ಪಯ್ಣಾರಿ.ಕೊಮ್ Poinnari.Com: Konkani Research, Konkani Study, Progressive Konkanni Literature, Konkani Writing, Konkani Poetry, Creative Writing, Konkani Books, Konkani Association, Konkani Work, Fiction Writing, Poetry Criticism, Poetry Contests, Writing C

[ಖಬರ್] ಡಯಾನ್ ಡಿ’ಸೋಜಾ ಮುಕಾಮರ್ ದಾಯ್ಜಿ ದುಬಾಯ್ ಸಂಘಟನಾಚೊ ನವೊ ತಾಂಡೆಲಿ

ದಾಯ್ಜಿದುಭಾಯ್ ಸಂಘಟನಾಚೆ ನವೆ ಹುದ್ದೆದಾರ್

ನಾಮ್ಣೆಚೊ ಕೊಂಕ್ಣಿ ಕಾರ್ಭಾರಿ, ನಾಟಕ್ ನಿರ್ದೇಶಕ್ ಆನಿ ನಟ್, ಲೇಖಕ್, ಸಾಮಾಜಿಕ್ ಕಾರ್ಯಕರ್ತ್, ದಾಯ್ಜಿ ದುಬಾಯ್ ಲೇಖಕಾಂಚೊ ಎಕ್ತಾರ್ ಹಾಚೊ ಸ್ಥಾಪಕ್ ಸಂಚಾಲಕ್ ಡಯಾನ್ ಡಿ’ಸೋಜಾ ಮುಕಾಮರ್ ಹಾಕಾ ಯು.ಎ.ಇಂತ್ಲೊ ಕೊಂಕ್ಣಿ ಲೇಖಕಾಂಚೊ ಎಕ್ತಾರ್ ದಾಯ್ಜಿ ದುಬಾಯ್ ಕೊಂಕ್ಣಿ ಲೇಖಕಾಂಚೊ ಎಕ್ತಾರ್ ಹಾಚೊ ಸಂಚಾಲಕ್ ಜಾವ್ನ್ ಪರ್ತುನ್ ಆವಿರೋಧ್ ಜಾವ್ನ್ ವಿಂಚವ್ಣ್ ಕೆಲ್ಯಾ.ಕವಿ ಆರ್ಥರ್ ಪಿರೇರಾ ಒಮ್ಜೂರ್ ಹಾಕಾ ಸಹ ಸಂಚಾಲಕ್ ಜಾವ್ನ್ ಆನಿ ಆಲ್ವಿನ್ ಪಿಂಟೊ ಹಾಕಾ ಖಜಾನ್ದಾರ್ ಜಾವ್ನ್ ಡಯಾನ್ ಡಿ’ಸೋಜಾಕ್ ಸಾಂಗಾತ್ ದಿಂವ್ಕ್ ನಿಯುಕ್ತ್ ಕೆಲಾಂ.ಪಾಟ್ಲ್ಯಾ ದಿಸಾಂನಿ ದುಬಾಯಾಂತ್ ಚಲ್‍ಲ್ಲ್ಯಾ ದಾಯ್ಜಿ ದುಬಾಯ್ ಜೆರಾಲ್ ಜಮಾತೆ ವೆಳಿಂ 2024 - 26 ಚ್ಯಾ ಆವ್ದೆಕ್ ಹ್ಯಾ ಸಮಿತಿಚಿ ವಿಂಚೊವ್ಣ್ ಕೆಲ್ಯಾ.

ಡಯಾನ್ ಡಿ’ಸೋಜಾ ಮುಕಾಮರ್ ಕೇವಲ್ ಮಂಗ್ಳೂರಿ ಕೊಂಕ್ಣಿ ಸಮುಧಾಯೆಂತ್ ಮಾತ್ರ್ ನ್ಹಂಯ್ ಆಸ್ತಾಂ, ಗೊಂಯ್ಕಾರ್ ತಶೆಂಚ್ ಇತರ್ ಮಂಗ್ಳುರ್ಚ್ಯಾ ಸಮುಧಾಯಾಂ ಮದೆಂ ಆಪ್ಲ್ಯಾ ಪುಡಾರ್ಪಣಾ ಲಾಗೊನ್ ಭೊವ್‍ಚ್ ಮಾನಾಚೆಂ ನಾಂವ್. ಕಲಾ ತಶೆಂಚ್ ಸಾಮಾಜಿಕ್ ಚಟುವಟಿಕ್ಯಾಂನಿ ಆಪಾರ್ ಆನ್ಭೊಗ್ ತಾಕಾ ಆಸಾ.ತಾಣೆ ನಟನ್ ಕರುನ್ ನಿರ್ದೇಶಿತ್ ಕೆಲ್ಲೆ ಭೊವ್ ಯಶಸ್ವಿ ನಾಟಕ್ "ಆಮಿಂ ನಾತ್‍ಲ್ಲ್ಯಾ ವೆಳಾರ್" ಆನಿ "ಮಮ್ಮಾ ರಿಟಾಯರ್ಡ್ ಜಾತಾ" ಯು.ಎ.ಇ. ಮಾತ್ರ್ ನ್ಹಂಯ್ ಆಸ್ತಾಂ ಇತರ್ ಗಲ್ಫ್ ರಾಷ್ಟ್ರಾಂನಿ ತಶೆಂಚ್ ಭಾರತಾಚ್ಯಾ ಸಭಾರ್ ಶಹರಾಂನಿ ಹೌಸ್‍ಫುಲ್ ಪ್ರದರ್ಶನಾಂ ಜಾಲ್ಯಾಂತ್.ತಾಚ್ಯಾ ವಿಶಿಶ್ಟ್ ಮುಖೆಲ್ಪಣಾಚ್ಯಾ ಗುಣಾಂಕ್ ಸಗ್ಳಿ ಸಮಾಜ್ ತಾಕಾ ಮಾಂದ್ತಾ.ಆಪ್ಲ್ಯಾ ರುಪ್ಯಾಳಾ ಉತ್ಸವಾಚ್ಯಾ ಹುಂಬ್ರಾರ್ ಆಸ್ಚ್ಯಾ ದಾಯ್ಜಿ ದುಬಾಯ್ ಸಂಘಟನಾಕ್ ಡಯಾನ್ ಡಿ’ಸೋಜಾಚೆಂ ಮುಖೆಲ್ಪಣ್ ಆನಿ ಆಪಾರ್ ಜಾಣ್ವಯ್ ದಾಯ್ಜಿ ದುಬಾಯ್ ಸಂಘಟನಾಕ್ ಆಪಾರ್ ಗರ್ಜೆಕ್ ಪಡ್ತಾಲಿ.ದಾಯ್ಜಿ ದುಬಾಯ್ ಸಂಘಟನಾನ್ ಎದೊಳ್‍ಚ್ಚ್ ದುಬಾಯಾಂತ್ ತಶೆಂಚ್ ಮಂಗ್ಳೂರಾಂತ್ ಆಪ್ಲ್ಯಾ ರುಪ್ಯಾಳಾ ಉತ್ಸವಾಚ್ಯಾ ಉಗ್ಡಾಸಾಕ್ ಸಭಾರ್ ಕಾರ್ಯಾಂಚಿ ಮಾಂಡಾವಾಳ್ ಎದೊಳ್‍ಚ್ಚ್ ಕೆಲ್ಯಾ.

ಆರ್ಥರ್ ಪಿರೇರ್ ಒಮ್ಜೂರ್ ಆಪ್ಲ್ಯಾ ಭಾವನಾತ್ಮಕ್ ಆನಿ ಆರ್ಥ್‍ಪೂರ್ಣ್ ಕವಿತೆಂ ಲಾಗೊನ್ ನಾಂವ್ ವೆಲ್ಲೊ ನಾಮ್ಣೆಚೊ ಕವಿ. ಜಿಲ್ಲಾ ಮಟ್ಟಾಚಿ ರಾಜ್ಯೊತ್ಸವ್ ಪ್ರಶಸ್ತಿ ಆಪ್ಣಾಯ್ಲ್ಯಾ ಮಾತ್ರ್ ನ್ಹಂಯ್ ಆಸ್ತಾಂ ತೊ ನಾಮ್ಣೆಚೊ ಪದಾಂ ಘಡ್ಣಾರ್. ಆಪ್ಲ್ಯೊ 3 ಪದಾಂಚ್ಯೊ C.D. ಕಾಡ್ಲ್ಯಾತ್ ಮಾತ್ರ್ ನ್ಹಂಯ್ ಆಸ್ತಾಂ 1 ಭಕ್ತಿಕ್ ಗಿತಾಂಚಿ C.D. ಸಾಂಗಾತ್ಪಣಾಂತ್ ಕಾಡ್ಲ್ಯಾ.ತಾಣೆ ಘಡ್‍ಲ್ಲಿಂ ಸಭಾರ್ ಪದಾಂ ಆನಿ ಕವಿತಾ ಸಭಾರ್ ಸ್ಪರ್ದ್ಯಾಂನಿ ಸ್ಪರ್ದಿಕಾಂಕ್ ಸಭಾರ್ ಬಹುಮಾನಾಂ ಆಪ್ಣಾಂವ್ಕ್ ಕಾರಣ್ ಜಾಲ್ಯಾಂತ್. ಕವಿತಾ ವಾಚನಾಂತ್ ಆಪ್ಲಿಚ್ಚ್ ಎಕ್ ಶೈಲಿ ಆಸಾ ಕೆಲ್ಲ್ಯಾ ಆರ್ಥರಾನ್ ದುಬಾಯಾಂತ್ಲೆಂ ಆಪ್ಲ್ಯಾ ಗಾಂವ್ಚೆಂ ಸಂಘಟನ್ ಒಮ್ಜುರ್ಚೆ ದಿವೆ ಹಾಂತುಂ ಆಪ್ಲೊ ಸಕ್ರೀಯ್ ವಾವ್ರ್ ದಿಲಾ. ತಾಚೆ ಉತ್ತೀಮ್ ನಾಯಕತ್ವಚೆ ಗೂಣ್ ಖಂಡಿತ್ ಜಾವ್ನ್ ದಾಯ್ಜಿ ದುಬಾಯ್ ಸಂಘಟನಾಕ್ ಆನಿಕೀ ಉಂಚ್ಲ್ಯಾ ಪೌಂವ್ಡ್ಯಾಕ್ ಪಾವೊಂಕ್ ಆಧಾರ್ ಜಾತೆಲೆ.

ಆಲ್ವಿನ್ ಪಿಂಟೊ ದುಬಾಯಾಂತ್ಲೊ ಭೊ‍ವ್‍ಚ್ಚ್ ಆನ್ಭೊಗಿ ಆನಿ ಜಾಣ್ತೊ ಸಂಘಟಕ್.ದುಬಾಯಾಂತ್ಲೆಂ ಪ್ರಖ್ಯಾತ್ ಸಂಘಟನ್ ಮಂಗ್ಳೂರ್ ಕೊಂಕಣ್ಸ್ ಹಾಚೊ ಸ್ಥಾಪಕ್ ಸಾಂದೊ ಮಾತ್ರ್ ನ್ಹಂಯ್ ಆಸ್ತಾಂ ಆಧ್ಯಕ್ಷ್ ಜಾವ್ನ್ ತಾಣೆ ಆಪ್ಲಿ ಸೆವಾ ದಿಲ್ಯಾ.ಎಕ್ ಚತುರ್ ಸಂಘಟಕ್, ಬರೊವ್ಪಿ ಆನಿ ನಾಂವಾಡ್ದಿಕ್ ರಂಗ್ ನಟ್.ಲೇಖ್ ಪಾಕ್ ತಾಚೆಂ ಮೊಗಾಚೆಂ ಕ್ಷೇತ್ರ್ ಜಾಲ್ಲ್ಯಾನ್ ಹ್ಯಾ ರುಪ್ಯಾಳಾ ಉತ್ಸವಾಚ್ಯಾ ವರ್ಸಾ ಖಜಾನ್ದಾರ್ ಜಾವ್ನ್ ತಾಚಿ ಸೆವಾ ದಾಯ್ಜಿ ದುಬಾಯ್ ಸಂಘಟನಾಕ್ ವ್ಹಡಾ ಉಪ್ಕಾರಾಚಿ ಜಾತಾಲಿ.

1999 ಇಸ್ವೆಂತ್ ಆಸ್ಥಿತ್ವಾಕ್ ಆಯಿಲ್ಲೊ ದಾಯ್ಜಿ ಲೇಖಕಾಂಚೊ ಎಕ್ತಾರ್ ಪಾಶಾರ್ ಜಾಲ್ಲ್ಯಾ 24 ವರ್ಸಾಂನಿ ಮಂಗ್ಳೂರಿಯನ್ ಕೊಂಕ್ಣಿ ಸಂಸಾರಾಕ್ ದಿಲ್ಲಿ ಸೆವಾ ಕೊಣಾಕೀ ಚಿಂತುಂಕ್ ಜಾಯ್ನಾ ತಸಲಿ.ಕೊಂಕ್ಣಿ ಸಾಹಿತ್ಯ್ ಸಂಸಾರಾಂತ್ ದಾಯ್ಜಿ ದುಬಾಯ್ ಸಂಘಟನಾಚಿ ವಾಡಾವಾಳ್ ಚಿಂತ್ಪಾ ಬಾಯ್ಲಿ.ಹಾಂತುಂ ದಾಯ್ಜಿ ದುಬಾಯ್ ಸಾಹಿತಿಕ್ ಪ್ರಶಸ್ತಿ, ಜಿಣಿಯೆ ಸಾಧಕ್ ಪ್ರಶಸ್ತ್ಯೊ. ಕೊಂಕ್ಣಿ ಸಾಹಿತ್ಯ್ ಆನಿ ಕವಿತಾಂ ವಯ್ರ್ ವಿವಿಧ್ ಕಾರ್ಯಾಗಾರಾಂ. ಹಾಸ್ಯ್ ಕಾರ್ಯಕ್ರಮಾಂ, ವಿವಿಧ್ ಸಾಂಸ್ಕ್ರತಿಕ್ ಕಾರ್ಯಿಂ, ನವ್ಯಾ ಬುಕಾಂಚೆಂ ಪ್ರಕಟಣ್, ಗರ್ಜೆವಂತ್ ಕೊಂಕ್ಣಿ ಬರೊವ್ಪಿ ಆನಿ ವಾವ್ರಾಡ್ಯಾಂಚೆಂ ಗರ್ಜೆಕ್ ಪಾಂವ್ಚೆಂ ಆಶೆಂ ಕೊಂಕ್ಣೆಕ್ ಸಂಬಂದ್ ಜಾಲ್ಲ್ಯಾ ಹರ್ಯೆಕ್ ಕಾರ್ಯಾಂನಿ ದಾಯ್ಜಿ ದುಬಾಯ್ ಸಂಘಟನಾನ್ ಆಪ್ಲೆಂ ಮೆತೆರ್ಪಣ್ ಘೆತ್ಲಾಂ.

ಡಯಾನ್ ಡಿ'ಸೋಜಾ ಹಾಣೆ ಸಂಚಾಲಕ್ ಜಾವ್ನ್ ಆಪ್ಲ್ಯಾ ಉಲೊವ್ಪಾಂತ್ ಆದ್ಲೊ ಸಂಚಾಲಕ್ ನಾನು ಮರೋಲ್ ತೊಟ್ಟಾಮ್, ಸಹ ಸಂಚಾಲಕ್ ಸುನಿಲ್ ಫೆರ್ನಾಂಡಿಸ್ ಕೊಟಾ ತಶೆಂಚ್ ಖಜಾನ್ದಾರ್ ಸಂತೊಶ್ ಪೆರ್ಲಾ ಹಾಣಿ ದಿಲ್ಲ್ಯಾ ಸೆವೆಚೊ‌ಉಗ್ಡಾಸ್ ಕಾಡ್ನ್ ತಾಂಕಾಂ ಧಿನ್ವಾಸ್ ಪಾಟಯ್ಲೆ.

ಭಾತ್ಮಿ: ದಾಯ್ಜಿದುಭಾಯ್

[Khobor] Daijidubhai songhottonache nove hud'dedar

Daijidubhai songhottonache nove hud'dedar

Namnnecho Konknni karbhari, nattok nirdexok ani nott, lekhok, samajik karyokort, Daiji Dubai lekhokancho ektar hacho sthapok sonchalok Dayan DSouza Mukamar haka UAEntlo Konknni lekhokancho ektar Daiji Dubai Konknni lekhokancho ektar hacho sonchalok zaun portun avirodh zaun vinchounn kelea. Kovi Arthor Pereira Omzur haka soho sonchalok zaun ani Alwyn Pinto haka khozandar zaun Dayan DSouzak sangat divonko niyukt kelam. Pattlea disamni Dubaint chol‍l'lea Daiji Dubai jeral zomate vellim 2024 - 26 chea audek hea somitichi vinchounn kelea.

Dayan DSouza Mukamar keul Monglluri Konknni somudhayent matr nhoim astam, Gõykar toxench itor Mongllurchea somudhayam modem aplea puddarponna lagon bhovo‍ch manachem namv. Kola toxench samajik chottuvottikeamni apar anbhog taka asa.Tanne notton korun nirdexit kel'le bhovo yoxosvi nattok "amim nat‍l'lea vellar" ani "mom'ma rittairdd zata" U.A.E. Matr nhoim astam itor golf raxttramni toxench bharotachea sobhar xohoramni hous‍ful prodorxonam zaleant.Tachea vixixtt mukhelponnachea gunnank soglli somaz taka mandta.Aplea rupealla utsovachea humbrar aschea Daiji Dubai songhottonak Dayan DSouzachem mukhelponn ani apar zannvoi Daiji Dubai songhottonak apar gorjek poddtali. Daiji Dubai songhottonan edoll‍chch Dubaint toxench Mongllurant aplea rupealla utsovachea ugddasak sobhar kareanchi manddavall edoll‍chch kelea.

Arthor Pereira Omzur aplea bhaunatmok ani arth‍purnn kovitem lagon namv vel'lo namnnecho kovi. Jil'la mott'ttachi rajeotsou proxosti apnnailea matr nhoim astam to namnnecho podam ghoddnnar. Apleo 3 podancheo C.D. Kaddleat matr nhoim astam 1 bhoktik gitanchi C.D. Sangatponnant kaddlea. Tanne ghodd‍l'lim sobhar podam ani kovita sobhar spordeamni spordikank sobhar bohumanam apnnaunko karonn zaleant. Kovita vachonant aplichch ek xoili asa kel'lea Arthoran Dubaintlem aplea gamvchem songhotton omzurche dive hantum aplo sokri-i vaur dila. Tache ut'tim' naikotvoche gunn khonddit zaun Daiji Dubai songhottonak aniki unchlea poumvddeak pavonk adhar zatele.

Alwyn Pinto Dubaintlo bho‍v‍chch anbhogi ani zannto songhottok. Dubaintlem prokheat songhotton Mongllur konkonns hacho sthapok sando matr nhoim astam adhyokx zaun tanne apli seva dilea.Ek chotur songhottok, boroupi ani namvadd'dik rong nott.Lekh pak tachem mogachem kxetr zal'lean hea rupealla utsovachea vorsa khozandar zaun tachi seva Daiji Dubai songhottonak vhodda upkarachi zatali.

1999 isvent asthitvak ayil'lo daiji lekhokancho ektar paxar zal'lea 24 vorsamni Monglluriyon Konknni somsarak dil'li seva konnaki chintunk zaina tosoli. Konknni sahity somsarant Daiji Dubai songhottonachi vaddavall chintpa baili. Hantum Daiji Dubai sahitik proxosti, jinnie sadhok proxosteo. Konknni sahity ani kovitam voir vividh kareagaram. Hasy karyokromam, vividh samskrotik karyim, novea bukanchem prokottonn, gorjeunt Konknni boroupi ani vauraddeanchem gorjek pamvchem axem konknnek sombond zal'lea horyek kareamni Daiji Dubai songhottonan aplem meterponn ghetlam.

Dayan DSouza hanne sonchalok zaun aplea uloupant adlo sonchalok nanu morol tott'ttam', soho sonchalok Sunil Fernandes Kotta toxench khozandar Santosh Perla hanni dil'lea sevecho‌ugddas kaddn tankam dhinvas pattoile.

Khobor: Amcho Bhatmi

[खबर] डयान डी’सोजा मुकामर दायजी दुबाय संघटनाचो नवो तांडेली

दायजिदुभाय संघटनाचे नवे हुद्देदार
नामणेचो कोंकणी कार्भारी, नाटक निर्देशक आनी नट, लेखक, सामाजीक काऱ्यकर्त, दायजी दुबाय लेखकांचो एक्तार हाचो स्थापक संचालक डयान डी’सोजा मुकामर हाका यू.ए.इंतलो कोंकणी लेखकांचो एक्तार दायजी दुबाय कोंकणी लेखकांचो एक्तार हाचो संचालक जावन पर्तून आविरोध जावन विंचवण केल्या. कवी आर्थर पिरेरा ओमजूर हाका सह संचालक जावन आनी आलवीन पिंटो हाका खजानदार जावन डयान डी’सोजाक सांगात दिवंक नियुक्त केलां. पाटल्या दिसांनी दुबायांत चल‍ल्ल्या दायजी दुबाय जेराल जमाते वेळीं २०२४ - २६ च्या आवदेक ह्या समितिची विंचोवण केल्या.

डयान डी’सोजा मुकामर केवल मंगळूरी कोंकणी समुधायेंत मात्र न्हंय आसतां, गोंयकार तशेंच इतर मंगळुर्च्या समुधायां मदें आपल्या पुडार्पणा लागोन भोव‍च मानाचें नांव.कला तशेंच सामाजीक चटुवटिक्यांनी आपार आनभोग ताका आसा.ताणे नटन करून निर्देशीत केल्ले भोव यशस्वी नाटक "आमीं नात‍ल्ल्या वेळार" आनी "मम्मा रिटायर्ड जाता" यू.ए.ई. मात्र न्हंय आसतां इतर गलफ राषट्रांनी तशेंच भारताच्या सभार शहरांनी हौस‍फूल प्रदर्शनां जाल्यांत.ताच्या विशिश्ट मुखेल्पणाच्या गुणांक सगळी समाज ताका मांदता. आपल्या रुप्याळा उत्सवाच्या हुंबरार आसच्या दायजी दुबाय संघटनाक डयान डी’सोजाचें मुखेल्पण आनी आपार जाण्वय दायजी दुबाय संघटनाक आपार गर्जेक पडताली.दायजी दुबाय संघटनान एदोळ‍च्च दुबायांत तशेंच मंगळूरांत आपल्या रुप्याळा उत्सवाच्या उगडासाक सभार काऱ्यांची मांडावाळ एदोळ‍च्च केल्या.

आर्थर पिरेर ओमजूर आपल्या भावनात्मक आनी आर्थ‍पूर्ण कवितें लागोन नांव वेल्लो नामणेचो कवी. जिल्ला मट्टाची राज्योत्सव प्रशसती आपणायल्या मात्र न्हंय आसतां तो नामणेचो पदां घडणार. आपल्यो ३ पदांच्यो C.D. काडल्यात मात्र न्हंय आसतां १ भक्तीक गितांची C.D. सांगात्पणांत काडल्या.ताणे घड‍ल्लीं सभार पदां आनी कविता सभार स्पर्द्यांनी स्पर्दिकांक सभार बहुमानां आपणावंक कारण जाल्यांत.कविता वाचनांत आपलिच्च एक शैली आसा केल्ल्या आर्थरान दुबायांतलें आपल्या गांवचें संघटन ओमजुर्चे दिवे हांतूं आपलो सक्रीय वावर दिला. ताचे उत्तीम नायकत्वचे गूण खंडीत जावन दायजी दुबाय संघटनाक आनिकी उंचल्या पौंवड्याक पावोंक आधार जातेले.

आलवीन पिंटो दुबायांतलो भो‍व‍च्च आनभोगी आनी जाणतो संघटक.दुबायांतलें प्रख्यात संघटन मंगळूर कोंकणस हाचो स्थापक सांदो मात्र न्हंय आसतां आध्यक्ष जावन ताणे आपली सेवा दिल्या.एक चतूर संघटक, बरोवपी आनी नांवाडदीक रंग नट.लेख पाक ताचें मोगाचें क्षेत्र जाल्ल्यान ह्या रुप्याळा उत्सवाच्या वर्सा खजानदार जावन ताची सेवा दायजी दुबाय संघटनाक व्हडा उपकाराची जाताली.

१९९९ इस्वेंत आस्थित्वाक आयिल्लो दायजी लेखकांचो एक्तार पाशार जाल्ल्या २४ वर्सांनी मंगळूरियन कोंकणी संसाराक दिल्ली सेवा कोणाकी चिंतुंक जायना तसली. कोंकणी साहित्य संसारांत दायजी दुबाय संघटनाची वाडावाळ चिंत्पा बायली.हांतूं दायजी दुबाय साहितीक प्रशसती, जिणिये साधक प्रशसत्यो.कोंकणी साहित्य आनी कवितां वयर विवीध काऱ्यागारां. हास्य काऱ्यक्रमां, विवीध सांसक्रतीक काऱ्यीं, नव्या बुकांचें प्रकटण, गर्जेवंत कोंकणी बरोवपी आनी वावराड्यांचें गर्जेक पांवचें आशें कोंकणेक संबंद जाल्ल्या हऱ्येक काऱ्यांनी दायजी दुबाय संघटनान आपलें मेतेर्पण घेतलां.

डयान डी'सोजा हाणे संचालक जावन आपल्या उलोवपांत आदलो संचालक नानू मरोल तोट्टाम, सह संचालक सुनील फेर्नांडीस कोटा तशेंच खजानदार संतोश पेरला हाणी दिल्ल्या सेवेचो‌उगडास काडन तांकां धिन्वास पाटयले.
खबर: आमचो भात्मी
Previous

ದಾಯ್ಜ್.ಕೊಮ್

2004 ಥಾವ್ನ್ 2011 ಪರ್ಯಾಂತ್ ಕಾರ್ಯಾಳ್ ಆಸ್‌ಲ್ಲ್ಯಾ ದಾಯ್ಜ್.ಕೊಮ್ ಚೆರ್ ಪರ್ಗಟ್‌ಲ್ಲ್ಯಾ ವಿಂಚ್ಣಾರ್ ಸಾಹಿತಾಕ್ ಆಮಿ ಫುಡಿಲ್ಯಾ ದಿಸಾಂನಿ ಪಯ್ಣಾರಿ ವಾಚ್ಪ್ಯಾಂಕ್ ಲಾಭಯ್ತೆಲ್ಯಾಂವ್.

ಮುಖ್‌ಪಾನ್

ಆಶಾವಾದಿ ಪ್ರಕಾಶನ್

ಪ್ರಗತಿಶೀಲ್ ಬರಯ್ಣಾರ್