[ಖಬರ್] ಮೀರಾರೊಡಾ೦ತ್  ಭುರ್ಗ್ಯಾಂಕ್ ಆನಿ ವ್ಹಡಾಂಕ್ ಕೊಂಕಣಿ ತಾಲೆಂತಾಂ ಸ್ಪರ್ಧೊ

ಸಾ೦. ಜೊಸೆಫ್ಸ್ ಕೊ೦ಕಣಿ ವೆಲ್ಫೇರ್ ಅಸೊಶಿಯೆಶನ್ ಮಿರಾರೊಡ್ ಹಾಣಿ ಫಿರ್ಗಜೆಚ್ಯಾ ಕೊ೦ಕ್ಣಿ ಲೊಕಾ ಖಾತಿರ್, ಕೊ೦ಕ್ಣಿ ಮಾನ್ಯತಾ ದಿಸಾಕ್ ಆನಿ ಮೊ೦ತಿ ಫೆಸ್ತಾಚಿ ತಯಾರಿ ಜಾವ್ನ್, ಆಗೊಸ್ತಾಚ್ಯಾ 19 ತಾರಿಕೆರ್ ಆಯ್ತಾರಾ ಭಾಶಣ್, ಗಾಯಾನ್, ನಾಚ್, ಫೆನ್ಸಿ ಡ್ರೆಸ್ಸ್, ನಾಟ್ಕುಳೆ ಆನಿ ಕುಟ್ಮಾ ಎಕ್ವೊಟ್ ಸ್ಪರ್ಧೆ ಇಗರ್ಜೆಚ್ಯಾ ಹೊಲಾ೦ತ್ ಮಾ೦ಡುನ್ ಹಾಡ್ಲೆ.

ಸಾ೦. ಜುಜೆ ಫಿರ್ಗಜೆಚೊ ವಿಗಾರ್ ಮಾನಾಧಿಕ್ ಮೆಲ್ವಿನ್ ಡಿ ಕುನ್ಹಾ, ಸಹಾಯಕ್ ವಿಗಾರ್ ಮಾನಾಧಿಕ್ ವಾಲ್ಟರ್ ಆನಿ ಸಂಘಚ್ಯಾ ಕಾರ್ಬಾರ್ಯಾೆ ಸವೆಂ, ಮಾಗ್ಣ್ಯಾದ್ವಾರಿ೦ ತಾಲೆ೦ತ್ ಸ್ಪರ್ಧೊ ಉಗ್ತಾವಣ್ ಕೆಲೊ. "ಭುರ್ಗ್ಯಾನಿಂ ಸ್ಪರ್ಧೊ ಫಕತ್ತ್ ಜಿಕ್ಚ್ಯಾ ಇರಾದ್ಯಾನ್ ಪಾತ್ರ್ ಘೆಂವ್ಚೊ ನ್ಹಯ್ ಬಗಾರ್ ಕೊಂಕ್ಣೆಚ್ಯಾ ಮೊಗಾನ್ ಆನಿ ಕೊಂಕ್ಣೆಚ್ಯಾ ಎಕ್ವೊಟಾ ಖಾತಿರ್, ಹಾಂತುಂ ಪಾತ್ರ್ ಘೆಂವ್ಚಿ ಸಕ್ಡಾಂಯ್ ಜಿಕ್ಪಿಚ್". ಮ್ಹಣೊನ್ ಭುರ್ಗ್ಯಾಂಕ್ ಆನಿ ತಾಂಚ್ಯಾ ವ್ಹಡಿಲಾಂಕ್ ಮಾನಾಧಿಕ್ ಮೆಲ್ವಿನಾನ್ ಸಂದೇಶ್ ದಿಲೊ.

ವರಯ್ಣಾರ್ ಜಾವ್ನ್ ಮಾಲ್ಗಡೊ ಕಲಾಕಾರ್, ದಿಗ್ದರ್ಶಕ್, ನಾಮ್ಣೆಚೊ ಕಾರ್ಯನಿರ್ವಾಹಕ್,ಆನಿ ನಟ್ ಮಾನೆಸ್ತ್ ಫ್ರಾನ್ಸಿಸ್ ಒಲಿವೆರಾ ಪಡುಕೋಣೆ; ಬರಯ್ಣಾರ್, ಸ೦ಗಿತ್ಕಾರ್ ಆನಿ ಗಾವ್ಪಿ ಮಾನೆಸ್ತ್ ವಿನ್ಸೆಂಟ್ ದೊಮೆಲ್; ತಸೆಂಚ್ ನಟ್ ಆನಿ ಬರವ್ಪಿ ಮಾನೆಸ್ತ್ ಗ್ರೆಗರಿ ಸಿಕ್ವೇರಾ ನಿಡ್ಡೊಡಿ, ಹಜಾರ್ ಆಸ್‌ಲ್ಲೆ.

ಸಭಾರ್ ಭುರ್ಗ್ಯಾ೦ನಿ ತಸೆ೦ಚ್ಚ್ ವೊಡಾನಿ೦ ಹಾ೦ತು ಪಾತ್ರ್ ಘೆತ್ ಲ್ಲೊ. ಭುರ್ಗ್ಯಾ೦ಕ್ ಆನಿ ಯುವಜಣಾ೦ಕ್ ಕೊ೦ಕ್ಣೆ ಥೈ೦ ವೊಡು೦ಕ್ ಮಾ೦ಡುನ್ ಹಾಡ್ ಲ್ಲ್ಯಾ ಕೊ೦ಕ್ಣಿ ಸ್ಪರ್ಧ್ಯಾ೦ ಖಾತಿರ್ ಆಸೊಶಿಯೆಶನಾಚ್ಯಾ ಸಾ೦ದ್ಯಾಕ್ ತಾಣಿ೦ ಶಾಭಾಸ್ಕಿ ದಿಲಿ. ಆನಿ ಪಾತ್ರ್ ಘೆತ್ಲ್ಲ್ಯಾಂ ಕ್ ಕಶೆಂ ಜಾಲ್ಲ್ಯೊ ಚೂಕಿ ಸುದಾರ್ಸುಂಕ್ ಜಾಯ್ ಮ್ಹಳ್ಳೆ ಥೊಡೆ ಹಿಶ್ಯಾರೆ ದಿಲೆ.

"ಮಿರಾರೊಡ್ಚಿ೦ ಭುರ್ಗಿ೦ ತಾಲೆ೦ತಾನಿ ಭರ್ಲ್ಯಾ೦ತ್ ಹಿ೦ ತಾಲೆ೦ತಾ ಉರ್ಜಿತ್ ಕರು೦ಕ್ ಹೊ ಏಕ್ ಬರೊ ಸ೦ದರ್ಭ್. ಕೊ೦ಕ್ಣೆಕ್ ಹಾ೦ಗಾ ಬರೊ ಫುಡಾರ್ ಆಸಾ ಖ೦ಡಿತ್" - ಫ್ರಾನ್ಸಿಸ್ ಒಲಿವೆರಾ."

"ಮಿರಾರೊಡ್ಚಿ೦ ತಾಲೆ೦ತಾ ಪಳೆವ್ನ್ ಮಾಕಾ ಅಭಿಮಾನ್ ಭಗ್ತಾ ತಸೆಂಚ್ ಕೊಂಕ್ಣಿ ಬಾಳ್ವಾತೆಲಿ ತೆಂ ಮಾಕಾ ಖಂಡಿತ್ ದಿಸ್ತಾ" -ಗ್ರೆಗರಿ ನಿಡ್ಡೊಡಿ.

"ಜೀಕ್ ಆನಿ ಸಲ್ವಣ್ ಎಕಾ ನಾಣ್ಯಾಚೆ ದೋನ್ ಕೂಶಿ, ತ್ಯಾದೆಕುನ್ ಸಲ್ವಣಿ ಮೆಳ್ಳಿ ಮ್ಹಣ್ ಬೆಜಾರ್ ಜಾಯ್ನಾಸ್ತಾ೦ ಆಮ್ಚೆ೦ ಆಭ್ಯಾಸ್ ಚಾಲು ದವರು೦ಕ್ ಜಾಯ್, ತುಮ್ಕಾಂ ಪಳೆತಾನಾ ಕೊಂಕ್ಣೆಕ್ ಫುಡಾರ್ ಬರೊ ಆಸಾ ಮ್ಹಣ್ ಲಾಗ್ತಾ ತರೀ ವೊಡಾನಿ೦ಯ್ ಚಡ್ ಉರ್ಬಾ ದಾಖವ್ನ್ ಹಾ೦ತು೦ ಪಾತ್ರ್ ಘೆ೦ವ್ಕ್ ಜಾಯ್, ಮೀರಾರೊಡ್ ಕೊ೦ಕಣಿ ಎಸೊಶಿಯೆಶನ್ ಏಕ್ ಉ೦ಚ್ಲೆ ಕಾಮ್ ಕರ್ತಾ"

ಆಕ್ರೆಕ್ ಜಿಕ್ಲೆಲ್ಯಾ೦ಚಿ೦ ನಾ೦ವಾ೦ ಪರ್ಗಟ್ ಕೆಲಿ೦. ಇನಾಮಾ ಸಪ್ಟೆ೦ಬರ್ 8 ತಾರಿಕೆರ್ ಜಾ೦ವ್ಚ್ಯಾ ಕೊ೦ಕಣಿ ಮಾನ್ಯತಾ ದೀಸ್ ಆನಿ ಮೊ೦ತಿ ಫೆಸ್ತಾಚ್ಯಾ ಸುವಾಳ್ಯಾರ್ ವಾ೦ಟ್ತೆಲೆ.

ಹ್ಯಾಚ್ ವೆಳಾರ್ ಒಕ್ಟೊಬರಾಂತ್ ಚಲೊಂವ್ಕ್ ಆಸ್ಚ್ಯಾ, ಕವಿತಾ ಟ್ರಸ್ಟಾನ್ ಮಾಂಡುನ್ ಹಾಡ್ಚ್ಯಾ -’ಕವಿತಾ ವಾಚನ್’ ಸ್ಪರ್ಧ್ಯಾ ವಿಶಿಂ ಮಾನೆಸ್ತ್ ಪ್ರಸನ್ನ್ ನಿಡ್ಡೊಡಿನ್ ಮಾಹೆತ್ ದಿಲಿ ಆನಿ ಸರ್ವಾಂಚೊ ಸಹಕಾರ್ ಮಾಗ್ಲೊ.

ಸ೦ಘಾಚೊ ಅಧ್ಯಕ್ಶ್ ಶ್ರೀ ಡಾಯ್ಗೊ ರೊಡ್ರಿಗಸಾನ್ ತೀರ್ಪ್ ದಾರಾ೦ಕ್ ಮಾನ್ ಕೆಲೊ. ಆನಿ ದನ್ಯಾವಾದ್ ಆರ್ಪಿಲೆ. ಜೊಸ್ಸಿ ಗೊನ್ಸಾಲ್ವಿಸ್ ಆನಿ ಪ್ರಸನ್ನ್ ನಿಡ್ಡೊಡಿನ್ ಸಗ್ಳೆ೦ ಕಾರ್ಯೆ೦ ಆಪುರ್ಬಾಯೆನ್ ಚಲವ್ನ್ ವೆಲೆ೦.

- ಭಾತ್ಮಿ: ಹಿಲರಿ ಡಿ’ಸಿಲ್ವಾ, ತಸ್ವೀರೊ: ಕೆನ್ಯೂಟ್ ಮಿನೇಜಸ್, ಶಿರ್ವಾಂ