[ಖಬಾರ್:] ಸಾಂ.ಜುಜೆ ಕೊಂಕ್ಣಿ ವೆಲ್‌ಫೇರ್ ಸಂಸ್ಥ್ಯಾಚಿ ಸಾತ್ವಿ ಜೆರಾಲ್ ಜಮಾತ್

ಮುಂಬಯ್ (ಜುಲಾಯ್ 17) ಮಿರಾರೋಡ್ ಫಿರ್ಗಜೆಂತ್ಲ್ಯಾ ಸಾಂ ಜುಜೆ ಕೊಂಕ್ಣಿ ವೆಲ್‌ಫೇರ್ ಸಂಸ್ಥ್ಯಾಚಿ, ಸಾತ್ವ್ಯಾ ವರ್ಸಾಚಿ ಜೆರಾಲ್ ಜಮಾತ್ ಹೆಚ್ಚ್ ಜುಲಾಯ್ 17 ತಾರಿಕೆರ್ ಸಾಂಜೆರ್ 6 ವೊರಾಂಕ್ ಸಾಂ.ಜುಜೆ ಇಗರ್ಜೆಚ್ಯಾ ’ಇನ್ಫೆಂಟ್ ಜೀಜಸ್ ಹಾಲ್’ ಹಾಂಗಾಚೆರ್ ಮಾ|ಬಾ|ಮೆಲ್ವಿನ್ ಡಿ’ಕುನ್ಹಾ (ಸಂಸ್ಥ್ಯಾಚೊ ಆತ್ಮಿಕ್ ದಿರೆಕ್ತೊರ್) ಹಾಂಚ್ಯಾ ಮಾಗ್ಣ್ಯಾ ಮುಖಾಂತ್ರ್ ಸುರು ಜಾಲಿ. ಅಧ್ಯಕ್ಶ್ ಮಾನೆಸ್ತ್ ಜೋನ್ ಕ್ರಾಸ್ತಾನ್ ಯೆವ್ಕಾರ್ ಮಾಗೊನ್, ಪಾಟ್ಲ್ಯಾ ತೀನ್ ವರ್ಸಾಂನಿ ಹ್ಯಾ ಸಂಸ್ಥ್ಯಾಕ್ ಅಪ್ಣಾಸವೆಂ ವಾವ್ರ್ ಕೆಲ್ಲ್ಯಾ ಸರ್ವ್ ವಾವ್ರಾಡ್ಯಾಂಚೊ ಉಪ್ಕಾರ್ ಆಟಯ್ಲೊ.

ಸಂಸ್ಥ್ಯಾಚ್ಯಾ ಕಾರ್ಯದರ್ಶಿ ಮಾನೆಸ್ತ್ ಅರುಣ್ ನೊರೊನ್ಹಾನ್ ಪಾಟ್ಲ್ಯಾ ತೀನ್ ವರ್ಸಾಂನಿ ಚಲ್‍ಲ್ಲ್ಯಾ ವಾವ್ರಾಚಿ ಮಟ್ವಿ ವರ್ದಿ ದಿಲಿ.

ಹೆಚ್ಚ್ ಸಂಧರ್ಭಾರ್ ಅಪ್ಲ್ಯಾ ಉಲವ್ಪಾಂತ್ ಮಾ|ಬಾ|ಮೆಲ್ವಿನಾನ್ ಜಸೆಂ ಕ್ರೀಸ್ತಿ ಮೌಲ್ಯಾಂ ಅಮ್ಕಾಂ ಫಕತ್ ಸೆವಾ ದೀಂವ್ಕ್ ಉಲೊ ದಿತಾತ್, ತೆಚ್ಚ್ ಮಾಪಾನ್ ಆಮಿ ಸೆವೆಚ್ಯಾ ಮನೋಭಾವಾಂತ್ ಕೊಂಕ್ಣಿ ಭಾಸೆಚಿ ಸಯ್ತ್ ನಿಸ್ವಾರ್ಥಿ ಮಾಪಾನ್ ಸೆವಾ ಕರುಂಕ್ ಜಾಯ್ ಶಿವಾಯ್ ಕಸಲ್ಯಾಚ್ ನಾಂವಾ ಪಾಟ್ಲ್ಯಾನ್ ಲಬ್ದೊನಾಯೆ ಮ್ಹಣುನ್ ಉಲೊ ದಿವುನ್, ಫುಡ್ಲ್ಯಾ ತೀನ್ ವರ್ಸಾಂಚ್ಯಾ ಆವ್ದೆಕ್ ನವ್ಯಾ ಸಮಿತಿಕ್ ಜೊಕ್ತ್ಯಾಂಕ್ ವಿಂಚುಂಕ್ ಉಲೊ ದಿಲೊ. ತೆಚ್ಚ್ ಮಾಪಾನ್ 13 ಜಣಾಂಚಿ ವಿಂಚವ್ಣ್ ಸಾಂದ್ಯಾಂನಿ ಕೆಲಿ;

ಜುಲಾಯ್ 20 ತಾರಿಕೆರ್ ಹ್ಯಾ ಸಮಿತಿಚ್ಯಾ ಪಯ್ಲ್ಯಾ ಜಮಾತೆಂತ್ ಹ್ಯಾ ಸಕಯ್ಲ್ಯಾ ಮುಖೆಲ್ಯಾಂಚಿ ವಿಂಚವ್ಣ್ ಸಮಿತಿನ್ ಕೆಲಿ;

ಅಧ್ಯಕ್ಷ್: ಮಾನೆಸ್ತ್ ದಿಯಾಗೊ ರೋಡ್ರಿಗಸ್
ಕಾರ್ಯದರ್ಶಿ: ಸೋಫಿಯಾ ಡೆ’ಸಾ
ಖಜಾಂಚಿ: ಲಾರೆನ್ಸ್ ಮಥಾಯಸ್
ಸಾಂಸ್ಕೃತಿಕ್ ಕಾರ್ಯದರ್ಶಿ: ಮಾನೆಸ್ತ್ ಜೋಸ್ಸಿ ಗೊನ್ಸಾಲ್ವಸ್
ಉಪಾಧ್ಯಕ್ಷ್: ಮಾನೆಸ್ತ್ ವಿಲ್ಸನ್ ಡಿ’ಸೋಜ್
ಸಹ-ಕಾರ್ಯದರ್ಶಿ: ಮಾನೆಸ್ತ್ ಜೆರಾಲ್ಡ್ ಡಿ’ಸೋಜ್
ಸಹ-ಖಜಾಂಚಿ: ಮಾನೆಸ್ತ್ ಜೋನ್ ಕೊರೆಯಾ
ಸಮಿತಿಚೆ ಸಾಂದೆ: ಸರ್ವ್ ಮಾನೆಸ್ತ್ ಜೋನ್ ಕ್ರಾಸ್ತಾ, ಅರುಣ್ ನೊರೊನ್ಹಾ, ರಿಚಾರ್ಡ್ ಮಥಾಯಸ್, ಡೇನಿಸ್ ರೆಬೇರೊ, ರೋನಿ ಲೋಬೊ ಅನಿ ವಿಕ್ಟರ್ ಮಸ್ಕರೇಞಸ್.

- ಭಾತ್ಮಿ: ಕೆನ್ಯೂಟ್ ಮಿನೇಜಸ್