|
Konknni Potrkarita Dis Anthony
Menezes-acho Zatolo Bhouman
Ponnje :
Konknni potrkaritek lamb itihas asa punn tachi
favo titli dokhol konn ghenam. Amche Konknni
borovpi je potrkar mhonn miroitat, te legit
zaitie pautti hea disak mohotv dinant. 02
Febrer 1889 disa Eduardo Jose Bruno de Souza hea
mahan vichrearanchea mon’xan ‘Udentichem Sallok’
hem Romi lipint poilem satallem uzvaddavpachem
dhaddos kelem ani Konknni potrkaritecho itishas
suru zalo. Konknnichea mollar zaitea gozalink
mol naslolea sarkio korun dovorleat, tantuntlich
ek gozal zaun asa Konknni Potrkaritechem
mullavonn.Jea kallar Konknni koddem kainch
naslem, tednam disallem suru korop hi
fokanddachi gozal nasli. Punn amcheach mon’xam
koddlean hea karyak favo tem fattboll mell’llem
nam ani tem kaim vorsamni bond korchem poddlem.
Tori ghoddlolea itihas mohotv diunche khatir
Dalgado Konknni Akademi 02 Febrer ho dis
Potrkarita Dis mhonn monoita.
Ho suvallo, Aitar, 02 Febrer, 2020 disa
sanje 4.00 vorancher Tiatr Academy Goa hichea
Conference Hall-ant, Campal Trade Centre, Campal
Ponnje hanga zatolo. ‘Amcho Avaz’
satalleacho Sompadok Xri. Rajendra Dessai hea
suvalleacho Mukhel Soiro mhonn hajir astolo.
Tache borabor DKA-cho Odheokx Tomazinho Cardozo,
Chittnis Vincy Quadros ani Bhanddari Celso
Fernandes hajir astole.
Hea disa mukhel soireachea hatantlean
Konknnintlo jiextth Borovpi ani
potram-masikancher borovpi zanem don kadombori
ani her prokarchem sahit’ya rochlolea Xri.
Anthony Menezes hacho bhouman zatolo. Hea
adim hich sond gheun DKA-n Bro. Eusebio Miranda
ani Fr. Jose Dias hanchoi bhouman kelolo asa.
Ho suvallo soglleam khatir ugto asa.
Konknni mogiamni ani borovpiamni vhodd sonkhen
yeun ho suvallo zoitivont korcho mhonn DKA ulo
marta.
- Vincy Quadros | 
