ಪಯ್ಣಾರಿ.ಕೊಮ್ Poinnari.Com: Konkani Research, Konkani Study, Progressive Konkanni Literature, Konkani Writing, Konkani Poetry, Creative Writing, Konkani Books, Konkani Association, Konkani Work, Fiction Writing, Poetry Criticism, Poetry Contests, Writing C

[ಕವಿತಾ] ನಿಶ್ಪಾಪ್ (- ವೈಷ್ಣವಿ ರಾಯ್ಕರ್)

ಭಾರತೀಯ್ ದೇಶಾಚ್ಯಾ ಇತಿಹಾಸಾಂತ್ ’ಕರ್ಮ’ ಮ್ಹಳ್ಳ್ಯಾ ಸಬ್ಧಾಕ್ ಗುಂಡಾಯೆಚೆ ಅರ್ಥ್ ಆಸಾತ್. ಹ್ಯಾ ಜಾಣ್ವಾಯೆಕ್ ವಿಗ್ಯಾನ್, ತತ್ವ್‌ಗಿನ್ಯಾನ್ ತಶೆಂಚ್ ಹೆರ್ ಶೆತಾಂನಿ ಸಯ್ತ್ ಅರ್ಥ್ ದಿಲ್ಲೊ ಆಸಾ. ಮುಳಾವೊ ಅರ್ಥ್ ಜಾವ್ನಾಸಾ ಕರ್ಮ ಮ್ಹಳ್ಯಾರ್ ಆಮಿ ಕೆಲ್ಲಿಂ ಕಾಮಾಂ. ಆನಿ ಆಮಿ ಕೆಲ್ಲ್ಯಾ ದರೇಕಾ ಕಾಮಾಂಕ್ ಫಳ್ ಮೆಳ್ತಾ. ಬರಿಂ ಕಾಮಾಂ ಕೆಲ್ಯಾರ್ ಬರೊ ಫಳ್ ಮೆಳ್ತಾ. ಹ್ಯಾ ಕವಿತೆಂತ್ ಸಯ್ತ್ ತೆಂಚ್ ಚಿಂತಪ್ ಆಟಾಪುನ್ ಆಸುನ್ ಮನ್ಶಾಕ್ ಮನಣಾನೆ ಕೆಲ್ಲ್ಯಾ ಕರ್ಮಾಚೊ ಫಳ್ ಭಗ್ಚೊ ವೇಳ್ ಆಯ್ಲಾ ಮ್ಹಣ್ ಸಾಂಗ್ಚಿ ಕವಿತಾ ಹಿ.

- ಸಂ

[ಕವಿತಾ] ನಿಶ್ಪಾಪ್ (- ವೈಷ್ಣವಿ ರಾಯ್ಕರ್)

ನಿಶ್ಪಾಪ್ ಮನ್ಶಾ ತುವೆಂ, ಖರೆಂಚ್ ತುಜೆಂ ಮನೀಸಪಣಾನ್ ಶೆಣಯ್ಲಾಂ ಸುದಾರಿತಾಚೆ ರೂಪ್ಡೆಂ ಘಾಲೂನ್ ಸಗ್ಳ್ಯಾಂಕ್ ತುವೆಂ ಫಟಯ್ಲಾಂ ವಿಚಾರಾಂಚೆ ವ್ಹಡ್ಪಣ್ ತುಂ, ಸದಾಂಚ್ ಮಿರಯ್ತ್ ಭೊವ್ತಾ ಸಗ್ಳ್ಯಾ ಪರಸ್, ಆಪೂಣ್ ವ್ಹಡ್ ಮ್ಹೂಣ್, ಗರ್ವಾನ್ ಹಡ್ಡೆಂ ಫುಲಯ್ತಾ ಪೂಣ್, ಆಯ್ಜ್ ಮಾತ್, ತುವೆಂ ಮನ್ಶಾ ನಿಶ್ಠೂರಪಣ್ ದಾಖಯ್ಲೆಂ ಭಾವ್ನಾಶೂನ್ಯ್ ಜಾವ್ನ್ ತುಂ ನಿಶ್ಪಾಪ್ ಮೊನ್ಜಾತೀಕ್ ರಡಯ್ಲೆಂ ಗುನ್ಯಾಂವ್ ತರ್ ಕಾಂಯ್ಚ್ ನಾಸ್ಲೊ ಮ್ಹಜ್ಯಾ ಆವ್ಯ್ಚೊ ಆನಿ ಮ್ಹಜೊ ಪೊಟಾ ಭುಕೆಕ್ ವಳವ್ಳೂನ್ ತಿ ತುಜ್ಯಾ ಕಾರ್ಸ್ಥಾನಾನ್ ಘುಸ್ಪಲಿ ವಿಶ್ವಾಸ್ ತುಜೆರ್ ದವ್ರೂಂನ್ ತಿ ಖರೆಂಚ್ ಫಟವ್ಲಿ ತೂಕಾ ನಾಸ್ಲೊ ಅಧಿಕಾರ್ ಆಮ್ಚೊ ಪ್ರಾಣ್ ಘೆವ್ಪಾಚೊ ಆತಾಂ ಸೊಂಸ್ ಮನ್ಶಾ ಸೈಮಾಕ್ ದಿಲ್ಲ್ಯಾ,ತ್ರಾಸಾಂಚೊ ಕೊಪ್ ಕೊರೊನಾಚ್ಯಾ ರೂಪಾನ್ ತುಂ ಮರ್ಣಕಾಳ್ ಭೊಗ್ **** - ವೈಷ್ಣವಿ ರಾಯ್ಕರ್**. [ಜ್ಯೂನ್, 2020]

	ವೈಷ್ಣವಿ ರಾಯ್ಕರ್: ಎಮ್.ಎ, ಬಿ.ಎಡ್ ಶಿಕುನ್ ಗೊಂಯ್ಚ್ಯಾ ಮಡಗಾಂವಾಂತಲ್ಯಾ ಪ್ರೆಸೆಂಟೇಶನ್ ಕಾನ್ವೆಂಟ್ ಹಾಯ್ ಸ್ಕೂಲಾಂತ್ ಕೊಂಕಣಿ ಶಿಕಂವ್ಚ್ಯಾ ಹಿಣೆಂ ಸಭಾರ್ ಕವಿತಾ ಬರಯ್ಲ್ಯಾತ್, ಕವಿಗೋಶ್ಟಿಂನಿ ವಾಂಟೊ ಘೆತ್ಲಾ ತಶೆಂಚ್ ಸಾಹಿತಿಕ್ ಸ್ಪರ್ಧ್ಯಾಂನಿ ಇನಾಮಾಂ ಜೊಡ್ಲ್ಯಾಂತ್. ಹಿಚ್ಯಾ ಕವಿತೆಚೊ ಜಮೊ ’ಮನಭಂವರ್’ ಪರ್ಗಟ್ಲಾ.
[kovita] Nixpap* (- Vaishnnavi Raikar)*
Bharoti-i dexachea itihasant ’kormo’ mholl'llea sobdhak gunddayeche orth asat. Hea zannvayek vigean, totv‌ginean toxench her xetamni soit orth dil'lo asa. Mullavo orth zaunasa kormo mhollear ami kel'lim kamam. Ani ami kel'lea doreka kamank foll mellta. Borim kamam kelear boro foll mellta. Hea kovitent soit tench chintop attapun asun monxak mononnane kel'lea kormacho foll bhogcho vell aila mhonn sangchi kovita hi. - Som
[kovita] Nixpap* (- Vaishnnavi Raikar)*
*Nixpap* monxa tuvem, khorench tujem monisoponnan xennoilam sudaritache rupddem ghalun soglleank tuvem fottoilam vicharanche vhoddponn tum , sodanch miroit bhouta sogllea poros, apunn vhodd mhunn, gorvan hodd'ddem fuloita punn, aiz mat, tuvem monxa nixtthuroponn dakhoilem bhaunaxuny zaun tum nixpap monzatik roddoilem guneamv tor kainch naslo mhojea auycho ani mhozo potta bhukek volloullun ti tujea karsthanan ghuspoli vixvas tujer dourumn ti khorench fottouli tuka naslo odhikar amcho prann gheupacho atam soms monxa soimak dil'lea,trasancho kop koronachea rupan tum mornnokall bhog **** - Vaishnnavi Raikar.** [Jun, 2020]

	Vaishnnavi Raikar: M.A, B.Ed xikun Gõychea Moddogamvantolea Presentation Convent hai skulant Konkonni xikomvchea hinnem sobhar kovita boroileat, kovigoxttimni vantto ghetla toxench sahitik spordheamni inamam zoddleant. Hichea kovitecho zomo ’Monobhomvor’ porgottla.
[कविता] निश्पाप (- वैष्णवी रायकर)
भारतीय देशाच्या इतिहासांत ’कर्म’ म्हळ्ळ्या सब्धाक गुंडायेचे अर्थ आसात. ह्या जाण्वायेक विग्यान, तत्व‌गिन्यान तशेंच हेर शेतांनी सयत अर्थ दिल्लो आसा. मुळावो अर्थ जावनासा कर्म म्हळ्यार आमी केल्लीं कामां. आनी आमी केल्ल्या दरेका कामांक फळ मेळता. बरीं कामां केल्यार बरो फळ मेळता. ह्या कवितेंत सयत तेंच चिंतप आटापून आसून मनशाक मनणाने केल्ल्या कर्माचो फळ भगचो वेळ आयला म्हण सांगची कविता ही. - सं
[कविता] निश्पाप (- वैष्णवी रायकर)
निश्पाप मनशा तुवें, खरेंच तुजें मनीसपणान शेणयलां सुदारिताचे रूपडें घालून सगळ्यांक तुवें फटयलां विचारांचे व्हडपण तूं, सदांच मिरयत भोवता सगळ्या परस, आपूण व्हड म्हूण, गर्वान हड्डें फुलयता पूण, आयज मात, तुवें मनशा निश्ठूरपण दाखयलें भावनाशून्य जावन तूं निश्पाप मोनजातीक रडयलें गुन्यांव तर कांयच नासलो म्हज्या आवयचो आनी म्हजो पोटा भुकेक वळवळून ती तुज्या कारस्थानान घुस्पली विश्वास तुजेर दवरूंन ती खरेंच फटवली तूका नासलो अधिकार आमचो प्राण घेवपाचो आतां सोंस मनशा सैमाक दिल्ल्या,त्रासांचो कोप कोरोनाच्या रूपान तूं मरणकाळ भोग **** - वैष्णवी रायकर.** [ज्यून, २०२०]

	वैष्णवी रायकर: एम.ए, बी.एड शिकून गोंयच्या मडगांवांतल्या प्रेसेंटेशन कान्वेंट हाय स्कूलांत कोंकणी शिकंवच्या हिणें सभार कविता बरयल्यात, कविगोश्टिंनी वांटो घेतला तशेंच साहितीक स्पर्ध्यांनी इनामां जोडल्यांत. हिच्या कवितेचो जमो ’मनभंवर’ पर्गटला.


ದಾಯ್ಜ್.ಕೊಮ್

2004 ಥಾವ್ನ್ 2011 ಪರ್ಯಾಂತ್ ಕಾರ್ಯಾಳ್ ಆಸ್‌ಲ್ಲ್ಯಾ ದಾಯ್ಜ್.ಕೊಮ್ ಚೆರ್ ಪರ್ಗಟ್‌ಲ್ಲ್ಯಾ ವಿಂಚ್ಣಾರ್ ಸಾಹಿತಾಕ್ ಆಮಿ ಫುಡಿಲ್ಯಾ ದಿಸಾಂನಿ ಪಯ್ಣಾರಿ ವಾಚ್ಪ್ಯಾಂಕ್ ಲಾಭಯ್ತೆಲ್ಯಾಂವ್.