[ಖಬರ್:] ಹೆರೊಲ್ಪಿಯುಸಾಚೊ ’ಕುಡ್ಪಾಚ್ಯಾ ವ್ಹಾಳಾಚ್ಯೊ ಕುರ್ಲ್ಯೊ’ ಬೂಕ್ ಮೊಕ್ಳಿಕ್

ಮಂಗ್ಳುರ್ (ಜುಲಾಯ್ 15): ಸೆವಕ್ ಪ್ರಕಾಶನಾನ್ ಪರ್ಗಟ್ ಕೆಲ್ಲೊ, ಕೊಂಕ್ಣೆಚ್ಯಾ ನಾಮ್ಣೆಚೊ ಕಾಣ್ಯೆಗಾರ್ ಹೆರೊಲ್ಪಿಯುಸಾಚ್ಯಾ ವಿಡಂಬನಾಂಚೊ ಜಮೊ ’ಕುಡ್ಪಾಚ್ಯಾ ವ್ಹಾಳಾಚ್ಯೊ ಕುರ್ಲ್ಯೊ’ ಬುಕಾಚೆಂ ಮೊಕ್ಳಿಕ್ ಕಾರ್ಯೆಂ ಹೆಚ್ಚ್ ಜುಲಾಯ್ 15 ತಾರಿಕೆರ್ ಮಂಗ್ಳುರಾಂತ್ಲ್ಯಾ ಇಜಯ್ ಸಾಂತ್ ಆನ್ನಾ ಕೊವೆಂತಾಂತ್ ಚಲ್ಲೆಂ.

ಪಾಟ್ಲ್ಯಾ ಲಗ್ಬಗ್ 45 ವರ್ಸಾಂ ಥಾವ್ನ್ ಕೊಂಕ್ಣೆಂತ್ ವೆವೆಗ್ಳಿಂ ಬರ್ಪಾಂ ಬರವ್ನ್ ಲೊಕಾಮೊಗಾಳ್ ಜಾಲ್ಲ್ಯಾ ಹೆರೊಲ್ಪಿಯುಸಾಚ್ಯಾ ವಿಂಚ್ಣಾರ್ 20 ಹಾಸ್ಯ್-ವಿಡಂಬನಾಚ್ಯೊ ಕಾಣ್ಯೊ ಹ್ಯಾ ಬುಕಾಂತ್ ಆಸಾತ್ ಆನಿ ಹಾಂತ್ಲ್ಯೊ ಚಡ್ತಾವ್ ಸಮಾಜಿಕ್ ಚಿಂತ್ಪಾಚ್ಯೊ ದೆಕುನ್ ಲೊಕಾಂಕ್ ಖೂಬ್ ಆಂವಡ್ತಲ್ಯೊ ಮ್ಹಣುನ್, ಬುಕಾಚೆಂ ಮೊಕ್ಳಿಕ್ ಕರ್ಚೆ ವೆಳಾರ್ ಸಾಂತ್ ಆನ್ನಾ ಕೊವೆಂತಾಚೊ ವ್ಹಡಿಲ್ ಮಾನಾಧಿಕ್ ಬಾಪ್ ಪಾವ್ಲ್ ಮೆಲ್ವಿನ್ ದಿ’ಸೋಜ್ ಹಾಣೆಂ ಸಾಂಗ್ಲೆಂ.

ಹೆಚ್ಚ್ ಸಂಧರ್ಭಾರ್ ಬರವ್ಪಿ ಹೆರೊಲ್ಪಿಯುಸಾಸವೆಂ ಸೆವಕ್ ಪತ್ರಾಚೊ ಸಹಾಯಕ್ ಸಂಪದಕ್ ಮಾ|ಬಾ|ಜೆರಾಲ್ಡ್ ಕುತಿನ್ಹೊ, ಫಾಮಾದ್ ಕೊಂಕ್ಣಿ ಗಾವ್ಪಿ ರೊನಿ ಡಿ’ಕುನ್ಹಾ ಆನಿ ಹೆರ್ ವೆದಿಚೆರ್ ಹಾಜರ್ ಆಸ್‌ಲ್ಲೆ.

- ಆಮ್ಚೊ ಭಾತ್ಮಿ