ಪಯ್ಣಾರಿ.ಕೊಮ್ Poinnari.Com: Konkani Research, Konkani Study, Progressive Konkanni Literature, Konkani Writing, Konkani Poetry, Creative Writing, Konkani Books, Konkani Association, Konkani Work, Fiction Writing, Poetry Criticism, Poetry Contests, Writing C

[ಕವಿತಾ] ನಾರಿಚೊ ಆವಾಜ್..! (- ಪ್ರಸನ್ನ ನಿಡ್ಡೋಡಿ)

ಆಮ್ಚೊ ದೇಸ್ ಎಕಾ ಅರ್ಥಾನ್ ಪಳೆಲ್ಯಾರ್ ತಮಾಸೊಚ್ ಮ್ಹಣ್ಯೆತಾ. ಕಾಯ್ದೆ ಕಾನೂನಾಂಚೊ ದೇಸ್ ಪುಣ್ ಕಾನೂನಾಂಚೊ ಬಜಾರ್ ದಿಸ್ತಾ. ಸಂಸ್ರಾಂತ್ಲೆ ಸರ್ವ್ ರಿತಿಚ್ಯಾ ಧರ್ಮಾಂಚೊ ದೇಸ್ ಪುಣ್ ದೆವಾಂಚೊ ಬಜಾರ್ ದಿಸ್ತಾ. ನ್ಹಂಯಾಂಕ್ ಸಯ್ತ್ ದೇವಿಂಚಿಂ ನಾಂವಾಂ ಪುಣ್ ದಿಸಾಚ್ಯಾ ಉಜ್ವಾಡಾಕ್‌ಚ್ ಅಸ್ತುರೆಂಚೆರ್ ಜಾಂವ್ಚೊ ಅನ್ನ್ಯಾಯ್ ಆನಿ ಜುಲುಮ್ ಚಡೊನ್‍ಚ್ ವೆತಾ. ಹ್ಯಾ ವೆವಸ್ತೆಚೊ ಫಾಯ್ದೊ ಜೊಡ್ಚೆಂ ಕಾಮ್ ವೆವಸ್ತಿತ್ ರಿತಿನ್ ಜೊಡ್ಚೆ ಸಭಾರ್. ಹ್ಯಾ ಪರಿಗತೆಂತ್ ಆಮ್ಚೆ ರಾಜಕೀಯ್ ಫುಡಾರಿ ಮೊನೆ, ಆಮಿ ಮೊನಿಂ.

ಬಾಬ್ ಪ್ರಸನ್ನ್ ನಿಡ್ಡೊಡಿಚಿ ಅಸ್ತುರಿ ಸಂವೇದನಾಂಚಿಂ ಸೊಂಪಿ ಕವಿತಾ ಪುಣ್ ಹಾಂತ್ಲ್ಯಾ ವಳಿಂನಿ ದಿಸ್ಚಿಂ ಸತಾಂ ಸೊಂಪಿಂ ನ್ಹಯ್. ಹ್ಯಾ ಸತಾಂತ್ ಸಮ್ಜುಂಚೆಂ ಕಾಮ್ ತುಜೆರ್ ಸೊಡ್ತಾಂ.

- ಸಂ

[ಕವಿತಾ] ನಾರಿಚೊ ಆವಾಜ್..! (- ಪ್ರಸನ್ನ ನಿಡ್ಡೋಡಿ)

ನಾರಿಚೊ ಆವಾಜ್..! ಹಾಂವ್ ರಡ್ಲಿಂ ಮ್ಹಜೆಂ ರಗಾತ್ ವ್ಹಾಳ್ತಾನಾ ಹಾಂವ್ ದೊಡ್ಲಿಂ ಮ್ಹಾಕಾ ನಾಗ್ಡೆಂ ಕರ್ತಾನಾ ಹಾಂವ್ ಚಡ್ಪಡ್ಲಿಂ ಮ್ಹಜೆರ್ ಅತ್ಯಾಚಾರ್ ಜಾತಾನಾ ಹಾಂವ್ ಕಡ್ಲಿಂ ಮ್ಹಾಕಾ ಜಿವೆಂ ಹುಲ್ಪಾಯ್ತಾನಾ! ಸಭಾರ್ ಆಯ್ಲೆ ಮೊಬಾಯ್ಲಾಂನಿಂ ಫಿಚಾರ್ ಕರುಂಕ್ ಸಭಾರ್ ಪಾವ್ಲೆ ಮಾಧ್ಯಮಾನಿಂ ಪ್ರಸಾರ್ ಭಾಸಾಂವ್ಕ್ ಸಭಾರ್ ಜಮ್ಲೆ ಮ್ಹಾಕಾ ಭುಜಾವಣ್ ಪಾಟಾಂವ್ಕ್ ಶೆವ್ಟಿಂ ತೆ ಗೆಲೆ ಮ್ಹಾಕಾ ಧರ್ಣಿರ್ ಉಡವ್ನ್! ರಗತ್ ಮ್ಹಜೆಂ ವ್ಹಾಳ್ಳೆಂ ದುಕಾಂ ಮ್ಹಜಿ ಜಿರ್ಲಿಂ ಲಜ್ ಮ್ಹಜಿ ಉಭ್ಲಿ ಪುಣ್ - ಕಾಳಿಜ್ ತಾಂಚೆಂ ಕಡ್ಲೆನಾಂ ಹಾತ್ ತಾಂಚೆ ವೊಳ್ಳೆನಾಂತ್ ಜೀಬ್ ತಿ ಬಂದ್ ಜಾಲಿನಾ ಶೋಷಣ್ ಮ್ಹಜೆರ್ ಥಾಂಬ್ಲೆನಾ! ದಾದ್ಲ್ಯಾಂಚ್ಯಾ ಮುಟಿ ಭಿತರ್ ಚಿರ್ಡೊನ್ ಆಸಾಂ ಮೂಟ್ ಆಂರ್ದುನ್ ನೆತಾಂಚ್ಯಾ ಖೆಳಾ ಮಧ್ಗಾತ್ ಪಿಸುಡ್ಲೆಲೆಂ ಮುಖೊಟೆಂ ಜಾವ್ನ್ ಸಭಾರಾಂಚ್ಯಾ ಭಾಸಾವ್ಣೆ ಉತ್ರಾಂಕ್ ದೇಶಾಚೊ ಪ್ರಭಲ್ ಆವಾಜ್ ಹಾಂವ್ ತರೀ - ಅಕ್ರೇಕ್ ಏಕ್ ಅಬಲ್ ನಾರಿ ಹಾಂವ್ ..! ಸಮಾನತಾ ಏಕ್ ಮುದ್ದೊ ಮಾತ್ರ್ ಸ್ವಾರ್ಥಿ ನೆತಾಂಕ್ ವೊಟಾಚೊ ಖೆಳ್ ಕಾನೂನಿ ಆರಕ್ಷಣ್ ಆಸ್ಚ್ಯಾ ಕಾಳಾರಿ ದೇಶಾಕ್ ಜಾಲ್ಯಾಂ ಭಾರಿ ಆವಾಜ್ ಮ್ಹಜೊ ಉಸ್ಕತಾ ವೊಂಟಾರಿ ಕಾಲ್ ಆಸ್ಲೊ ಆಜ್ ಆಸಾ ಫಾಲ್ಯಾಂಯ್ ಉರ್ತಲೊ ಕಿತ್ಯಾಕ್ - ಹಾಂವ್ ಸದಾಂ ಏಕ್ ಅಬಲ್ ನಾರಿ..?! **** - ಪ್ರಸನ್ನ ನಿಡ್ಡೋಡಿ**. [ಮಾರ್ಚ್, 2023]

	ಪ್ರಸನ್ನ ನಿಡ್ಡೋಡಿ: ಲಿಖ್ಣೆಂ ನಾಂವಾರ್ ಬರಂವ್ಚೊ ಹಿಲರಿ ಡಿ’ಸಿಲ್ವಾ, ಪ್ರಸ್ತುತ್ ಮುಂಬಂಯ್ಚ್ಯಾ ಮಿರಾರೊಡಾಂತ್ ಅಪ್ಲ್ಯಾ ಕುಟ್ಮಾಸವೆಂ ವಸ್ತಿ ಕರುನ್ ಆಸಾ. ಕಾಂಯ್ ಶೆಂಭೊರಾಂವಯ್ರ್ ಕವಿತಾ ಬರಯಿಲ್ಲ್ಯಾ ಹಾಚಿಂ ದೋನ್ ಕವಿತೆಂಚಿಂ ಪುಸ್ತಕಾಂ ಆಶಾವಾದಿ ಪ್ರಕಾಶನಾನ್ ಪ್ರಕಾಶಿತ್ ಕೆಲ್ಯಾಂತ್; ತಾನ್ (2018), ಆಪ್ಲೊ ಪರ್ಕಿ (2021) ಡಿಜಿಟಲ್ ಪುಸ್ತಕ್. ಸಭಾರ್ ಕವಿತಾಸರ್ತೆಂನಿ ಇನಾಮಾಂ ಜೊಡ್ಲ್ಯಾಂತ್.
[kovita] Naricho Avaz ....* (- Prasann Niddodi)*
Amcho des eka orthan pollelear tomasoch mhonnyeta. Kaide kanunancho des punn kanunancho bozar dista. Somsrantle sorv ritichea dhormancho des punn devancho bozar dista. Nhomyank soit devinchim namvam punn disachea ujvaddak‌ch osturencher zamvcho on'nyai ani zulum' choddon‍ch veta. Hea veustecho faido zoddchem kam' veustit ritin zoddche sobhar. Hea porigotent amche razoki-i fuddari mone, ami monim. Bab proson'n nidd'ddoddichi osturi somvedonanchim sompi kovita punn hantlea vollimni dischim sotam sompim nhoi. Hea sotant somzunchem kam' tujer soddtam. - Som
[kovita] Naricho Avaz ....* (- Prasann Niddodi)*
Naricho Avaz.... hamv roddlim mhojem rogat vhalltana hamv doddlim mhaka nagddem kortana hamv choddpoddlim mhojer oteachar zatana hamv koddlim mhaka jivem hulpaitana! sobhar aile mobailamnim fichar korunk sobhar paule madhyomanim prosar bhasaunko sobhar zomle mhaka bhuzaunn pattaunko xeuttim te gele mhaka dhornnir uddoun! rogot mhojem vhall'llem dukam mhoji jirlim loz mhoji ubhli punn - kalliz tanchem koddlenam hat tanche voll'llenant jib ti bond zalina xoxonn mhojer thamblena! dadleanchea mutti bhitor chirddon asam mutt amrdun netanchea khella modhgat pisuddlelem mukhottem zaun sobharanchea bhasaunne utrank dexacho probhol avaz hamv tori - okrek ek obol nari hamv ..! somanota ek mud'do matr svarthi netank vottacho khell kanuni arokxonn aschea kallari dexak zaleam bhari avaz mhozo uskota vonttari kal aslo az asa faleam-i urtolo kiteak - hamv sodam ek obol nari..?! **** - Prasann Niddodi.** [Mar, 2023]

	Prasann Niddodi: likhnnem namvar boromvcho Hilary DSilva, prostut mumbomychea Mira Roadant oplea kuttmasovem vosti korun asa. Kaim xembhoramvoir kovita boroyil'lea hachim don kovitenchim pustokam axavadi prokaxonan prokaxit keleant; Tan (2018), Aplo Porki (2021) ddijittol pustok. Sobhar kovitasortemni inamam zoddleant.
[कविता] नारिचो आवाज..! (- प्रसन्न निड्डोडी)
आमचो देस एका अर्थान पळेल्यार तमासोच म्हण्येता. कायदे कानूनांचो देस पूण कानूनांचो बजार दिसता. संस्रांतले सर्व रितिच्या धर्मांचो देस पूण देवांचो बजार दिसता. न्हंयांक सयत देविंचीं नांवां पूण दिसाच्या उज्वाडाक‌च असतुरेंचेर जांवचो अन्न्याय आनी जुलूम चडोन‍च वेता. ह्या वेवसतेचो फायदो जोडचें काम वेवसतीत रितीन जोडचे सभार. ह्या परिगतेंत आमचे राजकीय फुडारी मोने, आमी मोनीं. बाब प्रसन्न निड्डोडिची असतुरी संवेदनांचीं सोंपी कविता पूण हांतल्या वळिंनी दिसचीं सतां सोंपीं न्हय. ह्या सतांत समजुंचें काम तुजेर सोडतां. - सं
[कविता] नारिचो आवाज..! (- प्रसन्न निड्डोडी)
नारिचो आवाज..! हांव रडलीं म्हजें रगात व्हाळताना हांव दोडलीं म्हाका नागडें कर्ताना हांव चडपडलीं म्हजेर अत्याचार जाताना हांव कडलीं म्हाका जिवें हुल्पायताना! सभार आयले मोबायलांनीं फिचार करुंक सभार पावले माध्यमानीं प्रसार भासावंक सभार जम्ले म्हाका भुजावण पाटावंक शेवटीं ते गेले म्हाका धर्णीर उडवन! रगत म्हजें व्हाळ्ळें दुकां म्हजी जिरलीं लज म्हजी उभली पूण - काळीज तांचें कडलेनां हात तांचे वोळ्ळेनांत जीब ती बंद जालिना शोषण म्हजेर थांबलेना! दादल्यांच्या मुटी भितर चिर्डोन आसां मूट आंर्दून नेतांच्या खेळा मधगात पिसुडलेलें मुखोटें जावन सभारांच्या भासावणे उत्रांक देशाचो प्रभल आवाज हांव तरी - अक्रेक एक अबल नारी हांव ..! समानता एक मुद्दो मात्र स्वार्थी नेतांक वोटाचो खेळ कानूनी आरक्षण आसच्या काळारी देशाक जाल्यां भारी आवाज म्हजो उसकता वोंटारी काल आसलो आज आसा फाल्यांय उर्तलो कित्याक - हांव सदां एक अबल नारी..?! **** - प्रसन्न निड्डोडी.** [मार्च, २०२३]

	प्रसन्न निड्डोडी: लिखणें नांवार बरंवचो हिलरी डी’सिलवा, प्रसतूत मुंबंयच्या मिरारोडांत अपल्या कुटमासवें वसती करून आसा. कांय शेंभोरांवयर कविता बरयिल्ल्या हाचीं दोन कवितेंचीं पुसतकां आशावादी प्रकाशनान प्रकाशीत केल्यांत; तान (२०१८), आपलो पर्की (२०२१) डिजिटल पुसतक. सभार कवितासर्तेंनी इनामां जोडल्यांत.


ದಾಯ್ಜ್.ಕೊಮ್

2004 ಥಾವ್ನ್ 2011 ಪರ್ಯಾಂತ್ ಕಾರ್ಯಾಳ್ ಆಸ್‌ಲ್ಲ್ಯಾ ದಾಯ್ಜ್.ಕೊಮ್ ಚೆರ್ ಪರ್ಗಟ್‌ಲ್ಲ್ಯಾ ವಿಂಚ್ಣಾರ್ ಸಾಹಿತಾಕ್ ಆಮಿ ಫುಡಿಲ್ಯಾ ದಿಸಾಂನಿ ಪಯ್ಣಾರಿ ವಾಚ್ಪ್ಯಾಂಕ್ ಲಾಭಯ್ತೆಲ್ಯಾಂವ್.