ಪಯ್ಣಾರಿ.ಕೊಮ್ Poinnari.Com: Konkani Research, Konkani Study, Progressive Konkanni Literature, Konkani Writing, Konkani Poetry, Creative Writing, Konkani Books, Konkani Association, Konkani Work, Fiction Writing, Poetry Criticism, Poetry Contests, Writing C

[ಕವಿತಾ] ಆಜ್ ಮ್ಹಾಕಾ ಫಾಲ್ಯಾಂ ತುಕಾ (- ವಾಯ್ಲೆಟ್ ಪಿಂಟೊ, ಅರಸಿಕೆರೆ)

ಜಿವಿತ್ ಆನಿ ಮರಣ್ ಸ್ವಾಭಾವಿಕ್, ಹ್ಯಾ ಸಂಸಾರಾಂತ್ ಜಿಯೆತಲ್ಯಾ ದರೇಕಾ ಜಿವಿಕ್ ಹೆಂ ಲಾಗು ಜಾತಾ ಮ್ಹಳ್ಳೆಂ ಸತ್ ಜಾಣಾಸುನ್‌ಯಿ ಮನಿಸ್ ’ಅಪುಣ್ ಥಿರ್, ಅಪಣಾಕ್ ಅಂತ್ಯ್‍ಚ್ ನಾ’ ಮ್ಹಳ್ಳೆ ಭೃಮಿದೆಂತ್ ಜಿಯೆವ್ನ್ ಆಸಾ. ಹ್ಯಾ ಸಂಸಾರಾಂತ್ ಕಿತೆಂಚ್ ಶಾಶ್ವಿತ್ ಮ್ಹಳ್ಳೆಂ ನಾ. ದೆಕುನ್ ದರೇಕಲ್ಯಾ ಮನ್ಶಾನ್ ಅಪ್ಲ್ಯಾ ಜಿಣ್ಯೆ ಆವ್ದೆಂತ್ ’ಅಪುಣ್/ಅಪ್ಲೆಂ’ ಮ್ಹಳ್ಳ್ಯಾ ಅಶೀರ್ ಚಿಂತಪಾಭಾಯ್ರ್ ಚಿಂತುಂಕ್ ಸುರು ಕೆಲೆಂ ತರ್ ಹೊ ಸಂಸಾರ್ ಕಿತ್ಲೊ ಸೊಭಿತ್ ಜಾಯ್ತ್? ಹೆಚ್ ಚಿಂತ್ಪಾಚ್ಯಾ ಪಾಠ್‌ಭುಂಯ್ಚೆರ್ ವಿಣ್ಲಲಿ ಸೊಭಿತ್ ಕವಿತಾ ಹಿ.

- ಸಂ

[ಕವಿತಾ] ಆಜ್ ಮ್ಹಾಕಾ ಫಾಲ್ಯಾಂ ತುಕಾ (- ವಾಯ್ಲೆಟ್ ಪಿಂಟೊ, ಅರಸಿಕೆರೆ)

ಆಜ್ ಮ್ಹಾಕಾ ಫಾಲ್ಯಾಂ ತುಕಾ ಹಾಂಗಾ ಸಕ್ಕಡ್‌ಯೀ ಎಕ್‌ಚ್ ಶಾಂತೆಚಿ ಎಕ್ ಮಾತ್ರ್ ಸುವಾತ್ ಗುಂಡಾಯೆಥಾವ್ನ್ ಉಲಯ್ತಾತ್ ಫೊಂಡ್! ಭುಂಯ್ ವಯ್ರ್ ಆಸಾಯ್ ಚಿಂತ್‌ಲ್ಲೆಂ ಕರುಂಕ್ ಸಕ್ತಾಯ್! ಜಿಣಿ ಬದ್ಲುಂಕ್ ಆವ್ಕಾಸ್ ರಾಸ್! ಜಿವಂತ್ ಆಸಾಯ್ ಬರೆಂ ಕರ್ ಮೆಲ್ಲ್ಯಾ ಉಪ್ರಾಂತ್ ಜಾಯ್ನಾ; ಕಿತೆಂಯ್ ಕರುಂಕ್ ಫೊಂಡ್ ಶೃಂಗಾರ್, ಭಿತರ್ ಕುಸಡ್ ಆವ್ಕಾಸ್ ನಾ ಆಮ್ಕಾಂ ಪಾಟಿಂ ವಚುಂಕ್! ತುಂ ಮುಕಾರ್ ವಚ್ ಬರೆಂ ವೊಂಪಿತ್ ಹಾಂಗಾ ಯೆಂವ್ಚ್ಯಾ ಪಯ್ಲೆಂ. ತೃಪ್ತೆಚೊ ನಿಮಾಣೊ ಹಾಸೊ ಘೆವ್ನ್ ಯೇ ಆಜ್ ಮ್ಹಾಕಾ ಫಾಲ್ಯಾಂ ತುಕಾ ಭಿಲ್ಕುಲ್ ಚುಕಾನಾ ಜಿಣ್ಯೆಚೆಂ ಲೇಕ್! ****** - ವಾಯ್ಲೆಟ್ ಪಿಂಟೊ, ಅರಸಿಕೆರೆ. [ನವೆಂಬ್ರ್, 2020]

	ವಾಯ್ಲೆಟ್ ಪಿಂಟೊ ಅರಸಿಕೆರೆ: ವೃತ್ತೆನ್ ಕನ್ನಡ್ ಉಪನ್ಯಾಸಕಿ ಜಾವ್ನ್ ಹಾಸನ್ ಜಿಲ್ಲೆಂತ್ಲ್ಯಾ ’ಅರಸಿಕೆರೆ’ ಗಾಂವಾಂತ್ ವಸ್ತಿ ಕರುನ್ ಆಸ್ಚ್ಯಾ ಹಿಚ್ಯೊ ಕವಿತಾ ಕನ್ನಡ್ ಪತ್ರಾಂನಿ ಪರ್ಗಟ್ಲ್ಯಾತ್. ಕೊಂಕಣಿ ಸಾಹಿತ್ಯಾಚಿ ಅಭಿರುಚ್ ಆಸ್ಚಾ ಹಿಣೆಂ ಕೊಂಕಣಿಂತ್ ಸಯ್ತ್ ಕವಿತಾ ಬರಯ್ಲ್ಯಾತ್.
[kovita] Az mhaka faleam tuka* (- Violet Pinto, Arsikere)*
Jivit ani moronn svabhavik, hea somsarant jietolea doreka jivik hem lagu zata mholl'llem sot zannasun‌yi monis ’opunn thir, oponnak onty‍ch na’ mholl'lle bhrimident jieun asa. Hea somsarant kitench xaxvit mholl'llem na. Dekun dorekolea monxan oplea jinnye audent ’opunn/oplem’ mholl'llea oxir chintopabhair chintunk suru kelem tor ho somsar kitlo sobhit zait? hech chintpachea patth‌bhumycher vinnloli sobhit kovita hi. - Som
[kovita] Az mhaka faleam tuka* (- Violet Pinto, Arsikere)*
Az mhaka faleam tuka hanga sokkodd‌yi ek‌ch xantechi ek matr suvat gunddayethaun uloitat fondd! bhum-i voir asai chint‌l'lem korunk soktai! jinni bodlunk aukas ras! jivont asai borem kor mel'lea uprant zaina; kitem-i korunk fondd xringar, bhitor kusodd aukas na amkam pattim vochunk! tum mukar voch borem vompit hanga yemvchea poilem. Triptecho nimanno haso gheun ye az mhaka faleam tuka bhilkul chukana jinnyechem lek! **** - Violet Pinto Arsikere.** [Nov, 2020]

	Violet Pinto Arasikere: Vrit'ten Kon'nadd uponeasoki zaun hason jil'lentlea ’Arasikere’ gamvant vosti korun aschea hicheo kovita kon'nodd potramni porgottleat. Konkonni sahiteachi obhiruch ascha hinnem konkonnint soit kovita boroileat.
[कविता] आज म्हाका फाल्यां तुका (- वायलेट पिंटो, अरसिकेरे.)
जिवीत आनी मरण स्वाभावीक, ह्या संसारांत जियेतल्या दरेका जिवीक हें लागू जाता म्हळ्ळें सत जाणासून‌यी मनीस ’अपूण थीर, अपणाक अंत्य‍च ना’ म्हळ्ळे भृमिदेंत जियेवन आसा. ह्या संसारांत कितेंच शाश्वीत म्हळ्ळें ना. देकून दरेकल्या मनशान अपल्या जिण्ये आवदेंत ’अपूण/अपलें’ म्हळ्ळ्या अशीर चिंतपाभायर चिंतुंक सुरू केलें तर हो संसार कितलो सोभीत जायत? हेच चिंत्पाच्या पाठ‌भुंयचेर विणलली सोभीत कविता ही. - सं
[कविता] आज म्हाका फाल्यां तुका (- वायलेट पिंटो, अरसिकेरे.)
आज म्हाका फाल्यां तुका हांगा सक्कड‌यी एक‌च शांतेची एक मात्र सुवात गुंडायेथावन उलयतात फोंड! भुंय वयर आसाय चिंत‌ल्लें करुंक सक्ताय! जिणी बदलुंक आवकास रास! जिवंत आसाय बरें कर मेल्ल्या उपरांत जायना; कितेंय करुंक फोंड शृंगार, भितर कुसड आवकास ना आमकां पाटीं वचुंक! तूं मुकार वच बरें वोंपीत हांगा येंवच्या पयलें. तृप्तेचो निमाणो हासो घेवन ये आज म्हाका फाल्यां तुका भिल्कूल चुकाना जिण्येचें लेक! **** - वायलेट पिंटो, अरसिकेरे.** [नवेंबर, २०२०]

	वायलेट पिंटो अरसिकेरे: वृत्तेन कन्नड उपन्यासकी जावन हासन जिल्लेंतल्या ’अरसिकेरे’ गांवांत वसती करून आसच्या हिच्यो कविता कन्नड पत्रांनी पर्गटल्यात. कोंकणी साहित्याची अभिरूच आसचा हिणें कोंकणिंत सयत कविता बरयल्यात.


ದಾಯ್ಜ್.ಕೊಮ್

2004 ಥಾವ್ನ್ 2011 ಪರ್ಯಾಂತ್ ಕಾರ್ಯಾಳ್ ಆಸ್‌ಲ್ಲ್ಯಾ ದಾಯ್ಜ್.ಕೊಮ್ ಚೆರ್ ಪರ್ಗಟ್‌ಲ್ಲ್ಯಾ ವಿಂಚ್ಣಾರ್ ಸಾಹಿತಾಕ್ ಆಮಿ ಫುಡಿಲ್ಯಾ ದಿಸಾಂನಿ ಪಯ್ಣಾರಿ ವಾಚ್ಪ್ಯಾಂಕ್ ಲಾಭಯ್ತೆಲ್ಯಾಂವ್.