[ಕವಿತಾ] ಕೊರೊನಾನ್ ಕೆಲ್ಲೆಂ ಉಗ್ಡಾಪಣ್... (- ಪ್ರಸನ್ನ ನಿಡ್ಡೋಡಿ)

ಕೊರೊನಾನ್ ಕೆಲ್ಲೆಂ ಉಗ್ಡಾಪಣ್....


ಚರ್ಚ್ ಮಸ್ಜಿದ್ ಮಂದಿರಾಚಿಂ
ದಾರಾಂ ಆಜ್ ಬಂದ್ ಪಡ್ಲ್ಯಾಂತ್
ಸದಾಂ ಆರಾಮಾಯೆನ್ ಆಸ್ಚೊ ದೇವ್
ಆತಾಂ ಭಕ್ತಾಂ ಥಾವ್ನ್ ಪಯ್ಸ್ ಗೆಲಾ

ಪಾದ್ರಿ ಬಾವ್ಡೊ ಬೆಜಾರಾಯೆಂತ್ ಪಡ್ಲಾ
ಪುಜಾರಿ ತೊ ಆಸ್ಕತ್ ದಿಸ್ತಾ
ಮುಲ್ಲಾ ಸಾಯ್ಬ್ ಖಂತಿಷ್ಟ್ ಜಾಲಾ
ಆಯ್ಕಾನಾಸ್ತಾಂ ಅವಾಜ್ ದಾನ್ ಪೆಟಿಂಚೊ

ಎಕ್ವಟಾಂತ್ ಬಳ್ ಆಸಾ ಮ್ಹಣ್ಚೆ
ರಾಜ್ ನೆತಾ ಆಜ್ ಬೊಬೊ ಘಾಲ್ತಾತ್
’ವಿಂಗಡ್ ರಾವಾ ಜಿಯೆತೆಲ್ಯಾತ್
ಎಕ್ವಟ್ ನಾಕಾ ಪಡ್ತೆಲ್ಯಾತ್....’

ಕಾಮ್ಗಾರ್ ಬಾವ್ಡೆ ಪೊಟಾಕ್ ಹಾತ್ ಲಾವ್ನ್
ಮೂಟ್ ಶಿತಾಕ್ ಆನಿ ಸಾವ್ಳಿ ವೊತಾಕ್
ಆಕ್ಲಾಸ್ ಕರ್ತಾತ್ ರಾತ್-ದೀಸ್
ನೆತಾ ಆಜೂನ್‍ಯ್ ಲೇಕ್ ಘಾಲ್ತಾ ನೊಟಾಂಕ್

ಖರ್ಗ್ ಮಾರೆಕಾರ್ ದುಬ್ಳ್ಯಾ-ದಾಕ್ಟ್ಯಾಚೆಂರ್
ನಾ ತಾಕಾ ಧರ್ಮ್ ಯಾ ದಾತಾರ್
ಪೊಲಿಸ್, ಡೊಕ್ಟರ್, ನರ್ಸ್, ಸುಭೆದಾರ್
ತೆಚ್ ಆಜ್ ಜಾಲ್ಯಾತ್ ಸಡ್ವೊಣ್ದಾರ್

ಭುಕೆಲ್ಲ್ಯಾ ಪೊಟಾಕ್ ರೇಶನ್ ಲಾಯ್ನಿರ್
ಮ್ಹಜೆ ತಸ್ಲ್ಯಾ ಸಬಾರ್ ಪರ್ದೆಶಾಂಕ್
ದೇವ್ ಖರೊಚ್ ದಿಸ್ಲೊ
ಮೊಗಾನ್ ದಿಲ್ಲ್ಯಾ ಖಾಣಾಚ್ಯಾ ಉಂಡ್ಯೆಂತ್

ಧನ್ಯವಾದ್ ತುಕಾ ಕೊರೊನಾ
ಆಶೆಂ ಯೆದೊಳ್ ಕೊಣೀ ಆಯ್ಕೊಂಕ್ನಾಂ
ಸಂಸಾರಾಕ್ ಉಗ್ಡಾಪಣ್ ಕೆಲೆಂಯ್ ತುವೆಂ
ಸ್ವಾರ್ಥಿ ವ್ಯಕ್ತಿನ್‍ಚ್ ರಚ್ಲಾ ’ಆಪಾಪ್ಲೊ ದೇವ್....’?

 ******

- ಪ್ರಸನ್ನ ನಿಡ್ಡೋಡಿ. [ಜ್ಯೂನ್, 2020]

[kovita] Koronan kel'lem ugddaponn.... (-  Prasann Niddodi)

Koronan kel'lem ugddaponn....


Chorch mosjid mondirachim
daram az bond poddleant
sodam aramayen ascho devo
atam bhoktam thaun pois gela

padri bauddo bezarayent poddla
puzari to askot dista
mul'la saib khontixtt zala
aikanastam ovaz dan pettincho

ekvottant boll asa mhonnche
raz neta az bobo ghaltat
’vingodd rava jieteleat
ekvott naka poddteleat....’

kamgar baudde pottak hat laun
mutt xitak ani saulli votak
aklas kortat rat-dis
neta azun‍y lek ghalta nottank

khorg marekar dubllea-daktteachemr
na taka dhorm' ya datar
polis, ddokttor, nors, subhedar
tech az zaleat soddvonndar

bhukel'lea pottak rexon lainir
mhoje toslea sobar pordexank
devo khoroch dislo
mogan dil'lea khannachea unddyent

dhonyovad tuka korona
axem yedoll konni aikonknam
somsarak ugddaponn kelem-i tuvem
svarthi vyoktin‍ch rochla ’apaplo devo....’?

******

- Prasann Niddodi. [Jun, 2020]

[कविता] कोरोनान केल्लें उगडापण.... (-  प्रसन्न निड्डोडी)

संसारांत सर्व भळवंत अमेरिका सर्व भिरांकूळ केमिकल बांब, पूण हाच्याकी चड भळवंत वेळ. वेळाक संसाराचीं नेमां बदलुंक वेळ लागाना म्हणच्याक आमी गवाय. तेंपादीं आमी वाचून, शिकून, आयकून तशेंच समजून आयिल्लीं चडताव सतां आतां बदल्ल्यांत. हेच चिंत्पाच्या बुन्यादिचेर ही कविता उभी केल्या.

- सं

[कविता] कोरोनान केल्लें उगडापण.... (-  प्रसन्न निड्डोडी)

कोरोनान केल्लें उगडापण....


चर्च मसजीद मंदिराचीं
दारां आज बंद पडल्यांत
सदां आरामायेन आसचो देव
आतां भक्तां थावन पयस गेला

पाद्री बावडो बेजारायेंत पडला
पुजारी तो आसकत दिसता
मुल्ला सायब खंतिषट जाला
आयकानासतां अवाज दान पेटिंचो

एकवटांत बळ आसा म्हणचे
राज नेता आज बोबो घाल्तात
’विंगड रावा जियेतेल्यात
एकवट नाका पडतेल्यात....’

कामगार बावडे पोटाक हात लावन
मूट शिताक आनी सावळी वोताक
आकलास कर्तात रात-दीस
नेता आजून‍य लेक घाल्ता नोटांक

खर्ग मारेकार दुबळ्या-दाकट्याचेंर
ना ताका धर्म या दातार
पोलीस, डोकटर, नर्स, सुभेदार
तेच आज जाल्यात सडवोणदार

भुकेल्ल्या पोटाक रेशन लायनीर
म्हजे तसल्या सबार पर्देशांक
देव खरोच दिसलो
मोगान दिल्ल्या खाणाच्या उंड्येंत

धन्यवाद तुका कोरोना
आशें येदोळ कोणी आयकोंक्नां
संसाराक उगडापण केलेंय तुवें
स्वार्थी व्यक्तीन‍च रचला ’आपापलो देव....’?

******

-  प्रसन्न निड्डोडी. [ज्यून, २०२०]

ದಾಯ್ಜ್.ಕೊಮ್