[ಕವಿತಾ] ವಿಧ್ವಂಶಿ ಕರೊನಾ (- ಐಶ್ವರ್ಯ ಮಲಿಕ್)

ವಿಧ್ವಂಶಿ ಕರೊನಾ

ಧರ್ತರೆಂಚ್ಯಾ ಆಂಗಾರ್ ಪಡ್ಲಾ
ಮೆಲ್ಲ್ಯಾ ಮಡ್ಯಾಂಚೊ ಪಾವ್ಸ್
ಪಾವ್ಲಾಂ ಕಣ್ಕಣಿ ಫಡ್ಫಡೂನ್
ಜೊ ತೊ ಸೊಡೀತ್ ಚಲ್ಲಾ ಸ್ವಾಸ್
ಭುಯೆಂಚ್ಯಾ ಪೊಟಾಂನ್ ಗಜ್ಗಜತಾ
ಮನೀಸ್ ಮಾಸಾಚೊಂ ವಾಸ್
ಹ್ಯಾ ಕರೊನಾನ್ ಲಾಯ್ಲೊ
ಆಖ್ಖಾ ಜಗಾಚೊ ವಿಧ್ವಂಸ್

ಜಯ್ ಥಯ್ ಧುಡ್ಗೂಸ್
ಆನಿ ಹಾಹಾಕಾರ್
ದುಕಾಂಚೆ ವ್ಹಾಳ್ ವ್ಹಾವ್ತಾ
ನಾತಿ ಜಾತಾ ನಿರಾಧಾರ್
ಎಕಾ ಎಕಾ ಜಿವಾಚೊ
ಘೆಯ್ತ್ ಚಲ್ಲಾ ಘಾತ್
ಹ್ಯಾ ಕರೊನಾನ್ ಲಾಯ್ಲೊ
ಆಖ್ಖಾ ಜಗಾಚೊ ವಿಧ್ವಂಸ್

ಮೆಲ್ಲಿ ಮೊಢಿ
ಮಸ್ಣಾನ್ ನ್ಹೀದ್ಲ್ಯಾ
ತಾಟಾತೂಟ್ ಜಾಲ್ಲಿ ಮನಾಂ
ದುಃಖನ್ ಬುಡ್ಲ್ಯಾ
ಮನ್ಶ್ಯಾಚ್ಯಾ ನಾಕಾಂ,ತೊಣಾಂ,ದೊಳ್ಯಾತ್ಲ್ಯಾನ್
ಮೆಳೊನ್ ಸುವಾತ್
ಹ್ಯಾ ಕರೊನಾನ್ ಲಾಯ್ಲೊ
ಆಖ್ಖಾ ಜಗಾಚೊ ವಿಧ್ವಂಸ್

ದುಡ್ವಾಚೆಂ ಬಾಜ್ಜೆರ್ ನ್ಹೀದ್ಪಿ
ಜಮ್ನೀರ್ ವಳವ್ಳತಾ
ಮಾಯೆಂಚೊ ಮನೀಸ್
ಹಾತ್ ಲಾವ್ಕ್ ಭಿಯೆಂತಾ
ಧೆಂಗಾ ಥರ್ಥರ್ ಕಾಪೊವ್ಪಿ
ಭಯಾಣ್ ರಾಕ್ಸಾಂಚೊ ಅವ್ತಾರ್
ಹ್ಯಾ ಕರೊನಾನ್ ಲಾಯ್ಲೊ
ಆಖ್ಖಾ ಜಗಾಚೊ ವಿಧ್ವಂಸ್

ವಿಖಾಳೆ ವಾವ್ಟಳೀನ್
ವೆಟಾಳ್ಲ್ಯಾ ಜರಿ ಆಮಿ
ಸಾಂಗಾತ್ ಎಕ್ಮಾಕಾಂಚೊ ಸೊಡಿ ನಾಕಾಂತ್
ಸಗ್ಲ್ಯಾನ್ ವ್ಹಡ್ ಮನೀಸಜಾತಿ
ಕಿತ್ಲೊಯ್ ಘೆವ್ನಿ ಸಾಂವಾರ್
ಹ್ಯಾ ಕರೊನಾಚೊ ಎಕ್ದಿಸ್
ಲಾಗ್ತಲೊಂ ವಿಧ್ವಂಸ್.

 ******

- ಐಶ್ವರ್ಯ ಮಲಿಕ್. [ಜ್ಯೂನ್, 2020]

[kovita] Vidhvonxi korona (- Aishwarya Malik)

Vidhvonxi korona

dhortorenchea angar poddla
mel'lea moddeancho paus
paulam konnkonni foddfoddun
zo to soddit chol'la svas
bhuyenchea pottamn gojgozota
monis masachom vas
hea koronan lailo
akhkha zogacho vidhvoms

zoi thoi dhuddgus
ani hahakar
dukanche vhall vhauta
nati zata niradhar
eka eka jivacho
gheyt chol'la ghat
hea koronan lailo
akhkha zogacho vidhvoms

mel'li moddhi
mosnnan nhidlea
tattatutt zal'li monam
duHkhon buddlea
monxeachea nakam,tonnam,dolleatlean
mellon suvat
hea koronan lailo
akhkha zogacho vidhvoms

duddvachem bajjer nhidpi
zomnir volloullota
mayencho monis
hat lauk bhienta
dhenga thorthor kapoupi
bhoyann raksancho ovtar
hea koronan lailo
akhkha zogacho vidhvoms

vikhalle vauttollin
vettall'lea zori ami
sangat ekmakancho soddi nakant
soglean vhodd monisozati
kitloi gheuni samvar
hea koronacho ekdis
lagtolom vidhvoms.

******

- Aishwarya Malik. [Jun, 2020]

[कविता] विध्वंशी करोना (- ऐश्वऱ्य मलीक)

कोणाच्याच दोळ्यांक दिसानासचें एक ल्हान वयरस कशें संसारांतल्या बळिश्ट राश्ट्रांक सयत दिंबियेर गळवंक लागलें आनी गांवार गांव मनशाचीं मोडीं निदावंक पावलें. आनी ह्या विध्वंसाक लागून जियेवन आसचो मनीस कितें लिसांव शिकुंक पावलो म्हळ्ळें सवाल ह्या कवितेची पाठ‌भुंय.

- सं

[कविता] विध्वंशी करोना (- ऐश्वऱ्य मलीक)

विध्वंशी करोना

धर्तरेंच्या आंगार पडला
मेल्ल्या मड्यांचो पावस
पावलां कणकणी फडफडून
जो तो सोडीत चल्ला स्वास
भुयेंच्या पोटांन गजगजता
मनीस मासाचों वास
ह्या करोनान लायलो
आख्खा जगाचो विध्वंस

जय थय धुडगूस
आनी हाहाकार
दुकांचे व्हाळ व्हावता
नाती जाता निराधार
एका एका जिवाचो
घेयत चल्ला घात
ह्या करोनान लायलो
आख्खा जगाचो विध्वंस

मेल्ली मढी
मसणान न्हीदल्या
ताटातूट जाल्ली मनां
दुःखन बुडल्या
मनश्याच्या नाकां,तोणां,दोळ्यातल्यान
मेळोन सुवात
ह्या करोनान लायलो
आख्खा जगाचो विध्वंस

दुडवाचें बाज्जेर न्हीदपी
जमनीर वळवळता
मायेंचो मनीस
हात लावक भियेंता
धेंगा थरथर कापोवपी
भयाण राकसांचो अवतार
ह्या करोनान लायलो
आख्खा जगाचो विध्वंस

विखाळे वावटळीन
वेटाळल्या जरी आमी
सांगात एकमाकांचो सोडी नाकांत
सगल्यान व्हड मनीसजाती
कितलोय घेवनी सांवार
ह्या करोनाचो एकदिस
लागतलों विध्वंस.

******

-  ऐश्वऱ्य मलीक. [ज्यून, २०२०]

ದಾಯ್ಜ್.ಕೊಮ್