ ದಾಬ್ ಪಡ್ಲಾ ಅಶೆಂ ದಿಸಪ್ ಹೊ ಆಯ್ಚ್ಯಾ ವೆಗಾನ್ ಚಲ್ಪಿ ಸಂವ್ಸಾರಾಂತ್ ಎಕ್ ಸಾಮಾನ್ಯ್ ಅಣ್ಭವ್. ಹೆರಾಂಚೊ ಪ್ರಸ್ನ್ ಆಯ್ಕುಪಾಕ್ ಸುವಾತ್ ಮೆಳೊವ್ಪ್ ಆವ್ಹಾನಾತ್ಮಕ್. ಹೆರಾಂಚೆಂ ಮ್ಹಣ್ಣೆಂ ಆಯ್ಕಪ್ ವಾ ಕಾಳ್ಜಿ ಉಕ್ತಾವಪ್ ಅಶೆ ಲ್ಹಾನ್ ಲ್ಹಾನ್ ದಯಾಳಪಣಾಚೆ ಹಾವ್ಭಾವ್ ಲೆಗೀತ್ ಕೊಣಾಚ್ಯಾಯ್ ಜಿವಿತಾಂತ್ ವ್ಹಡ್ ಫರಕ್ ಘಾಲೂಂಕ್ ಶಕ್ತಾತ್. ಪೂಣ್ ಕವಿ ಸಮಾಜಾಂತ್ ಸರ್ರಾಸ್ ಪ್ರಚ್ಲಿತ್ ಆಶಿಲ್ಲೆ ಮನೊವೃತ್ತೀಚೆರ್ ಬೊಟ್ ದವ್ರತಾ:

ಸುಖಾಕ್ ವಾಟೆಕಾರ್ ಸಗ್ಲೆತ್ ಜಾಣ್
ಪೂಣ್ ಮ್ಹಾಗೆಲ್ ದುಃಖ್ ಮ್ಹಾಕಾ
ಕಶ್ ತೆ ವಯ್ತಲ್ ಸೊಡ್ನ್ನ್
ಸುಖ್ ಆಸ್ಲ್ಯಾರ್ ಸಗ್ಲೆತ್ ಲಾಗಿ
ದುಃಖಾ ಸಾಂಗ್ತಾಕ್ ಕೊಣ್ ನಾ ಭಾಗಿ

ಕಠೀಣ್ ಕಾಳಾಂತ್ ಆದಾರಾಚ್ಯಾ ಉಣಾವಾಚೊ ಅಣ್ಭವ್ ಘೆವ್ಪ್ ಅವಿಶ್ವಸನೀಯ್ ಆನಿ ನಿರಾಶ್ ಕರ್ಪಿ ಆಸ್ತಾ. ಜಾಯ್ತ್ಯಾ ಜಾಣಾಂಕ್ ಹೆಂ ಎಕ್ ಖರ್ ವಾಸ್ತವ್, ಆನಿ ತಾಕಾ ಲಾಗೂನ್ ತಾಂಕಾಂ ಎಕ್ಸುರೆಪಣಾಚಿ ಭಾವ್ನಾ ಜಾತಾ. ಕಠೀಣ್ ಕಾಳಾಂತ್ ಸಗ್ಳೆಚ್ ಆದಾರ್ ದಿವಂಕ್ ಶಕ್ನಾತ್ ಹೆಂಚ್ ಖರೆಂ ಅಶೆಂ ದಿಸ್ತಾ ತೆನ್ನಾ ಸಮಾಜವಿಶಿಂ ಸ್ವತಾಭಿತರ್ ಸಭಾವೀಕಪಣಾನ್ ನಿಂದಾತ್ಮಕ್ ಸ್ವರ್ ನಿರ್ಮಾಣ್ ಜಾತಾ. ವಾಯ್ಟ್ ಕಾಳಾಂತ್ ಸಗ್ಳೆಚ್ ಆಮ್ಚೆ ಖಾತೀರ್ ನಾಸುಂ ಯೆತಾತ್ ಹೆಂ ದುರ್ದೈವಿ ಆಸ್ಲೆಂ ತರಿ ಆತ್ಮನಿರ್ಭರತಾಯ್ ಆನಿ ಲವ್ಚೀಕಪಣ್ ವಾಡೊವ್ಪಾಚೀಯ್ ಸಂದ್ ಹಾಚೆ ಕಡೆನ್ ಆಡ್ನದರ್ ಜಾತಾ.

ಕೊಣಾಕ್ ಆಸ್ ತೊ ವೆಳ್
ಆಯ್ಕೊಊಕ್ ಮ್ಹಾಗೆಲ್ ತೆ ದುಃಖ್
ಕಾರಣ್ ಸಗ್ಳ್ಯಾಕ್ ಜಾಯ್ ಉರ್ತತೆ ಸುಖ್.

ಹ್ಯೊ ಒಳಿ ಸ್ಪಶ್ಟಪಣಾನ್ ಆತ್ಮಸಾಂತ್ವನ್ ಉಕ್ತಾಯತಾತ್. ಸಮಾಜ್ ಸ್ವಾರ್ಥಿ ಆಸಾ ಅಶಿ ಧಾರ್ಣಾ ವೆಗ್ವೆಗ್ಳ್ಯಾ ನಿರಿಕ್ಷಣಾಂತ್ಲ್ಯಾನ್ ಆನಿ ಅಣ್ಭವಾಂತ್ಲ್ಯಾನ್ ನಿರ್ಮಾಣ್ ಜಾವಂಕ್ ಶಕ್ತಾ. ಲೊಕ್ ಸಾಮುಹೀಕ್ ಬರ್ಯಾಪಣಾ ಪರಸ್ ಸ್ವತಾಚ್ಯಾ ಗರ್ಜಾಂಕ್ ಆನಿ ಹಿತ್ಸಂಬಂದಾಂಕ್ ಪ್ರಾಧಾನ್ಯ್ ದಿತಾತ್. ಆತ್ಮಕೆಂದ್ರಿತ್ ಸಮಾಜಾಚೆರ್ ಕವೀಚೆಂ ನಿರೀಕ್ಷಣ್ ಸಂವ್ಸಾರಾಂತ್ಲ್ಯಾ ಅನೆಕ್ ಕವಿತಾಂತ್ಲ್ಯಾನ್ ಹಾಚೆಆದಿಂ ವ್ಯಕ್ತ್ ಜಾಲಾಂ. ತ್ಯಾ ಕವಿತಾಂನಿ ಭರ್ ಘಾಲ್ಪಿ ಹಿ ಎಕ್ ಕವಿತಾ.

- ಶೈಲೇಂದ್ರ ಮೆಹ್ತಾ

[ಕವಿತಾ] ದುಃಖ್ ಮ್ಹಾಗೆಲೆ (ಸಂದೆಶ್ ಬಾಂದೆಕರ್)

ದುಃಖ್ ಮ್ಹಾಗೆಲೆ ತ್ಯಾ ಮನೀಸಪಣಾಚ್ಯಾ ಬಾಜಾರಾತ್ ಹಾಂವ್ ಥಂಯ್ ಎಕ್ಪಟಿ ವಿಕು ಗೆಲ್ಲೊ ಮ್ಹಾಗೆಲ್ ತೆ ದುಃಖ್ ಥಂಯ್ ಗಿರಾಯ್ಕ್ ಅಶಿಲ್ ಖೂಪ್ ಪೂಣ್ ತೆಮಿ ಥಂಯ್ ಘೆಉ ಯೆಯಿಲೆ ಆಪ್ ಆಪ್ಣಾಕ್ ಸುಖ್ ಸುಖಾಕ್ ವಾಟೆಕಾರ್ ಸಗ್ಲೆತ್ ಜಾಣ್ ಪೂಣ್ ಮ್ಹಾಗೆಲ್ ದುಃಖ್ ಮ್ಹಾಕಾ ಕಶ್ ತೆ ವಯ್ತಲ್ ಸೊಡ್ನ್ನ್ ಸುಖ್ ಆಸ್ಲ್ಯಾರ್ ಸಗ್ಲೆತ್ ಲಾಗಿ ದುಃಖಾ ಸಾಂಗ್ತಾಕ್ ಕೊಣ್ ನಾ ಭಾಗಿ ತರಿ ಎಕ್ ತೆ ಬರೆ ಆಸಾ ದುಃಖ್ ಉರ್ಲೆ ತರಿ ಜಾಸ್ತಿ ತರಿ ಮನಾತ್ ಫಾಲ್ ಯೆತ್ಲ್ಯಾ ತ್ಯಾ ಸುಖಾಚಿ ಆಸ್ ತಿ ಕೊಣಾಕ್ ಸಾಂಗು ದುಃಖ್ ಮ್ಹಾಗೆಲೆ ಸಗ್ಳೆ ಜಾಣ್ ಆಪ್ ಆಪ್ಣಾ ಪುರ್ತೆತ್ ಆನಿ ಆಪ್ ಆಪ್ಲ್ಯಾ ತ್ಯಾ ವಿಶ್ವಾತ್ ಕೊಣಾಕ್ ಆಸ್ ತೊ ವೆಳ್ ಆಯ್ಕೊಊಕ್ ಮ್ಹಾಗೆಲ್ ತೆ ದುಃಖ್ ಕಾರಣ್ ಸಗ್ಳ್ಯಾಕ್ ಜಾಯ್ ಉರ್ತತೆ ಸುಖ್. ****** - ಸಂದೆಶ್ ಬಾಂದೆಕರ್, ಸದಾಶಿವಗಡ್ ಕಾರ್ವಾರ್ [ಮಾಯ್, 2024]

	ಕವಿ ಆನಿ ಹಕ್ಕ್-ಮಾನ್
Kovi ani hokk-man - 11. P. G. Bab Kamath smarok Moineachi Kovita
Sukh ke songi svarthi, dukh me rohte dur। kohe kobir pormarothi, dukh sukh soda hozur।। jinnechem sar uktaupi sont kobirachem hem sundor bhozon mudyer thik koxem, ani dorek monxak aplea purai jivitant ken'natori ho onnbhou yetach. Hea mhoinachi kovi hokk ani man favo zal'li kovita hoch sondex dita. Hatunt novem oxem kainch na. Punn kovi aple khaxele karvari xoilintole bolintlean ho pornoch vichar svotachea onnbhovache nodrentlean manddtta. Monxachea svobhava vixim tem ek marmik nirikxonn. Khos vanttop chodd korun sompem ani soimik asta, karonn taka lagun lokank lagim haddum yeta ani natem ghottmutt zaunk xokta. Dusre votten vedna vanttop chodd auhanatmok asta. Taka surkxitotai ani visvas zai poddtta ani aplea songhrxancho bhar dusreacher ghalpachi bhirant asta. Vedna vanttun ghetlear khol sombond ani porspor adar zaunk xokta. To ek nazuk somtol. Khos ani vedna hea donuy madhyomantlean ekamekank vollkhun gheup ani adar divp khorea nateam khatir ani sohanubhuti khatir gorjechem. Punn kovi mhontta: tea monisoponnachea bazarat hamv thoim ekpotti viku gel'lo mhagel te duHkh thoim giraik oxil khup punn temi thoim ghevo yeyile ap apnnak sukh "doreklean apunn svotakhatir" hi bhauna svotachich zotnai gheupachea vyoktivadacher axil'lea visvasantlean nirmann zaunk zata. Sadaronn poristhitint lokam'modim heram poros svotachea gorzank ani hitsombondank pradhany divpachi sokti dista, khas korun tankam sadhnam va sond unni dislear. Punn voiyktik vadd ani louchikoponnak atmonirbhorotai mhotvachi astona somazantlea sohkareachem ani porspor adarachem mol vollkhop legit mhotvachem. Ami jen'na herankodden sohkary kortat ani gorjeunt herank modot korpacho hat vaddoitat ten'na ami chodd ghottmutt somaz toyar kortat. Svarth ani dusream vixim korunna hanche modim somtol dourop hem ek sotot auhan. Kallacho bhar va dab poddla oxem disop ho aichea vegan cholpi somvsarant ek samany onnbhou. Herancho prosn aikupak suvat melloup auhanatmok. Heranchem mhonn'nnem aikop va kallji uktaup oxe lhan lhan doyalloponnache haubhavo legit konnachyai jivitant vhodd forok ghalunk xoktat. Punn kovi somazant sorras prochlit axil'le monourit'ticher bott dourota: sukhak vattekar soglet zann punn mhagel duHkh mhaka kox te voitol soddn'n sukh aslear soglet lagi duHkha sangtak konn na bhagi kotthinn kallant adarachea unnavacho onnbhou gheup ovixvosoni-i ani nirax korpi asta. Zaitea zannank hem ek khor vastou, ani taka lagun tankam eksureponnachi bhauna zata. Kotthinn kallant sogllech adar divonk xoknat hench khorem oxem dista ten'na somazovixim svotabhitor sobhavikoponnan nindatmok svor nirmann zata. Vaitt kallant sogllech amche khatir nasum yetat hem durdoivi aslem tori atmonirbhorotai ani louchikoponn vaddoupachi-i sond hache kodden addnodor zata. Konnak as to vell aikouk mhagel te duHkh karonn soglleak zai urtote sukh. Heo olli spoxttoponnan atmosantvon uktaitat. Somaz svarthi asa oxi dharnna vegvegllea nirikxonnantlean ani onnbhovantlean nirmann zaunk xokta. Lok samuhik boreaponna poros svotachea gorzank ani hitsombondank pradhany ditat. Atmokendrit somazacher kovichem nirikxonn somvsarantlea onek kovitantlean hacheadim vyokt zalam. Tea kovitamni bhor ghalpi hi ek kovita. - *Shailendra Mehta*
[kovita] Duhkh mhagele (- Sandesh Bhandekar)
Duhkh mhagele tea monisoponnachea bazarat hamv thoim ekpotti viku gel'lo mhagel te duHkh thoim giraik oxil khup punn temi thoim ghevo yeyile ap apnnak sukh sukhak vattekar soglet zann punn mhagel duHkh mhaka kox te voitol soddn'n sukh aslear soglet lagi duHkha sangtak konn na bhagi tori ek te bore asa duHkh urle tori zasti tori monat fal yetlea tea sukhachi as ti konnak sangu duHkh mhagele soglle zann ap apnna purtet ani ap aplea tea vixvat konnak as to vell aikouk mhagel te duHkh karonn soglleak zai urtote sukh. **** - Sandesh Bandekar**, Sadashivghad Karwar[May, 2024]

	Kovi Ani Hokk-Man
कवी आनी हक्क-मान - ११. पी.जी.बाब कामत स्मारक मयन्याची कविता
सुख के संगी स्वार्थी, दुख मे रहते दूर। कहे कबीर परमारथी, दुख सुख सदा हजूर।। जिणेचें सार उक्तावपी संत कबिराचें हें सुंदर भजन मुदयेर थीक कशें, आनी दरेक मनशाक आपल्या पुराय जीवितांत केन्नातरी हो अणभव येताच. ह्या म्हयनाची कवी हक्क आनी मान फाव जाल्ली कविता होच संदेश दिता. हातूंत नवें अशें कांयच ना. पूण कवी आपले खाशेले कारवारी शैलींतले बोलींतल्यान हो पोरनोच विचार स्वताच्या अणभवाचे नदरेंतल्यान मांडटा. मनशाच्या स्वभावा विशीं तें एक मार्मिक निरिक्षण. खोस वांटप चड करून सोंपें आनी सैमीक आसता, कारण ताका लागून लोकांक लागीं हाडूं येता आनी नातें घटमूट जावंक शकता. दुसरे वटेन वेदना वांटप चड आव्हानात्मक आसता. ताका सुरक्षीतताय आनी विस्वास जाय पडटा आनी आपल्या संघर्शांचो भार दुसऱ्याचेर घालपाची भिरांत आसता. वेदना वांटून घेतल्यार खोल संबंद आनी परस्पर आदार जावंक शकता. तो एक नाजूक समतोल. खोस आनी वेदना ह्या दोनूय माध्यमांतल्यान एकामेकांक वळखून घेवप आनी आदार दिवप खऱ्या नात्यां खातीर आनी सहानुभूती खातीर गरजेचें. पूण कवी म्हंटा: त्या मनीसपणाच्या बाजारात हांव थंय एकपटी विकू गेल्लो म्हागेल ते दुःख थंय गिरायक अशिल खूप पूण तेमी थंय घेऊ येयिले आप आपणाक सुख "दरेकल्यान आपूण स्वताखातीर" ही भावना स्वताचीच जतनाय घेवपाच्या व्यक्तीवादाचेर आशिल्ल्या विस्वासांतल्यान निर्माण जावंक जाता. सादारण परिस्थितींत लोकांमदीं हेरां परस स्वताच्या गरजांक आनी हितसंबंदांक प्राधान्य दिवपाची सक्ती दिसता, खास करून तांकां साधनां वा संद उणी दिसल्यार. पूण वैयक्तीक वाड आनी लवचीकपणाक आत्मनिर्भरताय म्हत्वाची आसतना समाजांतल्या सहकार्याचें आनी परस्पर आदाराचें मोल वळखप लेगीत म्हत्वाचें. आमी जेन्ना हेरांकडेन सहकार्य करतात आनी गरजेवंत हेरांक मदत करपाचो हात वाडयतात तेन्ना आमी चड घटमूट समाज तयार करतात. स्वार्थ आनी दुसऱ्यां विशीं करुणा हांचे मदीं समतोल दवरप हें एक सतत आव्हान. काळाचो भार वा दाब पडला अशें दिसप हो आयच्या वेगान चलपी संवसारांत एक सामान्य अणभव. हेरांचो प्रस्न आयकुपाक सुवात मेळोवप आव्हानात्मक. हेरांचें म्हणणें आयकप वा काळजी उक्तावप अशे ल्हान ल्हान दयाळपणाचे हावभाव लेगीत कोणाच्याय जिवितांत व्हड फरक घालूंक शकतात. पूण कवी समाजांत सर्रास प्रचलित आशिल्ले मनोवृत्तीचेर बोट दवरता: सुखाक वाटेकार सगलेत जाण पूण म्हागेल दुःख म्हाका कश ते वयतल सोडन्न सुख आसल्यार सगलेत लागी दुःखा सांगताक कोण ना भागी कठीण काळांत आदाराच्या उणावाचो अणभव घेवप अविश्वसनीय आनी निराश करपी आसता. जायत्या जाणांक हें एक खर वास्तव, आनी ताका लागून तांकां एकसुरेपणाची भावना जाता. कठीण काळांत सगळेच आदार दिवंक शकनात हेंच खरें अशें दिसता तेन्ना समाजविशीं स्वताभितर सभावीकपणान निंदात्मक स्वर निर्माण जाता. वायट काळांत सगळेच आमचे खातीर नासूं येतात हें दुर्दैवी आसलें तरी आत्मनिर्भरताय आनी लवचीकपण वाडोवपाचीय संद हाचे कडेन आडनदर जाता. कोणाक आस तो वेळ आयकोऊक म्हागेल ते दुःख कारण सगळ्याक जाय उरतते सुख. ह्यो ओळी स्पश्टपणान आत्मसांत्वन उक्तायतात. समाज स्वार्थी आसा अशी धारणा वेगवेगळ्या निरिक्षणांतल्यान आनी अणभवांतल्यान निर्माण जावंक शकता. लोक सामुहीक बऱ्यापणा परस स्वताच्या गरजांक आनी हितसंबंदांक प्राधान्य दितात. आत्मकेंद्रित समाजाचेर कवीचें निरीक्षण संवसारांतल्या अनेक कवितांतल्यान हाचेआदीं व्यक्त जालां. त्या कवितांनी भर घालपी ही एक कविता. - शैलेंद्र मेहता
[कविता] दुःख म्हागेले (संदेश बांदेकर)
दुःख म्हागेले त्या मनीसपणाच्या बाजारात हांव थंय एकपटी विकू गेल्लो म्हागेल ते दुःख थंय गिरायक अशिल खूप पूण तेमी थंय घेऊ येयिले आप आपणाक सुख सुखाक वाटेकार सगलेत जाण पूण म्हागेल दुःख म्हाका कश ते वयतल सोडन्न सुख आसल्यार सगलेत लागी दुःखा सांगताक कोण ना भागी तरी एक ते बरे आसा दुःख उरले तरी जास्ती तरी मनात फाल येतल्या त्या सुखाची आस ती कोणाक सांगू दुःख म्हागेले सगळे जाण आप आपणा पुरतेत आनी आप आपल्या त्या विश्वात कोणाक आस तो वेळ आयकोऊक म्हागेल ते दुःख कारण सगळ्याक जाय उरतते सुख. **** - संदेश बांदेकर, सदाशिवगड कारवार [माय, २०२४**]

	कवी आनी हक्क-मान


ದಾಯ್ಜ್.ಕೊಮ್

2004 ಥಾವ್ನ್ 2011 ಪರ್ಯಾಂತ್ ಕಾರ್ಯಾಳ್ ಆಸ್‌ಲ್ಲ್ಯಾ ದಾಯ್ಜ್.ಕೊಮ್ ಚೆರ್ ಪರ್ಗಟ್‌ಲ್ಲ್ಯಾ ವಿಂಚ್ಣಾರ್ ಸಾಹಿತಾಕ್ ಆಮಿ ಫುಡಿಲ್ಯಾ ದಿಸಾಂನಿ ಪಯ್ಣಾರಿ ವಾಚ್ಪ್ಯಾಂಕ್ ಲಾಭಯ್ತೆಲ್ಯಾಂವ್.