[ಕವಿತಾ] ಕಾಣಿ ಕುಡ್ಡೆ ಭಯ್ಣೀಚಿ  (- ಅವಿನಾಶ್ ಕುಂಕಳಕಾರ್)

ಕಾಣಿ ಕುಡ್ಡೆ ಭಯ್ಣೀಚಿ


ಸಾತ್ ಭಾವಾಂಚಿ ಎಕ್ ಭಯ್ಣ್
ನಾಂವ್ ತಿಚೆಂ ಭಾವ್ನಾ...
ಸಾತ್ ಭಾವ್ ಆಸೂನಯ್
ತಿಚ್ಯಾ ಸುಖಾ ದುಖ್ಖಾನ್ ಪಾವ್ನಾ.

ದುಖ್ಖ್ ಸೊಸ್ತಾಲಿ ಎಕ್ಟಿ ಎಕ್ಸೂರಿ
ಇಂದ್ರಧನು ವರಿ ಸಾತ್ ಭಾವ್ ಆಸೂನಯ್
ಬೆರಂಗ್ ಜಗ್ಣೆ ಜಗ್ತಾಲಿ
ಸಾತೂಯ್ ಭಾವಾಂಚಿ ಸೆವಾ ಕರೀತ್
ದಿಸಾ ದಿಸಾಕ್ ಮರ್ತಾಲಿ.

ರಾತ್ ವಾ ದೀಸ್ ಎಕ್ ಸಮಾನ್
ಕಾಳೆ ಕಿಟ್ಟ್ ಜಗ್ಣೆ ಆಸ್ಲೆಂ
ಭಾವಾಂಚೊ ಸಂವ್ಸಾರ್ ಜಾವ್ಚೊ ಬರೊ
ಹೆಚ್ ದೆವಾಕಡೆನ್ ಮಾಗ್ಣೆ ಆಸ್ಲೆಂ.

ಕುಡ್ಡೆ ಭಯ್ಣೀಕ್ ಹೊ ಸಂವ್ಸಾರ್ ಪಳೊವ್ಕ್
ಆಪ್ಲೆಂ ಸ್ವತಾಚೆಂ ದೊಳೆ ನಾಸ್ಲೆಂ
ಪೂಣ್ ಸಾತೂಯ್ ಭಾವ್ ಸಾಮ್ಕೆ ಸ್ವಾರ್ತಿ
ದೊಳೆ ಆಸೂನ್ ಕುಡ್ಡೆ ಆಸ್ಲೆಂ.

ತಿಚೆಂ ಕುಡ್ಡೆಪಣ್ ಭಾವಾಂಕ್ ಜಡ್ ಜಾಲ್ಲೆಂ
ತಿ ಆಪ್ಲಿ ಭಯ್ಣ್ ಮ್ಹೂಣ್ ಸಾಂಗ್ಪಾಕ್
ತಾಂಕಾಂ ಲಜ್ ದಿಸ್ತಾಲಿ...
ಪೂಣ್ ಆಪೂಣ್ ಚೌದಾ ದೊಳ್ಯಾಂನಿ ಪಳಯ್ತಾ
ಹೆ ಖೊಟೆ ಆಶೆನ್ ತಿ ಜಗ್ತಾಲಿಂ.

ಸಾತೂಯ್ ಭಾವ್ ಕಟ್ ರಚೂನ್ ಎಕ್ ದೀಸ್
ಕುಡ್ಡೆ ಭಯ್ಣೀಚೊ ಜೀವ್ ಘೆತಾ
ಜಲ್ಮಾ ಉಪ್ರಾತ್ ಆನಿ ಮರ್ಣಾ ನಂತರ್
ಮನ್ಶಾಕ್ ಮ್ಹಜೀಚ್ ಘರಜ್ ಪಡ್ಟಲಿ
ಅಸೊ ಮರ್ತನಾ ತಿ ಶಾಪ್ ದಿತಾ.

ದುಸ್ರ್ಯಾ ಜಲ್ಮಾಕ್ ಬಾಂಬು ಜಾವ್ನ್
ಕುಡ್ಡಿ ಭಯ್ಣ್ ಜಲ್ಮಾಕ್ ಯೆತಾ
ಭುರ್ಗ್ಯಾಚ್ಯಾ ಜಲ್ಮಾ ಉಪ್ರಾತ್
ತಾಕಾ ಸುಪಾಂತ್ ದವ್ರಪಾಚಿ ರಿತ್ ಆಸಾ
ಮರ್ಣಾ ನಂತರ್ ಮನ್ಶಾಕ್
ಬಾಂಬೂಚಿ ನಿಸಣ್ ಫಾವೊ ಜಾತಾ.

 ******

- ಅವಿನಾಶ್ ಕುಂಕಳಕಾರ್. [ನವೆಂಬ್ರ್, 2020]

[kovita] Kanni kudd'dde bhoinnichi (- Avinash Kunkolkar)

Kanni kudd'ddea bhoinnichi


sat bhavanchi ek bhoinn
namv tichem bhauna...
Sat bhavo asunoi
tichea sukha dukhkhan pauna.

Dukhkh sostali ektti eksuri
indrodhonu vori sat bhavo asunoi
berong zognne zogtali
satuy bhavanchi seva korit
disa disak mortali.

Rat va dis ek soman
kalle kitt'tt zognne aslem
bhavancho somvsar zaucho boro
hech devakodden magnne aslem.

Kudd'dde bhoinnik ho somvsar pollouk
aplem svotachem dolle naslem
punn satuy bhavo samke svarti
dolle asun kudd'dde aslem.

Tichem kudd'ddeponn bhavank zodd zal'lem
ti apli bhoinn mhunn sangpak
tankam loz distali...
Punn apunn chouda dolleamni polloita
he khotte axen ti zogtalim.

Satuy bhavo kott rochun ek dis
kudd'dde bhoinnicho jivo gheta
zolma uprat ani mornna nontor
monxak mhojich ghoroz poddttoli
oso mortona ti xap dita.

Dusrea zolmak bambu zaun
kudd'ddi bhoinn zolmak yeta
bhurgeachea zolma uprat
taka supant douropachi rit asa
mornna nontor monxak
bambuchi nisonn favo zata.

******

- Avinash Kunkolkar. [Nov, 2020]

[कविता] काणी कुड्डे भयणीची (- अविनाश कुंकळकार.)

कविता म्हळ्यार थोड्याच उत्रांनी खूप अर्थ सांगची कला. पूण कवितेंत कथा सांगची कला कांय थोडे वाचपी खायस कर्तात. हांगासर तसलीच एक काणी आसा एका कुड्ड्या भयणिची. कथारुपाची ही कविता जाल्ल्यान वाचपीच समजुंच्यांक दुभाव ना.

- सं

[कविता] काणी कुड्डे भयणीची (- अविनाश कुंकळकार.)

काणी कुड्डे भयणीची


सात भावांची एक भयण
नांव तिचें भावना...
सात भाव आसूनय
तिच्या सुखा दुख्खान पावना.

दुख्ख सोसताली एकटी एकसूरी
इंद्रधनू वरी सात भाव आसूनय
बेरंग जगणे जगताली
सातूय भावांची सेवा करीत
दिसा दिसाक मरताली.

रात वा दीस एक समान
काळे किट्ट जगणे आसलें
भावांचो संवसार जावचो बरो
हेच देवाकडेन मागणे आसलें.

कुड्डे भयणीक हो संवसार पळोवक
आपलें स्वताचें दोळे नासलें
पूण सातूय भाव सामके स्वार्ती
दोळे आसून कुड्डे आसलें.

तिचें कुड्डेपण भावांक जड जाल्लें
ती आपली भयण म्हूण सांगपाक
तांकां लज दिसताली...
पूण आपूण चौदा दोळ्यांनी पळयता
हे खोटे आशेन ती जगतालीं.

सातूय भाव कट रचून एक दीस
कुड्डे भयणीचो जीव घेता
जल्मा उपरात आनी मरणा नंतर
मनशाक म्हजीच घरज पडटली
असो मरतना ती शाप दिता.

दुसर्‍या जल्माक बांबू जावन
कुड्डी भयण जल्माक येता
भुरग्याच्या जल्मा उपरात
ताका सुपांत दवरपाची रित आसा
मरणा नंतर मनशाक
बांबूची निसण फावो जाता.

******

- अविनाश कुंकळकार. [नवेंबर, २०२०]

ದಾಯ್ಜ್.ಕೊಮ್