[ಖಬರ್] (UK)ಯುಕೆಂತ್ ಪಾಸ್ಕಾಂಚೆಂ ಫೆಸ್ತ್ - ಕೊಂಕಣಿ ಸಹಮಿಲನ್

ನೋಟಿಂಗ್‌ಹ್ಯಾಮ್ ಯುಕೆ: ಮ್ಯಾಂಗಲೋರಿಯನ್ ಯುನಾಯ್ಟೆಡ್ ಕೊಂಕಣಿ ಅಸೋಸಿಯೇಶನ್ (MUKA) ಹಾಣಿಂ ಎಪ್ರಿಲಾಚ್ಯಾ 9 ತಾರಿಕೆರ್, ಆಯ್ತಾರಾ ನೊಟಿಂಗ್‌ಹ್ಯಾಮ್ ಬ್ರಾಮ್‌ಕೋಟ್ (Bramcote) ಸ್ಮಾರಕ್ ಹಾಲಾಂತ್ ಪಾಸ್ಕಾ ಫೆಸ್ತಾಚೆಂ ಕಾರ್ಯೆಂ ಆಸಾ ಕೆಲ್ಲೆಂ. ಕೊಂಕಣಿ ಭಾಸೆಂತ್ ಆಸಾ ಕೆಲ್ಲ್ಯಾ ಹ್ಯಾ ಕಾರ್ಯಾಂತ್ ಸುಮಾರ್ 275 ಕೊಂಕಣಿ ಲೋಕ್ ಹಾಜರ್ ಆಸ್ಲೊ. ಹರ್ಯೆಕಾ ವರ್ಸಾ ಇಂಗ್ಲೆಂಡಾಂತ್ ಖಳಾನಾಸ್ತಾಂ ಜಾಂವ್ಚ್ಯಾ ಥೊಡ್ಯಾ ಕೊಂಕಣಿ ಕಾರ್ಯಾಂ ಪಯ್ಕಿಂ (MUKA) ಹಾಂಚೆಂ ಕಾರ್ಯೆಂ ಪ್ರಮುಕ್ ಆನಿ ಲೊಕಾಮೊಗಾಳ್ ಜಾವ್ನಾಸಾ.

ಪವಿತ್ರ್ ಮಿಸಾಚ್ಯಾ ಬಲಿದಾನಾ ಉಪ್ರಾಂತ್ ಆಸಾ ಕೆಲ್ಲ್ಯಾ ವೆದಿಚ್ಯಾ ಕಾರ್ಯಾಂತ್ ಮೊನಿಕಾ ಡೆ’ಸಾ ಮಥಾಯಸ್ ಹಿಚ್ಯಾ ಕೊಂಕಣಿ ಮೊಟ್ವ್ಯಾ ಕಥೆಂಚ್ಯಾ ’ನವಿ ದಿಶಾ’ ಪುಸ್ತಕಾಕ್ ಲೊಕಾರ್ಪಣ್ ಕೆಲೊ. ಲಾರೆನ್ಸ್ ವಿ. ಬಾರ್ಬೋಜಾನ್ ಹ್ಯಾ ಪುಸ್ತಕಾಚಿ ಮೊಟ್ವಿ ವಳೊಕ್ ಕೆಲಿ. ಆಶಾವಾದಿ ಪ್ರಕಾಶನಾನ್ ಕನ್ನಡ ಲಿಪಿಯೆಂತ್ ಪರ್ಗಟ್ ಕೆಲ್ಲ್ಯಾ ಹ್ಯಾ ಪುಸ್ತಕಾಕ್ ವಲ್ಲಿ ಕ್ವಾಡ್ರಸಾನ್ ಪ್ರಸ್ತಾವನ್ ಬರಯ್ಲಾಂ, ಕರ್ನಾಟಕ್ ಕೊಂಕಣಿ ಸಾಹಿತ್ಯ್ ಅಕಾಡೆಮಿಚೆಂ ಉತ್ತೀಮ್ ಮುಸ್ತಕ್ ಪುರಸ್ಕಾರ್ ಲಾಭ್ಲಾ. ಹೆಂಚ್ ಪುಸ್ತಕ್ ಉಪ್ರಾಂತ್ ನಾಗರಿ ತಶೆಂಚ್ ರೋಮಿ ಲಿಪಿಯೆಂನಿ ಪರ್ಗಟ್ಲಾಂ.

ಮಾ|ಬಾ|ಫಿರೋಜ್ ಫೆರ್ನಾಂಡಿಸ್ ಲಂಡನ್ ಹಾಣಿಂ ಹೆಂ ಪುಸ್ತಕ್ ಲೋಕಾರ್ಪಣ್ ಕರ್ತಚ್ ವೆದಿಚೆರ್ (MUKA)ಚೊ ಅಧ್ಯಕ್ಷ್ ಗೋಡ್‌ಫ್ರಿ ಸಿಕ್ವೇರಾ ತಶೆಂಚ್ ಶಾಲಿನಿ ಪಿಂಟೊ, ಲಿಡಿಯಾ ಲುವಿಸ್, ಅನಿತಾ ಡಿ’ಸೋಜ್, ಜೆನಿಫರ್ ಫೆರ್ನಾಂಡಿಸ್, ದೀಪಕ್ ಅಲ್ವಾರಿಸ್ ಹಾಜರ್ ಆಸ್ಲಿಂ. ಮ್ಯಾಂಚೆಸ್ಟರ್ ಥಾವ್ನ್ (KCA-UK)ಚಿ ಅಧ್ಯಕ್ಷಿಣ್ ಮರೀನಾ ಮೋನಿಸ್, ಬರ್ಮಿಂಗ್‌ಹ್ಯಾಮ್ ಥಾವ್ನ್ ಕ್ರಿಸ್ ಡಿಸಿಲ್ವಾ ವೆದಿಚೆರ್ ಹಾಜರ್ ಆಸ್ಲಿಂ.

ಸುಮಾರ್ ಆಟ್ ವರ್ಸಾಂ ಉಪ್ರಾಂತ್ ಇಂಗ್ಲೆಂಡಾಂತ್ ಕೊಂಕಣಿ ಪುಸ್ತಕಾಕ್ ಲೊಕಾರ್ಪಣ್ ಕೆಲ್ಲಿ ಶಾಭಾಸ್ಕಿ (MUKA) ಚ್ಯಾ ಸಾಂದ್ಯಾಂಕ್ ಫಾವೊ ಜಾತಾ.

 ಖಬರ್: ಆಮ್ಚೊ ಭಾತ್ಮಿ

[खबर] (UK) युकेंत पासकांचें फेसत - कोंकणी सहमिलन

नोटिंग‌ह्याम युके: म्यांगलोरियन युनायटेड कोंकणी असोसियेशन (MUKA) हाणीं एपरिलाच्या ९ तारिकेर, आयतारा नोटिंग‌ह्याम ब्राम‌कोट (Bramcote) स्मारक हालांत पासका फेसताचें काऱ्यें आसा केल्लें. कोंकणी भासेंत आसा केल्ल्या ह्या काऱ्यांत सुमार २७५ कोंकणी लोक हाजर आसलो. हऱ्येका वर्सा इंगलेंडांत खळानासतां जांवच्या थोड्या कोंकणी काऱ्यां पयकीं (MUKA) हांचें काऱ्यें प्रमूक आनी लोकामोगाळ जावनासा.

पवित्र मिसाच्या बलिदाना उपरांत आसा केल्ल्या वेदिच्या काऱ्यांत मोनिका डे’सा मथायस हिच्या कोंकणी मोटव्या कथेंच्या ’नवी दिशा’ पुसतकाक लोकार्पण केलो. लारेन्स वी. बारबोजान ह्या पुसतकाची मोटवी वळोक केली. आशावादी प्रकाशनान कन्नड लिपियेंत पर्गट केल्ल्या ह्या पुसतकाक वल्ली क्वाड्रसान प्रसतावन बरयलां, कर्नाटक कोंकणी साहित्य अकाडेमिचें उत्तीम मुसतक पुरसकार लाभला. हेंच पुसतक उपरांत नागरी तशेंच रोमी लिपियेंनी पर्गटलां.

मा|बा|फिरोज फेर्नांडीस लंडन हाणीं हें पुसतक लोकार्पण कर्तच वेदिचेर (MUKA)चो अध्यक्ष गोड‌फ्री सिकवेरा तशेंच शालिनी पिंटो, लिडिया लुवीस, अनिता डी’सोज, जेनिफर फेर्नांडीस, दीपक अलवारीस हाजर आसलीं. म्यांचेसटर थावन (KCA-UK)ची अध्यक्षीण मरीना मोनीस, बर्मिंग‌ह्याम थावन क्रीस डिसिलवा वेदिचेर हाजर आसलीं.

सुमार आट वर्सां उपरांत इंगलेंडांत कोंकणी पुसतकाक लोकार्पण केल्ली शाभासकी (MUKA) च्या सांद्यांक फावो जाता.


आमचो भात्मी

[Khobor] (UK) Yukent Paskanchem Fest - Konkonni Sohomilon

Notting‌heam' UK: Mangalorean United Konkonni Association (MUKA) hannim Aprilachea 9 tariker, aitara Notting‌heam' Bram'‌kott (Bramcote) memotial halant paska festachem karyem asa kel'lem. Konkonni bhasent asa kel'lea hea kareant sumar 275 konkonni lok hazor aslo. Horyeka vorsa inglenddant khollanastam zamvchea thoddea konkonni kaream poikim (MUKA) hanchem karyem promuk ani lokamogall zaunasa.

Povitr misachea bolidana uprant asa kel'lea vedichea kareant Monica DSa Mathias hichea konkonni mottvea kothenchea ’Novi Dixa’ pustokak lokarponn kelo. Lawrence V. Barbozan hea pustokachi mottvi vollok keli. Ashawadi Prakashanan Kannada lipient porgott kel'lea hea pustokak Valley Quadrosan prostaun boroilam, Karnataka Konkani Sahitya Academichem ut'tim' mustok puroskar labhla. Hench pustok uprant nagori toxench romi lipiemni porgottlam.

Ma|ba|firoz fernanddis londdon hannim hem pustok lokarponn kortoch vedicher (MUKA)cho odhyokx godd‌fri sikvera toxench xalini pintto, liddia luvis, onita ddi’soz, jenifor fernanddis, dipok olvaris hazor aslim. Meanchesttor thaun (KCA-UK)chi odhyokxinn morina monis, borming‌heam' thaun kris ddisilva vedicher hazor aslim.

Sumar att vorsam uprant inglenddant konkonni pustokak lokarponn kel'li xabhaski (MUKA) chea sandeank favo zata.

Amcho Bhatmi