[ಖಬರ್:] ಮಿರಾರೋಡಾಂತ್ ಕೊಂಕಣಿ ಕವಿತಾಸಾದರ್ ಸರ್ತ್

ಮೆಲ್ವಿನ್ ರೊಡ್ರಿಗಸಾಚ್ಯಾ ಮುಖೇಲ್‌ಪಣಾಖಾಲ್ ಕವಿತಾ ಟ್ರಸ್ಟಾನ್ ಚಲಂವ್ಚ್ಯಾ ಕೊಂಕಣಿ ಕವಿತಾಸಾದರ್ ಸರ್ತೆಚಿ ಮುಂಬಯ್ಚಿ ದುಸ್ರಿ ಸರ್ತ್ ಆಶಾವಾದಿ ಪ್ರಕಾಶನಾಚ್ಯಾ ಮುಖೇಲ್‌ಪಣಾಖಾಲ್, ಸೈಂಟ್ ಜೋಸೆಫ್ಸ್ ಕೊಂಕಣಿ ಎಸೋಸಿಯೇಶನ್ ಮಿರಾರೋಡ್ ಅನಿ ವಸಯ್ ಕೊಂಕಣಿ ವೆಲ್‌ಫೇರ್ ಎಸೋಸಿಯೇಶನ್ ಹಾಂಚ್ಯಾ ಸಹಯೋಗಾಖಾಲ್ ಮಿರಾರೋಡ್ ಇಗರ್ಜೆಚ್ಯಾ ಸಭಾಸಾಲಾಂತ್ ಸಪ್ತೆಂಬರ್ 29 ತಾರಿಕೆಚ್ಯಾ ಆಯ್ತಾರಾ ದನ್ಪಾರಾಂ 3 ಥಾವ್ನ್ 5 ಪರ್‍ಯಾಂತ್ ಚಲ್ಲಿ.

ಸಂಘಟನಾಚೊ ಕಾರ್ಯದರ್ಶಿ ಜೆರಾಲ್ಡ್ ಡಿ’ಸೋಜಾನ್ ಮಾಗ್ಣ್ಯಾಮುಖಾಂತ್ರ್ ಕೆಲ್ಲ್ಯಾ ಸುರ್ವಾತೆ ಉಪ್ರಾಂತ್ ಸಾಂಸ್ಕೃತಿಕ್ ಪ್ರತಿನಿದಿ ಹಿಲರಿ ಡಿಸಿಲ್ವಾನ್ ಸರ್ವಾಂಕ್ ಯೆವ್ಕಾರ್ ಮಾಗುನ್ ಸರ್ತಿ ಚಲವ್ನ್ ವೆಲಿ.

ಭುರ್ಗ್ಯಾಂಚ್ಯಾ ವರ್ಗಾಂತ್ ಪಯ್ಲೆಂ ತೀನ್ ಸ್ಥಾನ್ ಆಪ್ಣಾಯಿಲ್ಲಿಂ;

ಪಯ್ಲೆಂ ಇನಾಮ್: ವೆಲೋರಾ ಕುಟಿನ್ಹೊ ಮಿರಾರೋಡ್
ದುಸ್ರೆಂ ಇನಾಮ್: ನವೋಮಿ ಮಾರ್ಟಿಸ್ ಕಾಂದಿವಲಿ
ತಿಸ್ರೆಂ ಇನಾಮ್: ಒಶಿನ್ ಮಸ್ಕರೇನ್ಹಸ್

ವ್ಹಡಾಂಚ್ಯಾ ವಿಭಾಗಾಂತ್
ಪಯ್ಲೆಂ ಇನಾಮ್: ರೇಚಲ್ ಡಿ’ಸೋಜ್ ವಸಯ್
ದುಸ್ರೆಂ ಇನಾಮ್: ಜ್ಯೋತಿ ಆಲ್ವಾರಿಸ್ ನಾಯ್‌ಗಾಂವ್

 

[ಪಯ್ಲೆಂ ತಶೆಂಚ್ ದುಸ್ರೆಂ ಇನಾಮ್ ಜೊಡ್ಲೆಲಿಂ, 2020 ಇಸ್ವೆಚ್ಯಾ ಜನೆರಾಂತ್ ಗೊಯಾಂತ್ ಚಲುಂಕ್ ಆಸ್ಚ್ಯಾ ಅಖಿಲ್ ಭಾರತೀಯ್ ಹಂತಾಚ್ಯಾ ಸ್ಪರ್ಧ್ಯಾಂತ್ ವಾಂಟೊ ಘೆತಲಿಂ]

ಮಿರಾರೋಡ್ ಫಿರ್ಗಜೆಚೊ ಮಾ|ಬಾ|ವಾಲ್ಟರ್ ಡಿ’ಸೋಜಾನ್ ಸಮೇಸ್ತ್ ಸ್ಪರ್ಧಿಕಾಂಕ್ ಬರೆಂ ಮಾಗ್ಲೆಂ ತಶೆಂಚ್ ಇನಮಾಂ ಜೊಡ್ಲೆಲ್ಯಾಂಕ್ ಇನಾಮಾಂ ವಾಂಟ್ಲಿಂ. ವೆದಿಚೆರ್ ಸಂಘಟನಾಚೊ ಅಧ್ಯಕ್ಶ್ ಜೋನ್ ಕ್ರಾಸ್ತಾ, ಕಾರ್ಯದರ್ಶಿ ಜೆರಾಲ್ಡ್ ಡಿ’ಸೋಜ್, ಖಜಾಂಚಿ ವಿಕ್ಟರ್ ಮಸ್ಕರೇನ್ಹಸ್ ತಶೆಂಚ್ ಹೆರ್ ಹುದ್ದೇದಾರಾಂ ರಿಚಾರ್ಡ್ ಮಥಾಯಸ್, ಫ್ಲೋರಿನ್ ಮಥಾಯಸ್ ಆನಿ ಹೆರಾಂ ಹಾಜರ್ ಆಸ್ಲಿಂ.

- ಭಾತ್ಮಿ