ಪಯ್ಣಾರಿ.ಕೊಮ್ Poinnari.Com: Konkani Research, Konkani Study, Progressive Konkanni Literature, Konkani Writing, Konkani Poetry, Creative Writing, Konkani Books, Konkani Association, Konkani Work, Fiction Writing, Poetry Criticism, Poetry Contests, Writing C

[ಕವಿತಾ] ಸತ್ ಆನಿ ಫಟ್ (- ಸ್ಟೇನಿ ಮೆಂಡೊನ್ಸಾ, ಯು.ಕೆ.)

ಜೆದ್ನಾಂ ಮನಿಸ್ ಹ್ಯಾ ಸಂಸಾರಾಕ್ ಆಯ್ಲೆ ತೆದ್ನಾಂ ಸತ್ ಆನಿ ಫಟ್ ಸಯ್ತ್ ತಾಚೆಸವೆಂ ಆಯ್ಲೆಂ. ಅಶೆಂ ಆಯಿಲ್ಲೆಂ ಸತ್ ಆನಿ ಫಟ್ ಆಜ್ ಪಾಸೊನ್ ಆಸಾ. ಹ್ಯಾ ಸಂಸಾರಾಂತ್ ಖುನಿ ಜಾತಾತ್, ದೇಶ್-ರಾಜ್ವಟ್ಕಿ ಸಯ್ತ್ ಹಾಲ್ತಾ, ಅನೀತ್-ಅನ್ನ್ಯಾಯ್ ವ ಸಮಾಜಿಕ್ ಅಸಮಾನತಾ ಜಾತಾ ಹಾಚೆಂ ಮೂಳ್ ಕಾರಣ್ ಸತ್ ಆನಿ ಫಟ್. ಕೊಣಾಕ್ ಸತ್ ಬಂಡ್ವಾಳ್ ತರ್ ಕೊಣಾಕ್ ಫಟ್. ಆಯ್ಚೊ ಕಾಳ್ ಇತ್ಲೊ ಮುಕಾರ್ ಪಾವ್ಲಾ ಮ್ಹಳ್ಯಾರ್ ಸಭಾರ್ ಪಾವ್ಟಿಂ ಅಶೆಂ ಭಗ್ತಾ; ಸತ್ ಫಟಿಪರಿಂ ದಿಸುಂಕ್ ಲಾಗ್ಲಾಂ ಆನಿ ಫಟ್ ಸತಾಚೊ ವೇಸ್ ಪಾಂಗ್ರುನ್ ಸಂಸಾರಾಕ್ ಬನಾಯ್ತಾ. ಹೆಚ್ ಚಿಂತ್ಪಾಚ್ಯಾ ಪಾಠ್‌ಭುಂಯ್‌ಚೆರ್ ಉಭಿ ಕೆಲ್ಲಿ ಹಿ ಕವಿತಾ.

- ಸಂ

[ಕವಿತಾ] ಸತ್ ಆನಿ ಫಟ್ (- ಸ್ಟೇನಿ ಮೆಂಡೊನ್ಸಾ, ಯು.ಕೆ.)

ಸತ್ ಆನಿ ಫಟ್ "ಸತಾಚಿಚ್ ಜೀಕ್ ಜಾತಾ" ಆಯ್ಕಲಾಂ ಹಾಂವೆಂ ಹೆಂ ಸಾಂಗ್ಣೆಂ ಪುಣ್ ಸತಾಚೆರ್ ಭರ್ವಸ್ಲೆಲ್ಯಾಂಚೆಂ ಮಾತ್ಯೆಂತ್ ಸಾರೆಂ ಜಾಲಾಂ ಮಡೆಂ.... ಕಷ್ಟಿ ಮೆಟಾಂನಿ ಚಮ್ಕೊಂಚೆಂ ಸತ್ ಪರ್ಮಳ್ ಪರಿಸರಾಂತ್ ಭರ್ಚೆ ಆದಿಂ ವಾರ‍್ಯಾ ವೆಗಾನ್ ವಿಸ್ತರ್ಚೆ ಘಾಣಿನ್ ಫಟಿಂಚ್ಯಾ ಲ್ಹಾರಾಂನಿಂ ದರ‍್ಯೊ ಭರ್ಲಾ.... ಬೊಲೆಂ ರಾನಾಂತ್ ಫಟಿಂಚೊ ಕಾಳೊಕ್ ಸತ್ ಸೊದಿತ್ ನೀತಿಚಿ ವಾಟ್ ನ್ಯಾಯ್ ಆನ್ಯಾಯ್ ನೆಣಾಂ ಹಾಂವ್ ಫಟ್ಕಿರೊ ತೊ ಜೊಡ್ತಾ ಮಾನ್ ಅಜೂನ್‍ಯೀ ಆಸಾ ಆದ್ಲೆಂ ಸಾಂಗ್ಣೆಂ "ಸತ್‍ಚ್ ಜಿಕ್ತೆಲೆಂ" ಸಗಳ್ಯಾಂಚೆಂ ಮ್ಹಣ್ಣೆಂ ಮುಕಾರ‍್ಯೀ ಆಸ್ತೆಲೆಂ ರಾಜ್‍ಚ್ ಫಟಿಂಚೆಂ ಮೊರ್ನಾ ಘಾಂಟಿಚೊ ಆವಾಜ್ ಜಾಗಯ್ತ್ ತೆದ್ನಾಂ.... ****** - ಸ್ಟೇನಿ ಮೆಂಡೊನ್ಸಾ, ಯು.ಕೆ. [ನವೆಂಬ್ರ್, 2020]

	ಸ್ಟೇನಿ ಮೆಂಡೊನ್ಸಾ: ಯು.ಕೆಂತ್ ಅಪ್ಲ್ಯಾ ಕುಟ್ಮಾಸವೆಂ ವಸ್ತಿ ಕರುನ್ ಆಸ್ಚೊ ಸ್ಟೇನ್ ಮೆಂಡೊನ್ಸಾ ಏಕ್ ಪದಾಂ ಘಡ್ಣಾರ್, ಗಾವ್ಪಿ ತಶೆಂಚ್ ಅಪ್ರೂಪ್ ಕವಿ ಸಯ್ತ್. ಹಾಚ್ಯಾದಿಂ ಸಯ್ತ್ ಹಾಚ್ಯೊ ಥೊಡ್ಯೊ ಕವಿತಾ ದಾಯ್ಜ್.ಕೊಮ್ ಜಾಳಿಜಾಗ್ಯಾಂತ್ ತಶೆಂಚ್ ಥೊಡ್ಯಾ ಕೊಂಕಣಿ ನೇಮಾಳ್ಯಾಂನಿ ಪರ್ಗಟ್ಲ್ಯಾತ್.
[kovita] Sot ani Fott* (- Stany Mendonca)*
Jednam monis hea somsarak aile tednam sot ani fott soit tachesovem ailem. Oxem ayil'lem sot ani fott az pason asa. Hea somsarant khuni zatat, dex-rajvottki soit halta, onit-on'nyai vo somajik osomanota zata hachem mull karonn sot ani fott. Konnak sot bonddvall tor konnak fott. Aicho kall itlo mukar paula mhollear sobhar pauttim oxem bhogta; sot fottiporim disunk laglam ani fott sotacho ves pangrun somsarak bonaita. Hech chintpachea patth‌bhum-i‌cher ubhi kel'li hi kovita. - Som
[kovita] Sot ani Fott* (- Stany Mendonca)*
Sot ani Fott "sotachich jik zata" aikolam hamvem hem sangnnem punn sotacher bhorvosleleanchem matyent sarem zalam moddem.... Koxtti mettamni chomkonchem sot pormoll porisorant bhorche adim varo‍ea vegan vistorche ghannin fottinchea lharamnim doro‍eo bhorla.... Bolem ranant fottincho kallok sot sodit nitichi vatt nyai anyai nennam hamv fottkiro to zoddta man ozun‍yi asa adlem sangnnem "sot‍ch jiktelem" sogolleanchem mhonn'nnem mukaro‍yi astelem raz‍ch fottinchem morna ghantticho avaz zagoit tednam.... **** - Stany Mendonca, U.K.** [Nov, 2020]

	Stany Mendonca: UKnt oplea kuttmasovem vosti korun ascho stten menddonsa ek podam ghoddnnar, gaupi toxench oprup kovi soit. Hacheadim soit hacheo thoddeo kovita www.daaiz.com zallizageant toxench thoddea konkonni nemalleamni porgottleat.
[कविता] सत आनी फट (- स्टेनी मेंडोन्सा, यू.के.)
जेदनां मनीस ह्या संसाराक आयले तेदनां सत आनी फट सयत ताचेसवें आयलें. अशें आयिल्लें सत आनी फट आज पासोन आसा. ह्या संसारांत खुनी जातात, देश-राज्वटकी सयत हाल्ता, अनीत-अन्न्याय व समाजीक असमानता जाता हाचें मूळ कारण सत आनी फट. कोणाक सत बंडवाळ तर कोणाक फट. आयचो काळ इतलो मुकार पावला म्हळ्यार सभार पावटीं अशें भग्ता; सत फटिपरीं दिसुंक लागलां आनी फट सताचो वेस पांग्रून संसाराक बनायता. हेच चिंत्पाच्या पाठ‌भुंय‌चेर उभी केल्ली ही कविता. - सं
[कविता] सत आनी फट (- स्टेनी मेंडोन्सा, यू.के.)
सत आनी फट "सताचीच जीक जाता" आयकलां हांवें हें सांगणें पूण सताचेर भर्वसलेल्यांचें मात्येंत सारें जालां मडें.... कषटी मेटांनी चमकोंचें सत पर्मळ परिसरांत भर्चे आदीं वार‍्या वेगान विसतर्चे घाणीन फटिंच्या ल्हारांनीं दर‍्यो भरला.... बोलें रानांत फटिंचो काळोक सत सोदीत नीतिची वाट न्याय आन्याय नेणां हांव फटकिरो तो जोडता मान अजून‍यी आसा आदलें सांगणें "सत‍च जिक्तेलें" सगळ्यांचें म्हण्णें मुकार‍्यी आसतेलें राज‍च फटिंचें मोर्ना घांटिचो आवाज जागयत तेदनां.... **** - स्टेनी मेंडोन्सा, यू.के.** [नवेंबर, २०२०]

	स्टेनी मेंडोन्सा: यू.केंत अपल्या कुटमासवें वसती करून आसचो स्टेन मेंडोन्सा एक पदां घडणार, गावपी तशेंच अपरूप कवी सयत. हाच्यादीं सयत हाच्यो थोड्यो कविता दायज.कोम जाळिजाग्यांत तशेंच थोड्या कोंकणी नेमाळ्यांनी पर्गटल्यात.


ದಾಯ್ಜ್.ಕೊಮ್

2004 ಥಾವ್ನ್ 2011 ಪರ್ಯಾಂತ್ ಕಾರ್ಯಾಳ್ ಆಸ್‌ಲ್ಲ್ಯಾ ದಾಯ್ಜ್.ಕೊಮ್ ಚೆರ್ ಪರ್ಗಟ್‌ಲ್ಲ್ಯಾ ವಿಂಚ್ಣಾರ್ ಸಾಹಿತಾಕ್ ಆಮಿ ಫುಡಿಲ್ಯಾ ದಿಸಾಂನಿ ಪಯ್ಣಾರಿ ವಾಚ್ಪ್ಯಾಂಕ್ ಲಾಭಯ್ತೆಲ್ಯಾಂವ್.