[ಕವಿತಾ] ಮಾಂಯ್ ಆನಿ ಮಾತಾ (- ಡೊಮಿನಿಕ್ ಅರಾವ್ಜೊ)

ಮಾಂಯ್ ಆನಿ ಮಾತಾ


ಅಸ್ತುರಿ ಮ್ಹಜಿ ಮಾಂಯ್
ಧರ್ತರಿ ಮ್ಹಜಿ ಮಾತಾ

ಅಸ್ತುರಿಯೆಚ್ಯಾ ಗರ್ಭಾಂತ್
ಭುರ್ಗೆಂ ಜಲ್ಮತಾ
ಧರ್ತರಿಯೆಚ್ಯಾ ಪಟಾಂತ್
ಝಾಡಾಚಿ ರಂಪಿ ಕಿರ್ಲತಾ
ಅಸ್ತುರಿ ಮ್ಹಜಿ ಮಾಂಯ್
ಧರ್ತರಿ ಮ್ಹಜಿ ಮಾತಾ

ಭುರ್ಗ್ಯಾಕ್ ಛಾತಿಯೆಚ್ಯಾ
ದುದಾಂತ್ ಶಿಂಪ್ತಾ
ಝಾಡಾಂ ಮಾತಿಯೆಚೆ
ಅಲ್ಸಾಣಿನ್ ಫಾಂಕಾರ್ತಾ
ಅಸ್ತರಿ ಮ್ಹಜಿ ಮಾಂಯ್
ಧರ್ತರಿ ಮ್ಹಜಿ ಮಾತಾ

ವಾತಿ ಪರಿಂ ಜಳನ್
ಭುರ್ಗ್ಯಾಕ್ ವಾಡಯ್ತಾ
ಝಾಡಾಂ ವತಾನ್ ಕಡನ್
ಜಿಣೆಕ್ ಸಾವ್ಳಿ ದಿತಾ
ಅಸ್ತುರಿ ಮ್ಹಜಿ ಮಾಂಯ್
ಧರ್ತರಿ ಮ್ಹಜಿ ಮಾತಾ

ಮಿಠಾಚಿ ಕಣಿ ಜಾವ್ನ್
ಸಗ್ಳ್ಯಾಂಚೊ ಸುವಾದ್ ಜಾತಾ
ಫಳಾಂಚಿ ತಳಿಂ ಜಾವ್ನ್
ಜಿಣೆಚಿ ಭುಕ್ ಮಾರ್ತಾ
ಅಸ್ತುರಿ ಮ್ಹಜಿ ಮಾಂಯ್
ಧರ್ತರಿ ಮ್ಹಜಿ ಮಾತಾ

ಜೊ ಹಾತ್ ಪಾಳ್ಣೆಂ ಧಲಯ್ತಾ
ತೊ ಹಾತ್ ಸಂವ್ಸಾರ್ ಚಲಯ್ತಾ
ನಿಸರ್ಗಾಚ್ಯಾ ರುಪಾಂತ್
ಪ್ರಿಥ್ವೆಚೊ ಸಾಂಬಾಳ್ ಕರ್ತಾ
ಅಸ್ತುರಿ ಮ್ಹಜಿ ಮಾಂಯ್
ಧರ್ತರಿ ಮ್ಹಜಿ ಮಾತಾ

 ******

- ಡೊಮಿನಿಕ್ ಅರಾವ್ಜೊ. [ಜುಲಾಯ್, 2020]

[kovita] Maim ani Mata (- Dominic Arauzo, Kuwait)

Maim ani Mata


Ostori mhoji Maim
Dhortori mhoji Mata

Ostoriechea gorbhant
Bhurgem zolmota
Dhortoriechea pottant
Zhaddachi rompi kirlota
Ostori mhoji Maim
Dhortori mhoji Mata

Bhurgeak chhatiechea
Dudant ximpta
Zhaddam matieche
Olsannin fankarta
Ostori mhoji Maim
Dhortori mhoji Mata

Vati porim zollon
Bhurgeak vaddoita
Zhaddam votan koddon
Jinnek savlli dita
Ostori mhoji Maim
Dhortori mhoji Mata

Mitthachi konni zaun
Soglleancho suvad zata
Follanchi tollim zaun
Jinnechi bhuk marta
Ostori mhoji Maim
Dhortori mhoji Mata

Zo hat pallnnem dholoita
To hat sonvsar choloita
Nisorgachea rupant
Prithvecho samball korta
Ostori mhoji Maim
Dhortori mhoji Mata

******

- Dominic Arauzo, Kuwait. [July, 2020]

[कविता] मांय आनी माता (- डोमिनीक अरावजो)

आवय व मांय म्हळ्ळो सब्ध‌च अगाध गुंडायेचो एक सागोर. ह्या गुंडायेक माप‌ल्लीं नांत, ह्या सागोराच्या तडीक मेज‌ल्लीं नांत. पूण एक आवय ह्या धर्तेचेर अपलें काम करून‌च वेता, केदिंच कोणाथावन, कितेंच मागिना. ही आवय कोण म्हळ्ळें समजुंक त्रास नाकात.

- सं

[कविता] मांय आनी माता (- डोमिनीक अरावजो)

मांय आनी माता


असतरी म्हजी मांय
धर्तरी म्हजी माता

असतरियेच्या गर्भांत
भुर्गें जल्मता
धर्तरियेच्या पटांत
झाडाची रंपी किरलता
असतरी म्हजी मांय
धर्तरी म्हजी माता

भुर्ग्याक छातियेच्या
दुदांत शिंप्ता
झाडां मातियेचे
अल्साणीन फांकार्ता
असतरी म्हजी मांय
धर्तरी म्हजी माता

वाती परीं जळन
भुर्ग्याक वाडयता
झाडां वतान कडन
जिणेक सावळी दिता
असतरी म्हजी मांय
धर्तरी म्हजी माता

मिठाची कणी जावन
सगळ्यांचो सुवाद जाता
फळांची तळीं जावन
जिणेची भूक मार्ता
असतरी म्हजी मांय
धर्तरी म्हजी माता

जो हात पाळणें धलयता
तो हात संवसार चलयता
निसर्गाच्या रुपांत
प्रिथवेचो सांबाळ कर्ता
असतरी म्हजी मांय
धर्तरी म्हजी माता

******

- डोमिनीक अरावजो. [जुलाय, २०२०]

ದಾಯ್ಜ್.ಕೊಮ್