[ಖಬರ್] ಕೊಚಿನಾಂತ್ 51ವಿ ಕೊಂಕಣಿ ಕವಿಸಂಗಮಂ

ಆಶಾವಾದಿ ಪ್ರಕಾಶನಾಚಿಂ ಡಿಜಿಟಲ್ ಪುಸ್ತಕಾಂ ಮೊಕ್ಳೀಕ್

ಕೊಚಿನಾಂತ್ 51ವಿ ಕೊಂಕಣಿ ಕವಿಸಂಗಮಂ - ಆಶಾವಾದಿ ಪ್ರಕಾಶನಾಚಿಂ ಡಿಜಿಟಲ್ ಪುಸ್ತಕಾಂ ಮೊಕ್ಳೀಕ್

26 ಮಾರ್ಚ್: ಕೊಂಕಣಿ ಕೇಂದ್ರ್ ಗೋಶ್ರೀಪುರ್ ತಶೆಂಚ್ ಕೊಂಕಣಿ ಭಾಶಾ ಪ್ರಚಾರ್ ಸಭಾ ಕೊಚಿನ್ ಹಾಂಚ್ಯಾ ಜೋಡ್ ಪಾಲಂವಾಖಾಲ್ ಕೊಚಿನಾಂತಲ್ಯಾ (ಕೇರಳಾ) ಕೊಂಕಣಿ ಭಾಶಾ ಭವನಾಂತ್ ಚಲ್‌ಲ್ಲ್ಯಾ 51ವ್ಯಾ ’ಕೊಂಕಣಿ ಕವಿಸಂಗಮಂ’ ಕವಿಗೋಶ್ಟಿಚೆರ್ ಗೊಂಯ್ಚ್ಯಾ ಶೆಣಯ್ ಪ್ರಕಾಶನಾಚಿಂ ದೋನ್ ಪುಸ್ತಕಾಂ ’ಕಥಾ ಪೆಟಾರೊ (ಮೊಟ್ವ್ಯಾ ಕಥೆಂಚೆಂ ಸಂಕಲನ್)’, ’ಕಾವ್ಯ ಧನುಶ್ (95 ಕವಿತಾ)’, ತಶೆಂಚ್ ಆಶಾವಾದಿ ಪ್ರಕಾಶನಾಚಿಂ ಕವಿತೆಚಿಂ ದೋನ್ ಡಿಜಿಟಲ್ ಇ-ಪುಸ್ತಕಾಂ; ’ಕವಿ ಆನಿ ಕವಿತಾ’ (ಶರತ್‌ಚಂದ್ರ ಶೆಣಯ್), ’ಮೌನ್ ಶಬ್ಧ್’ (ಎನ್. ಬಾಲಕೃಷ್ಣ ಮಲ್ಯ) ಮೊಕ್ಳಿಕ್ ಜಾಲಿಂ.

ಕಾರ್ಯಾಚೆಂ ಉಗ್ತಾವಣ್ ಜಾತಚ್ ಅಪ್ಲ್ಯಾ ಯೆವ್ಕಾರ್ ಉಲವ್ಪಾಂತ್ ಮಾನೆಸ್ತ್ ಆರ್. ಎಸ್. ಭಾಸ್ಕರಾನ್ ಕಶೆಂ ತೀನ್-ಚ್ಯಾರ್ ಶೆಕ್ಡ್ಯಾಧಿಂ ಪುರ್ವಜಾಂ ಗೊಂಯ್ ಸಾಂಡುನ್ ಕೊಚಿನ್ ಪಾವ್ಲೊ ಆನಿ ತೆದ್ನಾಂ ಫಕತ್ ತಿಂ ಆರಾಧನ್ ಕರುನ್ ಆಸ್ಚ್ಯಾ ದೆವಾಚಿ ಇಮಾಜ್ ಆನಿ ಕೊಂಕಣಿ ಭಾಸ್ ಸೊಡ್ಲ್ಯಾರ್ ಹೆರ್ ಕಿತೆಂಚ್ ತಾಣಿಂ ಹಾಡ್ಲೆಂ ನಾ. ಪುಣ್ ಅಜೂನ್ ತ್ಯಾ ಕೊಂಕಣಿ ಭಾಸೆಚೊ ಮೋಗ್ ಆಸುನ್ ಕೆದ್ನಾಂಯ್ ಮೂಳ್ ಗಾಂವ್ ಗೊಂಯ್ ತಶೆಂಚ್ ಹೆರ್ ಪ್ರಾಂತ್ಯಾಚ್ಯಾ ಕೊಂಕಣಿ ಲೊಕಾಂನಿ ಕೊಚಿನಾಕ್ ಯೆಂವ್ಚೆಂ ಖರೆಂಚ್ ಜಾವ್ನ್ ಮಾಯಾಮೊಗಾಚೆಂ ಮ್ಹಣಾಲೊ. ಮಾನೆಸ್ತ್ ಅನಂತರಾಮ್ ಭಟ್ ಕಾರ‍್ಯಾಚೆ ಅಧ್ಯಕ್ಷ್ ಜಾವ್ನಾಸ್ಲೆ, ನಿವೃತ್ತ್ ಜಡ್ಜ್ ಮಾನೆಸ್ತ್ ಎಸ್. ಮನೋಹರ್ ಕಿಣಿ, ಮಾನೆಸ್ತ್ ಅಭಯ್ ವೆಲಿಂಗ್‌ಕಾರ್ ಗೊಂಯ್, ಮಾನೆಸ್ತ್ ವಲ್ಲಿ ಕ್ವಾಡ್ರಸ್ ಕ್ವಾಡ್ರಸ್ ಮುಂಬಯ್ ಆನಿ ಮಾನೆಸ್ತ್ ಆರ್.ಎಸ್.ಭಾಸ್ಕರ್ ವೆದಿಚೆರ್ ಉಪಸ್ತಿತ್ ಆಸ್ಲೆ. ಕಾಂಯ್ ದೆಡ್ಶೆಂ ಲೋಕಾಂನಿ ಕೊಂಕಣಿ ಕವಿಗೋಶ್ಟಿಚೊ ಆನಂದ್ ಜೊಡ್ಲೊ. ಹೆಚ್ ಸಂಧರ್ಭಾರ್ ಶೆಣಯ್ ಪ್ರಕಾಶನಾಚ್ಯಾ ಮಾನೆಸ್ತ್ ಅಭಯ್ ಎ.ಕೆ.ಶೆಣಯ್ ವೆಲಿಂಗ್‌ಕಾರ್, ಮಾನೆಸ್ತ್ ಆಂಟನಿ ವಾಸ್ ಆನಿ ಆಶಾವಾದಿ ಪ್ರಕಾಶನಾಚ್ಯಾ ವಲ್ಲಿ ಕ್ವಾಡ್ರಸಾಕ್ ಕೊಂಕಣಿ ಭಾಶಾ ಸಭಾ ಸಂಸ್ಥ್ಯಾನ್ ಶಾಲ್ ಪಾಂಗ್ರುನ್ ಪರ್ಗಟ್ ಸನ್ಮಾನ್ ಕೆಲೊ.

ಕವಿ ಆನಿ ಕವಿತಾ (ಶರತ್‌ಚಂದ್ರ ಶೆಣಯ್) ಆಶಾವಾದಿ ಪ್ರಕಾಶನಾಚೆಂ 33ವೆಂ ಡಿಜಿಟಲ್ ಇ-ಪುಸ್ತಕ್

ಮೌನ್ ಶಬ್ಧ್ (ಎನ್.ಬಾಲಕೃಷ್ಣ ಮಲ್ಯ) ಆಶಾವಾದಿ ಪ್ರಕಾಶನಾಚೆಂ 34ವೆಂ ಡಿಜಿಟಲ್ ಇ-ಪುಸ್ತಕ್

[खबर] कोचिनांत ५१वी कोंकणी कविसंगमं

आशावादी प्रकाशनाचीं डिजिटल पुस्तकां मोकळीक

कोचिनांत ५१वी कोंकणी कविसंगमं - आशावादी प्रकाशनाचीं डिजिटल पुस्तकां मोकळीक

२६ मार्च: कोंकणी केंद्र गोश्रीपूर तशेंच कोंकणी भाशा प्रचार सभा कोचीन हांच्या जोड पालंवाखाल कोचिनांतल्या (केरळा) कोंकणी भाशा भवनांत चल‌ल्ल्या ५१व्या ’कोंकणी कविसंगमं’ कविगोश्टिचेर गोंयच्या शेणय प्रकाशनाचीं दोन पुस्तकां ’कथा पेटारो (मोटव्या कथेंचें संकलन)’, ’काव्य धनूश (९५ कविता)’, तशेंच आशावादी प्रकाशनाचीं कवितेचीं दोन डिजिटल ई-पुस्तकां; ’कवी आनी कविता’ (शरत‌चंद्र शेणय), ’मौन शब्ध’ (एन. बालकृषण मल्य) मोकळीक जालीं.

काऱ्याचें उग्तावण जातच अपल्या येवकार उलवपांत मानेसत आर. एस. भासकरान कशें तीन-च्यार शेकड्याधीं पुर्वजां गोंय सांडून कोचीन पावलो आनी तेदनां फकत तीं आराधन करून आसच्या देवाची इमाज आनी कोंकणी भास सोडल्यार हेर कितेंच ताणीं हाडलें ना. पूण अजून त्या कोंकणी भासेचो मोग आसून केदनांय मूळ गांव गोंय तशेंच हेर प्रांत्याच्या कोंकणी लोकांनी कोचिनाक येंवचें खरेंच जावन मायामोगाचें म्हणालो. मानेसत अनंतराम भट कार‍्याचे अध्यक्ष जावनासले, निवृत्त जडज मानेसत एस. मनोहर किणी, मानेसत अभय वेलिंग‌कार गोंय, मानेसत वल्ली क्वाड्रस क्वाड्रस मुंबय आनी मानेसत आर.एस.भासकर वेदिचेर उपसतीत आसले. कांय देडशें लोकांनी कोंकणी कविगोश्टिचो आनंद जोडलो. हेच संधर्भार शेणय प्रकाशनाच्या मानेसत अभय ए.के.शेणय वेलिंग‌कार, मानेसत आंटनी वास आनी आशावादी प्रकाशनाच्या वल्ली क्वाड्रसाक कोंकणी भाशा सभा संस्थ्यान शाल पांग्रून पर्गट सन्मान केलो.

कवी आनी कविता (शरत्‌चंद्र शेणय) आशावादी प्रकाशनाचें ३३वें डिजिटल इ-पुस्तक
मौन शब्ध (एन.बालकृष्ण मल्य) आशावादी प्रकाशनाचें ३४वें डिजिटल इ-पुस्तक

[Khobor] Kochinant 51vi Konkonni Kovisongomom

Ashawadi Prakashanachim digital pustokam mokllik

Kochinant 51vi Konkonni Kovisongomom - Ashawadi Prakashanachim digital pustokam mokllik

26 March: Konkonni Kendr Gosripur toxench Konkonni Bhaxa Prochar Sobha Kochin hanchea zodd palomvakhal Kochinantolea (Kerala) Konkonni Bhaxa Bhounant chol‌l'lea 51vea ’konkonni kovisongomom’ kovigoxtticher Gõychea Shennoy Prokaxonachim don pustokam ’Kotha Pettaro (mottvea kothenchem sonkolon)’, ’Kauyo Dhonux (95 kovita)’, toxench Ashawadi Prakashanachim kovitechim don digital i-pustokam; ’Kovi ani Kovita’ (Saratchandra Shennoy), ’Moun Shabdh’ (N. Balakrishna Malya) mokllik zalim.

Kareachem ugtaunn zatoch oplea yeukar uloupant manest R. S. Bhaskaran koxem tin-chear xekddeadhim purvozam Gõy sanddun kochin paulo ani tednam fokot tim aradhon korun aschea devachi imaz ani Konkonni bhas soddlear her kitench tannim haddlem na. Punn ozun tea Konkonni bhasecho mog asun kednam-i mull gamv Gõy toxench her pranteachea Konkonni lokamni Kochinak yemvchem khorench zaun mayamogachem mhonnalo. Manest Ananthram Bhatt karo‍eache odhyokx zaunasle, nivrit't zoddz manest S. Manohar Kini, manest Abhay A.K.Shennoy Veling‌kar Gõy, manest Valley Quadros Mumbai ani manest R.S.Bhaskar vedicher upostit asle. Kaim deddxem lokamni konkonni kovigoxtticho anond zoddlo. Hech sondhorbhar Shennoy Prakashanachea manest Abhay Shennoy Velingkar, manest Antony Vas ani Ashawadi Prakashanachea Valley Quadrosak Konkonni bhaxa sobha somsthean xal pangrun porgott sonman kelo.

Kovi ani Kovita (Sharatchandra Shennoy) Ashawadi Prakashanachem 33vem digital i-pustok
Moun Shabdh (N.Balakrishna Malya) Ashawadi Prakashanachem 34vem digital i-pustok