[ಖಬರ್:] ಮನೋಜ್ ಕಾಮತಾಚ್ಯಾ ’ರಂಗ್ ಖೆಳ್’ ಬುಕಾಚಿ ಮೊಕ್ಳಿಕ್

ಬರೊವ್ಪಿ ಮನೊಜ್ ನರೆಂದ್ರ್ ಕಾಮತ್ ಹಾಂಚೆಂ 'ರಂಗ್ ಖೆಳ್' ಪುಸ್ತಕ್ 24 ಎಪ್ರೀಲ್ ದಿಸಾ ಪ್ರೆಸೆಂಟೆಶನ್ ಹಾಯ್ ಸ್ಕೂಲ್ , ಮಡ್ಗಾಂವ್ ಹಾಂಗಾ ಜಾಲ್ಲ್ಯಾ ಸುವಾಳಯಾಂತ್ ಉಜ್ವಾಡಾಕ್ ಆಯ್ಲೆಂ. ಹೆಂ ಪುಸ್ತಕ್ ಎಕಾಂಕಿ ಆನಿ ಪಥ್ನಾಟಯಾಂಚೆಂ ( ರಸ್ತೊನಾಟಯ್) ಆಸಾ . ಮುಖೆಲ್ ಸೊಯ್ರಿಂ ಮ್ಹೂಣ್ ಸುವಾಳಯಾಕ್ ಸೌ. ವಿನಂತಿ ಕಾಂಸಾರ್ ಕಳಂಗುಟಕಾರ್ ಹಾಜೀರ್ ಆಸ್ಲಿಂ. ಮಾನಾಚಿಂ ಸೊಯ್ರಿಂ ಮ್ಹೂಣ್ ಸೌ. ಶುಭಾಂಗಿ ಗುಣಾಜಿ ದೆಸಾಯ್, ಸಿಸ್ಟರ್ ಮಾರ್ಗಾರೆಟ್ ಆನಿ ಸೌ. ಪ್ರೀತಿ ಕೆರ್ಕಾರ್ ಉಪ್ಸ್ತೀತ್ ಆಸ್ಲಿಂ.

ಬರೊವ್ಪಿ ಮನೊಜ್ ನರೆಂದ್ರ್ ಕಾಮತ್ ಹೆ ಎಕ್ ಶಿಕೊವ್ಪಿ ಆಸಾತ್ ಆನಿ ಫಾಟ್ಲಿಂ ಸೊಳಾ ವರ್ಸಾಂ ಶ್ರಿ. ದಾಮೊದರ್ ವಿದ್ಯಾಲಯ್, ಮಡ್ಗಾಂವ್ ಹಾಂಗಾ ಶಿಕಯ್ತಾತ್. ಎಕ್ ಹುಶಾರ್ ವ್ಯಕ್ತೀಮ್ತ್ವ್ ಮ್ಹೂಣ್ ತಾಂಚೆಂ ನಾಂವ್ ಆಸಾ . ಬರೊವ್ಪ್ಯಾಚಿ ಹಾಚೆ ಪಯ್ಲಿಂ ತೀನ್ ಪುಸ್ತಕಾಂ ಉಜ್ವಾಡಾಕ್ ಆಯ್ಲ್ಯಾಂತ್.

1. ತಾಂಬ್ಶಿ - ಕವಿತಾ
2. ನವಿದಾದಿಚೆಂ ಶಿಕಪ್ - ಶಿಕೊಪ್ಯಾಂಖಾತೀರ್ ಉಪ್ಯುಕ್ತ್ ಪುಸ್ತಕ್
3. ಕೊಂಕ್ಣಿ - ವಿದ್ಯಾರ್ಥ್ಯಾಂಖಾತೀರ್ ಉಪ್ಯೊಗಿ

'ರಂಗ್ ಖೆಳ್' ಪುಸ್ತಕಾಂತ್ ಆಯಿಲ್ಲ್ಯಾ ಚಡ್ಶಾ ನಾಟ್ಯ್ ಶಿಲ್ಪಾಂಚೆ ಪ್ರಯೊಗ್ ಮಾಚ್ಯಾಂಚೆರ್ ಜಾಲ್ಯಾತ್.
ಹೆಂ ಪುಸ್ತಕ್ ಬರೊವ್ಪ್ಯಾನ್ ಆಪ್ಲ್ಯಾ ಬಾಪಾಯ್ಕ್ ಸರ್ಗೆಸ್ತ್ ನರೆಂದ್ರ್ ಕಾ. ಕಾಮತ್ ಹಾಂಕಾ ಅೊಪಲಾಂ.


ಭಾತ್ಮಿ: ಮನೊಜ್ ನರೆಂದ್ರ್ ಕಾಮತ್