ಖಲ್ಲಾ ಎಕ - ದೋ ಗ್ಯಾರಾ (ಪಂಜಾಬ ಪ್ರವಾಸ ಕಥನ) : ಸಾಹಿತ್ಯಾಂತ್ ಆಸ್ಚ್ಯಾ ಸಭಾರ್ ಪ್ರಕಾರಾಂ ಪಯ್ಕಿಂತ್ ’ಪಯ್ಣಾ ಸಾಹಿತ್’ ಏಕ್. ಪಯ್ಣಾ ಸಾಹಿತ್ ಮ್ಹಳ್ಯಾರ್ ಫಕತ್ ಭಂವುಂಕ್ ಗೆಲ್ಲ್ಯಾ ಜಾಗ್ಯಾಚೆಂ ವರ್ಣನ್ ಆನಿ ಪಿಂತುರಾಂ ಮಾತ್ರ್ ನ್ಹಯ್, ಬಗರ್ ಬರವ್ಪ್ಯಾಚೊ ಅನ್ಭವ್ ಆನಿ ತೊ ಅನ್ಭವ್ ಎಕಾ ನಿರ್ದಿಶ್ಟ್ ರುಪಾನ್ ವಾಚಪ್ಯಾಂಕ್ ಪಾವಯಿಲ್ಲೊ ಜಾವ್ನಾಸ್ತಾ ದೆಕುನ್ ವಾಚ್ಪಿ ತೆಂ ವಾಚ್ತಾನಾಂಚ್ ಕಾಂಯ್ ಅಪುಣ್ ಸ್ವತಾ ತ್ಯಾ ಜಾಗ್ಯಾಕ್ ಭಂವುನ್ ಅಯಿಲ್ಲೆಪರಿಂ ಭಗ್ತಾ.

ವೆಂಕಟೇಶ್ ನಾಯಕ್ ವೃತ್ತೆನ್ ಪ್ರಾಧ್ಯಾಪಕ್ ಪುಣ್ ಪ್ರವೃತ್ತೆನ್ ಏಕ್ ಕವಿ, ಲೇಖಕ್. ಕನ್ನಡ್ ತಶೆಂಚ್ ಕೊಂಕಣಿ ಭಾಶೇಂತ್ ತೊ ಬರಯ್ತಾ. ಪತ್ರಾಂ-ಅಂತರ್‌ಜಾಳಿಂಚೆರ್ ತಾಚಿಂ ಬರಪಾಂ ಪರ್ಗಟ್ಲ್ಯಾಂತ್. ಸಾಹಿತ್ ಅಕಾಡೆಮಿಚ್ಯಾ ಅನುದಾನಾಂತ್ ತಾಣೆಂ ಕೆಲ್ಲ್ಯಾ ಪಂಜಾಬ್ ಪಯ್ಣಾಚೊ ಅನ್ಭವ್ ಹಾಂಗಾಸರ್ ದಿಲಾ.

- ಸಂ.

ಖಲ್ಲಾ ಎಕ - ದೋ ಗ್ಯಾರಾ [ವೆಂಕಟೇಶ್ ನಾಯಕ್, ಮಂಗ್ಳುರ್]

ಸಾಹಿತ್ಯ ಅಕಾಡೆಮಿನ ದಿಲ್ಲೇಲ ’ಲೇಖಕ ಯಾತ್ರಾ ಅನುದಾನಾಂತ’ ಮಾಕಾ ಮೆಳೇಲ ಪಂಜಾಬ ಯಾತ್ರಾ ಚಂದಾಯೇರ ಜಾಲ್ಲೇ. ಹ್ಯಾ ನಿಮಿತ ಮಾಕಾ ದುಸರೇ ಎಕ ಗಾಂವ, ಜನ ತಶೀಂಚ ತಾಂಗೇಲೆ ಸಾಹಿತ್ಯ ಆನಿ ಸಂಸ್ಕೃತಿ ಪಳೋವಚೆ, ತಾಂತು ಮೆಳಚೆ ಆನಿ ಅನುಭವ ಗೆವಚೆ ಎಕ ಭಾಗ್ಯ ಮೆಳೆ. ದಾಕೂನ ಹ್ಯಾ ಯಾತ್ರಾ ಖಂಡಿತ ಜಾವನೂಯೀ ಮಿಗೇಲ ಕಾವ್ಯ ತಶೆ ಸಾಹಿತ್ಯ ಸೃಷ್ಠಿರ ಪರಿಣಾಮ ಗಾಲತಾ ತಶೆ ಆನೀಕಯ ಬರೋವಚಾಕ ಉಮೇದ ಭರಲಾ ಮ್ಹಣ ಹಾಂವ ಸಾಂಗೂಕ ಇಚ್ಚ ಪಾವತಾ.

ಸಾಹಿತ್ಯ ಸೃಷ್ಠಿ ಮ್ಹಣತನಾ ಕವಿಲೆ ಜೀವನಾನೂಭವ ಪ್ರಮುಖ ಪಾತ್ರ ಗೆತಾ. ಸೃಜನಶೀಲ ಸಾಹಿತ್ಯ ನಿರ್ಮಾಣ ಕರಚೆ ಜವೋ ಸಮಾಜಮುಖಿ ಸಾಹಿತ್ಯ ರಚನೇಕ ಕವಿಲೆ ಧ್ಯಾನ, ಜ್ಞಾನ ಆನಿ ಮನ ಮಹತ್ವಾಚೊ ವಾಂಟೋ ಗೆತಾ. ಕೋಶ ವಾಚೂಕಾ ಆನೀ ದೇಶ ಭೋಂವಕಾ ಹೋ ವಿಶಯ ಎಕ ಕವೀಕ ಜವೋ ಲೇಖಕಾಕ ಕೆನ್ನಾಕಯ ಜಾಗ್ರತ ದವರತಾ ಆನೀ ಸಂವೇದನಾಶೀಲ ಬರೋವಚಾಕ ಸಹಕಾರ ದಿತಾ.

ಹ್ಯಾ ನದರೇಂತ ಪಳಯತನಾ ಲೇಖಕಾಂಕ ಸಾಹಿತ್ಯ ಅಕಾಡೆಮಿನ ವೆಗಳೋ ಎಕ ಪ್ರದೇಶ ಪಳೋವಚೆ ತಶೆ ತಂಚೆ ಸಾಹಿತಿ ಸಾಂಗಾತ ಮೆಳಚೆ ತಸಲೆ ಹ್ಯಾ ಅನುದಾನ ನಿಜಾವನೂಯೀ ಕವೀಂಕ ತಶೆ ಲೇಖಕಾಂಕ ಲೋಕಾನುಭವ ದಿತಾ. ವೆಗಳೆ ಎಕ ಸಂಸ್ಕೃತೀ ತಶೆ ಭಾಸ ಮ್ಹಣತನಾ ಹಾಂವ ವೆಂಚಿಲೆ ಪಂಜಾಬ, ತ್ಯಾ ಲೋಕಾಲೆ ದೇಶಾ ಖಾತಿರ ದಿಲೇಲ ತ್ಯಾಗ ಬಲಿದಾನ ಹಾಕಾ ಸಕ್ಕಡ ಪ್ರೇರಣ ಮ್ಹಳೇ ಮುಣಕೆ ಸಿಖ ಧರ್ಮ , ಗುರು ಗ್ರಂಥ ಸಾಹೇಬ ತಾಂತುಲೆ ಸಾಹಿತ್ಯ ಆಮಗೆಲೆ ಮುಖಾರ ಆಜಿ ಆಸ. ಪಂಜಾಬಿ ಭಾಸ ತಶೆ ಸಿಖ ಧರ್ಮ ಹ್ಯಾ ಪ್ರದೇಶಾಂತ ಪ್ರಚಲಿತ ಆಸಾ. ಪಂಜಾಬ ಮ್ಹಣತನಾ, ಚಂಢಿಗಡ ತಸಲೆ ಕೇಂದ್ರಾಡಳಿತ ಪ್ರದೇಶ, ಭಾರತಾಚೆ ಕಿರೀಟಪ್ರಾಯ ಜಾವನು ಆಸಚೆ ಜಮ್ಮು ಕಾಶ್ಮೀರ, ರಾಜಧಾನಿ ದೆಹಲಿಚೆ ಸಾಮಿಪ್ಯ, ಭಾರತ - ಪಾಕಿಸ್ತಾನಾಚೆ ವಾಘಾ ಸೀಮಾ ಆಶೆ ಸಾಬಾರ ವಿಶಯ ಪ್ರಮುಖ ಜಾತಾ.

ಹ್ಯಾ ಸಂಧರ್ಭಾರ ಮೆಳೇಲ ಗುರು ಗ್ರಂಥ ಸಾಹೇಬಾಕ ಪಯಲೆ ಪಾವಟಿ ಭಾಷ್ಯ ಬರಯಲೆಲೆ ಶ್ರೀ ಗ್ಯಾನಿ ಬಿಶನ ಸಿಂಗ ಹಾಗೇಲ ನಾತಿ ರೀತು ಸಾಧು, ತಶೆ ಪಂಜಾಬ ಸಂಗೀತ ನಾಟಕ ಅಕಾಡೆಮಿಂತ ವಾವುರಲೆಲೆ ಶ್ರೀ ಪ್ರೀತಮ ಸಿಂಗ ರುಪಾಲ, ಸಾಹಿತ್ಯ ಅಕಾಡೆಮಿಚೆ ಸಾಂದೋ ಜಾವನು ಆಸಚೆ ಡಾ. ದೀಪಕ ಮನಮೋಹನ ಸಿಂಗ, 45ವರಸ ಶಿಕ್ಷಣ ಕ್ಷೇತ್ರಾಂತ ವಾವ್ರ ಕರನು 30 ವಿದ್ಯಾರ್ಥಿಂಕ ಪಿಎಚ.ಡಿ ತಶೆಂ 50 ವಿದ್ಯಾರ್ಥಿಂಕ ಎಂ.ಫಿಲ ಮಾರ್ಗದರ್ಶನ ದಿಲೇಲ ಹಾಂಕಾ ಮೆಳಲೋ ಮಿಗೇಲ ಭಾಗ್ಯ ಮ್ಹಣೇತ. ಸಂಶೋಧನಾ ವಿದ್ಯಾರ್ಥಿ ಜಾವನು ಆಸಚೆ ಶ್ರೀ ವೀರದಿವೆಂದರ ಆನೀ ಶ್ರೀ ಸತಪಾಲ ಸಿಂಗ ಚಾಹಲ ಹಾಂಚೆ ಸಾಂಗಾತ ಪಂಜಾಬಿ ಭಾಸ ತಶೆ ಗಝಲ ವಿಶಯಾರ ಕೆಲೇಲ ಭಾಸಾ-ಭಾಸ ಅರ್ಥಪೂರ್ಣ ಜಾಲೆ. ತಶೆ ಅಮೃತಸರಾಂತು ವಿಶ್ವ ಪ್ರಸಿದ್ದ ಗೋಲ್ಡನ ಟೆಂಪಲ, ದೇಶಾಚೆ ಇತಿಹಾಸಾಂತ ಪ್ರಮುಖ ಜಾವಚೆ ತಸಲೇ ಜಲಿಯನ ವಾಲಾ ಭಾಗಾಕ ಭೇಟ ದಿವಚಾಕ ಸಾಧ್ಯ ಜಾಲೆ.

ಸಾಹಿತ್ಯ ಅಕಾದೆಮಿಚೆ ಹ್ಯಾ ಯೋಜನಾ ನಿಮಿತ ಮಾಕಾ ಪಂಜಾಬಿ ಭಾಸಾಂತುಲೆ ಸಾಹಿತ್ಯಾ ವಿಶಯ ಸಮಜೂನ ಗೆವೂಂಕ ಜಾಲೆ ಆನೀ ಪಂಜಾಬಿ ಲೋಕ ದೋಸ್ತ ಜಾಲೆ ಆಜಿ ಮಿಗೇಲೆ ಜಾಲಿಂಚಿ, ಮಾಕಾ ಹೋ ಎಕ ಅನುದಾನ ದಿಲೇಲ ಖಾತೀರ ಅಕಾಡೆಮಿಕ, ತಾಜೆ ಸರ್ವ ಸಾಂದ್ಯಾಕ ಆನೀ ಪ್ರಾದೇಶಿಕ ಕಾರ್ಯದರ್ಶಿಕ ದೇವ ಬರೆಂ ಕೊರೊ ಮ್ಹಣತಾ.

ತಶೀಚ ಹ್ಯಾ ಅನುಭವ ಎಕ ಪುಸ್ತಕ ರೂಪಾರ ಹಾಡಚೆ ಮ್ಹಣತನಾ, ಭೋವ ಖುಷಿರ ಮಾರ್ಗದರ್ಶನ ಕೋರನು ಸಾಧ್ಯ ಕೆಲೆಲ ಆತ್ಮೀಯ ಜಾವನು ಆಶಿಲೆ ಶ್ರೀ ವಲ್ಲೀ ಕ್ವಾಡ್ರಸ್ ಹಾಂಕಾ ದೇವ ಬರೆಂ ಕೊರೊ ಮ್ಹಣತಾ.

[पयणा साहीत]: खल्ला एक - दो ग्यारा

ದಾಯ್ಜ್.ಕೊಮ್