[ಕವಿತಾ] ಸಾದ್ ಸೈಮಾಚೊ  (- ಎಚ್. ಮನೋಜ್ ಜೆ)

ಸಾದ್ ಸೈಮಾಚೊ 

ರಾವಾತ್ ಥಾಂಬಾತ್ ಆಯ್ಕಾತ್
ಹೆಂ ಕೊಣಾಚೆಂ ರುದನ್
ಜಾಲಾಂ ಕೊಣಾಕ್ ಲಾಗೂನ್
ಆಯ್ಕಾತ್ ಕಾನ್ ದಿವ್ನ್

ಸೈಮಾ ಕುಸ್ತಾರ್ ಮಿರಯ್ಲೊ ಝೆತ್
ಸಾಂಬಾಳ್ ಕರುಂಕ್ ತಿಕಾ ದಿಲೊನಾ ಹಾತ್
ಸ್ವಾರ್ಥ್ ಸಾದ್ಪ್ಯಾನಿ ಕೆಲೊ ಘಾತ್
ಸಮ್ಜೂನ್ ಸೈಮಾಕ್ ಬಾಪಾಯ್ಚೊ ಫಾತ್

ಧರ್ತರೆನ್ ಘೆತ್ಲ್ಲೆ ಕುಶೀಂತ್
ದವ್ರ್ಲ್ಲೊ ಆಮ್ಚೆರ್ ಮಾಯೆಚೊ ಹಾತ್
ಆಮಿ ಮಾತ್ ಲಾಯ್ಲಿ ಸೈಮಾಚಿ ವಾಟ್
ರಡ್ಟಾ ಆತಾಂ ಭುರ್ಗಿಂ ಬಾಳಾ ದೀಸ್ ರಾತ್

ಜಾಣ್ಟ್ಯಾಂನಿ ಪುಜ್ಲೆಲಿ ತೀಕಾ
ಮಾನೂನ್ ಧರ್ತರಿ ಮಾಯ್
ಜಣ್ ಎಕ್ಲ್ಯಾಕ್ ತಿ ಜಾಯ್
ತಿ ಫಕತ್ ಸರ್ವಸ್ವ್ ದಿತಾ
ಮಾಗೀನಾ ಕೆನ್ನಾಚ್ ಕಾಂಯ್

ಆತಾಂ ತರಿ ಸಾದೂರ್ ಜಾವ್ನ್
ಸೈಮಾಚಿ ಘೆವ್ಯಾ ಜತ್ನಾಯ್
ರಾಖುಯಾ ಮಾಯೆಚೆಂ ದಾಯ್ಜ್
ಗಳೊವ್ನ್ ಘಾಮಾಚ್ಯೊ ಪಾವ್ಳ್ಯೊ ಆಯ್ಜ್

ಇಬಾಡ್ ಕೆಲ್ಯಾ ತೀಚಿ ಕುಸ್
ಕರುನ್ ಪರ್ಯಾವರಣಾಚೊ ವಿಧ್ವಂಸ್
ಕಶ್ಟಾ ಧಾಗ್ಯಾರ್ ಗುಂಥ್ಯಾಪರತ್
ಪಿಕಾ ಮೊತ್ಯಾಂಚಿ ಮಾಳ್

ತೀಚೊ ಸಾದ್ ಆಯ್ಕಲೊನಾ
ಮನೀಸ್ ತಿಗೊವ್ಕ್ ಪಾವ್ಚೊನಾ
ಸ್ವಾಸ್ ಘೆವಂಕ್ ಉರ್ಚೊನಾ
ದೆಖೂನ್
ರಾವಾತ್ ಥಾಂಬಾತ್ ಆಯ್ಕಾತ್
ಸಾಯ್ಬಾನೊ ಹೊ ಸೈಮಾಚೊ ಸಾದ್

 ******

- ಎಚ್. ಮನೋಜ್ ಜೆ. [ಜ್ಯೂನ್, 2020]

[kovita] Sad soimacho (- H Manoj J.)

Sad soimacho

 
ravat thambat aikat
hem konnachem rudon
zalam konnak lagun
aikat kan divn

soima kustar miroilo jhet
samball korunk tika dilona hat
svarth sadpeani kelo ghat
somzun soimak bapaicho fat

dhortoren ghetl'le kuxint
dourl'lo amcher mayecho hat
ami mat laili soimachi vatt
roddtta atam bhurgim balla dis rat

zanntteamni pujleli tika
manun dhortori mai
zonn ekleak ti zai
ti fokot sorvosv dita
magina ken'nach kaim

atam tori sadur zaun
soimachi ghevea zotnai
rakhuya mayechem daiz
golloun ghamacheo paulleo aiz

ibadd kelea tichi kus
korun poreavoronnacho vidhvoms
koxtta dhagear guntheaporot
pika moteanchi mall

ticho sad aikolona
monis tigouk pauchona
svas gheunk urchona
dekhun
ravat thambat aikat
saibano ho soimacho sad

******

- H. Manoj J. [Jun, 2020]

[कविता] साद सैमाचो (- एच. मनोज जे)

युगां युगांनी मनशाक सर्व रितीन जियेवंक कुमोक केल्लें सयम आतां मनशाक अपल्या कर्नेंचेर नियाळ करुंक दिता म्हळ्ळें चिंतप दिंवची कविता ही. कांय मनीस जो कोणाक‌च आयकानासचो, कोणाथावन‌च शिकानासचो, अपूण‌च वर्तो म्हळ्ळे चिंतपाचो हंकारी कांय सयमाथावन शिकुंक सक्ता? हेंच व्हड प्रश्न.

- सं

[कविता] साद सैमाचो (- एच. मनोज जे)

साद सैमाचो

 
रावात थांबात आयकात
हें कोणाचें रुदन
जालां कोणाक लागून
आयकात कान दिवन

सैमा कुस्तार मिरयलो झेत
सांबाळ करुंक तिका दिलोना हात
स्वार्थ सादप्यानी केलो घात
समजून सैमाक बापायचो फात

धर्तरेन घेतल्ले कुशींत
दवरल्लो आमचेर मायेचो हात
आमी मात लायली सैमाची वाट
रडटा आतां भुरगीं बाळा दीस रात

जाणट्यांनी पुजलेली तीका
मानून धर्तरी माय
जण एकल्याक ती जाय
ती फकत सर्वस्व दिता
मागीना केन्नाच कांय

आतां तरी सादूर जावन
सैमाची घेवया जतनाय
राखुया मायेचें दायज
गळोवन घामाच्यो पावळ्यो आयज

इबाड केल्या तीची कुस
करुन पर्यावरणाचो विध्वंस
कश्टा धाग्यार गुंथयापरत
पिका मोतयांची माळ

तीचो साद आयकलोना
मनीस तिगोवक पावचोना
स्वास घेवंक उरचोना
देखून
रावात थांबात आयकात
सायबानो हो सैमाचो साद

******

-  एच. मनोज जे. [ज्यून, २०२०]

ದಾಯ್ಜ್.ಕೊಮ್