ಪಯ್ಣಾರಿ.ಕೊಮ್ Poinnari.Com: Konkani Research, Konkani Study, Progressive Konkanni Literature, Konkani Writing, Konkani Poetry, Creative Writing, Konkani Books, Konkani Association, Konkani Work, Fiction Writing, Poetry Criticism, Poetry Contests, Writing C

[ಕವಿತಾ] ಫುಲ್ತೆ ಫುಲ್ (- ಉದಯ್ ಮಾಂಬ್ರೊ)

ಕವಿತೆಂತ್ ಸೊಭಾಯೆಚೊ ರಸ್ ಘೆವ್ನ್ ತತ್ವ್‌ಗಿನ್ಯಾನ್ ವಾಂಟ್ಚಿ ಕವಿತಾ ಹಿ. ಸಹಜ್ ರಿತಿನ್ ಸಂಸಾರಾಂತ್ ಘಡುನ್ ಆಸ್ಚೆವಿಶಿಂ ಸಾಂಗುಂಕ್ ಎಕಾ ಮೊನ್ಯಾ ಕಳ್ಯಾಕ್ ಇಮಾಜ್ ಜಾವ್ನ್ ಕವಿತೆಂತ್ ವಾಪ್ರುನ್ ಕಶೆಂ ವೇಳ್ ಗೆಲ್ಲೆಪರಿಂಚ್ ತೆಂ ಫುಲ್ ಫುಲ್ತಾ, ಹಾಂಸ್ತಾ ಆನಿ ಉಪರಾಂತ್ ಬಾವೊನ್ ಪಡ್ತಾ. ಮನಶಾಚೆಂ ಜಿಣೆಂ ಸಯ್ತ್ ಫುಲಾಪರಿಂ ದೆಕುನ್ ಫಾಲ್ಯಾಂಚೆಂ ಚಿಂತುನ್ ಖಂತೀನ್ ಬೊಸ್ಚೆಂ ನಾಕಾ ಪುಣ್ ಆಯ್ಚ್ಯಾ ದಿಸಾ ಆಮಿ ಹಾಸುಂಕ್ ಜಾಯ್ ಮ್ಹಳ್ಳೆಂ ಚಿಂತಪ್ ದಿಂವ್ಚಿ ಕವಿತಾ.

- ಸಂ

[ಕವಿತಾ] ಫುಲ್ತೆ ಫುಲ್ (- ಉದಯ್ ಮಾಂಬ್ರೊ)

ಫುಲ್ತೆ ಫುಲ್ ಕಾಲ್ಚೊ ಮೊನೊ ಕಳೊ ಫಾಂತೊಡೆಚೆರ್ ಫುಲ್ತಾ ರಸ್ರಶೀತ್ ಫುಲಾಚೆರ್ ಫುಲ್ಪಾಂಕುಲೆ ಭೊಂವ್ತಾ ಪೊರ್ಸುಂ ಫುಲ್ಫುಲೂನ್ ಹಾಂಸ್ತಾ ಆನಿ ಅಚ್ಕೀತ್ ಪಾವ್ಸ್ ನಾ, ವಾರೆಂ ನಾ ಸಕಾಳಿಂ ಫುಲಿಲ್ಲೆಂ ಫುಲ್ ಭರ್ ದನ್ಪರಾಂ ಗಳ್ಟಾ ದೆಂಠ್ ತುಟೂನ್ ಪಡ್ಟಾ ಝಾಡ್ ತನಾಮನಾನ್ ಹಾಲ್ತಾ ಭುಂಯ್ಲೆಗೀತ್ ಕಾಂಪ್ತಾ ಫುಲಾಚ್ಯಾ ಆಂಗಾಖಾಂದಾರ್ ನಾಚ್ಪಿ ಫುಲ್ಪಾಂಕುಲೆ ಪಾಂಖಾಂ ತುಟೂನ್ ಪಡ್ಟಾ **** - ಉದಯ್ ಮಾಂಬ್ರೊ**. [ಜ್ಯೂನ್, 2020]

	ಉದಯ್ ಮಾಂಬ್ರೊ: ಗೊಂಯ್ಚೊ ಏಕ್ ನಾಮ್ಣೆಚೊ ಲೇಕಕ್, ಕವಿ, ವಾವ್ರಾಡಿ ತಶೆಂಚ್ ಪದಾಂ ಘಡ್ಣಾರ್. ’ಹಾಯ್ ಸಾಯ್ಭಾ’, ’ಮನ್ಶಾಚ್ಯಾ ಸೋಧಾಂತ್’ ಹಾಚೆ ಎದೊಳ್ ಪರ್ಗಟ್ ಜಾಲ್ಲೆ ಬೂಕ್. ಕವಿತಾ, ಕಥಾ, ಅಣ್ಬವ್ ಸಾಹಿತ್ ಬರಂವ್ಚೊ ಹೊ ಏಕ್ ಕೊಂಕಣಿ ವಾವ್ರಾಡಿ ತಶೆಂಚ್ ಚಿಂತ್ಪಿ ಜಾವ್ನಾಸ್ಚ್ಯಾ ಹಾಚ್ಯಾ ಕವಿತೆಂಚೆರ್ ಮುಂಬಂಯ್ತ್ ’ಕವಿತಾಪಾಠ್’ ಕಾಮಾಸಾಳಾಂತ್ ಅಧ್ಯಯನ್ ಚಲ್ಲಾಂ.
[kovita] Fulte ful* (- Uday Mhambro)*
Kovitent sobhayecho ros gheun totv‌ginean vanttchi kovita hi. Sohoz ritin somsarant ghoddun aschevixim sangunk eka monea kolleak imaz zaun kovitent vaprun koxem vell gel'leporinch tem ful fulta, hamsta ani uporant bavon poddta. Monoxachem jinnem soit fulaporim dekun faleanchem chintun khontin boschem naka punn aichea disa ami hasunk zai mholl'llem chintop dimvchi kovita. - Som
[kovita] Fulte ful* (- Uday Mhambro)*
*Fulte ful* kalcho mono kollo fantoddecher fulta rosroxit fulacher fulpankule bhomvta porsum fulfulun hamsta ani ochkit paus na, varem na sokallim fulil'lem ful bhor donporam golltta dentth tuttun poddtta zhadd tonamonan halta bhumylegit kampta fulachea angakhandar nachpi fulpankule pankham tuttun poddtta **** - Uday Mhambro.** [Jun, 2020]

	Uday Mhambro: Gõycho ek namnnecho lekok, kovi, vauraddi toxench podam ghoddnnar. ’Hai Saibha’, ’Monxachea Sodhant’ hache edoll porgott zal'le buk. Kovita, kotha, onnbou sahit boromvcho ho ek konknni vauraddi toxench chintpi zaunaschea hachea kovitencher mumbomyt ’Kovitapatth’ kamasallant odhyoin chol'lam.
[कविता] फुलते फुल (- उदय म्हांबरो)
कवितेंत सोभायेचो रस घेवन तत्व‌गिन्यान वांटची कविता ही. सहज रितीन संसारांत घडून आसचेविशीं सांगुंक एका मोन्या कळ्याक इमाज जावन कवितेंत वापरून कशें वेळ गेल्लेपरिंच तें फूल फुल्ता, हांसता आनी उपरांत बावोन पडता. मनशाचें जिणें सयत फुलापरीं देकून फाल्यांचें चिंतून खंतीन बोसचें नाका पूण आयच्या दिसा आमी हासुंक जाय म्हळ्ळें चिंतप दिंवची कविता. - सं
[कविता] फुलते फुल (- उदय म्हांबरो)
फुलते फुल कालचो मोनो कळो फांतोडेचेर फुलता रसरशीत फुलाचेर फुलपांकुले भोंवता पोरसूं फुलफुलून हांसता आनी अचकीत पावस ना, वारें ना सकाळीं फुलिल्लें फुल भर दनपरां गळटा देंठ तुटून पडटा झाड तनामनान हालता भुंयलेगीत कांपता फुलाच्या आंगाखांदार नाचपी फुलपांकुले पांखां तुटून पडटा **** - उदय म्हांबरो.** [ज्यून, २०२०]

	उदय म्हांबरो: गोंयचो एक नामणेचो लेकक, कवी, वावराडी तशेंच पदां घडणार. ’हाय सायभा’, ’मनशाच्या सोधांत’ हाचे एदोळ पर्गट जाल्ले बूक. कविता, कथा, अणबव साहीत बरंवचो हो एक कोंकणी वावराडी तशेंच चिंत्पी जावनासच्या हाच्या कवितेंचेर मुंबंयत ’कवितापाठ’ कामासाळांत अध्ययन चल्लां.


ದಾಯ್ಜ್.ಕೊಮ್

2004 ಥಾವ್ನ್ 2011 ಪರ್ಯಾಂತ್ ಕಾರ್ಯಾಳ್ ಆಸ್‌ಲ್ಲ್ಯಾ ದಾಯ್ಜ್.ಕೊಮ್ ಚೆರ್ ಪರ್ಗಟ್‌ಲ್ಲ್ಯಾ ವಿಂಚ್ಣಾರ್ ಸಾಹಿತಾಕ್ ಆಮಿ ಫುಡಿಲ್ಯಾ ದಿಸಾಂನಿ ಪಯ್ಣಾರಿ ವಾಚ್ಪ್ಯಾಂಕ್ ಲಾಭಯ್ತೆಲ್ಯಾಂವ್.