ಪಯ್ಣಾರಿ.ಕೊಮ್ Poinnari.Com: Konkani Research, Konkani Study, Progressive Konkanni Literature, Konkani Writing, Konkani Poetry, Creative Writing, Konkani Books, Konkani Association, Konkani Work, Fiction Writing, Poetry Criticism, Poetry Contests, Writing C

[ಕವಿತಾ] ದಾವೊ ಉಜ್ವೊ (- ದೀಪರಾಜ್ ಸಾತೊರ್ಡೆಕರ್)

ವೆವೆಗಳಿಂ ನಿಬಾಂ ದಿವುನ್ ಸಮಾಜೆಕ್ ಮೊಡ್ತೆಲ್ಯಾ ವಿಕಾಳ್ ಪರಿಸ್ಥಿತಿಚೆಂ ಚಿತ್ರಣ್ ಹಾಂಗಾಸರ್ ಆಸಾ. ದಾವೊ ಉಜ್ವೊ ವರ್ಗ್. ಹಂಗಾಸರ್ ಚಿಂತ್ಪಾಧಾರ್ ನಾ ಬಗರ್ ಫಕತ್ ವಿಕಾಳ್ ಚಿಂತಪ್ ಆನಿ ಮನೋಗತ್ ಆಸಾ. ಲಾಚಾರ್, ಅಸ್ಕತ್ ಮನಶಾಂಕ್ ಬೊಂಬಿಂ ಕರುನ್ ಕಟ್‌ಪುತ್ಳೆಪರಿಂ ನಾಚಂವ್ಚೆ ಸಮಾಜೆಚೆ ಮಾನಾಯ್ ಜೆದೊಳ್ ಪರ್ಯಾಂತ್ ಮನಿಸ್ ಅಸಲ್ಯಾ ಅಣ್ವ್ಯಾ ನಿಬಾಂನಿ ಝಗ್ಡೆಂ ಕರುನ್ ಆಸ್ತಾ ತೆದೊಳ್ ಪರ್ಯಾಂತ್ ಶಾಬೀತ್ ಆನಿ ಸುಖಿ. ವಯ್ಚಾರಿಕ್ ಚಿಂತ್ಪಾಚಿ ಅಪುರ್ಭಾಯೆಚಿ ಕವಿತಾ ಹಿ.

- ಸಂ

[ಕವಿತಾ] ದಾವೊ ಉಜ್ವೊ (- ದೀಪರಾಜ್ ಸಾತೊರ್ಡೆಕರ್)

ದಾವೊ ಉಜ್ವೊ ಕೊಣೆ ಎಕಾ ಬುದ್ಧೀಜಿವಿ ಸಭಾಗ್ಯಾನ್ ಪ್ರಶ್ನ್ ಎಕ್ ಕೆಲೊ ಮ್ಹಾಕಾ 'ತುಂ ದಾವೊ ಕಾಯ್ ಉಜ್ವೊ?' ಹಾಂವೂಯ್ ಮಾತ್ಸೊ ಪಡ್ಲೊ ಚಿತೂಂಕ್... ಖೀಣ್ಭರ್ ಮ್ಹಜೆ ದಾವೆ ಆನಿ ಉಜ್ವೆ ವಟೆನ್ ಪಳೊವ್ನ್ ಹಾಂವೆಂ ದಿಲಿ ಜಾಪ್ ತಾಕಾ ಮ್ಹಾಕಾ ದಾವೊ ಆನಿ ಉಜ್ವೊ ದೊನೂಯ್ ಆಸಾತ್ ಹಾತ್ ಜೆಂ ಪಟ್ಟಾ, ದಿಸ್ತಾ ಯೊಗ್ಯ್ ಉಖ್ಲತಾತ್ ಜುಸ್ತ್ ತೆ... ದಾವೊ ದಾವ್ಯಾಚೆಂ ಉಜ್ವೊ ಉಜ್ವ್ಯಾಚೆಂ ಸಾರ್ಖೆಂ ಕರ್ತಾ ಕಾಮ್... ಮಾತ್ ವೆಳ್ ತಸೊಚ್ ಆಯ್ಲೊ ಜಾಲ್ಯಾರ್ ದೊಗೂಯ್ ಜಾತಾತ್ ಎಕ್ ನಾತರ್ ನಾತರ್ ದಾವ್ಯಾಚೆಂ ತೊಂಡ್ ದಾವೆ ಕಡೆನ್ ಉಜ್ವ್ಯಾಚೆಂ ಉಜ್ವೆ ಕಡೆನ್... ಪರಿಸ್ಥಿತಿ ಜಾಯ್ತ್ ಜಾಲ್ಯಾರ್ ಅಶಿ ಕೂಡ್ ಆಮ್ಚಿ ಲಾಗ್ತಲಿ ಗಳಾಕ್ **** - ದೀಪರಾಜ್ ಸಾತೊರ್ಡೆಕರ್**. [ಜುಲಾಯ್, 2020]

	ದೀಪರಾಜ್ ಸಾತೊರ್ಡೆಕರ್, ಪಂಚವಡೀ: ಮೂಳ್ ನಾಟಕಿಸ್ತ್, ಕಾಣಿಯೆಗಾರ್ ತಶೆಂಚ್ ಕವಿ. ಹಾಚ್ಯೊ ಸಭಾರ್ ಕವಿತಾ ಸುನಾಪರಾಂತ್, ಭಾಂಗಾರ್‌ಭುಂಯ್ ತಶೆಂಚ್ ಹೆರ್ ನೇಮಾಳ್ಯಾಂನಿ ಪರ್ಗಟ್ ಜಾಲ್ಯಾತ್. ಸಾಹಿತಿಕ್ ಸ್ಪರ್ಧ್ಯಾಂನಿ ಸಯ್ತ್ ಇನಾಮಾಂ ಜಿಕ್ಲಾ. ಅಂತರ್ ರಾಜ್ಯ್ ಮಟ್ಟಾರ್ ನಾಟಕಾಂ ಖೆಳಯ್ಲ್ಯಾಂತ್. ಸದ್ದ್ಯಾಕ್ ಗೊಂಯ್ಚಾ ಯುನಿವರ್ಸಿಟಿಂತ್ ಎಮ್.ಎ. ಪದ್ಯುತ್ತರ್ ಶಿಕಪ್ ಜೊಡ್ಪಿ, ಕೊಂಕಣಿಚ್ಯಾ ಫುಡಾರಾಚೊ ಉತ್ತೀಮ್ ಕವಿ ಜಾಂವ್ಚಿಂ ಸರ್ವ್ ಖುಣಾಂ ಹಾಚ್ಯಾ ಕವಿತೆಂತ್ ದಿಸುನ್ ಯೆತಾತ್.
[kovita] Davo ujvo* (- Deepraj Satordekar)*
Vevegollim nibam divun somajek moddtelea vikall poristhitichem chitronn hangasor asa. Davo ujvo vorg. Hongasor chintpadhar na bogor fokot vikall chintop ani monogot asa. Lachar, oskot monoxank bombim korun kott‌putlleporim nachomvche somajeche manai jedoll poreant monis osolea onnvea nibamni zhogddem korun asta tedoll poreant xabit ani sukhi. Voicharik chintpachi opurbhayechi kovita hi. - Som
[kovita] Davo ujvo* (- Deepraj Satordekar)*
Davo ujvo Konne eka bud'dhijivi sobhagean proxn ek kelo mhaka 'tum davo kai ujvo?' hamvuy matso poddlo chitunk... Khinnbhor mhoje dave ani ujve votten polloun hamvem dili zap taka mhaka davo ani ujvo donuy asat hat jem pott'tta, dista yogy ukhlotat zust te... Davo daveachem ujvo ujveachem sarkhem korta kam'... Mat vell tosoch ailo zalear doguy zatat ek nator nator daveachem tondd dave kodden ujveachem ujve kodden... Poristhiti zait zalear oxi kudd amchi lagtoli gollak **** - Deepraj Satordekar.** [Jul, 2020]

	Deepraj Satordekar, Ponchouddi: Mull nattokist, kanniegar toxench kovi. Hacheo sobhar kovita sunaporant, bhangar‌bhum-i toxench her nemalleamni porgott zaleat. Sahitik spordheamni soit inamam jikla. Ontor rajy mott'ttar nattokam khelloileant. Sod'deak Gõycha Universitint M.A. Podyut'tor xikop zoddpi, konkonnichea fuddaracho ut'tim' kovi zamvchim sorv khunnam hachea kovitent disun yetat.
[कविता] दावो उजवो (- दीपराज सातोर्डेकर)
वेवेगळीं निबां दिवून समाजेक मोडतेल्या विकाळ परिस्थितिचें चित्रण हांगासर आसा. दावो उज्वो वर्ग. हंगासर चिंत्पाधार ना बगर फकत विकाळ चिंतप आनी मनोगत आसा. लाचार, असकत मनशांक बोंबीं करून कट‌पुतळेपरीं नाचंवचे समाजेचे मानाय जेदोळ पऱ्यांत मनीस असल्या अण्व्या निबांनी झगडें करून आसता तेदोळ पऱ्यांत शाबीत आनी सुखी. वयचारीक चिंत्पाची अपुर्भायेची कविता ही. - सं
[कविता] दावो उजवो (- दीपराज सातोर्डेकर)
बसींतलो प्रवास कोणे एका बुद्धीजिवी सभाग्यान प्रश्न एक केलो म्हाका 'तूं दावो काय उजवो?' हांवूय मातसो पडलो चितूंक... खीणभर म्हजे दावे आनी उजवे वटेन पळोवन हांवें दिली जाप ताका म्हाका दावो आनी उजवो दोनूय आसात हात जें पट्टा, दिसता योग्य उखलतात जुस्त ते... दावो दाव्याचें उजवो उजव्याचें सारखें करता काम... मात वेळ तसोच आयलो जाल्यार दोगूय जातात एक नातर नातर दाव्याचें तोंड दावे कडेन उजव्याचें उजवे कडेन... परिस्थिती जायत जाल्यार अशी कूड आमची लागतली गळाक **** - दीपराज सातोर्डेकर.** [जुलाय, २०२०]

	दीपराज सातोर्डेकर, पंचवडी: मूळ नाटकिसत, काणियेगार तशेंच कवी. हाच्यो सभार कविता सुनापरांत, भांगार‌भुंय तशेंच हेर नेमाळ्यांनी पर्गट जाल्यात. साहितीक स्पर्ध्यांनी सयत इनामां जिकला. अंतर राज्य मट्टार नाटकां खेळयल्यांत. सद्द्याक गोंयचा युनिवर्सिटिंत एम.ए. पद्युत्तर शिकप जोडपी, कोंकणिच्या फुडाराचो उत्तीम कवी जांवचीं सर्व खुणां हाच्या कवितेंत दिसून येतात.


ದಾಯ್ಜ್.ಕೊಮ್

2004 ಥಾವ್ನ್ 2011 ಪರ್ಯಾಂತ್ ಕಾರ್ಯಾಳ್ ಆಸ್‌ಲ್ಲ್ಯಾ ದಾಯ್ಜ್.ಕೊಮ್ ಚೆರ್ ಪರ್ಗಟ್‌ಲ್ಲ್ಯಾ ವಿಂಚ್ಣಾರ್ ಸಾಹಿತಾಕ್ ಆಮಿ ಫುಡಿಲ್ಯಾ ದಿಸಾಂನಿ ಪಯ್ಣಾರಿ ವಾಚ್ಪ್ಯಾಂಕ್ ಲಾಭಯ್ತೆಲ್ಯಾಂವ್.