[ಖಬರ್:] ರೋಶು ಬಜ್ಪೆಚೊ ’ಓಪನ್ ಹಾಸ್ಯ್ ಸರ್ಜರಿ’ ಬೂಕ್ ಮೊಕ್ಳಿಕ್

ಮಂಗ್ಳುರ್ (ಎಪ್ರಿಲ್ 15): ಕೊಂಕ್ಣಿ ಕವಿ ಲೇಖಕ್, ಸಾಹಿತಿ, ರೋಶು, ಬಜ್ಪೆ ಹಾಸೊ ದುಸ್ರೊ ಹಾಸ್ಯ್ ಪುಸ್ತಕ ’ಓಪನ್ ಹಾಸ್ಯ್ ಸರ್ಜರಿ’ ಎಪ್ರಿಲ್ 15ವೆರ್ ಬಜ್ಪೆ ಸಾಂ ಜುಜೆಚ್ಯಾ ಉಗ್ತ್ಯಾ ಮೈದಾನಾರ್ ಫಿರ್ಗಜ್ ವಿಗಾರ್ ಮಾ|ಬಾ|ಲಿಯೋ ವಿಲಿಯಂ ಲೋಬೊ ಹಾಣಿಂ ಲೋಕಾರ್ಪಣ್ ಕೆಲೊ. ಮಾ|ಬಾ| ಜೀವನ್ ಸಿಕ್ವೇರಾ, ಮಾ|ಬಾ| ಫೆಲಿಕ್ಸ್ ನೊರೊನ್ಹಾ, ಮಾ|ಬಾ| ಡೆರಿಕ್ ಡಿ'ಸೋಜಾ, ಗೊವ್ಳಿಕ್ ಪರಿಷೆದಾಚೊ ಉಪಾಧ್ಯಕ್ಷ್ ಶ್ರೀ ಸಂತೋಷ್ ಡಿ'ಸೋಜಾ, ಕಾರ್ಯದರ್ಶಿಣ್ ಶ್ರೀಮತಿ ಸಿಲ್ವಿಯಾ ಪಸನ್ಹಾ, ಲೇಖಕ್ ರೋಶನ್ ಸಿಕ್ವೇರಾ ಆನಿ ತಾಚಿ ಅವಯ್ ಶ್ರೀಮತಿ ಮೇರಿ ಸಿಕ್ವೇರಾ ಹಾಜರ್ ಆಸ್‌ಲ್ಲಿಂ. ಶ್ರೀಮಾನ್ ಆಲ್ವಿನ್ ನೊರೋನ್ಹಾ ಹಾಣಿಂ ಕಾರ್ಯೆಂ ಚಲವ್ನ್ ವೆಲೆಂ.

ಸತ್ರಾ ವಿಡಂಬನಾಂ ಆಟಾಪ್ಚ್ಯಾ ಹ್ಯಾ ಬುಕಾಂತ್ ಮಾ|ಬಾ| ಪ್ರಶಾಂತ್ ಮಾಡ್ತಾ ಹಾಣಿಂ ಪಯ್ಲೆಂ ಉತರ್ ಲಿಖ್ಲಾಂ. ’ಹಾಸ್ಯ್ ಎಟ್ಯಾಕ್’ ಪ್ರಗಟ್ ಜಾಲ್ಲೊ ಹಾಸೊ ಪಯ್ಲೊ ಹಾಸ್ಯ್ ಪುಸ್ತಕ್.


ಭಾತ್ಮಿ: ರೋಶು ಬಜ್ಪೆ