[ಖಬರ್:] ಮಿರಾರೊಡಾಂತ್ ಕವಿತಾವಾಚನ್ ಸ್ಪರ್ಧೊ

ಕೊಂಕಣಿ ಕವಿತಾ ಸಾದರ್ ಸರ್ತ್ - 3

ಮೆಲ್ವಿನ್ ಲುದ್ರಿಗಾಚ್ಯಾ ’ಕವಿತಾ ಟ್ರಸ್ಟ್’ ಮುಖೇಲ್‌ಪಣಾಖಾಲ್ ಅಖಿಲ್ ಭಾರತೀಯ್ ಮಟ್ಟಾರ್ ಚಲ್ಚ್ಯಾ ಕೊಂಕ್ಣಿ ಕವಿತಾ ವಾಚನ್ ಸ್ಪರ್ಧ್ಯಾಚಿ ಮುಂಬಯಾಂತ್ಲಿ ತಿಸ್ರಿ ಸರ್ತಿ ಹೆಚ್ಚ್ ಸಪ್ತೆಂಬ್ರಾಚ್ಯಾ 17 ತಾರಿಕೆರ್ ಸಾಂಜೆರ್ 5:30 ವೊರಾಂಚೆರ್ ಮಿರಾರೋಡಾಂತ್ಲ್ಯಾ ಬಾಳೊಕ್ ಜೆಜು ಹೊಲಾಂತ್, ಸಾಂ|ಜುಜೆ ಕೊಂಕ್ಣಿ ವೆಲ್‌ಫೇರ್ ಎಸೋಸಿಯೇಶನಾಚ್ಯಾ ಸಂಚಾಲನಾಚ್ಯಾ ಮುಖೆಲ್ಯಾಂಚ್ಯಾ ಸಹಯೋಗಾಂತ್ ಆಶಾವಾದಿ ಪ್ರಕಾಶನಾಚ್ಯಾ ಮುಖೆಲ್‌ಪಣಾಖಾಲ್ ಚಲ್ಲಿ.

ಮಾನೆಸ್ತ್ ಹಿಲರಿ ಡಿ’ಸಿಲ್ವಾಚ್ಯಾ ಮುಖೇಲ್‌ಪಣಾಖಾಲ್ ಮಾಗ್ಣ್ಯಾಂತ್ ಸುರ್ವಾತ್ ಕೆಲ್ಲ್ಯಾ ಹ್ಯಾ ಸಪ್ರ್ಧ್ಯಾಂತ್ ಅಧ್ಯಕ್ಷ್ ಮಾನೆಸ್ತ್ ದಾಯ್ಗೊ ರೊಡ್ರಿಗಸಾನ್ ಸಯ್ರ್ಯಾಂಕ್ ಸ್ವಾಗತ್ ಕರುನ್, ಸ್ಪರ್ಧಿಕಾಂಕ್ ಸರ್ವ್ ಬರೆಂ ಮಾಗ್ಲೆಂ.

ಭುರ್ಗಿಂ ತಶೆಂಚ್ ಯುವಜಣ್ ಮ್ಹಣುನ್ ದೋನ್ ಪಂಗ್ಡಾಂತ್ ಚಲ್‌ಲ್ಲ್ಯಾ ಕವಿತಾವಾಚನ್ ಸ್ಪರ್ಧ್ಯಾಂತ್ ಪಾಂಚ್ ಸ್ಪರ್ಧಿಕಾಂನಿ ಭಾಗ್ ಘೆತ್ಲೊ ಆನಿ ಹಿಂ ಸಕಯ್ಲಿಂ, ಮುಂಬಯ್ ಮಟ್ಟಾಚ್ಯಾ ದುಸ್ರ್ಯಾ ಹಂತಾಕ್ ಪಾವ್ಲಿಂ;

ಯುವಜಣಾಂಚೊ ವರ್ಗ್: (ಪಂದ್ರಾ ಥಾವ್ನ್ ತೀಸ್ ವರ್ಸಾಂ ಪ್ರಾಯೆಚಿಂ)

ಪಯ್ಲೆಂ ಇನಾಮ್: ರಿಯೋಲಾ ಮಥಾಯಸ್ (ಕವಿತಾ: ಏಕ್ ಆವಯ್, ಕವಿ: ಮೆಲ್ವಿನ್ ಜೆ. ವಾಸ್)
ದುಸ್ರೆಂ ಇನಾಮ್: ಕರಿಶ್ಮಾ ಮರಿಯಾ ಡಿ’ಸೋಜ್ (ಕವಿತಾ: ಭುಕ್ ಆನಿ ಸೊಧ್ನಾಂ, ಕವಿ: ಆಸ್ಟಿನ್ ಪ್ರಭು)

ಭುರ್ಗ್ಯಾಂಚೊ ವರ್ಗ್: (ಪಂದ್ರಾ ವರ್ಸಾ ಸಕಯ್ಲಿಂ)

ಪಯ್ಲೆಂ ಇನಾಮ್: ಕೆಲಿಸ್ಟಾ ನಜ್ರೆತ್ (ಕವಿತಾ: ಕೊಣಾಕೀ ಸಾಂಗಿನಾಕಾ, ಕವಿ; ವಲ್ಲಿ ಕ್ವಾಡ್ರಸ್)
ದುಸ್ರೆಂ ಇನಾಮ್: ಆಶ್ಲೀ ನೊರೊನ್ಹಾ (ಕವಿತಾ: ದಾನ್, ಕವಿ: ಎಚ್ಚೆಮ್)
ತಿಸ್ರೆಂ ಇನಾಮ್: ರಿಯಾನ್ ಡಿ’ಸೋಜ್ (ಕವಿತಾ: ವಿದಾಯ್, ಕವಿ: ಜೆರಿ ಡಿ’ಸೋಜ್)

ಕವಿತಾವಾಚನ್ ಸರ್ತೆಂತ್ ವಾಂಟೆಲಿ ಜಾಲ್ಲ್ಯಾ ಸರ್ವಾಂಕ್ ಇನಾಮಾಂ ವಾಂಟ್ಲಿಂ.

ಹೆರ್ ಸರ್ತೆಂಚೊ ವಿವರ್:
ಸಪ್ತೆಂಬರ್ 23 (ಸನ್ವಾರ್: ಸಾಂಜೆರ್ 6:00 ): ಜೆರಿಮೆರಿ (ಮುಖೇಲ್‌ಪಣ್: ಕೊಂಕಣ್ ತಾರಾಂ)
ಸಪ್ತೆಂಬರ್ 24 (ಆಯ್ತಾರ್: ಸಾಂಜೆರ್ 4:30 ): ಕಾಂದಿವಲಿ (ಮುಖೇಲ್‌ಪಣ್: ಕಾಂದಿವಲಿ ಕೊಂಕ್ಣಿ ಸಂಘಟನ್)

ಸರ್ವ್ ಫಿರ್ಗಜೆಂಚ್ಯಾ ಸರ್ತೆಂನಿ ಜಿಕೊನ್ ಆಯಿಲ್ಲ್ಯಾಂಕ್, ಮುಂಬಯ್ ಮಟ್ಟಾಚ್ಯಾ ದುಸ್ರ್ಯಾ ಹಂತಾಚೊ ಸ್ಪರ್ಧೊ:

ಅಕ್ತೋಬರ್ 1 (ಆಯ್ತಾರ್: ಸಕಾಳಿಂ 10:30 ): ಜೆರಿಮೆರಿ ಫಿರ್ಗಜ್ (ಮುಖೇಲ್‌ಪಣ್: ಕೊಂಕಣ್ ತಾರಾಂ)
- ಆಮ್ಚೊ ಭಾತ್ಮಿ