ಪಯ್ಣಾರಿ.ಕೊಮ್ Poinnari.Com: Konkani Research, Konkani Study, Progressive Konkanni Literature, Konkani Writing, Konkani Poetry, Creative Writing, Konkani Books, Konkani Association, Konkani Work, Fiction Writing, Poetry Criticism, Poetry Contests, Writing C

[ಕವಿತಾ] ಯೆಂವ್ಚೆಂ ತುಂವೆಂ (- ಅತಿಶಾ ಸುರ್ಲೇಕರ್)

ಕವಿತೆಚೊ ಮುಳಾವೊ ಅರ್ಥ್ ಹೊ - ಥೊಡಿಂಚ್ ಉತ್ರಾಂ ಖೂಪ್ ಸಾಂಗ್ಚೆಂ. ಹ್ಯಾ ಕವಿತೆಂತ್ ಸಯ್ತ್ ಏಕ್ ಇಮಾಜ್ ಆಸಾ, ತಿ ಜಾಯ್ತಿಂ ರುಪಾಂ ಸಾಂಗುನ್ ವೆತಾತ್. ಎಕಾ ಆವಯ್ಕ್ ಕಾಂಯ್ ತೊ ಯೆಂವ್ಚೊ ಆಸ್ಚೊ ಪೂತ್ ದಿಸತ್, ಎಕಾ ಪ್ರೇಯಸಿಕ್ ತೊ ಯೆಂವ್ಚೊ ಕಾಂಯ್ ಪ್ರೇಮಿ ದಿಸತ್, ಆನಿ ಕಾಂಯ್ ಹೆರಾಂಕ್ ಯಾದಿ ಜಾವ್ನ್ ದಿಸತ್ ಆನಿ ತಿಚ್ ಹ್ಯಾ ಕವಿತೆಚಿ ಸೊಭಾಯ್ ಮ್ಹಣುನ್ ಹಾಂವ್ ಲೆಕ್ತಾಂ.

- ಸಂ

[ಕವಿತಾ] ಯೆಂವ್ಚೆಂ ತುಂವೆಂ (- ಅತಿಶಾ ಸುರ್ಲೇಕರ್)

ಯೆಂವ್ಚೆಂ ತುಂವೆಂ ಫುಡ್ಲ್ಯಾ ದಾರಾಂತ್ ಫಾಟ್ಲ್ಯಾ ದಾರಾಂತ್ ಪೊರ್ಣ್ಯಾ ದಾರಾಂತ್ ಮೊಡ್ಕ್ಯಾ ಘರಾಚ್ಯಾ ಪಾಉಸೊ ವೆಲ್ಹಾನ್ ಲ್ಹವೂಚ್ ಪೊರ್ಸಾಂತ್ ಯೆವ್ಚೊ ತುವೆಂ. ಕೆಂಸ್ ಸೊಡಿಲ್ಲೆ ಸುರಂಗಿ ವೆಲ್ಯಾನ್ ಖಾಡ್ ಪಿಕಿಲ್ಲ್ಯಾ ವಡಾ ವೆಲ್ಯಾನ್ ಕೊಲ್ವಾಚೆ ಖೊಪೀಂತ್ ಮ್ಹಜೆ ಲ್ಹವೂಚ್ ಭಿತರ್ ಸರ್ಚೊ ತುವೆಂ. ಆಂಗ್ಣಾಂ ಭಾಯ್ಲ್ಯಾ ಮಾಡಾವೆಲ್ಯಾನ್ ಚುಡ್ಟ್ಯಾಂಚೆರ್ ಹುಮ್ಕಳತ್ ನಾಲ್ಲಾ ಬೊಂಡ್ಕಾಂಕ್ ಕರೀತ್ ಸ್ಪರ್ಶ್ ಲಾಂಬ್ ಲಾಂಬ್ ಕಾಂಡಾವೆಲ್ಯಾರ್ ಸರ್ಸರೀತ್ ದೆಂವ್ಚೊ ತುವೆಂ. ಪಾಂಚ್ವ್ಯಾ ಪಾಂಚ್ವ್ಯಾ ದೊಂಗ್ರಾತ್ಲ್ಯಾನ್ ದೊಂಗ್ರಾಚ್ಯಾ ದೆಂಗ್ಣಾಂತ್ಲ್ಯಾನ್ ಪಾಂಯ್ ವಾಟೆತನ್ ಚಲತ್ ಚಲತ್ ಮನಾಚೆಂ ಉಗ್ಡೂನ್ ಕವ್ಡ್ ಸರಳ್ ಭಿತರ್ ಸರ್ಚೊ ತುವೆಂ. **** - ಅತಿಶಾ ಸುರ್ಲೀಕಾರ್**. [ಜುಲಾಯ್, 2020]

	ಅತಿಶಾ ಸುರ್ಲೀಕಾರ್: ವೃತ್ತೆನ್ ಶಿಕ್ಶಕಿ ಜಾವ್ನ್ ಕಾಮ್ ಕರ್ನ್ ಆಸ್ಚಿ ಬಾಯ್ ಆತಿಶಾ ಸುರ್ಲಿಕಾರ್ ಗೊಂಯಾಂತ್ ವಸ್ತಿ ಕರ್ಚಿ ಕೊಂಕಣಿ ಕವಿ. ತಿಚಿಂ ಕವಿತಾ, ಲೇಕಾಂ ’ಭಾಂಗಾರ್‌ಭುಂಯ್’ ಪತ್ರಾಚೆರ್ ಪ್ರಕಾಶಿತ್ ಜಾಲ್ಯಾಂತ್. ’ಪಾಯ್‌ವಾಟೊ’, ’ಬಿಲೂಬಯ್ ಚಲ್ಲೆಂ ಬಜರಾಂತ್’ ಹಿಚ್ಯಾ ಕವಿತೆಂಚೆ ದೋನ್ ಪುಸ್ತಕಾಂ ಪ್ರಕಾಶಿತ್ ಜಾಲ್ಯಾಂತ್. ಭುರಗ್ಯಾಂತ್ ಲೋಕ್‌ವೇದ್ ಗಿತಾಂ ಆನಿ ನಾಚ್ ಶಿಕಯ್ತಾ.
[kovita] Yeunchem tumvem (- Atisha Surlekar)
Kovitecho mullavo orth ho - thoddinch utram khup sangchem. Hea kovitent soit ek imaz asa, ti zaitim rupam sangun vetat. Eka auyk kaim to yemvcho ascho put disot, eka preyosik to yemvcho kaim premi disot, ani kaim herank yadi zaun disot ani tich hea kovitechi sobhai mhonnun hamv lektam. - Som
[kovita] Yeunchem tumvem (- Atisha Surlekar)
Yeunchem tumvem fuddlea darant fattlea darant pornnea darant moddkea ghorachea pauso velhan lhovuch porsant yeucho tuvem. Kems soddil'le surongi velean khadd pikil'lea vodda velean kolvache khopint mhoje lhovuch bhitor sorcho tuvem. Angnnam bhailea maddavelean chuddtteancher humkollot nal'la bonddkank korit sporx lamb lamb kanddavelear sorsorit demvcho tuvem. Panchvea panchvea dongratlean dongrachea dengnnantlean pam-i vatteton cholot cholot monachem ugddun koudd soroll bhitor sorcho tuvem. **** - Atisha Surlekar.** [July, 2020]

	Atisha Surlekar: Vrit'ten xikxoki zaun kam' korn aschi bai atixa surlikar gõyant vosti korchi konkonni kovi. Tichim kovita, lekam ’bhangar‌bhum-i’ potracher prokaxit zaleant. ’pai‌vatto’, ’biluboi chol'lem bazarant’ hichea kovitenche don pustokam prokaxit zaleant. Bhurogeant lok‌ved gitam ani nach xikoita.
[कविता] येंवचें तुंवें (- अतिशा सुरलेकर)
कवितेचो मुळावो अर्थ हो - थोडिंच उत्रां खूप सांगचें. ह्या कवितेंत सयत एक इमाज आसा, ती जायतीं रुपां सांगून वेतात. एका आवयक कांय तो येंवचो आसचो पूत दिसत, एका प्रेयसीक तो येंवचो कांय प्रेमी दिसत, आनी कांय हेरांक यादी जावन दिसत आनी तीच ह्या कवितेची सोभाय म्हणून हांव लेक्तां. - सं
[कविता] येंवचें तुंवें (- अतिशा सुरलेकर)
येंवचें तुंवें फुडल्या दारांत फाटल्या दारांत पोरण्या दारांत मोडक्या घराच्या पाउसो वेल्हान ल्हवूच पोरसांत येवचो तुवें. केंस सोडिल्ले सुरंगी वेल्यान खाड पिकिल्ल्या वडा वेल्यान कोलवाचे खोपींत म्हजे ल्हवूच भितर सरचो तुवें. आंगणां भायल्या माडावेल्यान चुडट्यांचेर हुमकळत नाल्ला बोंडकांक करीत स्पर्श लांब लांब कांडावेल्यार सरसरीत देंवचो तुवें. पांचव्या पांचव्या दोंगरातल्यान दोंगराच्या देंगणांतल्यान पांय वाटेतन चलत चलत मनाचें उगडून कवड सरळ भितर सरचो तुवें. **** - अतिशा सुर्लीकार.** [जुलाय, २०२०]

	अतिशा सुर्लीकार: वृत्तेन शिक्षकी जावन काम कर्न आसची बाय आतिशा सुरलिकार गोंयांत वसती कर्ची कोंकणी कवी. तिचीं कविता, लेकां ’भांगार‌भुंय’ पत्राचेर प्रकाशीत जाल्यांत. ’पाय‌वाटो’, ’बिलूबय चल्लें बाजारांत’ हिच्या कवितेंचे दोन पुसतकां प्रकाशीत जाल्यांत. भुरग्यांत लोक‌वेद गितां आनी नाच शिकयता.


ದಾಯ್ಜ್.ಕೊಮ್

2004 ಥಾವ್ನ್ 2011 ಪರ್ಯಾಂತ್ ಕಾರ್ಯಾಳ್ ಆಸ್‌ಲ್ಲ್ಯಾ ದಾಯ್ಜ್.ಕೊಮ್ ಚೆರ್ ಪರ್ಗಟ್‌ಲ್ಲ್ಯಾ ವಿಂಚ್ಣಾರ್ ಸಾಹಿತಾಕ್ ಆಮಿ ಫುಡಿಲ್ಯಾ ದಿಸಾಂನಿ ಪಯ್ಣಾರಿ ವಾಚ್ಪ್ಯಾಂಕ್ ಲಾಭಯ್ತೆಲ್ಯಾಂವ್.